პატრიარქის იდეები და მის მიერ მოცემული კურთხევები პარამეტრები

[A.V.M]

მართლმადიდებელის ეკლესიის პატრიარქმა დღეს, 2 თებერვალს საკვირაო ქადაგების დროს სამებაში შეკრებილებს ის დავალება შეახსენა, რაც წინა ქადაგებაზე მისცა.

ილია მეორისთვის უნდა წარედგინათ მოსაზრება, თუ როგორ უნდა გამოიყენონ განწყობის თეორია შრომასთან მიმართებაში. შეგახსენებთ, რომ ერთი კვირის წინანდელი ქადაგება ილია მეორემ სრულად დაუთმო განწყობის თეორიას და მისი ძეგლის შექმნის ინიციატივითაც გამოვიდა:

" მე თქვენთან მქონდა საუბარი დიმიტრი უზნაძის განწყობის თეორიის შესახებ, რომ ყველაფერში განწყობაა საჭირო. ადამიანი რომ იწყებს საქმეს, უნდა განეწყოს, სულიერი და ფიზიკური ძალები მოიხვეჭოს. მე მოგეცით დავალება, რომ გეფიქრათ დაგეწერათ, როგორ უნდა იქნას განწყობის თეორია გამოყენებული შრომის მიმართ. აბა, ვინ იფიქრა და ვის აქვს დაწერილი ეს ნაშრომი?"- განაცხადა ილია მეორემ.

რამდენიმეწუთიანი დუმილის შემდეგ მართლმადიდებელი ეკლესიის პატრიარქმა კვლავ განაგრძო:

" არავის. ესე იგი ჩვენ ცოტა შორს ვართ შრომისაგან და ამიტომ მეტი ყურადღება უნდა მივაქციოთ ამას. ჩვენ გვახასიათებს ზედმეტი განცხრომა, სიხარული, მწუხარება, ზომიერება ცოტა გვაკლია ჩვენ. ასევე ცოტა ყურადღება უნდა მივაქციოთ დროს. ჩვენ ვერ ვაქცევთ სათანადო ყურადღებას დროს, მისი ფასი არ ვიცით. მე გერმანიაში ვიყავი და თან მიკვირდა, თან მშურდა, როგორ აფასებენ დროს, პროფესორი, ექიმი თავის სამსახურს დილის 6-7 საათზე იწყებს. ვეკითხებოდი მას, როდის დგებით? 5-ის ნახევარზეო, რასც ვაკეთებ, შუადღემდე ვაკეთებო. ყველაზე ნაყოფიერი არის შუადღემდე გაკეთებული საქმე. ჩვენ უნდა ვისწავლოთ ადრე ადგომა და ადრე დაწოლა, ეს ძალიან ძნელია ჩვენთვის, მაგრამ საჭიროა ჩვენი ცხოვრებისათვის და მომავლისათვის. [...] არ მგონია, რომ გამოუსწორებლები ვართ, აუცილებლად, ღვთის მადლით გამოვსწორდებით და ჩავდგებით კალაპოტში. უპირველეს ყოვლისა ჩემგან უნდა დავიწყოთ ეს გამოსწორება და მერე თქვენგან. " - განაცხადა ილია მეორემ.

http://netgazeti.ge/GE/105/News/27669/


ცუდია...

[A.V.M]

ილია მეორე: მივიღეთ განჩინება, ყოველი წლის 17 მაისს იყოს ოჯახის სიმტკიცისა და მშობლების პატივისცემის დღე
ავტორი: თეო ტაბატაძე
11 მაისი, 2014. 14:59
-+
პატრიარქმა 17 მაისი ოჯახის სიმტკიცისა და მშობლების პატივისცემის დღედ გამოაცხადა. პირველი ასეთი დღესასწაული მიმდინარე წლის 17 მაისს აღინიშნება, - ამის შესახებ მრევლს საქართველოს კათოლიკოს-პატრიარქმა, უწმინდესმა და უნეტარესმა ილია მეორემ დღევანდელი საკვირაო ქადაგებისას აცნობა.

ილია მეორე სამღვდელოებას აძლევს ლოცვა-კურთხევას, 17 მაისს, 12:00 საათზე ტაძრებში ჩაატარონ პარაკლისი, ნაკურთხი წყლით აკურთხონ ტაძრები, სახლები, ოჯახები და ქუჩები. ოჯახებში ნაკურთხი წყლის პკურების კურთხევას პატრიარქი საერო პირებსაც აძლევს.

პატრიარქმა საკვირაო ქადაგებისას ოჯახის სიმტკიცეზე, მშობლებისა და შვილების ურთიერთობებზე იქადაგა და ბრძანა, რომ ძალიან დიდი მნიშვნელობა აქვს თუ როგორ ოჯახში იზრდება ადამიანი.

"ადამიანის ხასიათი, უპირველეს ყოვლისა, ოჯახში ყალიბდება. ამიტომ ძალიან დიდი მნიშვნელობა აქვს, როგორ ოჯახში იზრდება ის. ადამიანის ხასიათი, მისი თვისებები, უპირველეს ყოვლისა, დამოკიდებულია ღვთის ლოცვა-კურთხევაზე, დამოკიდებულებულია მშობლებსა და წინაპრებზე და დამოკიდებულია თვით ადამიანზე. თუკი ადამიანი ცდილობს დაინახოს საკუთარი თავი, თუ შეუძლია განიცადოს საკუთარი ცოდვები, ის ბედნიერია, ის გამოსწორდება. მას უფალი აძლევს მადლს და ცოდვებისგან განიწმინდება. ადამიანის ცხოვრება ურთულესი პროცესია, ურთულესი ფერიცვალება. ერთ ადგილზე არც ერთი ადამიანი არ დგას, ყველა თავის ფერისცვალებას განიცდის. ჯოჯოხეთიდან ცალკე აღმართულია კიბე, ამ კიბეზე ზოგი მაღლა მიდის, ზოგი დაბლა. შევთხოვ უფალს, მოგვცეს ძალა და მადლი, რომ ვიაროთ მაღლა და სასუფევლის ღირსი გავხდეთ. რამდენიმე წელია ჩვენ ვფიქრობთ იმის შესახებ და არაერთხელ გვითქვამს, რომ მშობლების კურთხევა ეს არის ღვთის კურთხევა. ამიტომ თქვენ უნდა დალოცოთ თქვენი შვილები, ნაკურთხი ხატით უნდა დალოცოთ ისინი, ყოველდღე შვილები უნდა ემთხვიონ თავიანთ მშობლებს ხელზე. ამ დროს ზეციდან გადმოდის მადლი სულიწმინდისა. განსაკუთრებით საყურადღეობა ურთიერთობა მშობლებსა და შვილებს შორის. შვილებმა ოჯახში ხმამაღალი სიტყვა არ უნდა მოისმინონ. არ უნდა გაიგონონ ცუდი სიტყვა, ლანძღვა-გინება. მათ უნდა ესმოდეთ სიკეთე და ასე გააგრძელებენ ცხოვრებას. ამიტომ ვფიქრობთ, თუ როგორ უნდა ვილოცოთ, როგორ გადავუხადოთ მადლიერება მშობლებს. მივიღეთ ასეთი განჩინება, ყოველი წლის 17 მაისს იყოს ოჯახის სიმტკიცისა და მშობლების მოხსენიების, მშობლების პატივისცემის დღე. ამ დროს მთელი ერი უნდა გამთლიანდეს - მშობლები და შვილები. უნდა აღვავლინოთ ლოცვები, ერთი პირით, ერთი ძალით და ერთი გონებით. სამღვდელოებას ექნება ლოცვა-კურთხევა, ამ დღეს 12 საათზე ჩაატარონ პარაკლისები ტაძრებში და ნაკურთხი წყლით აპკურონ ტაძარი, ოჯახები, ქუჩები, ასევე ლოცვა-კურთხევა ეძლევა საერო ადამიანებს, რომ ნაკურთხი წყლით აკურთხონ ოჯახი და საკუთარი თავი. პირველი ასეთი დღესასწაული იქნება 17 მაისს. თქვენ ნახავთ, როგორ გაძლიერდება თქვენი სული, გონება, სხეული და როგორ გაძლიერდება საქართველო", - ბრძანა პატრიარქმა.
http://www.reportiori.ge/?menuid=3&id=26186

[A.V.M]

"როგორც საზოგადოებისთვის ცნობილია, სრულიად საქართველოს კათოლიკოს-პატრიარქის, უწმინდესისა და უნეტარეს ილია მეორის ლოცვა-კურთხევით 17 მაისი გამოცხადდა ოჯახის სიწმინდისა და მშობლების დღედ. ამ დღეს საქართველოს ყველა მოქმედ ტაძარში 12:00 საათზე აღელვლინება ყოვლადწმინდა ღვთისმშობლის პარაკლისი, რათა დედამ ღვთისამ თავისი მფარველი კალთა გადააფაროს ჩვენს ოჯახებს. შემდეგ მოხდება ეკლესიების მიმდებარე ტერიტორიების და ქუჩების კურთხევა. წმინდა სამების საკათედრო ტაძარში პარაკლისს გადაიხდის სრულიად საქართველოს კათოლიკოს-პატრიარქი. 12:00 საათიდან დღის ბოლომდე იქ დაბრძანებული იქნება ჩვენი ერის განსაკუთრებული სიწმინდეები – ღვთისმშობლის მიერ ბოძებული წმინდა ნინოს ვაზის ჯვარი და წმინდა დავით გარეჯელის მადლის ქვა, რათა, როგორც მთელ ოჯახებს, ისე ცალკეულ ადამიანებს მიეცეთ შესაძლებლობა ემთხვიონ მათ.
მისი უწმინდესობის კურთხევაა, ამ დღის აღსანიშნავად ტრადიციად დადგინდეს, რომ მშობლებმა მაცხოვრისა და ღვთისმშობლის ხატებით დალოცონ თავიანთი შვილები. თითოეული ცალ-ცალკე, ხოლო შვილებმა მშობლებს მიართვან საჩუქრები და ტაძარში დაუნთონ სანთლები. მისი უწმინდესობა კი, როგორც ერის სულიერი მამა, პარაკლისის შემდეგ წაიკითხავს სპეციალურ ლოცვას და დალოცავს ყველა მორწმუნეს. იგივეს აღასრულებენ მღვდელმსახურები თავიანთ ეპარქიებში.
ოჯახის სიწმინდე და სიმტკიცე სახელმწიფოს სიძლიერის საფუძველია. ოჯახის სიწმინდის ხელყოფა და არაბუნებრივი და გაუკუღმართებული ურთიერთობების ბუნებრივ მდგომარეობად გამოცხადება საქართველოში მცხოვრები მოსახლეობის უდიდესი ნაწილისთვის, განურჩევლად აღმსარებლობისა, სრულიად მიუღებელია. რა თქმა უნდა, იგი მიუღებელია მართლმადიდებელი ეკლესიისთვისაც, მაგრამ ეს არ ნიშნავს იმას, რომ ეკლესია ებრძვის თუნდაც ამ ცოდვით დაზიანებულ ადამიანს. პირიქით, იგი ზრუნავს მისთვის და იღწვის მისი გამოსწორებისთვის. ეკლესია ამხელს და ებრძვის თავად ცოდვას, მის საჯარო პროპაგანდას, რათა ასეთი დამოკიდებულება მეტად განარისხებს უფალს და ღვთის დიდ სასჯელს იწვევს, ამიტომაც ცდილობს ჩვენი ეკლესია დაიცვას ერი უზნეობის დაკანონებისა და სულიერი ძალადობისგან.
როგორც ჩვენთვის გახდა ცნობილი, მორწმუნეთა გარკვეული ჯგუფები და ზოგადად, საზოგადოების ნაწილი ამ დღესთან დაკავშირებით აპირებს ქუჩაში მსვლელობებს. საქართველოს საპატრიარქო პატივისცემით მიმართავს მათ და მოუწოდებს, რომ მსვლელობები იყოს მხოლოდ და მხოლოდ ლოცვითი და მშვიდობიანი, რათა ეკლესია იყო და არის წინააღმდეგი ყოველგვარი ძალადობის", - აცხადებენ საპატრიარქოში.


http://www.interpressnews.ge/ge/sazogadoeb...biani-iyos.html

[A.V.M]

გეძლევათ ლოცვა-კურთხევა, რომ ხმამაღალი სიტყვით არ ისაუბროთ თქვენს სახლებში
გეძლევათ ლოცვა-კურთხევა, რომ ხმამაღალი სიტყვით არ ისაუბროთ თქვენს სახლებში
29.05.2014
სრულიად საქართველოს კათოლიკოს-პატრიარქის ილია მეორის განცხადებით, თანამედროვე კაცობრიობას სიმშვიდე აკლია. ყოვლადწმინდა სამების საკათედრო ტაძარში ამაღლების დღესასწაულთან დაკავშირებული საღმრთო ლიტურგიის დასრულების შემდეგ უწმინდესმა მრევლს ტრადიციული ქადაგებით მიმართა, დღესასწაული მიულოცა და სიმშვიდისა და სიხარულის შესახებ იქადაგა.
"ამაღლების დღეს ჩვენ ვფიქრობთ იმის შესახებ, რა აკლია კაცობრიობას, რა გვაკლია ჩვენ. ზოგი ფიქრობს მხოლოდ მატერიალურზე, ზოგი - სულიერზე. ჩემი აზრით, ყველაზე მეტად კაცობრიობას აკლია სიმშვიდე და სიხარული", - აღნიშნა სრულიად საქართველოს კათოლიკოს-პატრიარქმა.
უწმინდესმა სახარებიდან ის ადგილი მოიშველია, სადაც საუბარია უფლის ამაღლების შესახებ- იესო ქრისტემ ბეთანიისკენ წაიყვანა მოციქულები, აკურთხა ისინი და ზეცად ამაღლდა. პატრიარქის თქმით, მოციქულები დაბრუნდნენ იერუსალიმში, ერთი მხრივ, მოციქულები დამწუხრებული უნდა ყოფილიყვნენ ამ ფაქტის გამო, რომ მაცხოვარმა ისინი დატოვა, მაგრამ სახარებაში წერია, რომ ისინი დაბრუნდნენ "დიდისა სიხარულითა", რადგან ახსოვდათ უფლის სიტყვები, რომ არასოდეს არ მიატოვებდა მოციქულებს. პატრიარქი მიიჩნევს, რომ უფლის ეს ნათქვამი არა მხოლოდ მოციქულებს, არამედ ჩვენც გვეხება.
"როცა ვამბობთ - "ჩვენთან არს ღმერთი", ამით სწორედ ამას ვაღიარებთ. მადლობა უფალს, რომ ჩვენთან არის ღმერთი და მეორე, რაც აკლია კაცობრიობას, ეს არის სიმშვიდე, გეძლევათ ყველას ლოცვა-კურთხევა, შეინარჩუნოთ სიმშვიდე თქვენს გულებში, თქვენს სულებში, ეს ყველაზე მეტად აკლია კაცობრიობას. შევთხოვ უფალს, მოგვცეს სიმშვიდე. სიმშვიდე თუ იქნება, უფალი ჩვენთან იქნება. ამიტომ, მიმართავდა მოციქულებს უფალი ყოველი შეხვედრისას "მშვიდობა თქვენთანა". როდესაც ადამიანში ღვთის მშვიდობაა, მასში სიყვარული და სიხარულია. სიხარული მოდის იმ ადამიანის გულში, რომელსაც უყვარს სხვა ადამიანი, წამს და უყვარს უფალი. ამიტომ, ეცადეთ, სიმშვიდე იყოს თქვენს სახლებში. გეძლევათ ლოცვა-კურთხევა, რომ ხმამაღალი სიტყვით არ ისაუბროთ თქვენს სახლებში", - აღნიშნა სრულიად საქართველოს კათოლიკოს-პატრიარქმა.
მისივე თქმით, ეს წესი ყველამ უნდა დანერგოს და თუ ვინმე ხმამაღალი სიტყვით მიმართავს, თავად სიმშიდით უპასუხოს. "სადაც სიყვარული არ არის, იქ სიძულვილია", - აღნიშნა სრულიად საქართველოს კათოლიკოს-პატრიარქმა ქადაგებისას.

სტატიის ავტორი: admin

http://karibche.ambebi.ge/skhvadaskhva/amb...sakhlebshi.html

[A.V.M]

პატრიარქი ბიზნესმენებს თხოვნით მიმართავს, ქვეყნის რაიონების მატერიალური განვითარება თავიანთ თავზე აიღონ
12:37 10-06-2014
პატრიარქი ბიზნესმენებს თხოვნით მიმართავს, ქვეყნის რაიონების მატერიალური განვითარება თავიანთ თავზე აიღონ სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე ბიზნესმენებს თხოვნით მიმართავს, ქვეყნის რაიონების მატერიალური განვითარება თავიანთ თავზე აიღონ.
აღნიშნულთან დაკავშირებით უწმინდესმა განცხადება დღეს ხევსურეთში, პრემიერ-მინისტრ ირაკლი ღარიბაშვილთან ერთად სტუმრობისას გააკეთა.
უწმინდესმა ბერ-მონაზვნებსაც მიმართა და აღნიშნა, რომ სასაზღვრო რაიონებში ახალი მონასტრები უნდა აშენდეს, რათა ჩვენი საზღვრები გავაძლიეროთ.
"მე ბედნიერი ვარ, რომ დღეს ვიმყოფები ხევსურეთში. ბავშვობიდან მესმოდა ჩემი მშობლებისგან, რომ ხევსურეთი და ხევსურები ეს ისეთი კუთხეა, ისეთი ხალხია, რომელიც იცავს ჩვენს კულტურას, ჩვენს წეს-ადათს და აი, დღეს ჩვენ ვიმყოფებით აქ. ვამაყობ იმით, რომ გვყავს მრავალი თავდადებული და ცნობილი ხევსური ჩვენს ისტორიაში, დღევანდელ დღესაც. მინდა, მივმართო ჩვენ ბერ-მონაზვნობას - სასაზღვრო რაიონებში უნდა შეიქმნას მონასტრები, რომ ჩვენ გავაძლიეროთ და დავიცვათ ჩვენი საზღვრები. მე ასევე მინდა, მივმართო ჩვენს ბიზნესმენებს - ყოველმა ბიზნესმენმა უნდა აიღოს თავის თავზე რომელიმე რაიონი, იქნება ეს მთა თუ არა. მათ უნდა აიღონ თავიანთ თავზე და დაეხმაროს რაიონების მატერიალურ განვითარებას. მე იმედი მაქვს, რომ ყველა ბიზნესმენი შეისმენს ჩემს მოწოდებას და ჩვენი საქართველო იქნება ბედნიერი", - განაცხადა უწმინდესმა.

http://www.interpressnews.ge/ge/sazogadoeb...vze-aighon.html

[A.V.M]

ატრიარქმა საგანმანათლებლო პროექტი "წიგნი ყველა სოფელს" დალოცა
სრულიად საქართველოს კათოლიკოს- პატრიარქმა, უწმინდესმა და უნეტარესმა ილია მეორემ საგანმანათლებლო პროექტი "წიგნი ყველა სოფელს" დალოცა.
"დავითიანის" პრეზიდენტის კოტე სვანაძის განცხადებით, 10 აგვისტოს, სამების საკათედრო ტაძრის ეზოს ესტუმრება "მოსიარულე ბიბლიოთეკა" და ნებისმიერ მსურველს ექნება შესაძლებობა, ბიბლიოთეკას წიგნი აჩუქოს. მისივე თქმით, "წიგნი ყველა სოფელს" არასამთავრობო, სახელმწიფო, საქართველოს საპატრიარქოს და კერძო სექტორის ერთიანი ძალისხმევით და ორგანიზებით, "სტუდენტური ერთობის" და "წიგნის მეგობრის" ინიციატივით განხორციელდა.
სპორტისა და ახალგაზრდობის საქმეთა სამინისტროს სსიპ-ი, ბავშვთა და ახალგაზრდების განვითარების ფონდის, "ვისოლ ჯგუფის", საპატრიარქოს ახალგაზრდული მოძრაობა "დავითიანნის", ბაკურ სულაკაურის გამომცემლობის, "პალიტრა L"-ის, საქართველოს ეროვნული ბიბლიოთეკის და ქველმოქმედი საზოგადოების მხარდაჭერით სვანეთის, იმერეთის, კახეთის, მცხეთა-მთიანეთისა და აჭარის სოფლების სასკოლო თუ ცენტრალური ბიბლიოთეკები საჭირო წიგნებით მომარაგდება. კოტე სვანაძის განცხადებით, პროექტი რეგიონული ცენტრებიდან მოშორებით მდებარე სოფლების მოსახლეობაში წიგნის პოპულარიზაციას ისახავს მიზნად.
"პალიტრა L"-ის წარმომადგენლის, სოფო საყევარიშვილის განმარტებით, "პალიტრა L" აღნიშნულ პროექტში ჩართულია. "მსგავს ინიციატივებში "პალიტრა L" აქტიურად არის ჩართული", - აღნიშნა სოფო საყევარიშვილმა.
"ვისოლის" ვიცეპრეზიდენტის, ლევან ფხაკაძის განცხადებით, პროექტის ფარგლებში 1-ელი აგვისტოდან საზოგადოებას შესაძლებობა აქვს დედაქალაქის ცენტრალურ უბნებში განთავსებულ "ვისოლის" ავტოგასამართ სადგურებზე, სუპერმარკეტების ქსელ "სმარტის" და ამერიკული რესტორნების ქსელ "ვენდის" ვაკისა და რუსთაველის ობიექტებზე მიიტანონ წიგნები.
პროექტი "მოსიარულე ბიბლიოთეკა" სტარტს 14 აგვისტოს აიღებს და პირველად კახეთის რეგიონს ესტუმრება. სრულიად საქართველოს კათალიკოს- პატრიარქის, ილია მეორის შეფასებით, პროექტი საკმაოდ საინტერესოა. როგორც პატრიარქმა აღნიშნა, კარგი იქნება თუ ამ წიგნების შეგროვების პროცესში მუსიკაც ჩაერთვება. მისივე თქმით, სიმღერას განსაკუთრებული მნიშვნელობა აქვს.
პატრიარქის განცხადებით, რუსეთში იყო ასეთი ხალხი, მოხეტიალეები, დადიოდნენ სოფლებში და ზოგ შემთხვევაში ეძებდნენ, ზოგ შემთხვევაში კი არიგებდნენ წიგნებს. ამას საკმაოდ დიდი შედეგი მოჰყვა.
"დიდი საქმე გაქვთ წამოწყებული. ჩვენ საპატრიარქოში გვაქვს ზედმეტი წიგნები, ასევე ჟურნალები, რომელსაც ჩვენ გამოვცემთ. ეს საკმაოდ საინტერესო წიგნებია და ჩვენ შეგვიძლია ესენი

გაჩუქოთ. ასევე შეგვიძლია ხალხს მოვუწოდოთ, რომ რაც ზედმეტი წიგნი აქვთ, თქვენ გადმოგცეთ. მაგრამ მარტო ჩუქება არ კმარა, წაკითხვა და განხილვა უნდა ამას", - აღნიშნა პატრიარქმა.
მისივე თქმით, წიგნების კითხვას ახალგაზრდების გონებრივი განვითარებისთვის საკმაოდ დიდი მნიშვნელობა აქვს. "მარტო დარიგება არ კმარა. უნდა მოეწყოს მსჯელობები. აუცილებელია მუსიკა, ქართული საგალობლები, ქართული სიმღერები", - ბრძანა უწმინდესმა.


წყარო/Source: http://www.ambebi.ge/sazogadoeba/108341-pa...l#ixzz39sSuPO61

[A.V.M]

სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ მრევლს კურთხევა მისცა, რომ საქართველოს გაძლიერებისთვის ღვთისმშობლის ლოცვა "მოწყალებისა კარი განმიღე" დღეში თორმეტჯერ თქვას.
როგორც პატრიარქმა საკვირაო ქადაგებისას ბრძანა, საქართველო დაცული უნდა იყოს ხილული და უხილავი მტრებისგან. "ჩვენ უნდა გავაძლიეროთ ლოცვა, რომ დაცული იყოს საქართველო ხილული და უხილავი მტრებისგან. ამიტომ, გეძლევათ ლოცვა-კურთეხევა, რომ თქვათ ღვთისმშობლის ლოცვა "მოწყალებისა კარი განმიღე" დღეში თორმეტჯერ", - ბრძანა ილია მეორემ.
მანვე დღევანდელი ქადაგებისას სიკეთისა და ბოროტების გარჩევაზე ისაუბრა. უწმინდესის თქმით, ქართველი ხალხი უკვე გრძნობს და არჩევს სად არის კეთილი და სად არის ბოროტი.
"სახარებაში ვკითხულობთ, რომ სადაც არის საუნჯე შენი, იქ არის გული შენი. ადამიანი უნდა დაფიქრდეს, რა არის საუნჯე და სად უნდა იყოს ჩვენი გული. ეს ცხოვრება ჭრელია. სად არის საუნჯე და სად არ არის, სად არის სიმართლე და სად არის სიყალბე, ძალიან ძნელი გასარჩევია. ამიტომ, ღვთის ძალით და ღვთის მადლით უნდა გაეხსნას ადამიანს გონება, რომ იცნოს სად არის კეთილი და სად არის ბოროტება. ჩვენი ხალხი უკვე გრძნობს და არჩევს სად არის კეთილი და სად არის ბოროტება", - აღნიშნა უწმინდესმა.
https://www.facebook.com/557773954264793/ph...pe=1&permPage=1

[sanfol]

A.V.M

სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ მრევლს კურთხევა მისცა, რომ საქართველოს გაძლიერებისთვის ღვთისმშობლის ლოცვა "მოწყალებისა კარი განმიღე" დღეში თორმეტჯერ თქვას.

თორმეტჯერ მაინდამაინც რატომ? 1 ხელ რომ შევთხოვო და სხვა ლოცვით არ მომისმენს უფალი? და საერთოდ ამდენ ლოცვას რო ვავლენთ ღმერთი რაიმე პრივილეგიას გვანიჭებს? განსაკუთრებულად გვისმენს თუ რას აკეთებს? არაა საკმარისი ერთხელ გაუმხილო რა გინდა? მან ხომ ისედაც იცის შენი საჭიროებები ეს ყველაფერი ამდენჯერ დღეში 12 გზის, 6 გზის ყოველ 3 საათში და ყოველ 2 საათში და ესე გაწერილ არაჯანსაღ ურთიერთობას არამგონია ღმერთი მოითხოვდეს ჩვენგან

[A.V.M]

sanfol
მთლად პატრიარქსაც ნუ ასწავლი ახლა ,რას მოითხოვს ღმერთი ჩვენგან .
ზოგადად კი , კითხვა მაქვს - ,, იესო რომ ამბობს ძალიან ხშირად - ,,ჭეშმარიტად , ჭეშმარიტად გეუბნებით თქვენ და.ა.შ.'' რატომ იმეორებს ? პრივილეგიას ანიჭებს საკუთარ სიტყვებს თუ ერთი ნათქვამით არ ესმოდა ხალხს ?

[sanfol]

A.V.M
არ ვიცი ნამდვილად, ჭეშმარიტებას მე გადმოგცემთ ჭეშმარიტადო ამას გულისხმობს ალბათ?

[A.V.M]

sanfol
ჭეშმარიტებას მე ადმოგცემთო კი ამბობს , მაგრამ რომ არ გაემეორებინა (და თან რამდენიმეჯერ) არ შეეძლო ? სხვა აზრი გამოვიდოდა ?

[sanfol]

A.V.M
გურამ გურამ მაგით რისი თქმა გინდა? აჰა გავიმეორე 2-ჯერ მაგრამ რა ამით?

[sanfol]

A.V.M
ღვთისმოსავი არის ის, ვინც გამოხატავს ღრმა პატავისცემას ღვთისადმი. თუმცა მაშინ, როცა ზოგიერთი ღვთისმოსავი თითქოს თაყვანს სცემს ღმერთს, სინამდვილეში არ სწამს და მხოლოდ მორწმუნესავით იქცევა. ზოგჯერ ღვთისმოსავი ადამიანები ცდილობენ, დაუდგინონ სხვადასხვა წესები და წესდება სხვებს, როგორ იცხოვრონ და თაყვანი სცენ ღმერთს. მაგრამ ღმერთს არ სურს ეს. წაიკითხეთ ზოგიერთი ღვთისმოსავის შესახებ. კოლ. 2:18,23

http://qristianuli.wordpress.com/bibliis-leqsikoni/

ასეთი რამ წავიკითხე

[A.V.M]

sanfol
მოკლედ . თითქმის ნებისმიერ ქმედებას ეკლესიაში თავისი პრაქტიკული და სიმბოლური დანიშნულება აქვს . როდესაც რაიმე წნადადება (ვთქვათ ,, უფალო შეგვიწყალენ'' )ითქმება სამჯერ , წმიდა სამების პირთა რაოდენობას ვიხსენებთ .
-როდესაც სხვა რამ ითქმება 9 ჯერ , ვიხსენებთ ანგელოზთა 9 დასს .
-როდესაც 12-ჯერ , სიმბოლურად ვუკავშირებთ (ან უნდა დავუკავშირთ) ჩვენი აზროვნება - ქრისტეს 12 მოციქულს ; წელიწადის 12 თვეს, რომელიც უფალმა მოგვცა .
-როდესაც 40 ჯერ , მაშინ გვახსენდება იესოს 40 დღიანი მარხვა .
და.ა.შ.
გარდა ამისა , ჩვენი გაფანტულობის გამო , როდესაც რაღაცას ვამბობთ (ვთქვათ ,,უფალო შეგვიწყალენ'') , შეიძლება საერთოდ სხვა რამეზე ვფიქრობდეთ და რაც უფრო მეტჯერ წარმოვთქვამთ ლოცვას , უფრო მეტი შანსია იმისა , რომ ლოცვას დავუბრუნდეთ გონებით .

[sanfol]

A.V.M
რა თქმა უნდა ეს ჩვენ გვჭირდება ისევ და ისევ, მაგრამ როცა ადამიანი იძულებით წაიკითხავს რაიმე ლოცვას რამდენჯერმე, რომ "გეგმა" შეასრულოს დღის განმავლობაში არ ვიცი ერთხელაც ვერ იქნება კარგ ფიზიკურ მზადყოფნაში და უგულო ლოცვა შემოუტრიალდება ცუდად, თუ ვცდები და ლოცვა ყოველთვის კარგია?

[A.V.M]

sanfol
რას ეძახი იძულებას ?

[sanfol]

A.V.M
სხეულის იძულებას თუ განწყობაზე არაა

[A.V.M]

წმ.წერილში რომ წერია - ,,სასუფეველი ცათა იიძულების'' - რას ნიშნავს ?

[sanfol]

A.V.M

წმ.წერილში რომ წერია - ,,სასუფეველი ცათა იიძულების'' - რას ნიშნავს ?

....ეს ნიშნავს შევმუსრავდეთ მისი სახელით მოსიტყვეს, ვივიწყებდეთ იმას, რომ ცათა სასუფეველი იიძულების და რომელთა აიძულონ, მათ მიიტაცონ და დაიმკვიდრონ იგი; ანუ ეს ნიშნავს ნამდვილად კი არ გვსურდეს ცხოვნება, არამედ მხოლოდ ვოცნებობდეთ მასზე. ამ შემთხვევაში ამაო იქნება ჩვენი ყველა ლოცვა-ვედრება, აღსრულებულნი ოდენ ჩვეულებით, გულმოდგინების გარეშე; უსარგებლო იქნება ჩვენი დგომანიც ლოცვად ეკლესიაში და მარხვანიც. ჭეშმარიტად, რომ ეს - ასეა ნამდვილად! რომელსა ჰქონან ყურნი სმენად, ისმინენ თავისი ცხოვნებისათვის, რამეთუ, აი, რას გვეუბნება ყოველთა მსაჯული: „რომელმან შეურაცხ-მყოს და არა შეიწყნარნეს სიტყვანი ჩემნი, აქუს მსაჯული თვისი. სიტყვასა რომელსა ვიტყოდე, მან საჯოს იგი უკუნაისკნელსა დღესა“ (იოანე 12,48). მცონართათვის არ იქნება განმართლება, რადგან შეუძლებელს არავისგან არ ითხოვენ. - See more at: http://www.orthodoxy.ge/tserili/diachenko/...h.vy5u9BMY.dpuf

ასეთი რამ წავიკითხე მაგ კიოთხვაზე და მაინც ვერ გავიგე რა წერია განმარტების განმარტება თუ შეიძლება იიქნებ გონება მეც გამეხსნას

[A.V.M]

sanfol

ასეთი რამ წავიკითხე მაგ კიოთხვაზე და მაინც ვერ გავიგე რა წერია განმარტების განმარტება თუ შეიძლება იიქნებ გონება მეც გამეხსნას

თან არ იცი და თან გვეუბნები რომ არ შეიძლება ? უცნაურად არ გეჩვენება ?

სანამ შენ ამაზე დაფიქრდები თემის ,, დინებას'' გავაგრძელებ :

პატრიარქის კურთხევით, მრევლს 1 იანვარს თევზის მიღება შეეძლება
15:19 2014-12-31

სრულიად საქართველოს კათოლიკოს-პატრიარქის კურთხევით, ახალი წლის დადგომამდე და 1 იანვარს მრევლს თევზის მიღება შეეძლება.

„ვინაიდან 2 იანვარი პარასკევია, 2 იანვარს მმარხველებისთვის თევზის მიღებაზე კურთხევა არ არის“, - აცხადებენ საპატრიარქოში.

საშობაო მარხვა წელს 28 ნოემბრიდან დაიწყო და 7 იანვარს, უფლის შობის დღესასწაულზე დასრულდება.

მორწმუნეებს 25 დეკემბრამდე, ოთხშაბათისა და პარასკევის გარდა, თევზის მიღება შეეძლოთ. 2-დან 7 იანვრამდე მარხვა ჩვეულებრივ გაგრძელდება.
http://www.newposts.ge/?l=G&id=60629-%E1%8...%83%96%E1%83%98