სიმდიდრე, სიღარიბე და ქრისტეს რჯული პარამეტრები

[marine]

"თუ ძალაუფლება ან ფული გიყვარას - ვერასოდეს შეიცნობ ღვთის სიყვარულს"

/წმ. ბერი სილუანი (ათონელი)/

[marine]

"ჩემი მშობლები მდიდრებს არ შენატროდნენ და მუდამ მხიარულნი იყვნენ"

[marine]

"VII საზვერე - სიძუნწისა და ვერცხლისმოყვარეობის ცოდვა"

[marine]

"სანატრელია არა ის, ვინც სიმდიდრეს სწირავს ეკლესია-მონასტრებს, არამედ ვინც სულს სწირავს ქრისტეს, ვინც ღმერთს მიუძღვნის თავს. ეს განუზომლად მეტია, ვიდრე აურაცხელი მიწიერი სიმდიდრის შეწირვა"

[marine]

"ფულის შესახებ: როდესაც რამე საჭიროება გაქვთ, დაკმაყოფილდით, დანარჩენი კი ღარიბებს დაურიგეთ და არაფერი დაიტოვოთ. მთავარია, ფულზე არ დაამყაროთ იმედი. მონასტრები თავს გაიტანენ, ღარიბებს კი უჭირთ"

/წმ. თეოფანე დაყუდებული/

[marine]

"წმინდა სებასტიან ყარაღანდელს ჩვევად ჰქონდა: ვისაც მდიდრების შურდა, მიჰყავდა ღატაკ ქვრივებთან და ეუბნებოდა: "აი, შეხედეთ, ხალხი როგორ ცხოვრობს, თქვენ კი სიმდიდრის ყურება გიყვართ. ეს ხსნას ვერ მოგიტანთ".

მაშასადამე, როდესაც დაგჯაბნის ფიქრი სხვის კეთილდღეობაზე თუ სხვა რამ სიკეთეზე, ეცადე, მყისვე გაიხსენო შენზე საბრალო და მძიმე დღეში მყოფი. როცა ამას ძალდაუტანებლად მოახერხებ, ეს იქნება ნიშანი იმისა, რომ შენში დაწყებულია გარდატეხა, ფერისცვალება"

/დეკ. დავით ციცქიშვილი/

[marine]

"რაც მეტია უღმერთო სიმდიდრე, მით მეტია სიღატაკე. რაც მეტია უღმერთო ცოდნა, მით მეტია სიცარიელე.

მხოლოდ ღმერთი აძლევს ადამიანს სიმდიდრესა და სიბრძნეს. უღმერთო სამყარო ღატაკებსა და სულელებს შობს"

/წმ. ნიკოლოზ სერბი/

[marine]

"სიმდიდრე მართლაც სტომაქივითაა - რადგან მან განძღომა და დაკმაყოფილება არ იცის;

ჩვენ მხოლოდ მაშინ ვხდებით ჭეშმარიტად მდიდრები, როდესაც მთლიანად ვანადგურებთ ჩვენში სიმდიდრის სიყვარულს"

/აკაკი მინდიაშვილი/

[marine]

"ერთმა ძალიან მდიდარმა კაცმა სიკვდილის წინ მსახურებს უბრძანა ბრილიანტებჩატანებული ღვეზელები გამოეცხოთ, და როდესაც ბრძანება შეუსრულეს, ის შემზარავი სიხარბით შეუდგა მათ ჭამას. ამას მისი ძმა შეესწრო და შეეცადა ღვეზელების წართმევას და მის გონს მოყვანას, მაგრამ სიხარბისა და ვერცხლისმოყვარეობის ვნებით შეპყრობილმა, და ფაქტობრივად, ამ ნიადაგზე ჭკუაზე გადასულმა, შეშლილმა ძმამ მას ხელები ძაღლივით დაუკბინა"

/აკაკი მინდიაშვილი/

[marine]

"საერთოდ, გამდიდრებისათვის ბრძოლას იწყებენ ხოლმე გაჭირვებული ადამიანების დახმარების მოტივით, და გამდიდრებას ამთავრებენ გაჭირეცბული ადამიანების სიძულვილით და ხშირად პათოლოგიური სიძულვილით. მართლაც, ხშირად ხდება ხოლმე, როცა ცხოვრება თვით ღვთისმოსავი ადამიანებისაც კი რადიკალურად იცვლება უარესისკენ, როგორც კი ისინი გარკვეული სიმდიდრის მფლობელნი ხდებიან"

/აკაკი მინდიაშვილი/

[marine]

"წმინდა მამები ამბობდნენ, რომ ყველანაირი სიღარიბე სიწმინდე როდია, ასევე ყველანაირი სიმდიდრეც არ არის ცოდვა და არ არის დანაშაული"

[marine]

"რაც უფრო მეტ მატერიალურ კეთილდღეობას მოიხვეჭენ ადამიანები, მით მეტ პრობლემებს იგროვებენ ისინი. არც ღმერთს მადლობენ თავიანთი კეთილდღეობისთვის და არც მოყვასის დანახვა შეუძლიათ. ხოლო, რამდენადაც მოყვასის უბედურებას ვერ ხედავენ, არც მოწყალებას გასცემენ მათთვის"

/ღირსი პაისი ათონელი/

[marine]

***
/იგავი/

"ერთხელ ფულმა გადაწყვიტა, თავი ღმერთად გამოეცხადებინა. ვითომ, რატომაც არა? - ყველა თაყვანს სცემს, ქედს უდრეკს და ყველას სჭირდება. ამის შემდეგ მან ხალხს შეატყობინა და ბევრი თანხაც დაურიგა. ხალხს გაუხარდა. ერთმა კეთილმსახურმა კაცმა კი ჰკითხა:

- სიცოცხლეში გასაგებია, ბევრის მოცემა შეგიძლია, მაგრამ მერე?

- მერეც, - მხურვალედ მიუგო ფულმა, - ბრწყინვალე დაკრძალვა, ლამაზი გვირგივნები, მშვენიერი ბიუსტი საფლავზე...

- სულ ეს არის?

- სხვა რა გინდა? - გაუკვირდა ფულს.

მაშინ ყველა მიხვდა, რომ ის, არანაირი ღმერთი არ იყო".

[marine]

"ერთი მდიდარი ოჯახის მამამ გადაწყვიტა, თავისი შვილი სოფელში წაეყვანა და ეჩვენებინა, რა არის სიღარიბე. მათ მთელი დღე ძალიან ღარიბი ოჯახის კარ-მიდამოში გაატარეს.

- ეს შესანიშნავი მოგზაურობა იყო, მამა! - უთხრა დაბრუნებისას შვილმა.

- ნახე, რამდენად ღარიბი შეიძლება იყოს ადამიანი? - ჰკითხა მამამ.

- ვნახე.

- და რა გაკვეთილი გამოიტანე აქედან?

- მე დავინახე, რომ ჩვენ სახლში ერთი ძაღლი გვყავს, მათ კი ოთხი. ჩვენ ეზოში აუზი გვაქვს, მათ კი - დიდი ტბა სახლთან ახლოს. ჩვენს ბაღს ჩვენ ლამპრებით ვანათებთ, მათ კი ვარსკვლავები უნათებენ. უკანა ეზოში ჩვენ ტერასა გვაქვს, მათ კი - მთელ ჰორიზონტზე გადაჭიმული მინდორ-ველი.

მე ვიხვდი, რომ მხოლოდ ძალიან ღარიბებს შეუძლიათ ფლობდნენ იმას, რისი ყიდვაც არ შეიძლება"

[marine]

"ერთი ქალაქელი სოფლის ცენტრში ჩამომჯდარ მოხუცებს გაესაუბრა.

- წელს როგორი მოსავალი გქონდათ? - შეეკითხა.

- საკმარისი, - წყნარად მიუგო ერთმა.

- უხვი, - კმაყოფილებით მიუგო მეორემ.

- მცირე, - თავი გადაიქნია მესამემ.

ქალაქელს გაუკვირდა. იქვე მჯდარმა ერთმა მოხუცმა მისი გაკვირვება შეამჩნია და აუხნსა:

- ზოგისთვის საკმარისია, რადგან იცის, რომ ყველაფერი ღვთისგან ეძლევა და ეძლევა იმდენი, რამდენიც სჭირდება. ვისთვისაც უხვია, ის დარწმუნებულია, რომ ღმერთი ყოველთვის იმაზე მეტს აძლევს, ვიდრე იმსახურებს და ამ სიუხვეს სხვებთან გასანაწილებლად იყენებს. ვისთვისაც მცირეა, მან იცის, რომ ამ სოფელში ადამიანის გული ვერაფრით გაძღება, ყოვლეთვის ნაკლულოვანებას განიცდის და იმაზე მეტის მოხვეჭა სურს, ვიდრე აქვს"

[marine]

"ერთმა ბრძენმა მდიდართან სტუმრობის შემდეგ თქვა: "თურმე, რამდენი ისეთი ნივთი არსებობს, რომლებიც მე სრულებითაც არ მჭირდება"

[marine]

"ერთ ქალაქში მდიდარი ვაჭარი ცხოვრობდა. მუყაითი იყო, ვაჭრობის საქმეც კარგად ესმოდა და დიდი სიმდიდრის დაგროვება შეძლო. როდესაც ეკითხებოდნენ, ამდენი ქონება რად გინდაო, პასუხობდა: "დღედაღამ ვშრომობ, ვცდილობ, ჩემი შვილები უზრუნველვყო, რომ მერე წვალება არ მოუწიოთ". მის ვაჟებს ესმოდათ მამის მსჯელობა და გაზარმაცდნენ, შრომა მოიძულეს, მამის სიკვდილის შემდეგ კი მისი დანაზოგის გაფლანგვა დაიწყეს. მამამ იმქვეყნად მოინდომა, ენახა, როგორ ცხოვრობდნენ მისი შვილები უშრომელად და უზრუნველად. უფალმა ის გამოუშვა. დაბრუნდა იგი თავის ქალაქში და სახლთან მივიდა.

კარზე დააკაკუნა - ვიღაც უცნობი გამოვიდა. როცა შვილები მოიკითხა, უთხრეს, რომ უქმად ყოფნამ ისინი დროსტარებაში ჩაძირა, მერე იჩხუბეს, კაცი შემოაკვდათ და ახლა კატორღაში იხდიდნენ სასჯელს.

- ვაი ჩემდა, - შეჰყვირა თავზარდაცემულმა მამამ, - შვილებისთვის სამოთხის მოწყობა მსურდა, მაგრამ ჩემდაუნებურად მათთვის ჯოჯოხეთი გამიმაზდებია.

უბედური მამა ქუჩაში გამოვიდა, კარდაკარ დადიოდა და მშობლებს რჩევას აძლევდა:

- ნუ იქნებით ჩემსავით უგუნურნი. შვილებისადმი უზომო სიყვარულით მე თავად ვუბიძგე მათ ჯოჯოხეთის ცეცხლისკენ. არ დაუგროვოთ, ძმებო, შვილებს ქონება, ასწავლეთ შრომა და ეს იქნება მათთვის ყველაზე უკეთესი მემკვიდრეობა. მთელი ქონება კი სიკვდილის წინ გლახაკებს დაურიგეთ".

/წმ. ნიკოლოზ სერბი/

[marine]

"რადგანაც ადამიანს სიმდიდრე ღმერთისგან ეძლევა, ამიტომ მან ეს სიმდიდრე ღმერთს უნდა მიუძღვნას და მაშინ იქნება ეს წმინდა სიმდიდრე. რაც საჭიროზე მეტი გაქვს, გაუყავი გაჭირებულებს, მაშინ გამოვა, რომ ღმერთისგან მოცემულს, ღმერთსვე უბრუნებ. ვინც გლახაკს აძლევს, ის ღმერთს მიუბოძებს. ასეთი ადამიანი თითქოსდა ქონებას ხარჯავს და აკლებს, მაგრამ სინამდვილეში ის ჭეშმარიტად მდიდრდება, მდიდრდება საქმეებით, - მდიდრდება ღვთისთვის, ღვთის სათნომყოფელობით, მდიდრდება ღმერთით, იზიდავს მის კეთილგანწყობას, მდიდრდება ღმერთისგან, რომელიც მცირედში სანდოს უფრო მეტს ანდობს, მდიდრდება ღმერთისთვის და არა თავისთვის, რადგან არ თვლის თავის თავს ამ სიმდიდრის პატრონად, არამედ მხოლოდ მის ზედამხედველად და განმკარვველად, რომლის მოვალეობაც არის დააკმაყოფილოს მასთან მისული ყველა გაჭირვებული, ხოლო საკუთარ თავზე რომ ზედმეტი დახარჯოს, ამისი ეშინია, რადგან მიაჩნია, რომ ეს იქნება არამართებული გამოყენება მისთვის რწმუნებული ქონებისა"

/წმ. თეოფანე დაყუდებული/

[marine]

"მიდის გზაზე ჭაბუკი. ხედავს - კოდრანტი გდია ძირს. "კოდრანტიც ფულია", - გაიფიქრა და ჯიბეში ჩაიდო. უცებ აზრად მოუვიდა: "რას გავაკეთებდი, დინარი რომ მეპოვა? მშობლებს საჩუქრებს ვუყიდდი!" ამის გაფიქრება იყო და იგრძნო, ჯიბე დაუმძიმდა. ჩაიყო ხელი - იქ დინარი დევს! "საოცარია, - გაიფიქრა, - კოდრანტი იყო და დინარი გახდა. რას გავაკეთებდი მინა რომ მეპოვა? მშობლებს ძროხას ვუყიდდი და ყოველდღე რძეს ვასმევდი". ხედავს, ჯიბე კიდევ უფრო დაუმძიმდა. ჩაიყო ხელი და იქ მართლაც აღმოჩნდა მინა! "სასწაული! - გაუხარდა ყმაწვილს, - მაგრამ რას ვიზამდი ტალანტი რომ მეპოვა? დიდ სახლს ვიყიდი, ცოლს მოვიყვანდი და ყველანი ერთად ვიცხოვრებდით!" მაშინვე იგრძნო, რომ ჯიბე ძლიერ დაუმძიმდა. ჩაიყო ხელი და იქიდან ტალანტი ამოიღო. გაუხარდა ყმაწვილს, ბედნიერებისგან ხტუნვა დაიწყო! ამ დროს ახალი აზრი მოუვიდა და დინჯად დაიწყო ფიქრი: "იქნებ არ არის საჭირო მშობლებთან ერთად ცხოვრება, შეიძლება ჩემ ცოლს არ მოეწონოს სახლში მოხუცები. იცხოვრონ ძველ სახლში, არაფერი უჭირთ. ძროხაც ძნელი მოსავლელია, სჯობს თხა ვუყიდო. საჩუქრებსაც ბევრს ვერ ვიყიდი, ისედაც ბვევრი ხარჯი მექნება..." ამ ფიქრებშია და გრძნობს, რომ ჯიბე თანდათან შეუმსუბუქდა. ბოლოს შიშით ჩაიყო ხელი ჯიბეში და იქიდან ერთადერთი კოდრანტი ამოყვა..."

[marine]

"გარეგნული სიმდიდრე მარადიული ცხოვრებისთვის არაფერს ნიშნავს, უმთავრესია ის შინაგანი თვისებები, რომლებსაც მოვიპოვებთ ჩვენს ცხოვრებაში... შინაგანი სიმდიდრე და სულის მშვენიერება - სწორედ ეს მიგვყვება ჩვენ მარადიულ ცხოვრებაში"

/მეუფე შიო მუჯირი/