თემის საბეჭდი ვერსია

პოსტის ავტორი: კანონისტი თარიღი: Jun 11 2007, 12:36 PM

მაშ ასე მეგობრებო....

წელსა 2007-სა ქრისტეს შობითგან თთუესა ივნისისასა, რიცხუსა მეცხრესა, დღესა შაბათსა, ჟამსა აღმატებულისა საქართველოის პრეზიდენტისა მიხეილისა და სუფევისა უწმიდესისა მამამთავრისა ილია მეორისასა მე და ალექსანდრე მივედით თბილისის რკინიგზის ცენტრალურ ვაგზალში......

ნუ მანამდე უნდა ითქვას, რომ სანდრომ ტრადიციულად 20 წუთით დააგვიანა... თუმცა არა არა, პირიქით, არატრადიციულად, იმიტომ რომ საათით ხომ მაინც უნდა დაეგვიანა!

ბილეთების სალაროში გაირკვა, რომ თურმე კუპირებული ორგვარი ბილეთი არსებობს - ჩვეულებრივი და მოდერნიზებული. განსხვავება მხოლოდ ისაა, რომ მოდერნიზებულს ტელევიზორი აქვსო, განგვიმარტეს. ნუ, ახლა ასეთ დიდ მომლოცველ ხალხს ტელევიზორი რაღად გვინდოდა და შევიძინეთ ჩვეულებრივი.... (რეალურად კი ფული დაგვენანა)

მატარებლის გასვლას ნახევარი საათი უკლდა, რომ კვლავ შევიკრიბეთ მე და სანდრო იგივე ადგილას, იოლად მოვძენბეთ N622 მატარებელი და კუპეში მოვთავსდით


ჩვენი მატარებელი (ოღონდ უკვე მახინაჯურში)

ცოტა ხნის შემდეგ ფრიად "სასიამოვნო" სიურპრიზი გველოდა - მუსიკა ჩაირთო ისეთი, ერევნის გაჭირვებული კვარტლის ბოლო კორპუსის სარდაფში გახსნილ რესტორანშიც შერცხვებოდათ.... კინაღამ შალახოს ილეთებით შევედით კუპეში მე და სანდრო....

როცაღა იყო და ჩაწყნარდა ეს რუწუნი, მე და სანდრომ ლოცვების კითხვა დავიწყეთ... ალექსანდრეს ჰქონდა ბედნიერება მოესმინა კანონისტის სამენოვანი ლოცვა (მერე იტყვიან მართლმადიდებლებმა ენებზე ლოცვა არ იციანო??!!) და ნეტარებასაც მისცემოდა ქართლის მინდვრების ცქერისას....

დაძინების დრომ რომ მოაწია, თეთრეულისთვის გამცილებელს მივაკითხეთ.... კუპეში კი ტომარში უაზროდ გაბნეული ბამბის გროვა გველოდა, რომელსაც რატომღაც ბალიში ერქვა.... რატომღაც ასეთი ფრაზა მომივიდა თავში - "რას გვიშვრება ეს ეზუგბაია!"


ე.წ. "ბალიში"

ბოლოს როგორც იქნა ზემოთ მოვთავსდით... ნუ ქვემოთ არავინ იყო მაშინ და ჩვენც რაჭველები ხომ ვართ და შესაბამისად ვერავის გავუცვალეთ (თუმცა არ იდარდოთ, ის ადგილი მალევე შეივსო). მატარებელმაც სვლა განაგრძო

როცა დაბნელდა და კაციშვილმა არ იცოდა სად ვიყავით (სხვათაშორის კანონისტს 1 ლარი პრიზი ჰქონდა დაწესებული, ვინც ამას დაადგენდა მაგრამ სამწუხაროდ გამარჯვებული ვერ გამოვლინდა), ამ დროს კანონისტის მობილურზე სიგნალი გაისმა - შეტყობინენა ubralod_gio-საგან იყო.... მესიჯი მოკლე იყო, მაგრამ მრავლის მთქმელი - გიო დილით მახინჯაურში დახვედრას გვპირდებოდა. გულში სასიამოვნო გრძნობა შემოვიდა - ბათუმი გველოდა....

გამთენიისას კვლავ შემოვიდა გიოს მესიჯი - მახინჯაურიდან ფეხი არ გაადგათ, არ დამეკარგოთო. შავი ზღვაც უცნაურად შავი მოეჩვენა კანონისტს, მგონი ზღვა თავის სახელს იფერებდა


კანონისტი მეორედ ხედავს ზღვას (ჰო, სინათლე გამოცხადება არ გეგონოთ, ფოტოაპარატის ნათებაა)

მატარებელი გაჩერდა და მეგობრებმა ორ წუთში ვიპოვეთ ერთმანეთი. რამდენიმე წუთიც კიდევ და უკვე ბათუმის გზაზე ვიყავით. გეგმის მიხედვით ჯერ გიოს ვესტუმრეთ სახლში, გავიცანით დედა და ძმა

გიო გემრიელად გაგვიმასპინძლდა - როგორც გაირკვა აქაც მზაკვრული გეგმა იყო: სეფისკვერი რომ არ გვეჭამა


ისტორიული შეხვედრა - კანონისტი და უბრალოდ გიო


კანონისტი, უბრალოდ გიო, ალექსანდრე

ჰოოო, სხვათა შორის გიოს სახლში მე და სანდრომ მნიშვნელოვანი კომპრომატი ვნახეთ, რომელიც კანონისტის უდიდესი კაცთმოყვარებისა და შემწყნარებლობის გამო არ იქნა დაფიქსირებული... თუმცააა.....

გიოს სახლიდან პირდაპირ გოთიკური ხუროთმოძღვრების კათედრალში გავემართეთ. იქ გვირილა მარი და თინკა გველოდნენ


ბათუმის საკათედრო ტაძარი


ბათუმის საკათედრო ტაძრის კონქი

არ დამავიწყდეს აღნიშვნა, რომ გიოს საშუალება ჰქონდა სხალთაში უწმიდესის გვერდით ემსახურა (ეს კი ვიცით ყველა სტიქაროსნის ოცნებაა) და იგი ჩვენს გამო დარჩა ბათუმში, რისთვისაც დიდ მადლობას უკვე საჯაროდ ვუხდი ჩემ ძამიკოს

წირვის დასრულების შემდეგ უკვეთი სეფისკვერით გაგვიმასპინძლედნენ, ხოლო მგალობლებმა ჩვენს საპატივცემლოდ რამდენიმე გალობა შეასრულეს


ბათუმელი მგალობლები


ბათუმელ ფორუმელებთან და მგალობლებთან ერთად

წინ საოცარი ბედნიერება გველოდა - მოლოცვა წმ. ნიკოლოზის მირონმდინარე ხატისა, რომელსაც მირონი სულ რამდენიმე დღის წინ დასდინდა. მას უწმიდესმა თავისი პანაღია შესწირა.... ეს ხატი იმ ტაძარშია დაბრძანებული, სადაც პირველად აღავლენდა ღვთისმსახურებას ახლად ხელდასხმული მღვდელმონაზონი ილია (ჩვენი პატრიარქი)


წმ. ნიკოლოზის ეკლესია

პოსტის ავტორი: მხევალი ნინო თარიღი: Jun 11 2007, 12:42 PM

ძალიან სასიამოვნო საკითხავია, გააგრძელეთ.. ეს თხოვნაა

ნუ ჩვენი კანონისტი მართლაც მრავალმხრივი ნიჭით დაჯილდოვებული პიროვნებაა, გარდა იმისა, რომ კნონისტია, ფლობს მარვალ უცხო და ქარველურ ენებს, კიტხულობს ლექციებს, ამასთან წერს მშვენივრად და არც იუმორთან არის მწყრალად. ჩემი აღფრთოვანება საქართველოს მომავალ...

პოსტის ავტორი: კანონისტი თარიღი: Jun 11 2007, 12:48 PM

ტაძრიდან ბილეთების საყიდლად გადავინაცვლეთ. სალარო შესვენების გამო დაკეტილი დაგვხვდა და დრო მოგვეცა ბათუმის პორტში გაგვესეირნა


აქ ხაზზეა ჩემი ძმა _გიორგი_


ბათუმის პორტში

ბილეთების შეძენის შემდეგ კანონისტი, ალექსანდრე, გვირილა მარი და უბრალოდ გიო უკვე ციხე გონიო-აფსაროსისკენ გავემართეთ.... უნებურად გზაში მოციქულთა საქმეების ეს ფრაზები მოვიდა:კაცნო ძმანო, ჯერ-იყო აღსრულებად წერილი, რომელი-იგი წინაჲსწარ თქუა სულმან წმიდამან პირითა დავითისითა იუდაჲსთჳს, რომელი ექმნა წინამძღუარ შემპყრობელთა მათ იესუჲსთა, რამეთუ აღრაცხილ იყო ჩუენ თანა, და ხუედრებულ წილი მსახურებისაჲ ამის. ჯერ-არს უკუე ჩუენ თანა შეკრებულთა ამათ კაცთაჲ ყოველსა ჟამსა, რომელსა შემოვიდა და განვიდა ჩუენდა უფალი იესუ, იწყო ნათლის-ცემითგან იოვანესით ვიდრე დღედმდე ამაღლებისა მისისა ჩუენგან მოწამედ აღდგომისა მისისა ჩუენ თანა ყოფად ერთი ამათგანი. და დაადგინნეს ორნი: იოსებ, რომელსა ერქუა ბარსაბა და მერმე ეწოდა იოსტოს, და მატათია. და ილოცვიდეს და თქუეს: შენ უფალო, ყოველთა გულთა მეცნიერო, გამოაჩინე ერთი ამათ ორთაგანი, რომელიცა გამოირჩიე, მიღებად წილი მსახურებისაჲ ამის და მოციქულებისაჲ, რომლისაგან განვიდა იუდა მისლვად ადგილსა თჳსსა. და მისცნეს წილნი მათ. და გამოუჴდა წილი მატათიას და თანა-აღირაცხა ათერთმეტთა მოციქულთა.

საოცარია, როცა მიდიხარ ადგილას, სადაც განისვენებს ის ადამიანი, რომლის წმინდა სხეულს შეხებია, უკურთხებია, თავზე ხელი დაუდევს ჩვენი ცხოვნებისთვის განკაცებულ ღმერთს!... ადგილი უბრალოა, მაგრამ მრავლის მეტყველი, ალბათ ისეთი უბრალო, როგორიც თავად იქნებოდა მატათა მოციქული


მატათა მოციქულის საფლავთან

იქ ვილოცეთ, შეძლებისდაგვარად ვიგალობეთ, მოვეფერეთ წმინდა საფლავს და ციხის დასათვალიერებლად გადავინაცვლეთ. აქ მეგზურობას არქეოლგიური გათხრების მონაწილე უბრალოდ გიო გვიწევდა. საოცარი შთაბეჭდილება დატოვა აბანომ, ცივი და ცხელი წყლის თიხის მილებმა, წყალქვეშა გაყვანილობებმა, ციხის ქონგურებმა, კოშკებმა და დილეგებმა


აბანოს ნაშთები


თიხის უძველესი მილი


გონის ციხის "აღება" ფორუმის ბათუმურ-თბილისური ლაშქრის მიერ


დილეგი (აქ ჩავამწყვდევთ განსაკუთრებით ოფტოპიკიან ფორუმელებს)


გონიოში ჭის წყალიც დავლიეთ......

ცოტა დასვენების შემდეგ მარის სახლისკენ გავეშურეთ. იქ მარის დის მომზადებული მშვენიერი სუფრა დაგვხდა. პირველი სადღეგრძელო გიომ დალია - ბათუმელთა დახვედრისა და ჩვენი ჩასვლისა. გასაკვირი ის იყო, რომ მეორე სადღეგრძელოს წარმოთქმა მე გადმომეცა. თურმე ასლანის მერე ისე არიან დიქტატურით შეშფოთებული ბათუმელები, რომ სუფრაზე დემოკრატიის ნიშნად ცალ-ცალკე ამბობენ სადღეგრძელოებს :ხოხვა: მე ფორუმის გამარჯვებისა შევსვი, სანდრომ კი - პატრიარქისა და სამღვდელოების (ეჰ, როგორ მინდოდა გიოს პრეზიდენტის სადღეგრძელო დაელია, მაგრამ ვერ შევძელი). ამ დროს პირდაპირ ეთერში თბილისური ერთ-ერთი სუფრიდან ჩაერთო უკვე კარგად გამომტყვრალი თამადა - ბექა შუხოშვილი

უცებ სუფრაზე სხალთიდან ახლად დაბრუნებული გიო თოდრია შემოგვიერთდა. გიომ სხალთის ამბები მოგვიყვა, ამას გარდა ბევრი ვიცინეთ, ვიმხიარულეთ და ვიხალისეთ


ალექსანდრე, კანონისტი, უბრალოდ გიო, გვირილა მარი, გიო თოდრია მარისთან

საინტერესო იყო გიოს მიერ მარის პატარა გოგოსთვის კბილის ამოღება... სერიოზული კონკურენტი გამოუჩნდა მაეას-ს ნუ სტომატოლგიური წიაღსვლების მონაწილეც გავხდით

რახან ფერიის მთაზე ასვლას ვეღარ ვასწრებდით, ბულვარში გასეირნება გადავწყვიტეთ. ნუ აქ ბექა კიდევ ჩაერთო, მაგრამ რა მელაპარაკა ნაღდად არ ვიცი, ის კი მახსოვს ყველანი მიყვარხართო რომ ამბობდა....

ბულვარში პრეზიდენტის მიერ დადგმულ ეშმაკის ბორბალზე ასვლა გადაწყვიტეთ. მართალია "ეშმაკის" იყო, მაგრამ რახან პრეზიდენტის მიერ იყო ნაჩუქარი კურთხევა მიიღეს ჩემგან . მზის ჩასვლას ზღვაზე იქიდან ვუყურეთ.... ულამაზესი სანახაობა იყო


მზის ჩასვლა


ბათუმის სანაპირო 60 მ-დან

ამის შემდეგ დადგა კულმინაციური მომენტი. კანონისტი მასპინძლებმა მიიყვანეს იმ ადგილას, სადაც გადმოცემით ასლან გველეშაპის გაძევების შემდეგ წყალი შეისხა პირზე მისმა უკეთილმსახურესმა აღმატებულებამ პრეზიდენტმა სააკაშვილმა. ეს ადგილი განსაკუთრებით საკრალურია საპრეზიდენტო მადლმოქმედების თვალსაზრისით და კანონისტმაც იგივე გაიმეორა და სამეთაურო დალოცვა მიიღო შავი ზღვისგან



გარე განათებები აინთო და ასე განათებულ ბათუმის ქუჩებს ბარბარეს ეკლესიისკენ გავუყევით. იქ ორი სასიამოვნო მოვლენა გველოდა - მეხუთე ბათუმელის - სალომესთან შეხვედრა და ტაძარში დაბრძანებული წმინდა ქალწულმოწამის ნაწილების მოლოცვა. მამა პეტრეც ვნახეთ (სალომეს მოძღვარი), რომელმაც განსაკუთრებული სიყვარულითა და სითბოთი დაგვლოცა


ყველანი ერთად წმ. ბარბარეს ეკლესიასთან: უბრალოდ გიო, ალექსანდრე, გიო თოდრია, კანონისტი, გვირილა მარი (წინ მისი გოგო), სალომე, თინკა


წმინდა ბარბარეს ნაწილი

გამოვეშურეთ. გზაში ჩვენი ბათუმელი ფორუმელები გალობდნენ.... ასე ლამაზად და სასიამოვნოდ სრულდებოდა შთაბეჭდილებებით დატვირთული ერთი, თუმცა მნიშვნელოვანი დღე


გზად აჭარული დემოკრატიის კიდევ ერთი ფორპოსტი განათებული სინაგოგაც ვნახეთ

მადლობა უფალს, რომ ამ წმინდა ადგილების მოლოცვის ღირსი გაგვხადა და მადლობა ჩვენ ბათუმელ თანაფორუმელებს. განსაკუთრებული მადლობა კი გიოს და მარის, რომლებიც მთელი დღე თან დაგვყვებოდნენ

ბათუმელებო, თბილისში გელოდებით უკვე!!!!......

პოსტის ავტორი: მნათე თარიღი: Jun 11 2007, 12:50 PM

აღმოსავლური სუნი იგრძნობა

პოსტის ავტორი: თამარი_ცქნაფო თარიღი: Jun 11 2007, 01:07 PM

კანონისტი
შენა შვილო, კითხვაზე მიპასუხე :დ

პოსტის ავტორი: იოანა თარიღი: Jun 11 2007, 01:07 PM

ძალიან კარგი იყო ამ ყველაფრის წაკითხვა და ნახვა, გაიხარეთ

პოსტის ავტორი: კანონისტი თარიღი: Jun 11 2007, 01:08 PM

თამარი_ცქნაფო

უუპს... გამომრჩა

6-ის მერე ვარ თავისუფალი.... საცა გინდა და რაფრაც გინდა გნახავ

პოსტის ავტორი: თამარი_ცქნაფო თარიღი: Jun 11 2007, 01:10 PM

კანონისტი
დაერხა ცქნაფოსაა მოსტავლე მყავს, მსოტავლე... მოვიფიქრებ რაცხას

პოსტის ავტორი: ალექსანდრე თარიღი: Jun 11 2007, 01:21 PM

ძალიან მაგარი დღე იყო, დიდი მადლობა ჩვენს ბათუმელ ფორუმელებს, განსაკუთრებით კი უბრალოდ გიოს და გვირილა მარის, რომლებიც მთელი დღე გვერდიდან არ მოგვშორებიან და ჩვენს გამო თვით უწმიდესის წირვაზეც არ წავიდნენ სხალთაში. გავიცანით თინკა, სალომე და კიდევ ერთი ფორუმელი რომელიც არ აქტიურობს გაგახაროთ ღმერთმა ყველა

ასევე მოვილოცეთ ბათუმის ტაძრები, მათ შორის წმიდა ნიკოლოზის ტაძარი სადაც მსახურობდა ჩვენი პატრიარქი, ღვთის მადლით შესაძლებლობა მოგვეცა ვმთვეოდით წმიდა ნიკოლოზის მირონმდინარე ხატს, ასევე წმიდა დიდმოწამე ბარბარეს წმიდა ნაწილს. მოვილოცეთ წმიდა მატათა მოციქულის საფლავი, შევთხოვეთ რწმენაში გაძლიერება, ვიგალობეთ შეძლებისდაგვარად, მოვიხსენეთ ყველა ჩვენი ფორუმელი და წმიდა მოციქულს შევთხოვეთ მათი რწმენაში გამტკიცება

კიდევ ერთხელ მადლობა ასეთი კარგი დახვედრისათვის, და ახლა თბილისში გელოდებით

პ.ს ბათუმში პირველად ვიყავი და დიდი ემოციებით დავბრუნდი უკან

პოსტის ავტორი: კანონისტი თარიღი: Jun 11 2007, 01:23 PM

უბრალოდ გიო კარგი ადამიანი რომ იყო ისეც ეტყობოდა, მაგრამ ამდენად კარგი თუ აღმოჩნდებოდა, მართალი გითხრათ, არ მეგონა....

პოსტის ავტორი: marine თარიღი: Jun 11 2007, 01:24 PM

კანონისტი
ალექსანდრე

გაიხარეთ ძალიან მომეწონა სურათებიც, კომენტარებიც და ყველაზე მეტად ჩვენი ბათუმელი ფორუმელები

პოსტის ავტორი: კანონისტი თარიღი: Jun 11 2007, 01:29 PM

ალექსანდრე

გაიხსნება

marine

გაიხარე

ძალიან კარგები არიან ყველანი, მადლობა უფალს რომ გავიცანი (თოდრიას და მარის ვიცნობდი)

პოსტის ავტორი: მნათე თარიღი: Jun 11 2007, 01:34 PM

კანონისტ შვილი, ქურქი ვერ წაიღე ბათუმში? თუ შენი 'აგია' ხელების ხილვით დაბრმავებას აარიდე ბათუმი?

პოსტის ავტორი: კანონისტი თარიღი: Jun 11 2007, 01:42 PM

მნათე

და ალექსანდრეზე არაფერი გაგახსენდა?

პოსტის ავტორი: ubralod gio თარიღი: Jun 11 2007, 01:50 PM

კანონისტ დაგავიწყდა გეთქვა მაგათთვის არ გინდოდათ ბათუმიიიი?

ალექსანდრე
კანონისტი
როგორ იმგზავრეთ ერევნის ბაზრობის მუსიკის თანხლებით?

პოსტის ავტორი: კანონისტი თარიღი: Jun 11 2007, 01:51 PM

ubralod gio

რა კონტექსტში??

პოსტის ავტორი: მნათე თარიღი: Jun 11 2007, 01:51 PM

ისა, საკათედრო ტაძართან, პირჯვარს საიდან საით იწერენ?

პოსტის ავტორი: კანონისტი თარიღი: Jun 11 2007, 01:53 PM

აქეთობას არ იყო (აქეთობას "არ დაიდარდო" ჰქონდათ ჩართული), თქვენთან რომ მოვდიოდით მაშინ იყო

მნათე

ჯერ შუბლზე
მერე მუცელზე
მერე მარჯვნივ
მარცხნივ
ისევ მარჯვნივ (ორივე რომ გამოვიდეს)
მეტანია
და თითებით გამოსახულ ჯვარზე ამბორი

:ეკუმენისტური პირჯვარი:

პოსტის ავტორი: ubralod gio თარიღი: Jun 11 2007, 01:54 PM

მნათე
წინიდან არა უკნიდან!:) აბა ერთი შიგ ნახე როგორები დავდივართ

პოსტის ავტორი: ალექსანდრე თარიღი: Jun 11 2007, 02:00 PM

ubralod gio

კარგად ვიმგზავრეთ, ისე მეძინებოდა რომ ძლივს გამაღვიძეს დილით

პოსტის ავტორი: ubralod gio თარიღი: Jun 11 2007, 02:01 PM

ალექსანდრე
როგორ იმგზავრე ბრატ:B

პოსტის ავტორი: ალექსანდრე თარიღი: Jun 11 2007, 02:08 PM

პოსტის ავტორი: კანონისტი თარიღი: Jun 11 2007, 05:25 PM

სხვა ფოტოები:


მე და ალექსანდრე მზის ჩასვლისას


ეშმაკის ბორბალზე (50 მ)


ანტიკური აბანოს ნანგრევზე

პოსტის ავტორი: sofi89 თარიღი: Jun 11 2007, 05:35 PM

როგორც ვატყობ კარგი დრო გიტარებიათ

და სამართლის ლექციების მოსმენის ბედნიერება არ ჰქონდა?


იიიიიიი, პატალა ბაიები

პოსტის ავტორი: კანონისტი თარიღი: Jun 11 2007, 05:48 PM

sofi89

ოოოF, 5 მეტრიანი კი არ იყო, პატარების აყვანა საერთოდაც არ შეიძლებოდა


წმ. ბარბარეს ეკლესია ღამით


უბრალოდ გიო

პოსტის ავტორი: ალექსანდრე თარიღი: Jun 11 2007, 06:05 PM

მატათა მოციქულის საფლავი გონიოში

პოსტის ავტორი: ალექსანდრე თარიღი: Jun 11 2007, 06:36 PM

ესც მე და უბრალოდ გიო


მისი აღმატებულება, ბოლო ჟამის პრეზიდენტი კანინისტი, მატათა მოციქულის საფლავთან

პოსტის ავტორი: ნათია თარიღი: Jun 11 2007, 06:59 PM

ძალიან კარგი ფოტოებია და ყველა ძალიან კარგები ხართ

გაიხარეთ

პოსტის ავტორი: მაეასი თარიღი: Jun 11 2007, 07:10 PM

ვაააა
რა დრო გიტარებიათ:შურიიი:


საინტერესო იყო გიოს მიერ მარის პატარა გოგოსთვის კბილის ამოღება... სერიოზული კონკურენტი გამოუჩნდა მაეას-ს ნუ სტომატოლგიური წიაღსვლების მონაწილეც გავხდით

ეს რა მესმის
ეხ,კონკურენციას ვერსად გავექეცი რაა

პოსტის ავტორი: tinka თარიღი: Jun 11 2007, 08:12 PM

ლოლ მაგრა ვიხალისე კომენტარებზე

სურათებს არ ხსნიიიიიიიიიიიიიიიიიიიის

პოსტის ავტორი: შოთა თარიღი: Jun 11 2007, 08:36 PM

კანონისტი
მაგრა მაცინე ყოჩაღ მაგარი გადმოცემა გაქვს რა შემშურდა შენ კაი დრო გიტარებია..

პოსტის ავტორი: shore თარიღი: Jun 11 2007, 08:50 PM

კანონისტი

გაიხარე ადამიანო!

ვაიმეეეეეეეეეეეეეეეეეეეე! რა მაგარიააააააააააააააააა!

მოკლედ ისე ვარ აჟიტირებული სიტყვები არ მყოფნის!

აღარ ვიცი საიდან დავიწყო! რომელ ერთზე გავაკეთო კომენტარი! იმაზე, თუ რა კარგია ბათუმში რომ იყავით.. იქ რო კარგად დაგხვდნენ... რაც მთავარია, ის რომ მოსალოცად იყავით და არა "საძიგძიგოდ" (ნინორე შეგიძლია გაბრაზდე! )... თუ ვიყო ბოლომდე ეგოისტი და ვიკივლო, რომ [size=7] მეც მინდოდაააააააააააა!

მაგრამ აქვე დავსძენ, რომ ბათუმის "ვოიაჟის" ამსახველი მასალა (ფოტო- გინდა , თუ წერილობითი!) იმდენად სრულყოფილადაა მოწოდებული, უკეთესს ვერც ვინატრებდი! მთელი დღეა პერიოდული სიხშირით ვათვალიერებ

პ.ს. მატარებლის "სცენა" იმდენად "ცოცხლადაა" აღწერილი, რომ სპეციფიური სუნიც კი მეცა თითქოს!

პოსტის ავტორი: ბექა.შუხოშვილი† თარიღი: Jun 11 2007, 08:58 PM

თოდრია ბიჯო კანონისტი რომ ეშმაკის ბორბალზე დასვი ხომ არ გახსოვს წვერზე რა ლოცვას კითხულობდა მშვიდობით ჩამიყვანა დაბლაო აუ რა სახე აქვს ცუდად ვარ მე რომ ჩამიჯდა მანქანაში 50_ე ფსალმუნის კითხვა დაიწყო და მანდ რა თქვა?

პოსტის ავტორი: კანონისტი თარიღი: Jun 11 2007, 09:06 PM

ბექა.შუხოშვილი†
თოდრიას რა ეხსომება გადახტომას აპირებდა პირდაპირ შავ ზღვაში

და შენთან რაის 50-ე ფსალმუნს ვკითხულობდი?

არააა, კახელები რომ გააფერისტდებიან, ბოლო ჟამია ნაღდად მოსულიიიიი

პოსტის ავტორი: მნათე თარიღი: Jun 11 2007, 09:07 PM

კახელები კი არ გააფერისტდნენ, ბექას ვიღაცამ დემაგოგია ასწავლა

პოსტის ავტორი: ბექა.შუხოშვილი† თარიღი: Jun 11 2007, 09:15 PM

სურათები მაგარია! ძაან სამწუხაროა რომ არ წამოვედი მაგრამ რას ვიზავ

პოსტის ავტორი: ninore თარიღი: Jun 11 2007, 09:21 PM

shore

ვაიი შენ და ზმუკიიიიი



უხ ნეტავ ამ ზაფხულს ერთად მოგვიწიოს ჩასვლა რააა, შენ თუ ყელში არ ამოგადინო ეს სიტყვები, მე ქალი არ ვიყო

არადა ხუჭუჭა ნიკუშაც იქნება და მასაჟებს მე გავუკეთებ


არა რაა ცნობილი აფერისტი ხარ, ღმერთო ჩემოოო

ნუ ახლა შენთვის მატარებლის სუნი რაღაც დედისეულიააა

პოსტის ავტორი: ::სალომე:: თარიღი: Jun 11 2007, 11:06 PM

დედაააა რა კაი იყოოოო გუშინდელი დღე. (საღამო )
ძალიან ნასიამოვნები და კმაყოფილი ვარ რომ გავიცანით ჩვენი ფორუმელები , ალექსანდრე და კანონისტი.
გაიხარეთ!



პს. კაი სურათებია....
მე რავა გაწეწილი ვაარ

პოსტის ავტორი: tinka თარიღი: Jun 11 2007, 11:24 PM

გამახსენდა, ნუ გამიხეთქე გული
გაგათხოვებ აბა რას ვიზამ

პოსტის ავტორი: კანონისტი თარიღი: Jun 12 2007, 10:47 AM

მხევალი ნინო
ეს მთავრობის მხარდამჭერი კინაღამ დავეჭვდი, რომ კორუფცია ისევე ყვავის, გავიგე რა რომ ბექას ე.წ. "ფსიქო" უპრობლემოდ აუღია....



ყველა სურათი ერთად აქ არის დაზიპული:
http://www.link.ge/file/144417/New-Folder--2-.rar.html

პოსტის ავტორი: ubralod ninka თარიღი: Jun 12 2007, 01:26 PM

dzalian kai suratebia,momecona da kai rom ertmanest vuaxlovdebit....
ufalma gagadzlierot

პოსტის ავტორი: meri თარიღი: Jun 12 2007, 07:00 PM

აუუუ უმაგრესი სურათებია. ძალიან მაგრები ხართ.