 კითხვა ადამიანის ევოლუციის შესახებ |
სტუმარს სალამი ( შესვლა | დარეგისტრირება )
  |
| A.V.M |
 Apr 26 2013, 01:27 AM
პოსტი
#21
|
 მადლობა ამ ფორუმს!  ჯგუფი: Senators პოსტები: 13,742 რეგისტრ.: 14-June 11 მდებარ.: ფორუმს გარეთ წევრი № 11,203  |
vaxushti13
ციტატა ვინ იძახის რო ქმნის, მარა მათი გადაშენება როგორ მოხდა ეგ მაინტერესებს... ნუ დინოზავრები მაშინ ადამიანის ეპოქაში ცხოვრობდნენ, და სიტყვაზე გლობალური გამყინვარება ან დათბობა რო ყოფილიყო ადამაინებიც განადგურდებოდნენ... აბა როგორ გადაშენდნენ? გამორიცხავ რომ გადაშენდნენ წარღვნის დროს? -------------------- აბა ჰე და აბა ჰო!
|
   |
 
|
| G_saxva |
Apr 26 2013, 09:33 AM
პოსტი
#22
|
 I n t e r n e t ჯგუფი: co-Moderators პოსტები: 4,913 რეგისტრ.: 11-March 13 მდებარ.: i n t e r n e t წევრი № 13,010 |
ციტატა(vaxushti13 @ Apr 26 2013, 12:07 AM)  ვინ იძახის რო ქმნის, მარა მათი გადაშენება როგორ მოხდა ეგ მაინტერესებს... ნუ დინოზავრები მაშინ ადამიანის ეპოქაში ცხოვრობდნენ, და სიტყვაზე გლობალური გამყინვარება ან დათბობა რო ყოფილიყო ადამაინებიც განადგურდებოდნენ... აბა როგორ გადაშენდნენ? ჩემ აზრს დავწერ. დინოზავრები მამონტები და ეგეთი არსებები მანამდე გადაშენდნენ სანამ ადამიანი Gაჩნდებოდა, ანუ თავიდან ცხოველები შეიქმნა და მერე შეიქმნა ადამიანი მაათ შორის 1 დღეა ღვთისთვის მაგრამ ადმიანებისთვის რამდენი წელია არავინ იცის. შიეძლება დიდი გამტინვარებაც იყო და გლობალური დათბობაც შეიძლება კომეტაც დაეცა ან მეტეორი არ ვიცი. სანამ ადამიანი შეიქმნებოდა მანმდე გადაშენდნენ. ეს ჩემი აზრია მხოლოდ  -------------------- და მეცხრესა ოდენ ჟამსა ჴმა-ყო იესუ ჴმითა დიდითა და თქუა: ილი, ილი! ლიმა საბაქთანი? ესე არს: ღმერთო ჩემო, ღმერთო ჩემო! რაჲსათჳს დამიტევე მე? კაცი პატივსა შინა იყო და არა გულისხმა-ყო, ჰბაძვიდა იგი პირუტყუთა უგუნურთა და მიემსგავსა მათ. ---------------------------------------------------------------------------------------------------------------------------------- |
|
|
|
| A.V.M |
Apr 26 2013, 09:14 PM
პოსტი
#23
|
|
მადლობა ამ ფორუმს! ჯგუფი: Senators პოსტები: 13,742 რეგისტრ.: 14-June 11 მდებარ.: ფორუმს გარეთ წევრი № 11,203 |
G_saxva
მიჭირს დაგეთანხმო. მით უმეტეს ცხელ-ცხელი აღმოჩენაა , ადამიანის ნატერფალზე აღბეჭდილი დინოზავრის ნაკვალევი... -------------------- აბა ჰე და აბა ჰო!
|
|
|
|
| Ochopintre 1 |
Apr 27 2013, 04:41 PM
პოსტი
#24
|
|
Newbie ჯგუფი: Members პოსტები: 30 რეგისტრ.: 20-April 13 წევრი № 13,096 |
შემაგვიანდა...
მოდი ვიტყვი იგივეს რასაც აქმადე ვამბობდი, რომ შენ (A.V.M) მხოლოდ სვავ კითხვებს და არ აფიქსირებ შენს პოზიციას, როგორც მართმადიდებლური მოძღვრების გამზიარებელი და ქრისტიანული სწავლების მიმდევარი. მხოლოდ აკრიტიკებ ევოლუციის თეორიას და აღნიშნავ მეცნიერებებში დაშვებულ უზუსტობებს. გეთანხმები იმაში, რომ არქეოლოგიაშიც და ანთროპოლოგიაშიც (შესაბამისად დარვინის თეორიებშიც) არსებობს შეუსაბამობები და ამისგან არც ერთი მეცნიერება არ არის დაზღველი გარდა ზუსტი მეცნიერებებისა, რადგანაც ისეთი სახის სფერო, რომელიც მოიცავს ანთროპოლოგიას, პალეონტოლოგის, არქეოლოგიას, გეოლოგიას, გენეტიკას თუნდაც ფიზიკასა და ასტროფიზიკას არასდროსაა დაზღვეული შეცდომებისა და უზუსტობებისაგან, რადგანაც ეს მეცნიერებები იკვლევენ შორეულ წარსულს და ზოგჯერ ფაქტების არ არსებობისა ან რაიმე ნიუანსის არასწორად გაგებისას ვღებულობთ შეუსაბამობას აქამდე წამოყენებულ გარკვეულ თეორიებთან , თუმცა ეს ფაქტი არ აძლევს არავის იმის საბაბს, რომ მათ ეჭვი შეიტანონ საერთო მეცნიერულ სწავლებაში, რადგანაც მეცნიერება ეს არის სფერო, რომლის მერ წამოყენებულ თეორიას გააჩნია მყარი საფუძველ, ფაქტები, წყაროები და სხვა სიმართლის დამადასტურებელი დეტალები და არ იქმნება ჰაერზე... ( განსხვავებით რელიგიებისაგან). შენ კი გურამ, მედავები ისევ წვრილმან დეტალებზე, რომლებზეც კამათი შეიძლება უსასრულოდ გაგრძელდეს...მე ამ ფორუმზე ვსვავ კითხვას, რადგანაც მაინტერესებს მართმადიდებლური სწავლების დამოკიდებულება და მოსაზრება ამა თუ იმ საკითხზე, ( ამ შემთხვევაში კი ადამიანისა და ზოგადად ცოცხალი ორგნიზმების ევოლუციურ განვითარების თეორიასთან დაკავშირებით) შენ კი მხოლოდ კრიტიკით ხარ დაკავებული და არ წარმოაჩენ შენს პოზიციას ზემოთხსენებულ საკითხთან დაკავშირებით. რამდენადაც, შენს პოსტში ამოვიკითხე წინადადება, რომელიც მეტნაკლებად "ხსნის" ევოლუციურ თეორიაში არსებულ ქაოსს", გადავწყვიტე სწორედ ამ საკითხზე გამაკეთებინა აქცენტი. მაშასადამე შენ ამბობ, რომ პრობლემა მეცნიერების მიერ "არასწორად დათარიღებული" დედამიწის ასაკია. კეთილი... მე აქამდეც მსმენია კრეაციონისტებისა და თეისტების მიერ იმის აღნიშვნა, რომ დედამიწა იმაზე "ახალგაზრდაა" ვიდრე მეცნიერებს აქვთ ეს ნავარაუდები, მათი თქმით დედამიწის ასაკი არა 4.5 მილიარდი წელია, არამედ 7 ათასი წელი, რაც პირდაპირ სიცილის მომგვრელია და ეს განაცხადი უდიდეს შეურაცხყოფას აყენებას თითქმის ყველა სამეცნიერო სფეროს...მიუხედავად იმისა, რომ ასტრო ფიზიკა, კოსმოლოგია დახვა მსგავსი სახის მეცნიერებები არაფერ კავშირში არაა ბიოლოგიასთან ერთხმად ადასტურებენ, რომ სამყაროს ასაკი დაახლოებით 13.5 მილიარდია წელია, დედამიწისა - დაახლოებით 4.5, ხოლო მასზე სიცოცხლე 3.8 მილიარდი წელია არსებობს. ამ ხნის განმავლობაში კი იცვლებოდა კონტინენტების ადგილმდებარეობა, ჰაერისა და მიწის ქიმიური შემადგენლობა და დედამიწაზე არსებული სიცოცხლე მრავალგზის ადამტაციას გადიოდა გარემოცვლილებებთან ერთად. ყოველგვარ ლოგიკურ მსჯელობას მოკლებულია იმის მტკიცება, რომ 3.8 მილიარდი წლის განმავლობაში ცოცხალმა არსებებმა ბიოლოგიური სახესხვაობა არ განიცადეს და ისინი "შექმნის დღიდან" დღემდე უცვლელები არიან...ეს მეცნიერების დაცინვაა...და უდიდესი მკრეხელობაა თეისტების მხრიდან მეცნიერული მოსაზრებების უარყოფა მხოლოდ იმის გამო, რომ მათ საღვთო წიგნში უსაფუძვლოდ წამოყენებული "მითები" გაამართლონ. ცოცხალი ორგანიზმების ევოლციურ ფაქტს დღეს არსებული ბევრი ფაუნის წარმომადგენელი ამტკიცებს. ბუნებაში ბევრ სახეობას ჯერაც აქვს შემორჩენილი ეგრედ წოდებული "ნარჩენი სტრუქტურები", ანუ ზედმეტი ორგანოები მგ: (წარმოვადგენ ამონარიდს ერთერთი ნაშრომიდან ევოლუციის თეორიის შესახებ) "1) ვეშაპს აქვს ბარძაყის ძვლები რომლებიც ხერხემალთან დაკავშირებულიც კი არაა. მას საერთოდ არ აქვს ფეხები, მაგრამ ბარძაყის ძვალი შემორჩენილია. რაც სრულიად ზედმეტია მისთვის. 2)არსებობს სხვადასხვა სახეობები რომლებსაც აქვთ თვალები, მაგრამ ხედვა არ შეუძლიათ. ასეთია მაგალითად გამოქვაბულის ბრმა თევზი. რომელიც მთელ ცხოვრებას უსინათლო, ოკეანქვეშა გამოქვაბულში ატარებს. ასეთ გამოქვაბულებში სინათლე თითქმის საერთოდ არ აღწევს, მაგრამ თევზებს თვალები მაინც აქვთ. მათ ნავიგაციისთვის სხვა გრძნობები აქვთ განვითარებული. (არსებობს კიდევ სხვა ბრმა სახეობები, ხვლიკები, მწერები და ობობები, რომელთაც თვალები არ ჭირდებათ, მაგრამ აქვთ). 3) ასევე არასაჭირო, ევოლუციურ ნარჩენებს წარმოადგენენ, ადამიანის ჭიანაწლავი რომელსაც ფუნქცია დაკარგული აქვს და კუდუსუნის ძვალი. (მისი დანიშნულება კუდის დაჭერა იყო, მაგრამ კუდი აღარ გვაქვს) ფრინველები რომლებსაც დაკარგული აქვთ ფრენის უნარი, მაგრამ ფრთები ისევ აქვთ. მაგალითად სირაქლემა. (არ მითხრას ვინმემ სირბილისთვის უნდაო)" და ამყველაფრის ფონზე ისმის კითხვა რატომ აქვთ ცხოველებს ზედმეტი ორგანოები? ღმერთმა ხომ ყველაფერი სრულყოფილად და უნიკალურად შექმნა? რაც შეეხება ადამიანს. მარტივი ბიოლოგიური დაკვირვებით ადვილად შესამჩნევია, რომ ჰომოსაპიენსიც ცოცხალი ორგანიზმების ერთერთი ჩვეულებრივი წარმომადგენელია: აქვს ორი თვალი, ოთხი კიდური, გული, ღვიძლი, ფილტვები და სხვა სიცოცხლისათვის საჭირო ორგანოები, როგორც სხვა ძუძუმწოვრებს (იმ განსხვავებით, რომ გონებრივი განვითარების საფუძველზე საპიენსმა შეძლო ორ ფეხზე სიარული და წინა ორი კიდურის, ანუ ხელების უფრო პრაქტიკულად გამოყენება). |
|
|
|
| A.V.M |
Apr 27 2013, 06:02 PM
პოსტი
#25
|
|
მადლობა ამ ფორუმს! ჯგუფი: Senators პოსტები: 13,742 რეგისტრ.: 14-June 11 მდებარ.: ფორუმს გარეთ წევრი № 11,203 |
გთხოვთ რომ არავინ ჩამეზიაროთ .
მოვიცლი და დავწერ პოსტს... -------------------- აბა ჰე და აბა ჰო!
|
|
|
|
| A.V.M |
Apr 27 2013, 07:14 PM
პოსტი
#26
|
|
მადლობა ამ ფორუმს! ჯგუფი: Senators პოსტები: 13,742 რეგისტრ.: 14-June 11 მდებარ.: ფორუმს გარეთ წევრი № 11,203 |
ციტატა მხოლოდ სვავ კითხვებს და არ აფიქსირებ შენს პოზიციას, როგორც მართმადიდებლური მოძღვრების გამზიარებელი და ქრისტიანული სწავლების მიმდევარი. კითხვებს კი არ ვსვამ , მომყავს მაგალითები და ამ მაგალითებით ვპასუხობ იმ ცდომილებებს რასაც ეს თეორია მაძლევს . ციტატა შენ კი გურამ, მედავები ისევ წვრილმან დეტალებზე, რომლებზეც კამათი შეიძლება უსასრულოდ გაგრძელდეს... მე გეკამათები ისეთ საკითხებზე , რომლებიც საფუძველს წარმოადგენს ევოლუციისა და ჩემ მიერ მოტანილი სხვადასხვა არგუმენტიც სავსებით ნათლად აჩენს , ამ ამ ,,საფუძველთა'' სიმცდარეს . ციტატა კითხვას, რადგანაც მაინტერესებს მართმადიდებლური სწავლების დამოკიდებულება და მოსაზრება ამა თუ იმ საკითხზე, ( ამ შემთხვევაში კი ადამიანისა და ზოგადად ცოცხალი ორგნიზმების ევოლუციურ განვითარების თეორიასთან დაკავშირებით) მე აბა მძიმე მეტალურგიაზე გელაპარაკები? სწორედ ევოლუციის თეორიის შესახებ გესაუბრები . ციტატა არა 4.5 მილიარდი წელია, არამედ 7 ათასი წელი, რაც პირდაპირ სიცილის მომგვრელია და ეს განაცხადი უდიდეს შეურაცხყოფას აყენებას თითქმის ყველა სამეცნიერო სფეროს... ახლა მე და შენ დავიწყებთ სამყაროს ასაკის განხილვას და ვნახავთ თუ ვინ და რას აყენებს შეურაცხყოფას . ციტატა იუხედავად იმისა, რომ ასტრო ფიზიკა, კოსმოლოგია დახვა მსგავსი სახის მეცნიერებები არაფერ კავშირში არაა ბიოლოგიასთან ერთხმად ადასტურებენ, რომ სამყაროს ასაკი დაახლოებით 13.5 მილიარდია წელია, დედამიწისა - დაახლოებით 4.5, ხოლო მასზე სიცოცხლე 3.8 მილიარდი წელია არსებობს. ვნახოთ აბა ორივემ რომელი მეცნიერება რას ადასტურებს... ციტატა ეს მეცნიერების დაცინვაა...და უდიდესი მკრეხელობაა თეისტების მხრიდან მეცნიერული მოსაზრებების უარყოფა მხოლოდ იმის გამო, რომ მათ საღვთო წიგნში უსაფუძვლოდ წამოყენებული "მითები" გაამართლონ. ეს მართლაც მკრეხელობაა. ახლა კი დაგანახებ , რომ ცილს გვწამებ და იმასაც თუ საღვთო წიგნში ,,წამოყენებული მითები'' რამდენად უსაფუძვლოა და საფუძვლიანი. და რომელი მხარე ახდენს მისი არგუმენტების ,,გაპრავებას.'' (განზრახ არ დავწერ პოსტს უახლოესი 10 წუთის მანძილზე , რათა ერთმანეთს არ გადაებან . ავდგები და ცალკე პოსტით დაგანახებ თუ რაა მითი და სიანმდვილე . ) -------------------- აბა ჰე და აბა ჰო!
|
|
|
|
| A.V.M |
Apr 27 2013, 07:51 PM
პოსტი
#27
|
|
მადლობა ამ ფორუმს! ჯგუფი: Senators პოსტები: 13,742 რეგისტრ.: 14-June 11 მდებარ.: ფორუმს გარეთ წევრი № 11,203 |
1 - დამეთანხმები თუ არა რომ თანამედროვე კვლევებით დასტურებულია მზის შეკუმშვის თანაბარი სიჩქარე? დავკონკრეტდები და საუკუნეში 0.1% - ით კიდევ უფო დაკონკრეტებაც შემიძლია - ესაა 5 ფუტი საათში . აბა დაძაბე გონება და გადაითვალე დაახლოებით 50 000 წლის წინ მზე დღევანდელზე ერთნახევარჯერ მეტი იქნებოდა თუ არა?
და თუ იქნებოდა ოკეანეები და ზღვები ჩაისწყალივით ადუღდებოდნენ თუ არა? 2-პოინტინგ-რობერნსონის ეფექტის შესახებ გსმენია რამე? თუ არა მე გეტყვი . მზის გარშემო მოძრავი მიკრომეტეორიტები მზისგან მიღებულ ენერგიას იღებენ და აგზავნიან სხვადასხვა მიმართულებით , რაც იწვევს მათი ორბიტების შემცირებას . არის თუ არა ასე? ახლა მითხარი რამდენია ალბათობა მზის სისტემაში მათი გარედან შეღწევისა? და თუ არის რა რაოდენობით იქნება ? ან მათი რაოდენობის შემავსებელი წყაროს შესახებ თუ შეგიზლია მითხრა ამ სისტემაში? არა ხომ? ხოდა დღეში მზე დაახლოებით 100 000 ტონა მიკრომეტეორიტს იწოვს , ამ გამოთვლებით 50 000 წლის მანძილზე მზეს ყველა მეტეორიტი უნდა შთაენთქა , მაგრამ ასე არაა და ისინი საკმაოდ ბევრი არიან ? რატომ ? მითების გაპრავებას დავაბრალოთ ეს? 3-მეტეორიტების შესახებ გავაგრძელებ . იცი თუ არა რომ ეს მეტეორიტები განუწყვეტლივ ბომბავენ ვთქვათ სატურნის რგოლებს და თუ სატურნი 20 000 წელზე მეტისაა , მაშინ მას რგოლები აღარ უნდა ჰქონდეს . მითებს . მითებს ,,ვაპრავებთ'' არა? 4- ისევ მეტეორიტები . მენიერულად არის თუ არა დადასტურებული რომ ყოველ 24 საათში დაახლოებით 20 მილიონი მეტეორი ეჯახება ჩვენ პლანეტას ? ხშირად ისინი მიწაზეც ვარდებიან ხოლმე . ახლა გეკითხები , ამდენი გათხრა და გამოთხრა რომ ჩაატარეს , 10 000 წელზე დიდი ხნის მეტეორი იპოვეს სადმე? მე არ ვიცი და იქნებ შენ მასწავლო . 5-ახლა შემდეგი . მთვარეს აქვს დამცავი ატმოსფერული გარსი ? არა ხომ. ანუ მზის მზის სხივები პირდაპირ მოქმედებენ მასზე და შლიან ზედაპირებს და ქანებს . არის ასე? ამპროცესისი სიჩქარის მიახლოებითი მნიშვნელობა იცი? არა მგონია . ხოდა მე გეტყვი - ესაა 0.00075 - 0.001 სმ.წელიწადში . ანუ , 5 მილიარდის მანძილზე უნდა ყოფილიყო მისი მტვერი - დაახლოებით 30-50 კმ. ხოდა კი ქონდათ დიდი იმედი ევოლუციონისტ მეცნიერებს რომ ამ მტვრის აღმოჩენით დაადასტურებდნენ საკუთარ მცდარ თეორიებს . მაგრამ სამწუზაროდ , თანამგზავრზე გაგზავნილმა დასაზვერმა აპარატმა ეს ვერსია უარყო , ხოლო საბოლოოდ გაანადგურა ხომალდმა ,,აპოლონ-11 მა.'' რადგან მთვარეზე მტვრის მასა არ აღემატებოდა 8 სანტიმეტრს. იყო ასე? ხოდა თუ იყო ,,ბიბლიურ მითებს აპრავებთო აღარ გვითხრა.'' 6- იგივე მთვარით გავაგრძელებ . ამ თანამგზავრის რეცესიის შესახებ თუ გსმენია რამე? მაშინ მე გეტყვი - ესაა ის , რომ მთვარე წელიწადში დაახლოებით 4 სმ.-ით შორდება დედამიწას . თან შორდება სპირალური ტრაექტორიით . ხოდა დაახლოებით 30 000 წლის წინ , იმდენად ახლოს იქნებოდა იგი დედამიწასთან , რომ მიზიდულობის ძალა კვახივით დააბერტყებდა მასზე . ბიბლიურ მითებს ვაპრავებთ არა? ჩვენ კი არა თურმე ,,მთვარის რეცესიაც'' აპრავებს . 7- დოქტორ თომას ჯ.ბერნსის შესახებ გსმენია რამე? მაშინ მე გეტყვი - მან 135 წლის მანძილზე დაგროვილი მონაცემები შეისწავლა და რა გამოავლინა იცი? რაა და ის რომ 1835 წ-დან დღემდე , დედამიწის მაგნიტური ველის ძალა 14 % ითაა შემცირებული . აბა მითხარით შენ და ყველა ევოლუციონისტმა , 20 000 წლის წინ , რამდენჯერ მეტი იქნებოდა ეს ენერგია და რა მოუვიდოდა დედამიწას? რა და პლასტმასივით დალღვებოდა. არის ასე? ხოდა თუ არის მაშინ დიდი ბოდიში , მაგრამ არ მაქვს საფუძველი თქვენს უსაფუძვლო თეორიებს მივემხრო , მით უმეტეს უარვყო ის ჭეშმარიტება რასაც ბიბლიური მომოძღვრება გადმომცემს და რომელიც მეცნიერულად დასტურდება . ახლა დედამიწის ასაკზე მეტს აღარ დავწერ . და ნურც შენ დაწერ კითხვებს ნუ სვამო . ეს კითხვები შენ მიერ წამოყენებულ უსაფუძვლო ბრალდებებზე პასუხია , და ნება იბოძე და თუ მათ გვიყენებ , დაგვისაბუთე კიდევაც სიმცდარე. (არ დაგავიწყდეს , რომ სახარებისეული სიმცდარეებიც გაქვს ,,დასასაბუთებელი'' ჩვენთვის) ბოლოსკენ დავწერ , რომ გირჩევ აშერ არმაგის კვლევები წაიკითხო და გაიგო , თუ როდის შეიქმნა ამ მეცნიერის აზრით სამყარო და რამ მისცა საფუძველი ეს დებულება წამოეყენებინა . და კიდევ ერთი . თუ ეს ყოველივე შენთვის საკმარისი არაა , შემიძლია რადიომეტრული დათარიღების სისტემის შესახებ გესაუბრო და განვიხილოთ - რადიონახშირბადოვანი , კალიუმ-არგონის , ურანის დაშლის და.ა.შ. მეთოდების შესახებ . -------------------- აბა ჰე და აბა ჰო!
|
|
|
|
| A.V.M |
Apr 27 2013, 08:13 PM
პოსტი
#28
|
|
მადლობა ამ ფორუმს! ჯგუფი: Senators პოსტები: 13,742 რეგისტრ.: 14-June 11 მდებარ.: ფორუმს გარეთ წევრი № 11,203 |
ახლა შემდეგ საკითხს მივუბრუნებთ .
ციტატა ცოცხალი ორგანიზმების ევოლციურ ფაქტს დღეს არსებული ბევრი ფაუნის წარმომადგენელი ამტკიცებს. ბუნებაში ბევრ სახეობას ჯერაც აქვს შემორჩენილი ეგრედ წოდებული "ნარჩენი სტრუქტურები", ანუ ზედმეტი ორგანოები მგ: (წარმოვადგენ ამონარიდს ერთერთი ნაშრომიდან ევოლუციის თეორიის შესახებ) ისე , თუ ხანდახან დამიკონკრეტებ ხოლმე ხაშრომის სათაურსა და ავტორს ძალიან დამავალებ , რადგან დედანში მოვიძიო იგი და მასზე პასუხის გაცემა უფრო კარგად შევძლო . შენ მესაუბრები ე.წ. ,,რუდიმენტული'' ორგანოების შესახებ . ვწუხვარ მაგრამ უნდა შეგახსენო ფრაზა ,,კუკარაჩადან'': ,,მეთოდები დაგიძველდა მურტალო ! '' ეგ არგუმენტები საკმაოდ დიდი ხნისაა და უფრო მეტიც - თანამედროვე მედიცინის მიერაა უარყოფილი . განვიხილავ სათითაოდ : ციტატა ასევე არასაჭირო, ევოლუციურ ნარჩენებს წარმოადგენენ, ადამიანის ჭიანაწლავი რომელსაც ფუნქცია დაკარგული აქვს ვა... კაი კაცო . თანამედროვე მედიცინა რომ საპირისპიროს მასწავლის რომელს დაგიჯეროთ ? მოდი ჯერ მედიცინის არგუმენტს გეტყვი : აი აპენდიქსს ჰქონია თურმე ჯირკვლოვანი ფუნქცია თურმე ნუ იტყვი და აპენდიქსი გამოიმუშავებს სისხლის თეთრ უჯრედებს , რომლებიც ინფექციათა გამომწვევ ბაქტერიებს ებრძვიან . თურმე ნუ იტყვი , და მცენარეული საკვების გადამუსავებაშიც იღებს მონაწილეობას . ახლა მეტყვი სავარაუდოდ - რომ არაერთი ,,აპენდიქსამოჭრილი'' ადამიანი გინახავს , და თუ საჭიროა რატომ ცოცხლობენ ისინი და არ იღუპებიან ? მე კი გიპასუხებ : შენ თუ აპენდიქს ამოჭრილიანები გინახავს , მე თირკმელამოჭრილიანები მინახავ და გეტყვი , რომ ნორმალურად ცხოვრობენ . უფრო მეტიც - მინახავს ხელმოჭრილი , ფეხმოჭრილი , და.ა.შ. მოჭრილი ხალხი . რა ვქნათ ახლა ? რადგან ამ ორგანოების მუშაობა გარკვეულ მომენტში მათ საფრთხეს უქმნიდათ , ე.ი. უსარგებლონი არიან? არა მგონია. ახლა მეორე : ციტატა კუდუსუნის ძვალი. ეუჰ... დაინგრა მთელი ბიბლური მოძღვრება . ახლა მე გეტყვი , რომ გავის სახსრით კუდუსუნს 4-5 მალა უერთდება . მასზე ჩვენ ვზივართ . ცხოვრების მჯდომარე წესის გამო ხშირად ზიანდება და ანთებითი პროცესიც ვითარდება , რომელსაც კოქსიოდონია ეწოდება თუ სწორად მახსოვს . მოკლედ აღარ მინდა გაგრძელება . ამ საკითხზე მხოლოდ თეორიული ცოდნა მაქვს , თუ გინდა ვუთხრათ ფორუმელ ექიმებს რამე ამის შესახებ და დამანახონ თუკი ვცდები და ისე არაა როგორც მგონია . რომ აპენდიქსი მართლაც ყოვალადუსარგებლოა და.ა.შ შენ მხოლოდ 2 რუდიმენტული ორგანო დამისახელე . მეტი არ იცი? მე გეტყვი , რომ მათი რაოდენობა ადამიანის ორგანიზმში დაახლოებით 180 აღწევს . ჩამოგითვალო რომლები ითვლებოდა : ,,ფარისებრი ჯირკვალი , ჩიყვის ანუ ორთითა ჯირკვალი , კოპისებრი სარქველი , ყურის კუნთები , ნუშისებრი ჯირკვლები და.ა.შ. მოკლედ რა. თუ მართლა გაინტერესებს ამ ორგანოების დანიშნულების შესახებ გადახედე ამ წიგნებს და მერე გვასწავლე რომ თურმე საჭიროები არ არიან : ჰენრი მორისი - scientific creationism dr.jerry bergman , dr.george Howe ,,Vestigial organs'' are fully functional ხოდა ამათ რომ გადახედავ და დარწმუნდები შენი ვარაუდების სისწორეში მერე შეგეძლება გვასწავლო რომ ეს ორგანოები თურმე არ გვჭირდება და რაღაც უბედურობის ნაშთია . -------------------- აბა ჰე და აბა ჰო!
|
|
|
|
| Ochopintre 1 |
Apr 27 2013, 11:12 PM
პოსტი
#29
|
|
Newbie ჯგუფი: Members პოსტები: 30 რეგისტრ.: 20-April 13 წევრი № 13,096 |
მე უკვე ავღნიშნე, რომ მეცნიერების უამრავი დარგი ადასტურებს იმას, რომ დედამიწა "10 000 წელზე მეტისაა" (მეღიმება როცა ამის მტკიცება მიწევს) და უფრო მეტიც იგი რამდენიმე მილიარდ წელს ითვლის.
მოდი ახლა ამ ფაქტის დეტალური მტკიცებულებების ჩვენება დავიწყოთ სხვა და სხვა სამეცნიერო სფეროს მიხედვით. ჯერ ადამიანებით დავიწყოთ და ვნახოთ რას გვეუბნება არქეოლოგია და ანტროპოლოგია ამის შესახებ: ჩინეთში აღმოჩენილია Homo erectus-ის ნამარხი, რომელიც დათარიღებულია 1.9 მილიონი წლით. აფრიკის ტერიტორიაზე აღმოჩენილია Homo ergaster-ის ნამარხები, რომელიც 2.5 მილიონი წლით არის დათარიღებული. მოკლედ რომ ვთქვათ ჰომო საპიენსის, ჰოჰმონეანდერტალენის, ჰომო ჰეიდელბერგენსის, ჰომოერექტუსის, ჰომოჰაბილის, და ავსტრალოფითეკის ნამარხები აღმოჩენილია ევრაზიის, აფრიკის და ავსტრალიის ტერიტორიებზე. ყველამ კარგად ვიცით, რომ ეს ზემოთჩამოთვლილი კლასები ადამიანის წინამორბედები არიან და მათი ნამარხების წლოვანება 4 მილიონიდან 10 000 წლამდე მერყეობს დაახლოებით. ეს კი ადასტურებს იმას, რომ დედამიწა ნამდვილად 10 000წელზე მეტი ასაკისაა. ( თუ რა თქმა უნდა ათეისტებმა მთელი მსოფლიოს ანთროპოლოგები არ მოისყიდეს და ცნობები არ გააყალბებინეს...) ახლა ვნახოთ ამ საკითხზე რა აზრის არიან პალეონტოლოგები: უძველესი სიცოცხლე დედამიწაზე თარიღდება 3.4 მილიარდი წლით, კერძოდ დასავლეთ ავსტრალიაში აღმოჩენილია უძველესი მიკრონამარხი ბაქტერიისა რომელიც ზემოთხსენებული რიცხვებითაა დათარიღებული. მიუხედავად იმისა, რომ მაშინ ჟანგმადი არ არსებობდა ჩვენს პლანეტაზე, ბაქტერიას სიცოცხლის ფორმები მაინც გააჩნდა. ასეთია ოქსფორდის პროფესორის მარტინ ბრასიერის მოსაზრება, და არა მარტო მისი...ამ ფაქტებს კი ამყარებს ის, რომ პილბარას რეგიონში კარგადაა დაცული ნალექოვანი კლდეები და მეცნიერებისათვის თითქმის უტყუარ მასალას იძლევა. ეს კი ადასტურებს იმას, რომ დედამიწა ნამდვილად 10 000 წელზე მეტი ასაკისაა. ( თუ რა თქმა უნდა ათეისტებმა მთელი მსოფლიოს პალეონტოლოგები არ მოისყიდეს და ცნობები არ გააყალბებინეს...) ახლა ვნახოთ რა ხდება არქეოლოგიაში: გერმანიაში აღმოჩენილია კარგად შემონახული უძველესი ქვის იარაღი, რომელიც სავარაუდოდ ეკუთვნის ჰომოჰეიდელბერგენსს. ადამიანის ეს კლასი კი ცხოვრობდა დაახლოებით 300 000 წლის წინათ. ეს კი მხოლოდ ერთ ერთი მაგალითია იმ უამრავ ქვის იარაღს შორის, რომელიც შორეულ წარსულში მცხოვრებ ადამიანს ეკუთვნის...ეს კი ადასტურებს იმას, რომ დედამიწა ნამდვილად 10 000 წელზე მეტი ასაკისაა. (თუ რა თქმა უნდა ათეისტებმა მთელი მსოფლიოს არქეოლოგები არ მოისყიდეს და ცნობები არ გააყალბებინეს...) ასტროფიზიკა: ყველაზე ძველ ვარსკვლავად მიჩნეულია ჰაბლის ტელესკოპის დახმარებით აღმოჩენილი ვარსკვლავი სახელად "მათუსელა", რომლის სავარაუდო ასაკად 14.5 მილიარდ წეს ასახელებენ( აღარ ავხსნი იმას თუ როგორ ადგენენ ვასკვლავების ასაკს. შორს წაგვიყვანს...). უნდა ითქვას ისიც რომ დავის საგანია ამ ვარსკვლავის ასაკი, რადგანაც სამყაროს არსებობა 13.8 მილიარდი წლითაა დათარიღებული, გამოდს რომ რომელიღაცა ვერსია მცდარია თუმცა ეს ყველაფერი მაინც არ უშლის ხელს იმას, რომ დედამიწის 10 000 წლიანი ასაკი უარყოს, რადგანაც ჩვენი პლანეტის წარმოშობა პირდაპირ კავშირშია დიდ აფეთქებასთან და დედამიწის "ბიბლიური ასაკი" ყოველგვარი ლოგიკის ჩარჩოებს სცდება. უძველესი ასტეროიდის მიერ გაკეთებული კრატერი კი რომელიც გრელანდიის ტერიტორიაზე ჩამოვარდა 3 მილიარდზე მეტი წლითაა დათარიღებული. ეს ყველაფერი კი ადასტურებს იმას, რომ დედამიწა ნამდვილად 10 000 წელზე მეტი ასაკისაა. ( თუ რა თქმა უნდა ათეისტებმა მთელი მსოფლიოს ასტროფიზიკოსები და კოსმოლოგები არ მოისყიდეს და ცნობები არ გააყალბებინეს...) აღარაფერს ვამბობ ბიოლოგების და გენეტიკოსების მიერ უძველეს ცოცხალ ორგანიზმებზე მინიჭებლ ასაკებზე. და თქვენ ამ მონაცამების შემდეგ კი უდრეკათ ბრძანებთ, რომ დედამიწის ასაკი სულ რაღაც რამოდენიმე ათასი წლისაა და ამ ყველაფრის საფუძვლად მოგყავთ მზის შეკუმშვისა თუ გაფართოების, მთვარის რეცესიის, მეტეორიტების დაბომბვისა და სხვა ძნელად შესწავლადი მოვლენების მაგალითები, რომელთა მოქმედების დინამიკა მეცნიერებისათვის უცნობია და შესაძლებელია ისინი წარსულში სხვა ტემპებით მოქმედებდნენ. შეუძლებელია ყველაფრის დეტალურად განმარტება. მე ისევ ვიმეორებ, რომ მეცნიერებებში არის ბევრი ხარვეზი და შეუსაბამობები რადგანაც ხელთ არ მოიპოვება ყველა ფაქტი და შეუძლებელია განსაზღვრო შორეულ წარსულში მომხდარი ყველა მოვლენა, თუმცა ის, რომ ჩემს მიერ ზემოთჩამოთვლილი მეცნიერებები ყველა ერთდროულად და ერთნაერად ცდება დედამიწისა და სამყაროს დათარიღებაში ცოტა არ იყოს არაა ლოგიკური. 21-ე საუკუნეში მგონი მოგვეპოვება იმგვარი ტექნიკური შესაძლებლობები, რომ მეტნაკლებათ სწორად განვსაზღვროთ სხვადასხვა მოვლენისა თუ ნამარხის ასაკი და მილიონობით და მილიარდობით წლიანი ცდომილება არ მოგვივიდეს. რაც შეეხება ბიბლიაში არსებულ უამრავ შეუსაბამობასა და მის დამწერლებისაგან გამოვლენილ დიდ მეცნიერულ უცოდინრობაზე სხვა პოსტებში განვიხილავ თუ ნებას დამრთავთ. მანამდე კი თუ შეიძლება 2 სიტყვით უპასუხეთ ჩემს მიერ ნახსენებ ცოცხალი ორგანიზმების ევოლციურ ფაქტების დამამტკიცებელ გარემოებებზე... |
|
|
|
| A.V.M |
Apr 27 2013, 11:26 PM
პოსტი
#30
|
|
მადლობა ამ ფორუმს! ჯგუფი: Senators პოსტები: 13,742 რეგისტრ.: 14-June 11 მდებარ.: ფორუმს გარეთ წევრი № 11,203 |
Ochopintre 1
ჩემ კითხვებზე არ გიპასუხია და შენსას დებ? არაა ეგ პოლემიკის კანონებში მეგობარო. ჯერ გაეცი პასუხი ჩემსას და შემდეგ ვისაუბროთ შენზე . სხვაგვარად არ გამოვა ჩვენი ურთიერთობა . ციტატა რაც შეეხება ბიბლიაში არსებულ უამრავ შეუსაბამობასა და მის დამწერლებისაგან გამოვლენილ დიდ მეცნიერულ უცოდინრობაზე სხვა პოსტებში განვიხილავ თუ ნებას დამრთავთ. შენ წერდი სხვა თემაში სახარებაშI შეუსაბამობებზე. ამ საკითხზე მეც იქ გელოდები... ხოლო ამ თემაში კი ევოლუციაზე გვაქვს სასაუბრო... -------------------- აბა ჰე და აბა ჰო!
|
|
|
|
| აკაკი |
Apr 28 2013, 12:01 AM
პოსტი
#31
|
 Advanced Member ჯგუფი: Members პოსტები: 2,626 რეგისტრ.: 21-May 09 წევრი № 7,018 |
ციტატა რაც შეეხება ბიბლიაში არსებულ უამრავ შეუსაბამობასა და მის დამწერლებისაგან გამოვლენილ დიდ მეცნიერულ უცოდინრობაზე სხვა პოსტებში განვიხილავ თუ ნებას დამრთავთ. მაგრამ, თქვენ რას მოელით? მემგონი, სიტერესო უნდა იყოს ეს სტატიები: http://omousia.blogspot.com/2012/07/blog-post_11.html http://omousia.blogspot.com/2013/04/blog-post_3984.html |
|
|
|
| Ochopintre 1 |
Apr 28 2013, 12:16 AM
პოსტი
#32
|
|
Newbie ჯგუფი: Members პოსტები: 30 რეგისტრ.: 20-April 13 წევრი № 13,096 |
ციტატა(აკაკი @ Apr 28 2013, 12:01 AM) მაგრამ, თქვენ რას მოელით? მემგონი, სიტერესო უნდა იყოს ეს სტატიები: http://omousia.blogspot.com/2012/07/blog-post_11.html http://omousia.blogspot.com/2013/04/blog-post_3984.html თუ ქრისტიანული რელიგიის მოძღვრების ერთადერთი წყარო, ბიბლიაც კი შეცდომებით და შეუსაბამობებითაა გავსებული, მაშინ რის საფუძველზე უნდა მივიღოთ მათი სწავლება? რა გვაძლევს ჩვენ გარანტიას, რომ ეს რელიგია "ჭეშმარიტია"? ციტატა(A.V.M @ Apr 27 2013, 11:26 PM) Ochopintre 1 ჩემ კითხვებზე არ გიპასუხია და შენსას დებ? არაა ეგ პოლემიკის კანონებში მეგობარო. ჯერ გაეცი პასუხი ჩემსას და შემდეგ ვისაუბროთ შენზე . სხვაგვარად არ გამოვა ჩვენი ურთიერთობა . შენ წერდი სხვა თემაში სახარებაშI შეუსაბამობებზე. ამ საკითხზე მეც იქ გელოდები... ხოლო ამ თემაში კი ევოლუციაზე გვაქვს სასაუბრო... კი ბატონო სახარებებზე იყოს... ოხონდ ეს საკითხი როგორც მახსოვს მოძღვრის კითხვებში დავსვი და მგონი სხვა ნიკითაც, რაც შენ ამიკრძალე. მაშინ გავხსნი ახალ თემას ანაც აქვე გავაგრძელოდ, მე ასე მირჩევნია შენ თუ წინააღმდეგი არ ხარ...( ოხონდ არა ეხლა. ეგ სერიოზული საკითხია და "ჩაჯდომა" სჭირდება) ხოლო რაც შეეხება შენს კითხვებზე პასუხს, მათზე საერთოდ ვუპასუხე და ვთქვი, რომ გარანტია არ გვაქვს ჩვენ მათი წარსულში დინამიკური ქმედებისა და იმის შესახებ რომ ისინი ადრეც იგივე ტემპით მოქმედებდნენ... (ვგულისხმობ მზის შეკუმშვასა, მთვარის რეცესიას და სხვა ჩამოთვლილ მოვლენებს). ამ მოვლენებზე უფრო დაწრილებითაც შეიძლება საუბარი თუმცა ეს თემატიკას სცდება, რადგან ჩვენ ამ ეტაპზე დავა გვაქვს ცოცხალი ორგანიზმების ევოლუცირ განვითარებასა და დედამიწის ასაკზე (რაც პორდაპირ კავშირშია ევოლუციის თეორიასთან ). იმის დამტკიცებითაც კი, რომ მზის შეკუმშვა გაფართოების ტემპი მცდარადაა დადგენილი, ანაც ის თანაბარი დინამიკით მოქმედებს არ გვაძლევს იმიას საფუზველს, რომ დედამიწა "გავაახალგაზრდაოდ", ამით ჩვენ მხოლოდ მეცნიერების გარკვეული საკითხის სიცხადეში შეგვაქვს ეჭვი. ანუ შენი მტკიცებით ყველა მეცნიერება ცდება დედამიწის დათარიღებაში, ანაც ცნობები გაყალბებულია? ანუ ამის თქმას ცდილობ ზემოთ წამოყენებული საკითხებით? მე ეს მაინტერესებს, თორე მეცნიერები რო წვრილმან საკითხერბში ცდებიან მაგას წყალი არ გაუვა და ეგ ბუნებრივიცაა |
|
|
|
| აკაკი |
Apr 28 2013, 02:15 PM
პოსტი
#33
|
|
Advanced Member ჯგუფი: Members პოსტები: 2,626 რეგისტრ.: 21-May 09 წევრი № 7,018 |
Ochopintre 1
როგორც ჩანს, მხოლოდ გადახედეთ პოსტებს, არათუ გაეცანით. მოკლედ რომ გითხრათ, ქრისტიანული რელიგიის "ერთადერთი" წყარო ბიბლია ნამდვილად არ არის. არც ისაა ბიბლიის და საერთოდ თეოლოგიის მიზანი, მეცნიერულ მატერიალური სამყაროს მეცნიერულ კვლევებს, მეცნიერულ ინფორმაციებს გვაზიაროს, ან რომელიმე სამეცნიერო დისციპლინაში გაგვარკვიოს, იქნება ეს ათროპოლოგია, ფსიქოლოგია, ბიოლოგია, ფიზიკა-მათემატიკა, გეორგრაფია და სხვ. არ იქნებოდა იმის გააზრება ურიგო, თუ არა მნიშვნელოვანი, რომ ბიბლიის, საღვთისმეტყველო აზროვნების, და ზოგადად ღვთის მიზანი არის, შეუქმნელ ჭეშმარიტებას გვაზიაროს, გაგვიცადოს ვინ არის ღმერთი, რა ნებავს ღმერთს, როგორია მისი მიზანი ადამიანთა ბედნიერებისა, ერთი სიტყვით, გაგვიცხადოს და გვაზიაროს სულიერი სიმართლეს, მშვენიერებასა და ჰარმონიას. ის ღვთივშთაგონებული ადამიანები, რომლებიც წერდნენ ბიბლიას, შეუმცდარი ღვთისმეტყველნი იყვნენ, როცა ღმერთზე, სულიერ საგნებზე საუბრობენ არ ცდებიან. მათი ღვთივშთაგონებულობა, განღმრთობილობა არ გულისხმობს იმას, რომ შექმნილ სამყაროზე ყველაფერი უწყოდნენ სამეცნიერო თვალსაზრისით. ამჟამ, ეს შემიძლია გითხრათ, ვფფიქრობ, დაინტერესდით. |
|
|
|
| Ochopintre 1 |
Apr 28 2013, 03:23 PM
პოსტი
#34
|
|
Newbie ჯგუფი: Members პოსტები: 30 რეგისტრ.: 20-April 13 წევრი № 13,096 |
ციტატა(აკაკი @ Apr 28 2013, 02:15 PM) Ochopintre 1 როგორც ჩანს, მხოლოდ გადახედეთ პოსტებს, არათუ გაეცანით. მოკლედ რომ გითხრათ, ქრისტიანული რელიგიის "ერთადერთი" წყარო ბიბლია ნამდვილად არ არის. არც ისაა ბიბლიის და საერთოდ თეოლოგიის მიზანი, მეცნიერულ მატერიალური სამყაროს მეცნიერულ კვლევებს, მეცნიერულ ინფორმაციებს გვაზიაროს, ან რომელიმე სამეცნიერო დისციპლინაში გაგვარკვიოს, იქნება ეს ათროპოლოგია, ფსიქოლოგია, ბიოლოგია, ფიზიკა-მათემატიკა, გეორგრაფია და სხვ. არ იქნებოდა იმის გააზრება ურიგო, თუ არა მნიშვნელოვანი, რომ ბიბლიის, საღვთისმეტყველო აზროვნების, და ზოგადად ღვთის მიზანი არის, შეუქმნელ ჭეშმარიტებას გვაზიაროს, გაგვიცადოს ვინ არის ღმერთი, რა ნებავს ღმერთს, როგორია მისი მიზანი ადამიანთა ბედნიერებისა, ერთი სიტყვით, გაგვიცხადოს და გვაზიაროს სულიერი სიმართლეს, მშვენიერებასა და ჰარმონიას. ის ღვთივშთაგონებული ადამიანები, რომლებიც წერდნენ ბიბლიას, შეუმცდარი ღვთისმეტყველნი იყვნენ, როცა ღმერთზე, სულიერ საგნებზე საუბრობენ არ ცდებიან. მათი ღვთივშთაგონებულობა, განღმრთობილობა არ გულისხმობს იმას, რომ შექმნილ სამყაროზე ყველაფერი უწყოდნენ სამეცნიერო თვალსაზრისით. ამჟამ, ეს შემიძლია გითხრათ, ვფფიქრობ, დაინტერესდით. მე ერთხელ უკვე ავღნიშნე, რომ ბიბლიის როგორც ქრისტიანული მოძღვრების საწინააღმდეგო არაფერი მაქვს "ადამიანურ" საკითხთან მიმართებაში, ანუ ვეთანხმები იმას, რომ ქრისტიანული სწავლება ქადაგებს წმინდა მორალურ და მაღალ ეთიკურ ცხოვრების წესს და ეს მშვენიერია, ის ზოგადად ადამიანებს სათონებასა შემწყნარებლობას ასწავლის (თუმცა უხვადაა ბიბლიში შეუბრალებელი დამოკიდებულება და აგრესია ადამიანების მიმართ ) რასაც დღევანდელი გაგებით ჰუმანიზმი ეწოდება, თუმცა ჩვენ ვიცით, რომ ადამიანის მორალურ აღზრდას, მხოლოდ რელიგიური სწავლება არ განაპირობებს, ეს უფრო იმ სოციუმის დამსახურებაა სადაც პიროვნებას უწევს აღზრდა და ჩამოყალიბება, ასევე დიდ როლს ბუნებრივი და გენეტიკური მყოფადობა განაპირობებს. თუმცა პრობლემა შემდეგში მდგომარეობს: საღვთო წიგნში მოხსენიებული ყოველი ფრაზა და სიტყვა პატივის ცემას უნდა იმსახურებდეს მისი მიმდევრების მხრიდან, რადგანაც ქრისტიანების თქმით ბიბლია, სახარებები და ზოგადად მართმადიდებლური სწავლება "ღვთის მეტყველებაა" და აქ დაუშვებელია ლაფსუსი, ხარვეზი და რაიმე შეუსაბამობა( თუნდაც საუბარი იყოს არასულიერ საგნებზე), წინააღმდეგ შემთხვევაში მსგავსი წყარო არ იმსსახურებს აღიარებას, ხოლო მას პატივს მივაგებთ როგორც სწორი ცხოვრებისეული სიბრძნის მქადაგებელს(მაგალითად როგორც სულხან-საბა ორბელიანის იგავ არაკებს) და არა, როგორც მატერიალურ რეალობას, რაც კრეაციონისტების თქმით ჭეშმარიტებას წარმოადგენს. ცივილიზაციის წინ სვლისა და ტექნიკური პროგრესის ფონზე კი ეტაპობრივად ვხედავთ იმას, რისი დანახვაც არ სურთ თეისტებს, და რაც საფრთხეს უქმნის ყოველივე ზემოთ ხსენებულს. სწორედ აქ დგას პრობლემა, იკვეთება სიცრუე და "არაღვთიურობა ", რაც სერიოზულ საფრთხეს უქმნის მისი საზოგადოების მხრიდან აღიარების საკითხს. დღეს ყველა მსოფლიო რელიგიის მიმდევართ არ აქვთ ლოგიკურად გამართლებული მიზეზი აღიარონ ის რასაც აღიარებენ... |
|
|
|
| A.V.M |
Apr 28 2013, 06:17 PM
პოსტი
#35
|
|
მადლობა ამ ფორუმს! ჯგუფი: Senators პოსტები: 13,742 რეგისტრ.: 14-June 11 მდებარ.: ფორუმს გარეთ წევრი № 11,203 |
Ochopintre 1
ციტატა კი ბატონო სახარებებზე იყოს... ოხონდ ეს საკითხი როგორც მახსოვს მოძღვრის კითხვებში დავსვი და მგონი სხვა ნიკითაც, რაც შენ ამიკრძალე. მაშინ გავხსნი ახალ თემას ანაც აქვე გავაგრძელოდ, მე ასე მირჩევნია შენ თუ წინააღმდეგი არ ხარ... მე კი არ აგიკრძალე მეგობარო , ფორუმის წესები კრძალავენ რამდენიმე ნიკის ქონდას , რაც შეეხება ახალი თემის გახსნას ეს საჭირო არაა და შეგიძლია ისევ იმ თემაში განაგრძო საუბარი , რადგან განყოფილებიდან გადმოტანილია . ციტატა ანუ შენი მტკიცებით ყველა მეცნიერება ცდება დედამიწის დათარიღებაში, ანაც ცნობები გაყალბებულია? ყველა მეცნიერი? უცხოელებს თავს დავანებებ და ზაზა ოსმანოვზე თუ გსმენია რამე? და არა მარტო მაგაზე , ახლა დავდებ დღევანდელ მკვლევართა ჩამონათვალს მეორე თემაში , მართალია სხვა მიზნისთვის მაგრამ თუ გადახედავ ურიგო არ იქნება . ციტატა თუმცა უხვადაა ბიბლიში შეუბრალებელი დამოკიდებულება და აგრესია ადამიანების მიმართ ) მოდი გამოვიცნობ რაზე საუბრობ ხომ? შენ გულისხმობ ძველი აღთქმის რამდენიმე მომენტს . ძალიუან სამწუხაროა , რომ ისინი შესწავლილი არ გაქვს კარგად . აი მაგალითად , მე და აკაკის გვაქვს ბედნიერება ძველ აღთქმას გვასწავლიდეს ბატონი გიორგი გვასალია , დამიჯერე ამ კაცის ლექციების მოსმენაც კი საკმარისია , რომ ეგეთი მცდარი შეხედულებები არ გქონდეს ამ საკითხზე . და რადგან ამ მომენტში მას გაცნობილი არ ხარ , ამიტომ გეუბნევი რომ მხოლოდ სახარების ,,ცდომილებების'' შესახებ მესაუბრო , რადგან ძველ აღთქმაზე ლაპარაკი სპეციპიკურია და არ მინდა მხოლოდ თეოლოგიურ ჭრილში გადავდეს საუბარი .. ციტატა დღეს ყველა მსოფლიო რელიგიის მიმდევართ არ აქვთ ლოგიკურად გამართლებული მიზეზი აღიარონ ის რასაც აღიარებენ... ჩვენ გვაქვს ყველანაირად გამართლებული მიზეზი რომ ვიყოთ მართლმადიდებელი , აი იმის მიზეზს კი ვერ ვხედავთ თუ რატომ არ უნდა ვიყოთ მართლმადიდებელი . აქ კიდევ ერთხელ ახსენე შენ ცდომილებები წმ.წერილში . მეც კიდევ ერთხელ გთავაზობ , რომ გვითხრა სახარებისეულ შეცდომებზე . -------------------- აბა ჰე და აბა ჰო!
|
|
|
|
| აკაკი |
Apr 28 2013, 09:43 PM
პოსტი
#36
|
|
Advanced Member ჯგუფი: Members პოსტები: 2,626 რეგისტრ.: 21-May 09 წევრი № 7,018 |
ციტატა საღვთო წიგნში მოხსენიებული ყოველი ფრაზა და სიტყვა პატივის ცემას უნდა იმსახურებდეს მისი მიმდევრების მხრიდან, რადგანაც ქრისტიანების თქმით ბიბლია, სახარებები და ზოგადად მართმადიდებლური სწავლება "ღვთის მეტყველებაა" და აქ დაუშვებელია ლაფსუსი, ხარვეზი და რაიმე შეუსაბამობა( თუნდაც საუბარი იყოს არასულიერ საგნებზე), წინააღმდეგ შემთხვევაში მსგავსი წყარო არ იმსსახურებს აღიარებას, ხოლო მას პატივს მივაგებთ როგორც სწორი ცხოვრებისეული სიბრძნის მქადაგებელს(მაგალითად როგორც სულხან-საბა ორბელიანის იგავ არაკებს) და არა, როგორც მატერიალურ რეალობას, რაც კრეაციონისტების თქმით ჭეშმარიტებას წარმოადგენს. ცივილიზაციის წინ სვლისა და ტექნიკური პროგრესის ფონზე კი ეტაპობრივად ვხედავთ იმას, რისი დანახვაც არ სურთ თეისტებს, და რაც საფრთხეს უქმნის ყოველივე ზემოთ ხსენებულს. სწორედ აქ დგას პრობლემა, იკვეთება სიცრუე და "არაღვთიურობა ", რაც სერიოზულ საფრთხეს უქმნის მისი საზოგადოების მხრიდან აღიარების საკითხს. დღეს ყველა მსოფლიო რელიგიის მიმდევართ არ აქვთ ლოგიკურად გამართლებული მიზეზი აღიარონ ის რასაც აღიარებენ... საღვთო წიგნში მოხსენებული ყოველი ფრაზა და სიტყვა პატივისცემას არ იმსახურებს, როგორც თითქმის ყველგან, აქაც ნახსენებია "მეძავი", "მრუში", "მკვლელი", "უწმინდური", "გარყვნილი", "ღვთისა და კაცთა მოძულე", "შურიანი" და სხვ. რაც შეეხება ნახსენებ "ღვთისმეტყველებას", სავსებით ცხადია, რომ წმინდა წერილი ნამდვილად ღვთისმეტყველებაა. მაგრამ, რას ნიშნავს ღვთისმეტყველება - ესაა საუბარი, მოძღვრება ღმერთის შესახებ, მისი არსის რაგვარობის, მისი თვისებების, მისი პიროვნების, მისი მიზნების, ნების, ჩანაფიქრის გაცხადება. ესაა ერთგვარი სფერო, საგანი მეცნიერებისა (არ მინდა ეს სიტყვა თავისი პოპულარული მნიშვნელობით გავიგოთ, არამედ, როგორც ადამიანის სწრაფვა რაღაცის შემეცნებისა და გაზიარებისკენ), რომლის მიზანია შეიცნოს, გაიგოს, მიხვდეს ღმერთის ვინაობას, რაგვარობას, მის არსებას გაუგოს და გაიცნოს იგი, როგორც პიროვნება. "ღვთისმეტყველება" არ ნიშნავს ღვთის საუბარს (ერთგვარ ლექციებს ღვთისგან) ამა თუ იმ საგნის შესახებ, როგორებიცაა მაგალითად ხილული სამყაროს, ცოცხალი ორგანიზმების, ადამიანების, ცხოველების აგებულებასა და სტრუქტურაზე საუბარს. ღვთისმეყველება არის საუბარი, სწავლა-მოძღვრება ღმერთის შესახებ და, ცხადია, ღმერთის შესახებ თავად მისგან ვიგებთ (რასაც წერილში ვკითხულობთ), მაგრამ ეს არ ნიშნავს იმას, რომ "ღვთისმეტყველება", როგორც ასეთი, ღმერთის საუბარია. წმინდა წერილში ღმერთი საუბრობს, წმინდა წერილი კი ღმერთზე საუბრობს (ღვთისმეტყველებს) - ასე უნდა გვესმოდეს "ღვთისმეტყველება. ლაფსუსს და შეუსაბამობას რაც შეეხება, რა თქმა უნდა, არ არსებობს რაიმე შეუსაბამობა და ხარვეზი, როცა იგი ღმერთზე, სულიერ საგნებზე საუბრობს, მაგრამ ნამდვილად ვერ დაგეთანხმებათ ქრისტიანული ეკლესია იმაზე, რომ იგი გამორიცხულია არასულიერ, მატერიალურ საგნებთან მიმართებაში. მიუხედავად იმისა, რომ ბიბლია ღვთივშთაგონებულია, მას ადამიანები წერდნენ, რომლებიც საუბრობდნენ რა რაიმე გამიზნულ საკითხებზე, ბუნებრივია, საუბარში უხდებოდათ და ეხებოდნენ მატერიალურ საკითხებსაც. ღვთისგან შთაგონება მათ ისევ ღმერთზე და სულიერ საწყისებზე, სულიერ სიმართლეებზე სასაუბროთ მიენიჭათ, არა მატერიალურ სამყაროზე. ერთ-ერთი და, როგორც აღნიშნავენ, უმთავრესი და უცხადესი რამ, რასაც ბიბლია სამყაროზე აცხადებს და ხაზს უსვამს არის ის, რომ მას მიეცა დასაბამი, იგი ოდესღაც შეიქმნა და ჰყავს გონიერი შემოქმედი, რომელიც ქმნის მას გააზრებულად, მასში დებს მიზანს. ეს არის უმნიშვნელოვანესი, ბიბლიის პირველივე წიგნის პირველ გვერდებზე, სწორედ ამას უცხადებს ღმერთი ადამიანებს. სხვა შემთხვევებში, ბუნებრივია, ის ადამიანები, რომლებიც წერდნენ ბიბლიას და საუბრობდნენ ყოფით, მატერიალურ საკითხებზე, იმ ცოდნას ემყარებოდნენ და იმის მიხედვით საუბრობდნენ, რაც იმ დროში იყო. კიდევ გავიმეორებ, რომ შთაგონება მათ ღმერთისგან არამატერიალურ, მეტაფიზიკურ საგნებზე სასაუბროთ მიიღეს, რათა ადამიანებისათვის სულიერი ჭეშმარიტება გაეცხადებინათ. ხილულ სამყაროზე საუბრისას, კარგი მაგალითი იქნება თვასაჩინოებისთვის ადამისა და ევას სამოთხეში ყოფის გახსენება. რას ეუბნება მათ ღმერთი და რაზე ესაუბრება? კვლავ და კვლავ ის მათ აძლევს მცნებას, აუწყებს როგორ იურთიერთონ ღმერთთან და რა არის ამისათვის საჭირო (ანუ აქაც ღმერთი ადამიანებს მეტაფიზიკურ რეალობაზე ესაუბრება, რადგან მისი მიზანი ესაა). ხოლო როცა საქმე ეხება ადამიანის მიმართებას ხილულ სამყაროზე, ის ეუბნება: "ღმერთად დამიდგენიხარ ამ სამყაროში, რადგან ყველაფრის უფალი ხარ. ყოველივე შენია, იზრუნე მასზე". ეს კი იმას გულისხმობს, რომ გაიგო მისი რაობა, მისი პრობლემები (განსაკუთრებით მას შემდეგ, რაც ადამიანის დაცემამ ბუნებას მოსწია), დამეთახმებით, ეს იგივე მეცნიერებაა. კიდევ მინდა გავიხსენო, თუ რა ხასიათისაა ღვთის საუბარი, როგორაა ხაზგასმული რას ამბობს უფალი, წერია: " "ამას ამბობს უფალი (ხაზგასმულია რას ამბობს, რა ხასიათის საუბრებია), მოიქეცით ჩემდა, მომაპყარით თქვენი გულისა და გონების თვალები, თუკი მოინანიებ, შენი ცოდვები კუპრივით შავიც რომ იყოს თოვლივით გავასპეტალებ, რადგან მინდა გაიგო, რომ მე ვარ სიცოცხლე და ჩემით იცოცხლებ საუკუნოდ, ეს იქნება შენი და შენი მოდგმის კურთხევა". მაგრამ ღმერთს არ უთქვამს: "შეხედე, ეს ხეა! მას აქვს ფესვები, ღერო, ფოთლები, ნაყოფი. მისი ღერო სხვადასხვა გარსისაგან შედგება. აი, შეხედე, თითოეული საგანი სულ მცირე უჯრედებისაგან შედგება. იცოდე, მცენარე რომ გაიზარდოს წყალი უნდა უსხა და მისთ". კრეაციონისტებს რაც შეეხებათ, მათ ისეთ დროს მოუწიათ ჩაბმა ამ პრობლემებში, როცა მეცნიერებამ იმ (IXX, XX სს.) დროში წარმოუდგენელ და შესანიშნავ აღმოჩენებს გაეცნო და წარუდგინა მთელს მსოფლიოს. რომ ითქვას, მეცნიერება IXX და XX საუკუნემდეც არსებობდა შესაბამისი სახითა და გვარით და მას პრობლემა არ ჰქონია, ეარსება მორწმუნე საზოგადოებაში). ბუნებრივი იყო, ამ ყველაფერს გააზრება სჭირდებოდა, რაც დროის უმოკლეს ვადაში ვერ მოხერხდა და სხვა გზით წარიმართა აღნიშნულ პრობლემატიკაზე დისკუსიები. ცხადზე უცხადესია, ბიბლია კერპი არ არის, ბიბლია არ არის ღმერთი. დანახვა და არდანახვა ახსენე, მინდა გითხრა, როგორც ყველგან, ისე აქაც ვხვდებით როგორც გაუკუღმართებულ, გადაგვარებულ (ან, უბრალოთ, შესაბამისი განთლების უქონელ, მაგრამ გულწრფელ) "თეისტს", ისე "ათეისტს". ამდენად, არ არის სანდრო ის გავრცელებული მოსაზრება, რომ, თითქოს, თეისტებს არ სურთ აღიარონ ის სიცხადე, რასაც მეცნიერება ავლენს თავისი განვითარებისას დროდადრო. მინდა გითხრა, არათუ აღიარებს, სიხარულითაც კი ხვდება, რადგან ამაზე უკეთ და დიდებულად განა რამე ხდის თვალსაჩინოთ იმ დიდებულებას, რაც ღმერთმა შექმნა, ადამიანი რომ ჰქვია. დროის ცვლასთან ერთად, იცვლება ადამიანის ცოდნაც ხილულ და ცვალებად სამყაროზე. რადგან ბიბლიაზე ვსაუბრობ, არ იქნება ცუდი თუ ამასაც გავიაზრებთ: კაცობრიობის კულტურული განვითარების სხვადასხვა ეტაპზე განსხვავებული ხასიათის ლიტერატურა იქმნებოდა. ანტიკური ხანიდან გვაქს შემორჩენილი ისეთი ლიტერატურული ნიმუშები, როგორებიცაა მაგალითად, ჰომეროსის ორი, ცნობილი თხზულება. მასში, ცხადია, მატერიალურ საკითხებთან მიმართებაში ის ცოდნაა ნაჩვენები და გატარებული, რაც იმ დროში არსებობდა. ვთქვათ, იმ დროინდელი კოსმოლოგია, წარმოდგენა სამყაროს აგებულებაზე, რომ ვარსკვლავები მხოლოდ წერტილებია. მაგრამ, რადგან მომდევნო საუკუნეებში უკვე გავარკვიეთ, რომ ეს ასე არაა, სრულიად არ აკნინებს ამ თხზულებათა ღირსებას, რადგან ხვდები, რომ ჰომეროსს სულაც არ ჰქონდა მიზნად, შენ კოსმოლოგი გამხდარიყავი, ან გცოდნოდა მთვარეზე როგორი კრატერებია, როცა ნაწარმოებს წერს, იგი ცდილობს გასიამოვნოს ცხოვრებით, გასწავლოს ადამიანური ცხოვრება, რომ სანამ ცოცხალი ხარ თავი ბედნიერად იგრძნო. არ ვიცი, გამიგრძელდა სიტყვა, მაგრამ, მე მგონი, სასარგებლო იქნება ამ ყველაფრის გააზრება. და თხოვნა მექნება, ისე, სასხვათაშორისოდ ნუ გადაავლებ თვალს ამ ნაწერებს. მადლობა, რომ დაინტერესდი ასეთი საკითხებით. |
|
|
|
| A.V.M |
Jul 14 2013, 06:53 PM
პოსტი
#37
|
|
მადლობა ამ ფორუმს! ჯგუფი: Senators პოსტები: 13,742 რეგისტრ.: 14-June 11 მდებარ.: ფორუმს გარეთ წევრი № 11,203 |
Ochopintre 1
ციტატა ი ბატონო სახარებებზე იყოს... ოხონდ ეს საკითხი როგორც მახსოვს მოძღვრის კითხვებში დავსვი და მგონი სხვა ნიკითაც, რაც შენ ამიკრძალე. მაშინ გავხსნი ახალ თემას ანაც აქვე გავაგრძელოდ, მე ასე მირჩევნია შენ თუ წინააღმდეგი არ ხარ.. ველოდები არგუმენტებს სადაც კანონიკურ სახარებებში აღმოჩენილ ,,უზუსტობებზეა'' ლაპარაკი!!! -------------------- აბა ჰე და აბა ჰო!
|
|
|
|
| G_saxva |
Jul 15 2013, 10:11 AM
პოსტი
#38
|
|
I n t e r n e t ჯგუფი: co-Moderators პოსტები: 4,913 რეგისტრ.: 11-March 13 მდებარ.: i n t e r n e t წევრი № 13,010 |
რა ხდება აქაც მოკვდა კამათი
 -------------------- და მეცხრესა ოდენ ჟამსა ჴმა-ყო იესუ ჴმითა დიდითა და თქუა: ილი, ილი! ლიმა საბაქთანი? ესე არს: ღმერთო ჩემო, ღმერთო ჩემო! რაჲსათჳს დამიტევე მე? კაცი პატივსა შინა იყო და არა გულისხმა-ყო, ჰბაძვიდა იგი პირუტყუთა უგუნურთა და მიემსგავსა მათ. ---------------------------------------------------------------------------------------------------------------------------------- |
|
|
|
| A.V.M |
Jul 15 2013, 01:20 PM
პოსტი
#39
|
|
მადლობა ამ ფორუმს! ჯგუფი: Senators პოსტები: 13,742 რეგისტრ.: 14-June 11 მდებარ.: ფორუმს გარეთ წევრი № 11,203 |
G_saxva
ციტატა რა ხდება აქაც მოკვდა კამათი ველოდები და არ მოდის არავინ...  -------------------- აბა ჰე და აბა ჰო!
|
|
|
|
| G_saxva |
Jul 15 2013, 01:33 PM
პოსტი
#40
|
|
I n t e r n e t ჯგუფი: co-Moderators პოსტები: 4,913 რეგისტრ.: 11-March 13 მდებარ.: i n t e r n e t წევრი № 13,010 |
ციტატა(A.V.M @ Jul 15 2013, 01:20 PM) G_saxva ველოდები და არ მოდის არავინ... ასდ გძინავს ჭეშმარიტებავ, გაიღვიძე ! -------------------- და მეცხრესა ოდენ ჟამსა ჴმა-ყო იესუ ჴმითა დიდითა და თქუა: ილი, ილი! ლიმა საბაქთანი? ესე არს: ღმერთო ჩემო, ღმერთო ჩემო! რაჲსათჳს დამიტევე მე? კაცი პატივსა შინა იყო და არა გულისხმა-ყო, ჰბაძვიდა იგი პირუტყუთა უგუნურთა და მიემსგავსა მათ. ---------------------------------------------------------------------------------------------------------------------------------- |
|
|
|
|
ამ თემას კითხულობს 2 მომხმარებელი (მათ შორის 2 სტუმარი და 0 დამალული წევრი)
0 წევრი:
| მსუბუქი ვერსია | ახლა არის: 25th April 2024 - 08:19 AM |
მართლმადიდებლური არხი: ივერიონი
ფორუმის ელექტრონული ფოსტა: იმეილი
CHURCH.GE-Powered by Giorgi and IPB. Hosting by WebHostinG.Ge
2024
Licensed to: church.ge