ვინ არიან ფარისევლები და მწიგნობრები?, ძველი აღთქმიდან დღემდე პარამეტრები

[მროველი]

[tatiusi]

ფარისეველნი-(განყოფელნი განშორებული) იუდეველებში პარტიის მსგავსი გაერთიანება მაში შედიოდნენ: მღვდელმსახურნი, მწიგნობრები. ისინი როგორც აბრაამის შვილები თავს თვლიდნენ ღვთის მეგობრებად, იცავდნენ სჯულს გარეგანი შეხედულებით, იყვნენ ამპარტავნები, ითვლებოდნენ იუდეველთა მასწავლებლებად, დამცველებად, ამიტომ ხალხში პატივისცემით სარგებლობდნენ.

[marine]

"ვიცით, ფარისევლებისთვის იყო დამახასიათებელი სჯულის გარეგნული ნიშნით აღსრულება, მაცხოვარი კი ასეთ ადამიანებს ეუბნება: "ბაგენი თქვენი მაქებენ და გულნი თქვენნი განშორებულ არიან ჩემგანო". მართალია, ფარისევლებმა სჯულიც და წერილიც ზეპირად იცოდნენ, მაგრამ ერთი მცნებაც არ ჰქონდათ გათავისებული, მათთვისაც დამახასიათებელი იყო შუბლსაკრავი, რომელზეც წმინდა წერილის სიტყვები იყო დაწერილი, მაჯაზე კი ქისა ჰქონდათ ჩამოკიდებული და რაც უფრო სავსე და გაბერილი იყო ეს ქისა, ნიშნავდა, რომ ეს ადამიანი მეტი საღვთო მცნებებით იყო დატვირთული. მასში საღვთო მცნებების მცირე გრაგნილი ედოთ. რაც უფრო დიდი იყო ქისა, მეც ყურადღებას იქცევდნენ. და კიდევ ერთი: ძველი ეპოქის ადამიანებისთვის, განსაკუთრებით კი აღმოსავლეთის მკვიდრთათვის, გარეგნულ იერს დიდი მნიშვნელობა ჰქონდა. სამოსის კიდე, ფოჩი, მათ მიწაზე დასთრევდათ და ამის სატარებლად სპეციალური მსახური სჭირდებოდათ. ეს სამოსი დღევანდელი გრძელკალთიანი სამღვდელო მანტიის მსგავსი იყო. ამ ქობას ისინი მიზანმიმართულად აქცევდნენ ყურადღებას, თითქოს ამით თავის შინაგან განბრძნობას გამორიცხავდნენ".

/დეკ. ლევან ფიროსმანაშვილი/

[marine]

" - რამ გამოწვია სინედრიონის ასე ერთიანად გამიწიერება?

- ჯერ ერთი, ეს ადამიანები გამოსულები იყვნენ გამიწიერებული ხალხიდან. მათი გამიწიერების მიზეზი იყო ისიც, რომ ჰეროდემ მაცხოვრის შობის დროს, თოთხმეტი ათას ყრმასთან ერთად, მთელი იმდროინდელი სინედრიონიც ამოხოცა, შემდგომი სინედრიონის წევრები იყვნენ ჰეროდეს მიერ გამორჩეულნი და სულიერი კავშირი გაწყვეტილი ჰქონდათ ძველ სინედრიონთან.

გაწყდა იქ დამკვიდრებული საღვთო მადლი, რომელიც ძველი სინედრიონის თაობიდან თაობაში უწყვეტ ჯაჭვად გადადიოდა. ახალ, ჰეროდეს მიერ ხელდასხმულ სინედრიონში გამქრალი იყო სულიწმინდის მადლი.

რათქმაუნდა, ახალშიც იყო თითო ოროლა ჭეშმარიტად ღვთისმოსავი ადამიანი, თუნდ გამალიელი, ნიკოდიმოსი... რომლებიც ყველაფერს სულიერად აღიქვამდნენ, სულიერად საზღვრავდნენ.

ახალი სინედრიონი იყო არა ღვთისგან, არამედ კაცისგან - მათ მხოლოდ მიწიერი, მატერიალური ინსტიქტები ამოძრავებდათ, ამიტომაც უპირისპირდებოდნენ მაცხოვარს, ვერ შეიცნეს იესოში აღთქმული მხსნელი და საბოლოოდ მოახერხეს კიდეც მისი ჯვარცმა".

/არქიმანდრიტი მაკარი (აბესაძე)/

[marine]

"ფარისევლებს ჰქონდათ ამგვარი მოსასხამი - როდესაც რაიმე სულიერ წარმატებას მიაღწევდნენ, ზედ დამატებით ძაფებს უკეთებდნენ. ამით ადამიანებს შეახსენებდნენ - სულიერად წარმატებული ვარო".

/არქიმანდრიტი მაკარი (აბესაძე)/

[marine]

"ნაცვლად ლოცვისა, წინ დადგა და დაიწყო თავის გულში თავისი თავის ქება"

[marine]

"სადილობის წინ ისინი [ფარისევლები] არა მარტო ხელებს, არამედ რეცხავდნენ მაგიდებსა და სკამებს, რომლებზეც ისხდნენ, ასევე ქოთნებსა და ჯამებს.მათი მტრები, სადუკევლები, იცინოდნენ და ამბობდნენ - ფარისევლები მალე მზესაც დაბანენო".

/მიტროპოლიტი ზოსიმე (შიოშვილი)/

[marine]

"რიცხვ. 9.6-ის რჯულის თანახმად, იუდეველი არაწმინდა ხდებოდა მხოლოდ მკვდართან და ზოგიერთ სხვა ნივთთან შეხებისა, მაგრამ ფარისევლები ამპარტავნობის გამო ასეთ არაწმინდად თვლიდნენ ყველა წარმართს და მათ კუთვნილ ნივთებსაც კი; ამიტომ მოედნიდან დაბრუნებისას, სადაც ყოველთვის ბევრი წარმართი იყო, მათ ჩვეულებად ჰქონდათ, ხელები და მთელი სხეულიც კი დაებანათ (მრკ.7.3-4). ამ უსუსურმა ცრურწმენამ ებრაელ ხალხში ძალზე გაიდგა ფესვები, განსაკუთრებით მაკაბელთა დროიდან".

/მთავარეპისკოპოსი ინოკენტი ბორისოვი/

[marine]

"ფარისევლები (კონსერვატორები) და სადუკევლები (თავისუფლად მოაზროვნე ლიბერალები) ერთმანეთს ემტერებოდნენ, მაგრამ უფლის წინააღმდეგ სრული ერთსულოვნებით გაერთიანდნენ".

/მთავარეპისკოპოსი ამბერკი (ტაუშევი)/

[marine]

"იგივე სჯული თითოეულ იუდეველს ავალებდა, რომ თავისი შემოსავლის მეათედი ტაძრისთვის შეეწირა, - ტაძრის მღვდელთა და ლევიანელთა სარჩენად და გამოსაკვებად, - ან მიწის ნაყოფიდან, ან ფარეხიდან თუ სხვა. და იგი არათუ მხოლოდ მეათედს სწირავდა მიწისა თუ საქონლის შემოსავლიდან, არამედ თვით ცერეცოდან და პიტნაკიდანაც კი. ე.ი. იმ სანელებლებიდანაც კი, რომლებიც თავისთავად ძალზე ცოტა ითესებოდა, თან რამდენი და როგორი პედანტური აწონ-დაწონა სჭირდებოდა, მეათედის გამოსაანგარიშებლად. სწორედ ამან, რომ ფორმალურად მართალი იყო, სხვებზე თავგამოდებული და მოშურნე იუდეველი, მას შთაბეჭდილება შეუქმნა იმისა, რომ ყველაზე ამაღლებული და წმინდაა. მაგრამ ამგვარ ამაღლებაში, საკუთარი გამოცდილებიდანაც ვიცით, როგორი დაცემები და დამდაბლებანია"

[marine]

"ფარისეველს სამი ბოროტი თვისება გამოარჩევს: ამპარტავნება, მოყვასის შეურაცხყოფა და პირში მოფერება, ანუ მოტყუება"

[marine]

"იყვნენ "სისხლმდინარე" ფარისეველები, რომლებიც ღვთისა და ადამიანებისადმი ზედმეტი მოკრძალების გამო თვალდახუჭულნი, თვალმოჭუტულნი დადიოდნენ და ამის გამო ხან რას ეჯახებოდნენ, ხან - რას, შედეგად, ბუნებრივია ხშირად დასისხლიანებულები დადიოდნენ!

იყვნენ ისეთი ფარისევლებიც, რომლებიც იმავე მოტივით მარტო თვალების დახუჭვით არ კმაყოფილდებოდნენ, და თვალებზე კირს წაისვამდნენ ხოლმე.

ყოფილან ე.წ. "მხტუნავი" ფარისევლები, რომლებიც - ხალხს უნდა ეფიქრა, - იმდენად თავმდაბალნი და კეთილკრძალულნი არიან, თავმდაბლობის დროს ფეხის მიწიდან მოცილებასაც კი ერიდებიანო და ამის გამო ისინიც "სისხლმდინარე" ფარისეველთა მსგავსად, ხშირად ან წაფორხილდებოდნენ, ან წაიქცეოდნენ ხოლმე"

/აკაკი მინდიაშვილი/

[შამხაზაი]

პრუშიმ - ფარისევლები, ქართულენოვან თარგმანში ცოდვას განრიდებულთ ნიშნავს. იყვნენ ლევიანნი მღვდლები, ქონდათ საკუთარი ფრაქცია სანჰედრინ-ში (სინედრიონი) საკუთარი ლიდერით წარმოდგენილი, ვინაიდან სამარიტელი მეფეები ხაშმონიანების დინასტიიდან ქოენ გადოლის -მღვდელმთავრის სტატუსს სადუკეველთა წარმომადგენლებზე ყიდიდნენ ფულის სანაცვლოდ, ფარისეველთა ფრაქცია მიიჩნეოდა მხოლოდ აჰარონის წესით დადგენილ ჭეშმარიტად ლევიტი მღვდლებისაგან შემდგარ სინედრიონად.

სოფერიმ - მწიგნობარნი იყვნენ ის ცადიკიმ (წმინდა ცხოვრების წესით მცხოვრები) მწერლები იუდას, ან ბენიამინის ტომიდან ვინც ზეპირ თორასთან, მიშნა მიდრაშებთან, გემარასთან და თალმუდებთან ერთად ფლობდნენ და იცავდნენ იუდაიზმის საიდუმლო ნაწილის "კაბალას" აღმწერ წიგნებსა და მათში გადმოცემულ საკრალურ ცოდნას.

[შამხაზაი]

მღვდელმა იკითხა ვინ იყვნენო, მრევლმა განკითხვა დაიწყო.

[marine]

"ფარისევლები ისინი არიან, რომლებიც ატყუებენ სხვებს, რათა პატივისცემა მოიპოვონ მხოლოდ გარეგანი კეთილშობილებით, რასაც თან არ ახლავს ზრახვის სიწმინდე. ამგვარნი თითქოს უფლის სახელით აღასრულებენ ყოველს, თითქოს ღვთის წინაშე აკეთებენ სიკეთეს, სინამდვილეში კი მხოლოდ საკუთარი თავისთვის ზრუნავენ: ხშირად მიწიერი ზრახვებით შეპყრობილნი, ვითომდა კეთილი საქმეებით, ისინი კვებავენ საკუთარ ეგოიზმსა და პატივმოყვარეობას. "თავის წარმოსაჩენად" ფარისეველს ისეთი საქებარი და მაცხოვნებელი საქმეების აღსრულებაც კი შეუძლია, როგორიცაა მოწყალება, ლოცვა და მარხვა. შეიძლება ითქვას, ისინი დახელოვნებული მსახიობები არიან".

[შამხაზაი]

"ფარისევლები ისინი არიან, რომლებიც ატყუებენ სხვებს, რათა პატივისცემა მოიპოვონ მხოლოდ გარეგანი კეთილშობილებით, რასაც თან არ ახლავს ზრახვის სიწმინდე. ამგვარნი თითქოს უფლის სახელით აღასრულებენ ყოველს, თითქოს ღვთის წინაშე აკეთებენ სიკეთეს, სინამდვილეში კი მხოლოდ საკუთარი თავისთვის ზრუნავენ: ხშირად მიწიერი ზრახვებით შეპყრობილნი, ვითომდა კეთილი საქმეებით, ისინი კვებავენ საკუთარ ეგოიზმსა და პატივმოყვარეობას. "თავის წარმოსაჩენად" ფარისეველს ისეთი საქებარი და მაცხოვნებელი საქმეების აღსრულებაც კი შეუძლია, როგორიცაა მოწყალება, ლოცვა და მარხვა. შეიძლება ითქვას, ისინი დახელოვნებული მსახიობები არიან".

რატომ ბოდავთ გეთაყვა?

[marine]

რატომ ბოდავთ გეთაყვა?

მეზვერისა და ფარისევლის იგავი წაიკითხეთ და უფრო ნათელი იქნება თქვენთვის ვინ იყვნენ ფარისევლები.

რაც შეეხება ქალის სიტყვიერად შეურაცხყოფას, დარწმუნებული ვარ, თქვენი რელიგია არ გასწავლით.

[marine]

"ფარისევლობა ღმერთის მოტყუების მცდელობაა"

/დეკ. გიორგი სხირტლაძე/

[marine]

"უფალი განსაკუთრებული მრისხანებით ფარისევლებს - ამ რელიგიურ არტისტებს ამხელდა"

/არქიმანდრიტი რაფაელი (კარელინი)/

[marine]

"ადამისეული ცოდვის შეუგნებლობა იწვევს უბედურებას და ქრისტეანული თვალსაზრისით - დეგრადაციას. როგორც ერთი ღმრთისმეტყველი ამბობს: ადამიანი, რომელიც დაიწყებს ეკლესიურად ცხოვრებას, ის შეიძლება უარესი გახდეს ვიდრე ადრე იყო. რატომ? იმიტომ, რომ ის შეიძლება ფარისეველი გახდეს და ფარისევლბოაზე საშინელება ამ ქვეყნად არაფერია"

/დეკ. თეოდორე გიგნაძე/