თემის საბეჭდი ვერსია

დააწკაპუნეთ აქ, რათა იხილოთ თემა ორიგინალ ფორმატში

მართლმადიდებლური ფორუმი _ ზოგადი რელიგიური საუბრები და სიახლენი _ ტრადიციონალიზმი და მოდერნიზმი

პოსტის ავტორი: (Νικόλαος) თარიღი: Jun 5 2010, 04:09 PM

მე მინდა შემოგთავაზოთ ალექსნდერ ლებდეფის რომელიც სასულიერო პირი იყო (არ ვიცი ახლაც არის თუ არა) რუსულ მართლმადიდებლურ ეკლესიაში რუსეთის გარეთ (ROCOR) სტატია ტრადიციონალიზმსა და მოდერნიზმზე მართლმადიდებელ ეკლესიაში. (სტატია ცოტა შევამოკლე და სრულად არ არის)

მეცხრამეტე საუკუნეში რუსულ ეკლესიაში ლიბერალურმა იდეებმა იღვივა და ბევრმა სასულიერო პირმა მოინდომა ეკლესიის ''გალიბერალება'' (რასაც ალბათ ხელს უწყობდა მოახლოებული რევოლუციის ალბათობა) რაც გამოიხატებოდა შემდეგში: ახალი კალენდრის შემოღება, ქორწინების უფლება ეპისკოპოსებისთვის, მეორედ დაქორწინების უფლება სასულიერო პირებისთვის, საეკლესიო მსახურების დროის შემოკლება, მარხვის სიმკაცრის და დროის შემოკლება, სასულიერო პირებისთვის საერო ტანსაცმლის ტარების უფლება ეკლესიის გარეთ, წვერის პარსვაზე და თმის შეკვეცაზე ნების დართვა და ასე შემდეგ.

ამ დროს ეკუმენური პატრიარქი იყო მელეტიოს მეხატაკისი, (რომელზეც ეჭვები და მგონი დოკუმენტებიც აქვთ რაღაც საკითხზე რომელსაც შეგნებულად არ ვწერ და ვისაც სურვილი გაქვთ ამ ადამიანზე პიემში დაგელაპარაკებით), რომელიც ასევე რეფორმისტი იყო. სწორედ იგი იყო ერთერთი ინიციატორი ახალი კალენდრის შემორებისა.

1923 წელს ცონსტანტინეპოლის სინოდზე ეს იდეა სისრულეში მოიყვანეს და ახალი, ე.წ ''განახლებული იულიანური'' კალენდარი ბევრმა ეკლესიამ მიიღო. მაგრამ ამას კარგი შედეგი ნამდვილად არ მოუტანია. ამან დიდი ზიანი მიაყენა ბევრ ადგილობრივ ეკლესიას და სქიზმები წარმოშვა.

დღეს-დღეობით მოდერნისტულ ეკლესიებში ხშირ შემთხვევებში მდგომარეობა ასეთია: ეკლესიებში დგას სკამები, ზოგგან ორღანიც, მღვდლების უმეტესობას და ხანდახან ეპისკოპოსებსაც აცვიათ კოსტიუმები და უკეთიათ კოლარები, (თეთრი საყელო რომელსაც კათოლიკე და პროტესტანტი სასულიერო პირები ხმარობენ) მთლიანად იპარსავენ წვერს, სასულირო პირებს კი მიმართავენ შემოკლებული სახელიტ მაგალითად: ''მამა ტომ!''მსახურება შემოკლებულია და ასე შმედეგ. ამ ყველაფერმა არაფერი მოიტანა გარდა პრობლემებისა.

ამის შემდეგ მიჩნდება კითხვა, ოღონდ არა ნიშნის მოგებით რადგან მე ქართულ სამოციქულო მართლმადიდებლურ ეკლესიას ვეკუთვნი და არავითარი სურვილი არ მაქვს სხვა ეკლესიას ვეკუთვნოდე, მაგრამ მაინტერესებს რაში არიან ე.წ ძველი კალენდარისტები არასწორი?