 ქართველ მეფეთა და დედოფალთა შემოქმედება |
სტუმარს სალამი ( შესვლა | დარეგისტრირება )
| marine |
 Jun 28 2007, 02:00 PM
პოსტი
#1
|
 მ_ა_კ_ა  ჯგუფი: co-Moderators პოსტები: 58,051 რეგისტრ.: 3-November 06 მდებარ.: გულის საკურთხეველი:) წევრი № 381  |
ფორუმელებო, აქ განვათავსოთ ჩვენი მეფეებისა და დედოფლების შემოქმედება..
მეფე თეიმურაზ I (1589 - 1663) გრემის სასახლეზე 1 ღმერთი არს თავის ყოველთა, იგ ვაქოთ, განვადიდოთო, სამნი ნათელნი ერთად ვთქვათ მამა, ძე, სული წმინდოთო, მისის ცნობითა განვნათლდეთ, გონება განვიწმინდოთო, განვაგდოთ უსჯულოება, ნუ ვემსგავსებით დიდოთო. 2 აქ არის აშოტ, გუმბაზი ბაღჩას დგას შუა-გულოსა, შიგ ათასფერნი ყვავილნი, ვარდი გაშლილი გულოსა, ცნობილთა კაცთა საჯომლად ადრითგან გამეგულოსა, ჩემიმც ცოდვა აქვს, ავს კაცსა კარი არ დაუგულოსა. 3 აქ არის ბაზმის სოჰბათი, სუფრისა შემკობილობა, დრო ახალ ნერგთა ყვავილთა, ტურფა ვარდისა შლილობა, ბულბულთა ბგერა, ყივილი, ხმა-მჭევრად შეწყობილობა, მუტრიბთა რასტი მუღამი, სასმენელთათვის ტკბილობა 4 თვითან შვენის და აშვენებს წალკოტსა, ბაღჩა-ბაღასა, თუ ლხინი გინდათ, თქვენც ნახავთ სხვას უკეთესსა რაღასა? გიაჯ, ჩემს უკან ვინც დარჩეთ: პატრონსა, ყმასა, აღასა, ვინც უპატიოდ მიეპყრას, ცოლიც მისი ჰგავს ბაღასა. 5 სახლი შევმზადე სალხინოდ მე მეფემ თეიმურასო, შევამკევ კედელ-ყურენი, ვეჭვ, თავსაც კარგად ბურავსო, დავხატე ფერად-ფერადად, ჰგავს, რამე იყოს მურასო, ტალახიანის ფერხითა ნურავინ გამიმურავსო. 6 რომ თქვენი სხივნი არ მისწვთა, არ მორჩა შუკა-დაბანი, შენ შემოგჭვრეტენ მყურენი, სად სარკმელია და ბანი, რაზომც ჯერ ვერ თქვენ გიახლოს, თვალნი, მინა და დაბანი, ვფიცავ, რომ ყველა გახდების თქმა ტკბილად, ანუ და ბანი. 7 შენებრ ვინ ვპოვოთ მნახავთა, პირველვე ვიცით, რაც არის, რომ ზღუდეც მოვლოთ ქვეყნისა, ანუ მიდამო რაც არის, წაღმავე მოვა თქვენს წინა, ვინცა უკუღმა რაც არის, ვარსკვლავთა დასნი გემონენ, ერთმანეთს მსწრობნი რა ცა რის. 8 მსგავსად საკადრად ხელ-ყოფნა, ნეტარ, ვით ძალ-აქვს ენას მით! სხვანი ყოფილნი ხტომით თქვეს, მაგრა თქვენს შუქსა ენასმით, შორს მყოფნი ამად ნატრობენ, მოგახლდენ, - იყვნეთ ენასმით, თქვენს სიყვარულსა ზავებდენ, იგ ტკიბლად რასმე ე ნასმით. 9 მწერალიც დაშვრა ცოტადრე, გარჯა ხვდა, რა ეს აწერა, ცოდნა და ხელოვნება ხამს, თვარ უქმად ყოფნა აწე რა? მოდით, იკითხეთ, ტრფიალონო, შემოკრებილ აქა წერა, გულო, ვერ მოსხლტი ქებითა, წიგნის პატრონზედ ა წერა! თამარის სახე დავით გარეჯას მეფენი მოვლენ სურვილით, შენსა სახესა ჰმონებენ, შეურაცხჰყოფენ მნათობთა, ნათლად არ მოიგონებენ, სხივ-მოსიერად გიმზერენ, უვკდავ-მყოფელად გგონებენ, იშვებენ, მათთა პატიჟთა მათ ლხინთა შეუწონებენ. შენ სამებაო, ერთ-არსებაო, სამ-გვაროვნებით ერთო, განუწვალებელო, ერთ ბუნებო, უშობელო და ძეო შობილო, სულო მამისაგან გამომავალო, მოსავსა შენსა მეფესა, პატრონს თეიმურაზს, მეოხ მეყავ. ოდეს მოხვიდე განკითხვად, ქრისტე, და გამოჩნდეს მადლი, დიდება შენი და დასჯდე ცხოველთა და მკვდართა მსაჯულად, და განარჩევდე ცხოვართა თიკანთაგან, ნუ წარმავლენ მარცხენით კერძო, შეცოდებულსა ამას მონასა შენსა, არამედ მომეც შენოდა ბრალეუსა. დედაო უსხეულოსა ნათლისაო და მშობელო სიტყვისა ღვთისაო, საყდარო, ეტლო, ღრუბელო ნათლისაო, მე დაბნელებუსა ამას ცოდვათაგან, მითხოვე ძისა შენისაგან შენდობა ბრალთაგან. რომელნი მიემთხვივნეთ ჩემსა ამას მცირესა ნაღვაწსა აღსარებასა წმიდნისა სამებისასა, გაფუცებთ ცხოველსა მას ღმერთსა ყოველთასა, შენდობას ჰყოფდეთ ჩემ ცოდვილსა ამის მეფისა თეიმურაზისათვის, რათა ქრისტემან თქვენცა მოგცეს მისისა სასუფეველის მკვიდრობა და კურთხევისა ხმისა მისისა სმენა. ამინ. -------------------- "კ უ ს_ ნ ა ბ ი ჯ ე ბ ი თ_ ფ უ ძ ი ა მ ა ს_ მ თ ი ს კ ე ნ".
------------------- "არც შექებით ვხდებით უკეთესნი და არც გაკიცხვით უარესნი." /არქიმანდრიტი რაფაელი (კარელინი)/ -------------------- "ფრაზა, რომელსაც ხშირად იყენებდნენ ძველი გადამწერები: "ჴელი მწერლისა მიწასა შინა ლპების და ნაწერნი ჰგიან". |
   |
 
|
  |
გამოხმაურებები
| marine |
Jul 12 2007, 02:29 PM
პოსტი
#2
|
|
მ_ა_კ_ა ჯგუფი: co-Moderators პოსტები: 58,051 რეგისტრ.: 3-November 06 მდებარ.: გულის საკურთხეველი:) წევრი № 381 |
დავით აღმაშენებელი
"გალობანი სინანულისანი" (ქართული ლირიკის ერთი შედევრთაგანი) უგალობდითსა 1. რომლისაცა წინაშე ქედ-დადრეკილ არს ყოველი, მუჴლი ყოველი მოდრკების და ენაჲ ყოველი შენსა ჴმობს აღსარებასა, მეცა, სიტყუაო, აღმსარებელსა მომხედენ! 2. ხატსა თჳსსა მამსგავსე და საკრველად გრძნობადისა და გონიერისა მყოფობისად დამაწესე შენებრ არსთა სიტყუებისა ჩემ შორისცა შეკრებითა, ხოლო მე უმადლო გექმენ. 3. ბუნებითი რაჲ ძალნი არა სჯულთაებრ ვიჴუმიენ მსგავსებისაგან დავაკლდი და დავჰბადე ბოროტი, ხოლო ხილულთა-მიერსა გემოვნებასა ვრცელად განუხუენ გრძნობანი. 4. ქალწულო, ბრალეულთა თავმსდებო, რომელმან სიტყუაჲ განაზრქე ჴორცითა და კარვითა მიწისაჲთა, სიზრქე უსასოებისაჲ განმძარცუე, რაჲთა მონანული შეგივრდე შენ! განძლიერდითსა 1. ბუნებითსა რაჲ პორფირსა თჳთმფლობელობასა თანა მეფობისაცა შარავანდნი მარწმუნენ, ხოლო მე ვნებათა ბილწთა მონად მივჰყიდე თავი, რამეთუ „რომლისაგანცა ვინ ძლეულ არნ, მისდაცა დამონებულ არნ.“ 2. კაენის მკვლელებრი ცნობაჲ, სეითის ძეთა ლირწებაჲ, გმირთა სიღოდით მავალობაჲ ხუთ ქალაქელთა შეგინებისა მწჳრე - უფროჲს ვამრავალწილე, ვითარცა რაჲ აღმართ-მსრბოლმან მდინარემან უკეთურებისამან. 3. მეგჳპტური გულმძიმობაჲ, ქანანელთა ჩუეულებანი, მსხუერპლვაჲ ნაგებთაჲ, ზმნაჲ და სახრვაჲ, კოწოლი თმათაჲ და სხუანი, რომელთაჲ შენ ჰბრძანე არა-მსგავსებაჲ, უწარმდებესად მოვიგენ თჳთ მათ პირმშოთა სახეთასაცა. 4. ამისთჳს იყო ქალწული და ჴორც-ქმნაჲ სიტყჳსაჲ, რაჲთა დედობრივთა ოხათა მიერ ცხოვნდნენ ცოდვილნი, რომელთა პირველი, საშუალი და დასასრული, მე ვარ, ვითარცა უფსკრული, შესაკრებელი ბილწებისა ღუართაჲ! მესმასა 1. ისრაელისა მეფეთა ვჰბაძევდ, გარნა უსჯულოთა და რავდენ მეძლო, ვსცდებოდე მაღალთა ზედა კუმევისა, და წარმართთა აღრევისა მიერ, და ძალთა ცისათა თაყუანისცემისა. 2. ზენაჲს მოძრაობისა ასურასტანული ზმნობაჲ, და ცთომილთა ვარსკულავთა და უცთომელთა კრებაჲ და განყრაჲ, სუჱ და ბედი და შობის დღე, ვითარ საღმრთოთა უსმენელმან, ვიჩქურენ. 3. ელლინთა მიერ ვერ ცნობაჲ სიბრძნითა ღმრთისაჲთა ღმრთისაჲ და შემოქმედისაგან შექმნილთა მიმართ ცვალებაჲ თაყუანისცემისაჲ სრულ-ვყავ, რაჟამს თითოეულსა ვნებისა კერპსა ვჰმსახურე. 4. ამისთჳს ღმერთ-მამაკაცებრ მოქმედ იქმნა ზეშთა ღმერთთაჲ, რაჲთა კაცებრ უწყოდნის ვნებანი ჩუენნი და ღმრთეებრ იჴსნიდეს ბრალთაგან, რომელთა ღმრთისმშობელად ქადაგონ ქალწული დედაჲ! ღამითგანსა 1. შჯულნი დავთრგუნენ წიგნისა [ნი], და ახალი ბუნებითურთ, და შჯულისა შენისა მოწამე, შჯული გონებისაჲ, ცოდვისა და ჴორცთა შჯულსა დავამონე. 2. თითოეულთა მჴეცთაგან შეზავებულსა მჴეცსა ვემსგავსე, მრავალ-გუარსა და მრავალ-ხატსა და სხუა ჟამ სხუებრ ხილულსა და მკსენარსა ბუნებისაებრ თითოეულისა. 3. არა შევძრწუნდი მანგლისაგან მფრინვალისა, რომელი შურსა სიკუდილისასა მიჰჴდის, რომელნი ჩემებრ მიდმემად ცრუდ ფიცვიდენ განსაკრთომელსა სახელსა შენსა. 4. ამისთჳს სისხლთა ქალწულებრივითგან ჴორცნი ღმრთისანი და ახალი შეზავებაჲ, ღმერთი და კაცი, რაჲთა იოხდეს დედაჲ ჩემებრ განწირვით უსასო-ქმნილთა! ღაღადყავსა 1. სოლომონისაჲსა წურბლისა მსგავსად ვერ მაძღარი სხუათა სოფლის კიდეთა ვეძიებ დაპყრობად და ღმრთისა საზღვართა ვაბრალობ, ვითარცა მცირეთა და უნდოთა ჩემისამდე უძღებებისა და გულისთქუმისა. 2. ბოროტად გარდავჰჴედ საზღვართა და შევჰრთე სახლი სახლსა, და აგარაკი აგარაკსა, და უუძლურესთა მივჰხუეჭე ნაწილი მათი, და ვიღუწიდ უმეზობლობასა, ვითარცა მარტოჲ ვმკჳდრობდი ქუეყანასა ზედა. 3. მბრძოლ ვექმენ ყოველთა წესთა სჯულისა შენისათა და ქორწილთა მიერ ხენეშთა ვჰმძლავრე საწოლსა ჩემსა, და სახეთა მიერ ბოროტთა მიცემითა ვაცოდვე ერი ჩემი, ვითარცა მეფეთა მისთა - ისრაელი. 4. ამისთჳს ქალწული დედაჲ და შობაჲ ახალი სიტყჳსაჲ, რაჲთა ახალი ხატყოფაჲ მეორედ მისცეს ცოდვით განრყუნელთა მისთა, დედობრივთა რაჲ ოხათა ბრძმედითა დაადნოს ყოველი ნივთი შეცოდებისაჲ! კურთხეულ არსა 1. ვეცხლი, ვითარცა მიწაჲ და ოქროჲ, ვითარ თიჴაჲ უბნისაჲ ვიუნჯენ, თაყუანის-ვეც ანგაჰრებისა მამონას ვითარ-იგი ძუელთა მათ - ბაალს და ასტარტეს და ქამოსს საძაგელსა. 2. სიტყუაჲ წმიდაჲ და ბჭეთა ზედა მამხილებელი მოვიძულენ, ხოლო მლიქნელთა ძმაცული სივერაგე ვითნე, და შემასმენელთანი დავიტკბენ მზრახვანი და ცრუნი განვსცენ მსჯავრნი. 3. ცრემლნი ქურივთანი და ობოლთა ბრგუნვილი ტირილი არ შევიწყალე, არა განუხუენ ნაწლევნი მოქენეთა, უფროჲსღა, შენ, ქრისტეს, რომელი იზრდები მცირედითა ზრდითა მათითა. 4. ამისთჳს შობაჲ ღმრთისაჲ ადამიანისაგან დედაკაცისა, რაჲთა მიწით შობილთა კაცთა ცთომასა, ვითარცა ღმრთისა დედაჲ დაჰჴსნიდეს ქალწული და იოხდეს ცოდვილთა! აკურთხევდითსა 1. ესენი ვცოდენ, სახარებისა სჯულთა და მცნებათა შენთა შინა მცემელთა რაჲ ყურმილისა მიპყრობასა და გლახაკთათჳს განშიშულებასა, და რაჲთურთით არა ფიცსა შენ, სჯულის-მდებელი ჩემი, ჰბრძანდები და გულისთქუმით მიმხედველობასა განსრულებად მრუშებად დასდები. 2. დაღათუ ესრეთ განვხრწენ ყოველნი გრძნობანი და ყოვლად ხრწნილება ვიქმენ, გარნა არავე აღვიხუენ ჴელნი, არცა დავდე სასოებაჲ ჩემი ღმრთისა მიმართ უცხოჲსა, არცა უცხო-თესლი რაჲმე სარწმუნოებაჲ საწურთელ ვყავ სულისა, გარეშე მისსა, რომელი მასწავეს ღმრთისმეტყუელთა შენთა! 3. და აწ, მომდრეკელი მუჴლთა გულისათაჲ ვჴმობ, ვითარცა სხუაჲ მანასე, მილხინე, ჵ მეუფეო, მილხინე და ნუ წარმწყმედ ცოდვათა შინა, და ნუ იჴსენებ ძჳრთა ჩემთა, და ნუ დამსჯი მე ქუესკნელთა თანა, რამეთუ შენ ხარ ღმერთი მონანულთაჲ, ამაღლებული ზესკნელს ცათა ძალთაგან! 4. საკუთრად ღმრთისმშობელად გქადაგებთ, უხრწნელო ქალწულო, და გურწამს, ვითარმედ პატივი ხატისა შენისაჲ შენდამო წიაღმოვალს, ღმრთისმეტყველებრ, და ცოდვილთა მოქცევასა ანიშებ მის მიერ, ვითარცა ცხად-ჰყოფს, თეატროჲ იგი მრჩობლთა სოფელთაჲ, სიკეთე ეგჳპტისაჲ, ღირსი მარიამ! ადიდებდითსა 1. ჟამი რაჲ წულილთა და ჴმელთა აღმოფშჳნვათაჲ წარმოდგეს, ზარი მეფობისაჲ წარჴდეს და დიდებაჲ დაშრტეს, შუებაჲ უქმ იქმნნენ, ყუავილოვნებაჲ დაჭნეს, სხუამან მიიღოს სკიპტრაჲ, სხუასა შეუდგენ სპანი, მაშინ შემიწყალე, მსაჯულო ჩემო! 2. გან-რაჲ-ეღოს წიგნი დღესა შინა სასჯელისასა და მე ქედ-დადრეკილი წარმოგიდგე განკითხვად, მსაჯული მართლ სჯიდე, მსახურთა რისხვაჲ ქროდის, მართალნი ნეტარებდენ, ცოდვილთა ჰგუემდეს ცეცხლი, მაშინ შემიწყალე, იესუ ჩემო! 3. ვანაჲთგან აღსარებით გრძნობად და შეკრებად იწყო ძუალი ძუალსა თანა და ნაწევარი ნაწევარსა, და განჴმელთა მოჰბერა სული კუალად - შობისაჲ, მწრამს, ვითარმედ აღვსებაჲ სრულ-ყოს ღმერთმან ჩემ შორის ყოვლისავე სინანულით აღდგომისაჲ! 4. მარტიო, სრულო, სამ-მზეო, ერთ ცისკროვნებაო, განმინათლე მხედველობითი სულისაჲ, რაჲთა გიხილო ნათელი ნათლითა უფლისაჲთა, სულითა ღმრთისაჲთა, გამოგჳბრწყინვო მაშინ დაუსრულებელთა საუკუნეთა! 5. არაჲ უხილავს მზესა ქალწული დედაჲ თჳნიერ შენსა, არცა ჩემოდენ ბრალეულსა - ნათელი მისი, გარნა მე შენითა ოხითა, დედოფალო, ვესავ ხილვად ნათელსა ძისა შენისასა და ნათელსა ზეშთა საუკუნეთასა! http://www.orthodoxy.ge/lotsvani/galoba/davit-galobani.htm -------------------- "კ უ ს_ ნ ა ბ ი ჯ ე ბ ი თ_ ფ უ ძ ი ა მ ა ს_ მ თ ი ს კ ე ნ".
------------------- "არც შექებით ვხდებით უკეთესნი და არც გაკიცხვით უარესნი." /არქიმანდრიტი რაფაელი (კარელინი)/ -------------------- "ფრაზა, რომელსაც ხშირად იყენებდნენ ძველი გადამწერები: "ჴელი მწერლისა მიწასა შინა ლპების და ნაწერნი ჰგიან". |
|
|
|
პოსტი ამ თემაში
marine ქართველ მეფეთა და დედოფალთა შემოქმედება Jun 28 2007, 02:00 PM
ნათია საინტერესო თემაა მ... Jun 28 2007, 03:32 PM
marine
საინტერესო თემაა ... Jun 28 2007, 03:42 PM Lenus კაი აზრია მართლა!
... Jun 28 2007, 03:36 PM maZiebeli მართლაც კარგი თემა... Jun 28 2007, 05:43 PM marine ბორენა დედოფალი
*
... Jul 2 2007, 10:34 AM marine დიმიტრი მეფე
1. შიო ... Jul 3 2007, 04:13 PM marine თამარ მეფე
ცასა ცა... Jul 15 2007, 02:14 PM marine მეფე თეიმურაზ I
სოფ... Jul 31 2007, 04:41 PM catherina_10 marine borena dedofalze aseti informacia movidzie... Jul 31 2007, 05:15 PM marine
marine borena dedofalze aseti informacia movidzi... Jul 31 2007, 05:19 PM marine მეფე, თეიმურაზ I
შე... Aug 1 2007, 12:37 PM catherina_10 ვახტანგ მე VI
ვაი, სი... Oct 15 2007, 04:57 PM marine catherina_10
დიდი მადლობა, ... Oct 15 2007, 05:03 PM catherina_10 marine
რის მადლობა, თუ რ... Oct 16 2007, 10:42 AM sable ჩინებული ლექსებია ... Oct 16 2007, 05:02 PM solomony ვახტანგ მე6
შეგონე... Nov 3 2007, 01:41 AM marine "პროფ. ლ. მენაბდე ... Jun 21 2022, 01:16 PM |
ამ თემას კითხულობს 1 მომხმარებელი (მათ შორის 1 სტუმარი და 0 დამალული წევრი)
0 წევრი:
| მსუბუქი ვერსია | ახლა არის: 17th May 2024 - 03:27 AM |
მართლმადიდებლური არხი: ივერიონი
ფორუმის ელექტრონული ფოსტა: იმეილი
CHURCH.GE-Powered by Giorgi and IPB. Hosting by WebHostinG.Ge
2024
Licensed to: church.ge