მდუმარება, არსი, გამოცდილება, შედეგები პარამეტრები

[marine]

"რა სასიამოვნოა სულიერ ძმებთან საუბარი, თუ ამასთან შესაძლებელი გახდება, რომ არც უფალთან საუბარი შევწყვიტოთ. მაგრამ გონება ვერ შეძლებს, ერთდროულად ორივე საუბარს გაუძღვეს".

[marine]

"სიფხიზლე, გონების დაცვა, შინაგანი მდუმარე ლოცვის შეძენა შეუძლებელია დუმილში ვარჯიშის გარეშე. მოძღვარი [ბერი იოსებ ვატოპედელი] ამბობდა, რომ დუმილით შევიძენთ ლოცვას, ხოლო ლოცვის შემდეგ - ნამდვილ დუმილს. გულისხმობდა იმ დუმილს, რომელიც მოწმობს ყოველივე ამქვეყნიურისა და ადამიანურისადმი მიჯაჭვულობის სრულ არქონას და ღმერთთან ერთობას. წმიდა პორფირი კავსოკალიველი ამბობდა: "როდესაც ქრისტეს შეიყვარებ, დუმილი და გონებისმიერი ლოცვა გირჩევნია. მაშინ სიტყვები ჩერდება. ჯერ შინაგანი დუმილია, სიჩუმე, რასაც თან ახლავს და მოჰყვება საღმრთო მოხილვა, საღმრთო ერთობა და სულის ღმრთეებასთან შერწყმა".

/არქიმანდრიტი ეფრემ ვატოპედელი/

[marine]

"...გაიმაგრეს სულები დუმილით..."

/წმ. ნიკოლოზ სერბი/

[marine]

"დავჩუმდეთ"

/რეზო ინანიშვილი/

[marine]

"კეთილი მეტყველება და ისიც, მხოლოდ კეთილი, ვერცხლის მსგავსია, ხოლო მდუმარება - ოქროა რჩეული"

[marine]

"თუ მდუმარება კეთილ საუბრებზე უპირატესად მიიჩნევა, მაშინ იგი მეტად სასარგებლოა საშუალო საგნებზე საუბრისას. მაგრამ როდესაც არ შეგვიძლია დადუმება და მსგავს საგნებზე საუბარი გვიტაცებს, მაშინ, უკიდურეს შემთხვევაში, ნუ გავაგრძელებთ საუბარს, რათა მრავალმეტყველებით არ ჩავვარდეთ მტრის რაიმე მახეში!"

[marine]

"მავნე ჩვევა და მოუფრთხილებლობა იმისა, რაც ჩვენთვის სასარგებლოა, - აი, რა გვიშლის ყოველთვის მდუმარებით დავიცვათ ბაგე".

[marine]

"ადამიანი უნდა იყოს მშვიდი და არა თავხედი; უფრო მეტად უნდა მდუმარე იყოს, "ვიდრე მოუბარ" ("ოდეს იწყოს ვინმე უბნობად, მაშინ შენ სდუმენ").

[marine]

"განმარტოებას ამაოდმეტყველება არ ახასიათებს, რომლის გამოც სამსჯავროზე პასუხის გაცემა მოგვიწევს"

[marine]

"ყველა მდუმარე როდია თავმდაბალი, მაგრამ ყველა თავმდაბალი უტყვია!"

/წმ. ისააკ ასური/

[marine]

"უნდა გავექცეთ უსარგებლო საუბრებს და არ დავუკავშირდეთ მათ, ვინც ღვთის შიშს არად აგდებს. რადგან ისინი სასარგებლოს არაფერს ამბობენ, არაფერს აკეთებენ უფლისთვის: არ საუბრობენ არც სათნოებებზე, არც - ღვთისმოსაობაზე, არც - სიწმიდეზე. მათი საუბარი - სიკვდილით სიკვდილია; მათი რჩევა - ჯოჯოხეთის უფსკრული; მათი ერთობა - სულიერი დაღუპვა!"

/წმ. ეფრემ ასური/

[marine]

"მე ოდნავ შევბრუნდი, რომ მდუმარების ფრთას შევფარებოდი"

/შარლოტ ბრონტე/

[marine]

"გაცილებით უკეთესია დადუმდე, ვიდრე ასწავლო სხვას ის, რაც თავად არ გაგიკეთებია"

[marine]

"ზოგი მთელი დღე ლაპარაკობს და სიკეთე მოაქვს, ზოგი კი ერთ სიტყვას იტყვის და ამით შეურაცხყოფს ძმას"

[marine]

"მდუმარება საუკეთესო და საოცარია ყველა დამრიგებლურ საუბართან შედარებით. მას პატივს მიაგებდნენ და თაყვანს სცემდნენ ჩვენი მამები და მისით განდიდდნენ. მაგრამ ჩვენი უძლურების გამო, ჯერ კიდევ ვერ მივაღწიეთ იქამდე, რომ სრულყოფის გზით ვიაროთ, მაშ, ვისაუბროთ იმაზე, რაც დამოძღვრის სფეროშია და ვისაუბროთ მამათა სიტყვებზე დაყრდნობით, და წმიდა წერილის განმარტებას ნუ შევუდგებით, რადგან ეს საქმე საკმაო საფრთხეს უქადის უცოდინართ. წმიდა წერილი სულიერადაა წარმოთქმული, ხორციელ ადამიანს კი სულიერის გააზრება არ შეუძლია. უმჯობესია, საუბრისას მამათა სიტყვებს მივენდოთ და მათში სარგებელს ვიპოვით. მაგრამ უნდა ვისარგებლოთ ზომიერად, ვიხსენებდეთ ნათქვამს: "მრავალმეტყველებისგან ვერ გაექცევი ცოდვასაც", და ამ ყველაფერთან ერთად რომ არ ჩავვარდეთ გონების განდიდებასა და აზრების თვითქებაში, ვიფიქროთ იმაზე, რომ რასაც საქმით ვერ შევასრულებთ, იმას თვით დასასჯელად ვამბობთ!"

[marine]

"არაფერია უფრო მეტად დამანგრეველი და ბოროტადმავნებელი, ვიდრე შეუკავებელი ენა; და არაფერი ისე ძლიერ არ ანაწყენებს და ანადგურებს სულიერ სიმდიდრეს. რამეთუ, რასაც ყოველდღე ჩვენში ვქმნით, იმას მრავალმეტყველება კვლავ ანადგურებს, და რასაც შრომით ვაგროვებთ, ის კვლავ ენის მიერ ითელება. რა არის შეუკავებელ ენაზე უარესი? იგი დაუკავებელი ბოროტებაა! უნდა მოზღუდო იგი, ალაგმო და შეავიწროვო. და, ასე ვიტყვი: აიძულო, მხოლოდ საჭიროებას ემსახუროს! უადგილო ფუჭი საუბრების ნაყოფი ხანდახან დაცინვა და ყვედრებაა, როდესაც ისინი ჩვენს უგუნურ მეტყველებას ნახავენ; ზოგჯერ კი - სინდისის შებღალვა, ზოგჯერ - ღვთის სასჯელი და სულიწმიდის განაწყენება, რაც ყველა დანარჩენზე უარესია"

[marine]

"როგორც ჯებირებში მომწყვდეული წყალი მიილტვის მაღლა, საკუთარ დინებას მიცემული კი იღვრება ყველა მხარეს და მიისწრაფვის დაბალი ადგილებისაკენ, ასევეა სულიც, დაჯილდოებული კეთილგონიერი მდუმარებით, იგი თავის თავში გროვდება და მიისწრაფვის მაღლა, მაშინ კი, როცა მრავალმეტყველებას მიეცემა, იგი, ასე ვთქვათ, გარეგნულ შორეულ საგნებზე მოედინება"

/წმ. გრიგოლ დილოღოსი/

[marine]

"ვერიდოთ მეტყველების დროს მღელვარებას, რათა მისმა თაკარა სიცხემ ჩვენი შრომის ნაყოფი არ დაწვას"

/ამბა მოსე/

[marine]

"ღრუბელი მზეს ეფარება; ხოლო მრავალმეტყველება აბნელებს სულს, რომელმაც ლოცვითი ჭვრეტით განათლება დაიწყო"

/წმ. ისააკ ასური/

[marine]

"როდესაც ჭკვიან კაცს რაიმეს თქმა სურს, იგი ჯერ დაფიქრდება და საკუთარ თავში გააანალიზებს და უკვე შემდეგ იტყვის; სულელი - პირიქით: ჯერ ლაპარაკობს, ხოლო შემდეგ უკვე ფიქრობს იმაზე, რაც თქვა"