თემის საბეჭდი ვერსია

პოსტის ავტორი: kent5 თარიღი: Aug 12 2010, 07:04 PM

ვისაც კაზინოში არ ჰქონია საქმე, შეიძლება მისთვის ეს პრობლემა პრობლემაც არ იყოს. მე ჩემი მეგობრის პირად მაგალითზე გეტყვით, 35-წელს გადაცილებული ცოლშვილიანი უვაჟკაცესი კაცი, რომელიც სხვებს არიგებდა, კაზინოში მოსიარულე ახლობლებს, თვითონ შეხედულიც არ ჰქონდა შიგნით. მოხდა ისე, რომ ერთხელ მეგობართან ერთად ,,შეიარა" კაზინოში და რაღაცა 5თუ 10 ლარით ითამაშა. ასე დაიწყო ამ კაცური კაცის უკან უკან წასვლა ჯერ პატარა თანხებით მერე და მერე... გაყიდა რაც გასაყიდი ჰქონდა... ამას წინათ მელაპარაკა ყველაფერი გამოვცადე სამწუხაროდ ამ ცხოვრებაშიო მაგრამ ვერც წამალი ვერც ლოთობა ახლოც ვერ მივა ამ უბედურებასთანო. განსაკუთრებით რულეტკა. აშშ-ის ნაციონალური ასოციაციის გამოკვლევით შესაძლოა ამ ქვეყნის მოქალაქეების 6% სისხლის სამართლის დამნაშავე გახდეს 34%-ალკოჰოლიკი, 32%-ნარკომანი და 48%მოთამაშე, მაგრამ იმათ რაც უნდათ ის უქნიათ ჩვენ მივხედოთ ჩვენს თავს ეს უსერიოზულესი სენია საქართველოში შეხედეთ რა ამბავია კაზონოების წინ ნუ გეგონებათ, რომ იქ მარტო ოლიგარჰები დადიან უმრავლესობა ავადმყობია ნასესხები, დალომბარდებული და კიდევ ვინ იცის რა ნაცოდვილარი ფულით არიან შესული. ღმერთმა ძალა მისცეს ყველას ამ ურთულესი ,,აზარტის ცოდვიდან" განკურნებისა, ამინ. /ძალიან საინტერესოა თქვენი აზრი და გამოსავლის გზების თქვენეული ხედვა/.

პოსტის ავტორი: Atman თარიღი: Aug 12 2010, 07:07 PM

ძალიან დიდი პრობლემაა!

ყოველ ნაბიჯზე ახალ-ახალი "მინი-კაზინო" იხსნება. შესაბამისად მოთხოვნაც არის.

მე პირადად კაზინოს არასოდეს ჩაუთრევივარ, მაგრამ ძალიან დიდი ხნით ვიყავი "ტოტალიზატორშიკი" და ბევრი ფული არა, მაგრამ ბევრი დრო და ენერგია კი დავკარგე მაგით!

პოსტის ავტორი: IKA POP თარიღი: Aug 12 2010, 07:22 PM

გამოსავალი ეკლესისი წიაღში უნდა ვეძებოთ ეს ფაქტია!
მეც ვტვლი რო ეს ერთერთი ყველაზე პრობლემური თემა( ნარკომანიათან ერთად) და მტკივნეული მთელი საქართველოსთვის.

პოსტის ავტორი: აკაკი თარიღი: Aug 12 2010, 07:26 PM

მე ასეთ რამეებს, "სატანის სახლს" ვეძახი

პოსტის ავტორი: Atman თარიღი: Aug 12 2010, 07:27 PM

და აბორტებთან ერთად...

აკაკი


მე კიდე მაია დეიდას სახლს

პოსტის ავტორი: IKA POP თარიღი: Aug 12 2010, 08:01 PM

კაზინო ტატალიზატორი დორი და ა.შ ეს ყველაფერი ერტი სისტემაა უნაკლო ,მასაზე გათვილი და ბიუჯეტში სოლიდური თAნხის შემტანიც.. მეც ვთამაშობდი არცთუ ისე შორ წარსულში და დღემდე მიჭირს იმ შეგრდზებისგან განთავისუფლება რასაც აზარტი ქვია და ფეღბურთს საერტოდ ვეგარ უკურებ Eღთგული გულშემატკივარი. თითქოს "მუღამი" დამეკარგა ფულზე თამაშს და ფეღბურტის კურებას ერთად სუსხვა განცდა ქონდა.

პოსტის ავტორი: lingvo თარიღი: Aug 12 2010, 09:37 PM

დავამატებდი ამას კიდევ მომრავლებულ ლომბარდებს. საშინელებაა. პეკინზე ბუკიას ბაღიდან დოლიძის კუთხემდე რომ გაიარო ამ არც თუ დიდ ქუჩის მონაკვეთზე მინიმუმ 6-7 სლოტ კლუბსა და ლომბარდს შეხვდები. დოლიძის კუთხეში კი "გვირგვინდება" დიდი გასართობი კლუბით. სპორტის სასახლის ქვემოთ კი დიდი ტოტალიზატორი "აჭარაბეტია" და სასტუმრო აჭარაში კი "კაზინო აჭარა"

პოსტის ავტორი: IKA POP თარიღი: Aug 12 2010, 09:45 PM

პეკინი ლომბარდების სლოტ კლუბების და აფტიაქების ქუჩა გეთანხმები! მე თვიტონ ბახტრიონზე მაცხოვრებელი კოველ პეხის ნაბიჯზე საცდური.. ეხა კიდე მახტრიონის კუტხეში სუპერმარკეტის ადგილას კიდე ერთ მშვენიერ სლოტ კლუბს ხსნიან.

პოსტის ავტორი: ბადრი თარიღი: Aug 12 2010, 10:12 PM

სამწუხაროა, მაგრამ სადაც არის მძორი იქ მოგროვდებიან ყორნები

პოსტის ავტორი: sicher თარიღი: Aug 12 2010, 10:18 PM

...

პოსტის ავტორი: IKA POP თარიღი: Aug 12 2010, 10:24 PM

ჩემი აზრით კი გამოსავალია.. კოველ შემთხვევას წინ გადადგმული ნაბიჯია.

პოსტის ავტორი: ბადრი თარიღი: Aug 12 2010, 10:41 PM

sicher

ვფიქრობ სჯობს აიკრძალოს. უზნეობის დაკანონება ცუდი რამ არის.

პოსტის ავტორი: iako თარიღი: Aug 12 2010, 11:35 PM

აკრძალვის მეთოდი განსაკუთრებით ქართველებში არ მუშაობს, უფრო გემრიელი ხდება.
ქართველებმა უნდა დავიბრუნოთ ნორმალური ცხოვრების სურვილი და გავხადოთ შინაარსიანი.
მოკლედ დიდი თერაპია არის აქ საჭირო.

P.S.აკრძალეთ აბა ბრაზილიური სერიალები ,შეიძლება სახელმწიფო გადატრიალება მოყვეს

პოსტის ავტორი: როგავა თარიღი: Aug 13 2010, 12:42 AM

ეეეეეჰჰჰჰ... ამ თემაზე როცა ვსაუბრობ ან ვფიქრობ, რაღაც შიშივით მეუფლება და საშინლად ვგრძნობ თავს...

არცტუ ისე დიდი ხანია რაც ამოვძვერი მაგ წუმპიდან...(კაზინო, აპარატები, ტოტალიზატორი)
ყველაფერინმაქვს მოსინჯული და კიდევ დროზე ვუშველე თავს ღვთის წყალობით... ვერ ვიტყვი რომ ყველაფერი გავყიდე თქო, მაგრამ მნიშვნელოვანი დანაკლისი განვიცადეთ მე და ჩემმა ოჯახმა...

იმდენად კარგად მაქვს შესწავლილი ადამიანური სისუსტეები აზარტული თამაშების მიმართ, რომ შემეძლო ხარისხი დამეცვა ამ თემაზე... საკმაოდ კარგად გამომდიოდა სხვებისთვის (განსაკუთრებით უმცროსი თაობისათვის) რჩევა დარიგების მიცემა, იმდენად კარგად, რომ ხშირად შედეგიც დადებითი მოყოლია... თუმცა იმ რჩევებს მე ვერ ვასრულებდი და ამის შესახებ ჩემს მეგობრებსაც ვეუბნებოდი ხოლმე, ეშმაკის არსებობა და მისი ძალა არამგონია სხვაგან უფრო კარგად შეიგრძნოს ადამიანმა, ვიდრე ამ აზარტული თამაშებით... დიდი დაკვირვებაც არ უნდა, უბრალოდ წაგების მეორე და შემდეგ დღეებში კარგად უნდა გაიხსენო ყველაფერი, ყველაფერში ვგულისხმობ იმასაც თუ რას ფიქრობ თამაშის მსვლელობის მანძილზე და უმალვე მიხვდები და გაგიკვირდება შენივე საქციელი, თუმცა ეს გაკვირვება დიდხანს არ გრძელდება და ისევ იღვიძებს შენში ეშმაკისეული წაგებული თანხის ამოღების სურვილი, მოგებული თუ ხარ კიდევ უფრო მძაფრი მაცდუნებელი შედეგი აქვს ვიდრე წაგებას, იმდენად სასიამოვნოდ გახსენდება ის უცებ მოგებული ფული, რომ არ არსებობს შანსი არ შეგაბრუნოს მორე ან მესამე-მეოთხე დღეს, მოგებისას სულ გგონია, რომ აი შენ რომ იმ კონკრეტული ლოგიკით ითამაშე იმიტომ მოიგე და უკვე იცი თუ როგორ უნდა მოიგო, ძალიან უხეშად ვხსნი მაგრამ ვცდილობ მაქსიმალურად აღვწერო ის მომენტი... შენს თAვს არწმუნებ რომ თუ შეხვალ უეჭველი იგებ, არადა 99% წაგებული ხარ შემდეგ შესვლაზე და აგებ იმაზე სამჯერ მეტს, ვიდრე წინა შესვლაზე მოიგე...

მეტს აღარ გავაგრძელებ... მე პირადად ვერ ვიტყვი რომ ხსნა ეკლესიის წიაღში ვიპოვე, არა უბრალოდ ბევრი ვიზარალე და ვაზარალე ჩემი ოჯახი, მართალია არაფერი გამიყიდია და არ დამილომბარდებია, მაგრამ რაც წავაგე ძალიან ბევრი იყო ერტი უბრალო საჯარო მოსამსახურისათვის, რომელსაც თვიდან თვემდე ხელფასის გარდა სხვა არავითარი შემოსავალი არ ჰქონდა...
სხვა მოთამაშეებს იმითი ვჯობდი, რომ მე სამსახური მქონდა და ცოტა დრო მქონდა სათამაშოდ... სწორედ ამიტომ გადავრჩი შედარებით კარგად... ბოლოს მორიგი წაგების შემდეგ დიდი ინტერვალი გავაკეთე შემდეგ თამაშამდე, ისევ წუმპეში რომ აღმოვჩნდი ისევ დიდი ინტერვალი და ბოლო შესვლაზე კი ძAლიან უჩვეულო შიშმა შემიპყრო შენობაში რომ შევედი, თითქოს ჩემი ნების საწინააღმდეგოდ შემიყვანა ვიღაცამ, სულ რაღაც ნაევარი საათი ვითამაშე, რაც ფული მქონდა წავაგე და ისევ მოვიგე და ეგრევე გამოვვარდი... იმის მერე აღარ მითამაშია... გავანებე რა... დავუმტკიცე ჩემს თავს, რომ ეს ამბავი ეშმაკის იყო და მე და ჩემნაირებს იქ არანაირი შანსი არ გვქონდა...

ჩემი გამოცდილებიდან გამომდინარე იმას ვიტყვი, რომ ჩვენი ქვეყნის მთავრობამ აუცილებლად უნდა შემოიღოს რაღაც სახის შეზღუდვები, ყოველ ფეხის ნაბიჯზეა ეშმაკის სახლები, ძალიან ბევრჯერ სულ რომ არ მიფიქრია ისეც მოვხვედრილვარ, 5 წუთით შევსულვარ და 5 საათი ვერ გამოვსულვარ... ასე მაგალითად უნდა გასამმაგდეს ლიცენზიის ღირებულება თითოეულ აპარატზე და თავისით დაიხურება ის პაჭა-პუჭა ზავედენიები, სადაც მოგების შანსი საერთოდ არ არსებობს და აპარატები ხშირად შესაწირავი ყულაბის მოვალეობას ასრულებენ, მეორე ღონისძიება კი მიმაჩნია რომ რეკლამა უნდა შეიზღუდოს, სიგარეტის კოლოფზე ხომ აწერია დიდი ასოებით რომ კლავს ადამიანს, ხომ ყველამ იცის რომ მაგ სათამაშო სახლებსაც კარგი ვერაფერი მოაქვს და ნუ გააბრდღვიალებენ ფერად-ფერადი რეკლამებით ქალაქს რა... ხომ შეიძლება ყველასთვის ერთიდა იგივე ტიპის აბრა გახდეს სავალდებულო, მაგალითად ისეთი, ადრე, კომუნისტების დროს ყველა გასტრონომს რომ ერთნაირი ჰქონდა...

მართალია ამ საიტზე და ამ თემის მკითხველი ძალიან ცოტა თუ იქნება ზემოთხსენებულ გასაჭირში (შეიძლება არც არავინ იყოს) მაგრამ ტუ ვინმე წაიკითხავს ამას, ყველას მოგიწოდებტ, რომ კარგად დაფიქრდეტ და გააანალიზოთ თუ რას ჩადიხართ, რამხელა სისულელეს (ცოდვას რომ თავი დავანებოთ).... თუ ვერ იზამ ამას ჩათვალე რომ შენს წინ დიდი ხრამია და ძალაიან ახლო მომავალში გადავარდები, გადავარდები ისე, რომ ვერასოდეს ამოხვალ...

პოსტის ავტორი: შოთა თარიღი: Aug 13 2010, 12:56 AM

ჩემის აზრით პირველ რიგში საჭიროა აიგრძალოს ტოტალიზატორები და სათამაშო მაშინები შემდეგში მათ მოყვეს სალომბარდოები რადგან საზაგადოების უმეტეს ნაწილს მათზე მიუწვდება ხელი ყველაზე ადვილათ რაც შეხება დარჩენილ კაზინოებზს ისინი არც ისე ბევრი არიან მათზე შეიძლება მკაცრი კონტროლის დამყარება მაგალითათ მონაკოში ადგილობრივებს კაზინოში შესვლის უფლება არ აქვთ .
საერთოთ მათ ასეთი მომარავლებას იწვევს ქვეყანაში მძიმე ეკონომიური მდგომარეობა უცხოეთში მაგალითათ ლატარის ბუტკებს მდიდარ უბნებში ვერ დაინავ მეტი წილი განლაგებულები არიან შედარებით დაბალი ფენის უბნებში ერთი სიტყვით ამ გაჭირვებული ხალხს კანონიერათ ქურდავენ და კაი იქნებოდა ვიღაცამ რომ დაიწყოს მაგ პრობლემის გადაჭრა.

პოსტის ავტორი: terra თარიღი: Aug 13 2010, 03:13 AM

kent5

მეც ეგრე ვფიქრობ.
ორი ძალიან ახლობელი ადამიანი არის დაავადებული ამ აბსტინენციით და სრული კოშმარია!!

ცვაიგს აქვს ეს თემა საინტერესოდ და მთელი ტრაგიზმით გადმოცემული ნოველაში ,,24 საათი ქალის ცხოვრებიდან''.
წაიკითხეთ.

პოსტის ავტორი: zura.bi თარიღი: Aug 13 2010, 09:33 AM

მე, მაგალითად კაზინოში ქუდი (რაც არ უნდა ძვირფასი) რომ შემიგდონ გამოსატანად არ შევალ და არა იმიტომ, რომ სხვაზე ნაკლებად აზარტული ვარ, არამედ გააზრებული მაქვს, რომ ნებისმიერი სამორინე საჩვენებელი (შოუ) ილუზიონი დაფუძნებულია ტყუილზე და მიზნად ისახავს ადამიანისგან მატერიალური და ფინანსური სახსრების გამოძალვას.
თავად სათამაშო -აზარტი (ფრანგულად- შემთხვევა, რისკი) ფსიქოლოგიური ფენომენია გამოწვეული ადრენალინის ჭარბი გამოყოფით. ადრენალინის მოქმედებისა და იოლად სწრაფი გამდიდრების სურვილის შერწყმა იწვევს ძლიერ ლტოლვას არა განყენებულად მიზნისკენ (ფული), არამედ მიზნისა და საშუალების (თამაში) ერთობლივ "ხიბლს"- დამოკიდებულებას. დამოკიდებულებაში კი ხშირად იკარგება მიზანი და ყოველთვის რჩება თამაში. მავანთაგან ბევრჯერ მსმენია - "აუ, თუ არ ვითამაშე, ცუდად ვარ!" - ფაქტია, რომ დამოკიდებული ადამიანი აცნობიერებს მოგების მიუწვდომლობას, მაგრამ ვერაფრით ვერ სძლევს თამაშის პროცესიდან მიღებული "კაიფის" ცდუნებას, თან - "კიდეც რომ მოვიგო!!!" ყალბი გამამართლებელი დასაბუთებით.
საზოგადოდ კი აზარტი თავის განუყოფელი ადრენალინით, სასარგებლოც შეიძლება და უნდა იყოს კიდეც! გააჩნია რა მიზნისკენ და რა მიმართულებით მიმართავს მას ადამიანი.
P.ს. ასე რომ თამაშს - ტაბუ!!!

პოსტის ავტორი: kent5 თარიღი: Aug 13 2010, 09:56 AM

ლას ვეგასის ისტორიაში მთავარი როლი ებრაელებმა შეასრულეს. თავიდან ისინი უბრალო ვაჭრები იყვნენ 1940-იან წლებში მიგრაციის მეორე ტალღამ-ებრაელმა განგსტერებმა ლას-ვეგასი უდაბნოში უდიდეს მეგაპოლისად გადააქციეს. ბენჟამინ ზიგელმა სა მისმა მეგობრებმა მეირ ლასკიმ, დავიდ ბრმანმა და ჰად გრიუმმა.

ბევრ მუსულმანუირ ქვეყანაში, ასევე სკანდინავიაში აზრტული თამაშები აკრძალულია. გასული საუკუნის 50-იან წლებში სინგაპურში კაზინო ნონ გრატად გამოცხადდა მას შემდეგ რაც პრემიერ-მინისტრის ვაჟმა რაც კი გააჩნდა, ყველაფერი წააგო და სიცოცხლე თვითმკვლელობით დაამთავრა.

პოსტის ავტორი: აბე თარიღი: Aug 14 2010, 07:24 PM

ლომბარდებს რაღას ერჩით...

პოსტის ავტორი: Atman თარიღი: Aug 14 2010, 07:48 PM

აბე

ლომბარდების არსებობა პირდაპირ კავშირშია კაზინოში თამაშის შესაძლებლობასთან.

თავად ლომბარდის პრინციპი(ისევე როგორც ბანკის), ანგარებაზეა დამყარებული და "ღვთიურ საქმედ" ვერ ჩაითვლება.

და საერთოდ კრედიტული სისტემა "ეშმაკის" წისქვილზე ასხამს წყალს.

პოსტის ავტორი: ქევანა თარიღი: Aug 14 2010, 07:53 PM

zura.bi

აი ზუსტად ეგრე ვარ მეც, ბატონო ზურაბ

და არ მესმის სხვები რატომ შედიან ან რა იზიდავთ, ან ნუთ მართლა ფიქრობენ რომ კაზინო გაამდიდრებს?


Atman
ბანკი არ ახსენო ჯანდაბა მაგას, ცხოვრებას რა ვუთხარი, თორემ იყო დრო სწავლის თანხას ვიხდიდი (1 წელი) ბანკის მეშვეობით : ) და მაგავე ბანკმა დამაკარგვინა სწავლების მეორე წელი, როცა კრედიტი არ მომცა :დ

ეხ...

პოსტის ავტორი: sicher თარიღი: Aug 14 2010, 08:17 PM

...

პოსტის ავტორი: neo თარიღი: Aug 14 2010, 08:37 PM

აზარტი, - ეს ვნება კარგად ვლინდება კაზინოში თორე თითქმის ყველა ადამიანს ახასიათებს რეალურ ცხოვრებაში, - ყოველდღიურობაში.

აზარტი ეს არის არარაციონალრი რისკებისაკენ მიდრეკილება, როცა ადამიანი ვერ ეგუება დამარცხებას და არ იცის როდის უნდა გაჩერდეს. აზარტული ბიზნესმენებიც არსებობენ და აზარტული სახელმწიფოებიც კი... მაგალითად საბჭოთა კავშირის ეკონომიკური კრახის ავაღანეთის ომში აზარტულმა მოქმედებება დააჩქარა.

კაზინოშიც შეიძლება ითამაშოს ადამიანმა აზარტის გარეშე. ეს მაშინ როცა იცის წინასწარ რამდენის წაგების უფლებას აძლევს ტავის ტავს და რამდენის მოგების სემდეგ უნდა დაანებოს თავი ტამაშს. ასეთი ადამიანების არსებობენ. თუმცა ალბათ იშვიათად.

ამას სამხედრო და ბიზნეს ენაზე ,,ეგზიტ სტარტეგიას" ეძახიან. როცა ადამიანები წინასწარ ტანხმდებიან ,,რდის უნდა გაჩერდნენ და თუ გაჩერდებიან როგორ"...

პოსტის ავტორი: lingvo თარიღი: Aug 14 2010, 08:42 PM

neo
ადამიანის სული იღუპება და რა მნიშვნელობა აქვს აზარტის გამო დაიღუპება თუ პრაგმატულად წინასწარ გათვლილი წაგების მოლოდინში?

პოსტის ავტორი: Atman თარიღი: Aug 14 2010, 08:42 PM

neo

სწორედ ეგაა "პროფესიონალი მოთამაშეების" თავის გამართლება, რომ პროფესიონალური თამაშI სულ სხვაა.

ერთ დროს მეც პროფესიონალ მოთამაშედ ვითვლებოდი (ოღონდ ტოტალიზატორში და არა კაზინოში). მქონდა სისტემა, რომლის საშუალებითაც ცოტას, მაგრამ სტაბილურად ვიგებდი, საერთო ჯამში მოგებაშიც დავრჩი, მაგრამ სამაგიეროდ გავფლანგე უამრავი დრო და ენერგია (იმიტომ რომ პროფესიონალურ თამაშს დიდი დროც ჭირდება და დიდი კონცენტრაციაც). უაზროდ დაკარგულ დროს ვერ დავაბრუნებ, ეგრე მოგებულ ფულს კი აზრიანად ვერავინ დახარჯავს...

პოსტის ავტორი: zura.bi თარიღი: Aug 14 2010, 08:54 PM

ერთად ერთხელ კაზინოში ყოფნისას - ორ გოგონას, რომლებმაც საკმაოდ ჭარმაგი თანხა წააგეს თავის ნორჩ ასაკთან შედარებით, ვკითხე - რა სიამოვნება მიიღეს წაგებული თანხის სამაგიეროდ, თუ კი სათვალავში არ მივიღებდით იმ კოქტეილს, "ზა სჩოტ ზავედენია" რომ მიირთვეს. პასუხზე კომენტარები თქვენთვის მომინდია - "ამ თანხით დრო მშვენივრად გავატარეთ!"-ო. როგორია!!??

პოსტის ავტორი: neo თარიღი: Aug 14 2010, 08:55 PM

კი ადამიანის სული იღუპება, არა მარტო კაზინოში, გარეთაც... აზარტი ყველგან დამღუპველია...



პროფესიონალი მოთამაშე კრუპიეა. როცა ერთი კრუპიე ხედავს რომ მეორე აზარტში შევიდა და ცუდ ,,პალასაზე დაჯდა", მაშინ ისინი ერთმანეთს ენაცვლებიან...


პ.ს.

მე მოტამაშეებს კი არ ვამართლებ. მე საქმიან ტამაშს (აზარტს) ვამტყუნებ ყოველდღიურ ცხოვრებაში.

პოსტის ავტორი: sicher თარიღი: Aug 14 2010, 09:02 PM

...

პოსტის ავტორი: Atman თარიღი: Aug 14 2010, 09:11 PM

sicher

გააჩნია რა დროს გამოიყოფა

პოსტის ავტორი: sicher თარიღი: Aug 14 2010, 09:30 PM

...

პოსტის ავტორი: როგავა თარიღი: Aug 14 2010, 10:41 PM

sicher

მაინც რა უკუშედეგი უნდა მოიტანოს იმან, რომ საკუთარ თავს თამაში აუკრძალო? უკუშედეგი კი არა ძაან მაგარი შედეგი მოაქვს, მატერიალური და სულიერი...

და კიდევ, ადამიანის მიერ დაწესებული ზღვარის მიხედვით ცხოვრებას ყოველთვის უფლის მიერ დაწესებული ზღვარით ცხოვრება აჯობებს, ასე მგონია მე... ცოტა რთული საქმე კია მაგრამ იქითკენ სწრაფვით მეტი იქნება შედეგი სასიკეთო

პოსტის ავტორი: sicher თარიღი: Aug 14 2010, 10:52 PM

...

პოსტის ავტორი: როგავა თარიღი: Aug 14 2010, 10:59 PM

sicher

გასაგებია და მაინც კონკრეტულად კაზინოს აკრძალვამ რა უკუ შედეგი შეიძლება მოიტანოს?

ლომბარდების აკრძალვა ან დახურვა იმის გამო რომ ადამიანები მაქედან გამოტანილ ფულებს აგებენ კაზინოებში ნამეტანი სუსტ არგუმენტად მიმაჩნია და მიუხედავად იმისა, რომ თანამედროვე ცხოვრებაში ლომბარდის სტატუსი იგივეა, რაც ძველად მევახშეობა, ვთვლი, რომ უნდა იყოს და არსებობდეს... ათას გაჭირვებულს გამოსდგომია ძალიან ბევრჯერ...

პოსტის ავტორი: sicher თარიღი: Aug 14 2010, 11:07 PM

...

პოსტის ავტორი: neo თარიღი: Aug 15 2010, 03:07 PM

რავიცი, რავიცი, მე კი რამოდენიმე ათასი დამიჯდა ეგ ადრენალინი

პოსტის ავტორი: ქევანა თარიღი: Aug 15 2010, 07:10 PM

ბანკი იგივე მევახშეა და ეხლა გინდა გააუქმე გინდა არ :დ

მევახშეობაც ცოდვაში გადის, მგონი, თუ არა?

აზარტი ყველგან დამღუპველია, ამაში ნეოს ვეთანხმები, მაგრამ შეიძლება აზარტული ადამიანის დაცვა, თუ ასე ხშირად არ მივაჩეჩებთ თვალებში ათას კაზინოებს და ტოტალიზატორებს... ადამიანის სისუსტეზე თამაში და მისით სარგებლბა ბოროტება მგონია მე

პოსტის ავტორი: sicher თარიღი: Aug 15 2010, 07:35 PM

...

პოსტის ავტორი: აბე თარიღი: Aug 15 2010, 07:50 PM

კრედიტი არის ერთ-ერთი პროდუქტი. პროდუქტის გაყიდვით სარგებელს ნახულობს ორივე მხარე, გამყიდველიც და მყიდველიც. კრედიტის შემთხვევაშიც სარგებელს ნახულობს მისი ამღებიც და გამცემიც. ამაში ცუდი არაფერია. აი კრედიტი ეშმაკის მაშინ არის, თუ პროცენტი არის ძალიან მაღალი...

პოსტის ავტორი: lingvo თარიღი: Aug 15 2010, 08:02 PM

ლომბარდის შემთხვევაში ხდება სხვის უბედურებაზე საკუთარი ფინანსური კეთილდღეიბის მოწყობა. ამიტომ უზნეობაა ლომბარდი. შემთხვევით კი არაა კაზონოებისა და ტოტალიზატორების გვერდით. როცა წააგებს და ვალს დაიდებს კაცი მივიდეს იქ და ჩააბაროს ტელეფონი, საათი ან სხვა მეტ-ნაკლებად ღირებული ნივთი.

პოსტის ავტორი: Atman თარიღი: Aug 15 2010, 09:15 PM

აბე

ბიზნესზე და ვაჭრობაზე დამყარებული ურთიერთსარგებელი ბუნებრივი და ჯანსაღი პროდუქტით ვაჭრობაზე უნდა იყოს დამყარებული და არა ანგარებაზე დამყარებულ სესხებზე. (პირველი შემთხვევაც ანგარებაა, მაგრამ ჯანსაღი და ბუნებრივი.

პოსტის ავტორი: აბე თარიღი: Aug 15 2010, 09:53 PM

lingvo

იმის გამო, რომ დანით პურის დაჭრის გარდა კაცის მოკვლაც შესაძლებელია, დანა არავის აუკრძალავს. ლომბარდი შეიძლება გამოიყენოს ადამიანმა არა კაზინოში წაგებული ფულის სასესხებლად, არამედ სხვა საქმისთვის. ამიტომ ლომბარდის აკრძალვა არაა სწორი და არც არავინ გააუქმებს მათ.

არც გადატანაა გამოსავალი: ლომბარდები რომც გადაიტანონ კაზინოებისა და ტოტალიზატორებისაგან მოშორებით, თქვენი აზრით შორს ვერ წავა ლომბარდში ფულის სასესხებლად ადამიანი, კაზინოში წაგებული ვალი რომ გადაიხადოს?

თვითონ ადამიანს უნდა ჰქონდეს ტვინი, რომ გონივრულად იცხოვროს, ლომბარდი არაფერ შუაში არაა... ხოლო თუ ლომბარდის მეპატრონეებს სხვის უბედურებაზე საკუთარი წარმატება ახარებთ და ზრუნავენ კიდეც ამისთვის, ეს მათი პირადი სულიერი პრობლემაა. მათ შეუძლიათ არ მისცენ სესხი კაზინოდან და ტოტალიზატორიდან გამოსულებს, რომლებსაც დარწმუნებული ვარ სახეზეც ცნობენ... მოკლედ ამ ადამიანების სულიერება თავიანთი საქმეა და თქვენ არავინ გეკითხებათ... შენ თუ გაქ ჭკუა ნუ გაიხდი საქმეს წაგებულის ლომბარდით დასაფინანსებლად...

პოსტის ავტორი: აბე თარიღი: Aug 15 2010, 10:11 PM

Atman

სრულიად ჯანსაღი პროდუქტია და არაფერი შენი დასაწუნი არ სჭირს ფინანსური კეთილდღეობის მომავლიდან მიმდინარე პერიოდში გადმოტანას (ანუ დღეს იზრდი კეთილდღეობას და მომავალში ამცირებ, როდესაც ფრავ სესხს).

ასევე ჯანსაღი პროდუქტია ბანკების პროდუქტები. რომ არა თუნდაც განვადებები, მსოფლიოს ეკონომიკა ასეთი არ იქნებოდა დღეს, წარმოების განვითარების ტემპი გაცილებით ნაკლები იქნებოდა და არც ტექნოლოგიები იქნებოდა განვითარებული ისე დღეს რომაა განვითარებული... მეტსაც გეტყვი, მთელი მსოფლიოს ეკონომიკა განვადებებზე დგას. ყველასთვის სარგებლის მომტანია განვადება: არც მაღაზიებს ულპებათ და უჟანგდებათ პროდუქტები დახლებზე (ყიდიან რა უფრო სწრაფად); პროდუქტების მწარმოებლებსაც არა აქვთ სადარდებელი ჩაწოლილი საქონელი და იწყებენ ახალი მოდელების შექმნას/ძველის დახვეწას; მომხმარებლებსაც არ უწევთ წლობით ფულის დაგროვება და შედარებით იოლად ყიდულობენ სასურველ პროდუქტს. მწარმოებელი კმაყოფილია, მომხმარებელი კმაყოფილია, მაღაზია კმაყოფილია... სამივე კმაყოფილია... რატომ არის ვითომ ეს პროდუქტი არაჯანსაღი?!

ხელოვნების, მედიცინის, ეკონომიკის, სამართლის, პოლიტიკის, წარმოების, მშენებლობის, დიზაინის, კომპიუტერული ტექნოლოგიების, საგანმანათლებლო სისტემებისა და სხვა დანარჩენი ყველა დარგის ერთდროულად პროფესორებო და ექსპერტებო, ყველა დარგში კომპეტენტურებო, ხანდახან დაფიქრდით ხოლმე სისულელეებს რომ წერთ. ისე მაინც დაწერეთ, მე არ მომწონს ესა და ეს ამისა და ამის გამოვო, პირდაპირ რომ ეშმაკეულობას წამებთ ყველაფერს ბრძენნო ამა სოფლისანო!

მაშინ ავკრძალოთ დანები, რდგანაც მისით შეიძლება კაცის მოკვლა. ეშმაკეული ყოფილა ყველა ვისაც დანასთან აქვს შეხება...

პოსტის ავტორი: აბე თარიღი: Aug 15 2010, 10:23 PM

პ.ს. თბილისში აღარ ვიქნები სამი კვირა და ვერ გიპასუხებთ.

პოსტის ავტორი: Atman თარიღი: Aug 16 2010, 04:23 AM

თავად ფაქტი, რომ ფინანსურ ვალში ხარ და ისე მუშაობ, არაჯანსაღია. თავისუფლებას უკარგავს ადამიანს. იმიტომაცაა მთელი ამერიკა და დასავლეთი (და უკვე საქართველოს დიდი ნაწილიც) დამონებული. გამოაქვთ სესხად ყველაფერი, ხარახურის ჩათვლით და მერე მთელი ცხოვრება ამ ვალების დაფარვაზე მუშაობენ.

ეს სისტემა მასონების წისქვილზე ასხამს წყალს. და საბანკო სისტემამ განაპირობა ელექტრონული ფულის შექმნა. ჯერ ისე ფული ხო პირობითობაა და ელექტრონული საერთოდ ილუზიაა.

ამას მომავალი გვიჩვენებს.



დანასაც გააჩნია. არსებობს დანები, რომლებიც შექმნის დღიდანვე კვლაზეა გათვლილი...

პოსტის ავტორი: kent5 თარიღი: Aug 17 2010, 09:34 AM

მე ლას-ვეგასი ვახსენე ამას წინათ იქ მოგების ალბათობა არის. ჩვენთან კი ეს თითქმის არ არსებობს, მთელ ინგლისში 57 სათამაშო დაწესებულებაა,თავის სლოტ კლუბებიანად 57 ჩვენთან მარტო პეკინზეა. კაზინოში შესულ ადამიანს შვეიცარიდან დაწყებული კრუპიემდე გიყურებენ როგორც ,,ლუკმას” ეს სხვაგან არ ხდება. აქ ფიქსირებულს იხდის კაზინო და კაცი არ არის მისი პატრონი, აი ,,თბილ ქვეყნებში” კი სახელმწიფო მკაცრად აკონტროლებს ყველა დეტალს.

პოსტის ავტორი: lingvo თარიღი: Aug 17 2010, 12:07 PM

გეთანხმები. რა საშინელებაა თუნდაც მხოლოდ ფსიქოლოგიურად როდესაც მუდმივ ვალში ხარ... გირჩევნია დააგროვო ნელ-ნელა და მერე შეიძინო.

პოსტის ავტორი: neo თარიღი: Aug 17 2010, 05:37 PM

ნეტა ახლა ვინმე ერთ მილიონს მასესხებდეს და ვიყო მუდმივ ვალში, ნო პრობლემ. ოღონდ იპოთეკა არ მომთხოვოს...

პოსტის ავტორი: lingvo თარიღი: Aug 17 2010, 08:06 PM

სესხით ვერ იქნები მშვიდად. რომ გეთქვა მაჩუქოსო კიდევ ხო

პოსტის ავტორი: neo თარიღი: Aug 17 2010, 08:49 PM

შენ მასესხე და ნახე როგორი მშვიდად ვიქნები

პოსტის ავტორი: marine თარიღი: Jun 15 2017, 01:08 PM

"მონტე კარლოს ეფექტი - წინასწარმეტყველების და გამოცნობის მცდელობა - არასწორი დასკვნები, მოგების ალბათობის გადაფასება მაშინ, როცა 98% თამაშის მცდელობებისა, წამგებიანია".

პოსტის ავტორი: marine თარიღი: Jun 22 2017, 10:25 PM

"აზარტულმა თამაშებმა ლუდომანია (ლათინურად Ludus - თამაში) წარმოშვა. თამაშომანია, როგორც მასობრივი მოვლენა, XX საუკუნის 60-იან წლებში გაჩნდა "ჩინური სინდრომის" სახელწოდებით. სამხრეთ-აღმოსავლეთ აზიელები და ჩინელები აზარტული თამაშებით გატაცების წინაშე დაუცველნი აღმოჩნდნენ. ავადმყოფობა იმდენად სერიოზული გამოდგა, რომ ჯანდაცვის მსოფლიო ორგანიზაციამ "ფსიქიკური დარღვევების" კლასიფიკაციაში "პათოლოგიური გეიმბლინგიც" (ინგლ. game - თამაში) კი გამოყო. თამაშომანია ალკოჰოლიზმის, ნარკომანიისა და ტოქსიკომანიის ჯგუფს მიეკუთვნება."

პოსტის ავტორი: marine თარიღი: Jun 22 2017, 10:38 PM

"მონაწილეობა თამაშში - არ აქვს მნიშვნელობა, ვიგებთ თუ ვაგებთ - გამოხატულებაა სურვილისა, უშრომლად მოვიპოვოთ ამქვეყნიური სიკეთე. თუ გვსურს, თამაშს თავი დავაღწიოთ, მოგებისას გავიხსენოთ, რომ ათასმა ადამიანმა წააგო, რადგან ვერ სძლია ცდუნებას, წააგო უკანასკნელი ლუკმაპური, და სწორედ მათ მიერ წაგებულს გვაძლევენ ჩვენ, რომ შემდგომში ჩვენით სხვა აცდუნონ. წაგებისას კი მიმოვიხედოთ, რამდენი გაჭირვებულია ჩვენს ირგვლივ და ეს თანხა გონივრულად რომ დაგვეხარჯა, რამდენ უპოვარს გავუხარებდით გულს მოწყალების გაღებით, ჩვენ კი სიკეთის ქმნით ზეციურ საუნჯეს დავაგროვებდით. ამასთან, ნებისმიერ თამაშში ვლინდება აზარტი, რომელიც გრძნობების მონობაა და ასუსტებს გონივრული მოქმედების უნარს."

პოსტის ავტორი: marine თარიღი: Jun 26 2017, 08:50 PM

"კაზინოთი გამდიდრებული კაცი არ არსებობს, გარდა მეპატრონისა, თუმცა ისიც საკითხავია, ის მეპატრონეც იხვეჭს თუ არა ამ სიმდიდრის წყალობით თუნდაც მიწიერ ბედნიერებას. ასეთი გზით მოპოვებულ ფულს აუცილებლად მოჰყვება დიდი პრობლემები. ბოროტი სული კეთილად არავის არაფერს აძლევს, სანაცვლოდ ყოველთვის რაღაცას ითხოვს, თანაც ძალიან ბევრს."

"ბანქო მართლმადიდებლობის მოძულეთა მიერ არის მოგონილი. ეს მისტიკური თამაშია. ქრისტიანს არა თუ თამაში, ბანქოს ხელში აღებაც კი ცოდვად ეთვლება, რადგან მასზე ქრისტეს ჯვარცმის ელემენტებია ასახული. ჯვარი იმ ჯვარს ნიშნავს, რომელზეც მაცხოვარი გააკრეს; აგური - სამჭვალებს, რომლითაც იესო ქრისტე ჯვარზე მიამსჭვალეს; გული შუბის წვერია, ჯვარცმულ უფალს რომ უგმირეს გვერდში და სისხლით შეიღება, ამიტომაც არის გული წითელი ფერის; ყვავი შუბზე წამოცმულ ღრუბელს აღნიშნავს, რომელიც მაცხოვარს წყლის ნაცვლად ძმარში გაჟღენთილი მიაწოდეს. ამის ნიშნად არის ყვავი შავი ფერის. ვალეტები წმინდა მოწამეები "არიან", დამები - წმინდა დედები, კაროლები - ეპისკოპოსები. მათ ხელში კვერთხი და ჯვრიანი სფეროები უჭირავთ (ძველ რუსულ ბანქოზე პირდაპირ ჩანს, რომ მასზე წმინდანები არიან გამოსახულნი). ტუზი "ტაფუს" - ქრისტეს საფლავს ნიშნავს. იერუსალიმში უფლის საფლავის მცველ ღვთისმსახურთ შესამოსელზე უკანა მხრიდან "ტაფუს" აწერიათ. ჯოკერი ეშმაკია. წარმოიდგინეთ, რამხელა ცოდვაში ვარდება ადამიანი, როცა ბანქოს თამაშს იწყებს და ქრისტეს ჯვარცმის ელემენტებს ერთმანეთს ურტყამს! ამით უფლის ჯვარცმას შეურაცხყოფს. მეტსაც გეტყვით: გინდა ბანქო გითამაშია და გინდა ჯვრები და სხვა ქრისტიანული სიწმინდეები შეგიმუსრავს და შეურაცხგიყვია! აშკარაა, რომ იგი ქრისტეს მოწინააღმდეგეთა მოგონილია. სამწუხაროდ, მოახერხეს და ბანქო ქრისტიანებშიც გაავრცელეს."

/მამა დავით ქვლივიძე/

პოსტის ავტორი: marine თარიღი: Jun 27 2017, 11:17 AM

"კაზინო ეშმაკის სახლია"

/მამა დავით ქვლივიძე/

პოსტის ავტორი: marine თარიღი: Jun 27 2017, 11:47 AM

"მოთამაშეები ექიმებს ემუდარებიან: "დაგვეხმარეთ, ამდენი რომ არ წავაგოთო!.." ნარკომანები კი იხვეწებიან: "ორი გრამი პრეპარატი ძვირია, დოზა შეგვიმცირეთო!.." ცხადია, ეს მკურნალობის მცდარი მოტივაციაა. ადამიანი მოვალეა, ჭეშმარიტ მოტივაციამდე მივიდეს: "არ მინდა, სიცოცხლე წავაგო!"

მაგრამ ეს სამედიცინო კი არა, უპირველეს ყოვლისა, სულიერი პრობლემაა. ეს არის აზარტით სულის დასნეულება იმ იმედით, რომ შესაძლებელია, ზღაპრული თანხა მოიგო. მაგრამ ეშმაკი ცრუა და სიცრუის მამაა. ეს სულიერი დაავადება, რომლის სახელწოდებაც ვნებაა, მრავალი საუკუნის წინ ზედმიწევნით აღწერეს მართლმადიდებელმა წმინდანებმა. მათვე მოგვცეს განკურნების რეცეპტი: ვნება თავისთავად ანდა ადამიანური ძალისხმევით არ ითრგუნება, ის ღვთის წყალობით იძლევა. ამისათვის კი საჭიროა: ცოდვების შეგნება, გონებით ჩაწვდომა, რომ ადამიანი დემონის ბადეშია გახვეული, და გულწრფელი მონანიება. შეწევნა კი უფლის წყალობაა, რომელსაც აღსარებით, ზიარებითა და ლოცვით ვიღებთ."

პოსტის ავტორი: marine თარიღი: Jun 28 2017, 01:41 PM

"1655 წელს ფრანგმა მათემატიკოსმა, ფიზიკოსმა, ფილოსოფოსმა და მწერალმა ბლეზ პასკალმა გამოიგონა მბრუნავცილინდრიანი ბორბალი ციფრების კომბინაციების ზუსტი რიგით. დიდი მეცნიერის ტრაგედია ისაა, რომ იგი ხედავდა, ყოფიერების საიდუმლოს ჩაწვდომა და სასოწარკვეთილებისგან ადამიანის ხსნის გზა მხოლოდ ქრისტიანობაში იყო, მაგრამ თავისდა უნებურად (ეს ხელსაწყო პასკალმა ალბათობის თეორიის ასახსნელად შექმნა) კაცობრიობას საშინელი ბიწიერების ბორბალი დაუტოვა.
რულეტკა (ფრანგულიდან roulette - ბორბალი) ფულის კეთების ოსტატებმა აიტაცეს. "წარმატების ბორბლის" გაუმჯობესების იდეა საზოგადოებას დომინიკელმა ბერებმა მიუგდეს. თუმცა ახლახან ჯადოსანმა იური ლონგომ აღიარა: "ის ეშმაკმა მოიგონა და თავისი ბნელი საქმე სხვის მხრებზე გადაიტანა".
სხვათა შორის, "ბედის ბორბლის" ყველა ციფრის (0-დან 36-მდე) ჯამი 666-ს შეადგენს!"

პოსტის ავტორი: marine თარიღი: Jun 29 2017, 12:50 PM

"არის აზარტი, საღმრთო აზარტი ანუ სურვილი კაცთა მოქცევისა. ასეთი აზარტული კაცი გახლდათ მაქსიმე შარაძე. ხალხში ისე ლმობიერად კითხულობდა ქადაგებას, სახარებას და წმინდანთა ცხოვრებას, რომ ცრემლს ვერ იმაგრებდა. იმის მხილველთ გულში ღვთის შიში და სიყვარული ენერგებოდათ.
ერთხელ მაქსიმე ბილიარდის მოთამაშეებთან შევიდა და უთხრა: - აბა, ძმებო, გთხოვთ ყური დამიგდოთ, ერთი რამ კაი ამბავი უნდა წაგიკითხოთო.
მოთამაშეები შეჩერდნენ. მაქსიმემ დაიწყო წმინდა გიორგის ცხოვრების კითხვა... ისეთ ლმობიერებაში შევიდნენ მოთამაშენი, რომ ყველამ ტირილი დაიწყო, ჯოხები დაყარეს და მაქსიმეს აღარ მოშორდნენ, თან გაჰყვნენ, ბინა ისწავლეს და სხვებთან ერთად ისინიც საღამოობით მასთან იკრიბებოდნენ."

პოსტის ავტორი: marine თარიღი: Jun 30 2017, 11:43 AM

"მონაწილეობა თამაშში - არ აქვს მნიშვნელობა, ვიგებთ თუ ვაგებთ - გამოხატულებაა სურვილისა, უშრომლად მოვიპოვოთ ამქვეყნიური სიკეთე. თუ გვსურს, თამაშს თავი დავაღწიოთ, მოგებისას გავიხსენოთ, რომ ათასმა ადამიანმა წააგო, რადგან ვერ სძლია ცდუნებას, წააგო უკანასკნელი ლუკმაპური, და სწორედ მათ მიერ წაგებულს გვაძლევენ ჩვენ, რომ შემდგომში ჩვენით სხვა აცდუნონ. წაგებისას კი მიმოვიხედოთ, რამდენი გაჭირვებულია ჩვენს ირგვლივ და ეს თანხა გონივრულად რომ დაგვეხარჯა, რამდენ უპოვარს გავუხარებდით გულს მოწყალების გაღებით, ჩვენ კი სიკეთის ქმნით ზეციურ საუნჯეს დავაგროვებდით."

პოსტის ავტორი: marine თარიღი: Jul 1 2017, 09:54 PM

"სპეციალისტების აზრით, თამაშზე დამოკიდებულება უფრო ძნელად იკურნება, ვიდრე ნარკომანია".

პოსტის ავტორი: marine თარიღი: Jul 2 2017, 01:22 PM

"აზარტული თამაშებით გატაცება გახლავთ "ნარკომანია ნარკოტიკების გარეშე". საკუთარ ემოციებზე ზემოქმედება შესაძლებელია არა მარტო ქიმიური გზით, არამედ კომპიუტერით, ტელევიზორით, გემრიელი საკვებით და აზარტული თამაშებითაც. ყველაფერი, რაც ჩამოვთვალეთ, არის ნარკოტიკი "ფართო გაგებით". მძიმე შემთხვევებში აზარტული თამაშები იქცევა ძლიერი ემოციების ერთადერთ წყაროდ და ადამიანი მიჰყავს ისეთსავე დეგრადაციამდე, როგორსაც ალკოჰოლიზმი და ნარკომანია იწვევს.
აზარტი, რომელსაც ადამიანი თამაშისას განიცდის, ძალიან ძლიერია და მუდმივ განმტკიცებას მოითხოვს ახალი მსხვერპლით. თუ მოთამაშე არ ზრდის რისკს, ფსონს, ისე თამაშს აღარ მოაქვს სიამოვნება, ამასობაში ახლობლებისთვის შესამჩნევი ხდება პიროვნების ცვლილებები - საკუთარ ქცევაზე კონტროლის დაკარგვა; რაც თამაშთან არ არის დაკავშირებული, მისადმი ინტერესის დაკარგვა; თამაშის გარდა ყველა სხვა მოთხოვნილების უგულებელყოფა. მაგრამ ამ მდგომარეობაშიც კი გამოჯანმრთელებაზე ზრუნვას არავინ ჩქარობს.
ჯერ ერთი, იმიტომ, რომ სჯერათ საკუთარი ძალებით პრობლემასთან გამკლავების შესაძლებლობისა, მეორეც, წარმოდგენა არა აქვთ, ვის მიმართონ დასახმარებლად. უნდა აღინიშნოს: თამაშზე დამოკიდებულება არ განიკურნება ნამუსზე შეგდებით, ყვედრებით, მუქარით, ყვირილით. აქ პროფესიონალის ჩარევაა საჭირო. ყველა ახლობელს უნდა განემარტოს, რომ თამაშზე დამოკიდებულება დაავადებაა და გამოჯანმრთელების საწყის ეტაპზე აუცილებელია თამაშზე დამოკიდებული ადამიანის ფინანსურად შეზღუდვა. არ არის გამართლებული მათი ვალების გადახდა."

"მოთამაშის მიერ კაზინოს გაკოტრების მაცდური კადრები, რომელთაც ხშირად ვხედავთ ჰოლივუდის ფილმებში, რეალობისგან ძალიან შორს არის."

/ფსიქოლოგი ლელა ტყეშელაშვილი/

პოსტის ავტორი: marine თარიღი: Jul 3 2017, 05:47 PM

"- მეზობლის ოჯახს კალათით ბავშვი მიუგდეს. როგორც კალათზე ეწერა, ანდრონიკა ერქვა. იზრდებოდა ამ ოჯახის ხუთ შვილთან ერთად.
პატიოსნად ცხოვრობდნენ, მაგრამ ანდრონიკა გზას ასცდა.
გორიჯვრის ეკლესიაში პატარა ხის ყუთში ხალხი შესაწირავს აგროვებდა. ავიდოდა ანდრონიკა ეკლესიაში და რადგან ფულს პირდაპირ ვერ იღებდა, - ღვთისა და ეკლესიის ეშინოდა! - აიტანდა კამათელს და ვირტუალურად ეთამაშებოდა ღმერთს (შემინდე, უფალო, მკრეხელობა!). თუ წააგებდა, უკან ხელცარიელი ბრუნდებოდა, მაგრამ თუ მოიგებდა, იტყოდა: რა ვქნა, მოგიგეო... შეუცნობელია ადამიანის ბუნება!.."

პოსტის ავტორი: marine თარიღი: Jan 19 2018, 10:09 PM

"კომპიუტერული თამაშები ორგანიზმზე ზემოქმედებით აზარტულ თამაშებს ძალიან ჰგავს".

პოსტის ავტორი: marine თარიღი: Aug 9 2019, 03:44 PM

"კითხვა: ცოდვად ხომ არ ჩაგვეთვლება ისეთ გათამაშებაში მონაწილეობის მიღება, სადაც ფულადი ჯილდოებია დაწესებული?

პასუხი: გათამაშებაში მონაწილეობის მიღება არ ეწინააღმდეგება ქრისტიანულ ზნეობას, მაგრამ ამით გატაცებას შეუძლია აზარტისა და მეტოქეობის გამოწვევა. ამიტომ ამ საქმიანობის მიმდევარს, ეს საქციელი ცოდვად ჩაეთვლება. თავისთავად, ფულის შოვნა არ არის ცოდვა, რადგან წმიდა მამებს მიაჩნდათ, რომ ფულის გამოყენება სასიკეთო საქმეებისთვისაც შეიძლება. მაგრამ, ფული, სამწუხაროდ, ადამიანის ვნებიან გულს იპყრობს. წმიდა იოანე ოქროპირი წერდა: მინახავს ხალხი, ვინც აგროვებს ფულს გლახაკებისთვის, მაგრამ მნიშვნელოვანი თანხის შეგროვების შემდეგ, შესძულებია ეს გლახაკნი."

პოსტის ავტორი: marine თარიღი: Aug 10 2019, 02:14 PM

"კითხვა: რატომ ითვლება ცოდვად აზარტული თამაშები?

პასუხი: აზარტული თამაშები იმიტომ არის მძიმე ცოდვა, რომ მის გზაზე შემდგარი ადამიანი კარგავს მთავარ საუნჯეს – ნების თავისუფლებას და ემონება აზარტის ვნებას. ამ ყველაფრის შედეგად კი მოგებული რჩება მხოლოდ ბოროტი ძალა, რომელიც ადამიანს სულიერად და ხორციელად ფიტავს."

პოსტის ავტორი: marine თარიღი: Aug 14 2019, 11:20 AM

"კითხვა: შეიძლება თუ არა იმ ინტელექტუალურ და აზარტულ თამაშებში მონაწილეობა, სადაც ფულადი ჯილდოებია დაწესებული? ცოდვად ხომ არ ჩაგვეთვლება ასეთი საქციელი?

პასუხი: ასეთი თამაშებით გატაცება ადამიანს ცოდვად ჩაეთვლება. აზარტი და მეტოქეობა ქრისტიანისთვის მიუღებელია. საერთოდ, ფულის შოვნა ცოდვა არ არის, რადგან წმიდა მამებს მიაჩნდათ, რომ ფულის გამოყენება სასიკეთო საქმეებისთვისაც შეიძლება. მაგრამ, სამწუხაროდ, ფული ადამიანის ვნებიან გულს იპყრობს და ის მრავალი ცოდვის ჩადენის მიზეზი ხდება."

პოსტის ავტორი: marine თარიღი: Jan 30 2020, 06:52 PM

"სულიერი თვალსაზრისით, აზარტული თამაშები არის ნამდვილი ბოროტება, რომელიც ანგრევს ადამიანის პიროვნებას, ოჯახებს, ახდენს დეგრადირებას, ადამიანი ემონება ცოდვას და ექცევა მის ტყვეობაში"

/მიტროპოლიტი შიო (მუჯირი)/

პოსტის ავტორი: marine თარიღი: Feb 24 2020, 07:15 PM

"კაზინოში" მოსიარულე ადამიანი არაფრით არ განსხვავდება ნარკომანისგან. მას შეუძლია გაყიდოს დედა, მამა და მთელი თავისი ოჯახი, ოღონდ კი ფული იშოვოს და კვლავ ითამაშოს. ამასთანავე, ის ღარიბიცაა. ხოლო "კაზინოთი" გამდიდრებულები, ანუ "კაზინოებისა" და ტოტალიზატორების მეპატრონეები თავიან თავზე და საკუთარ ოჯახის წევრებზე აგროვებენ ნაკვერჩხალს, მარადიულ ნაკვერჩხალს, რომელიც აღარასოდეს არ ჩაქრება, თუ ისინი სინანულით არ მოინანიებენ. და ეს განსაცდელი შეიძლება აქვს დაიწყოს"

/დეკ. თეოდორე გიგნაძე/

პოსტის ავტორი: marine თარიღი: Feb 26 2020, 09:52 PM

„აზარტული თამაშები და მათი ხელშეწყობა არის ერთ-ერთი ყველაზე დიდი პრობლემა ჩვენს ქვეყანაში, იმიტომ რომ, შეიძლება ითქვას, სულიერი თვალსაზრისით ეს არის აბსოლუტური ბოროტება, ვინაიდან ანგრევს ადამიანის პიროვნებას, ახდენს დეგრადირებას. ჩვენ უნდა ვიღონოთ ყველაფერი, რომ მოხდეს შეზღუდვა. საპატრიარქო მონაწილეობდა კანონპროექტის შექმნაში, რომელიც რეგულაციებს უნდა ითვალისწინებდეს და იმედია, ასეთი შეხვედრა ხელს შეუწყობს ამ კანონის მიღებას”

/მეუფე შიო მუჯირი/

პოსტის ავტორი: marine თარიღი: Apr 13 2020, 08:31 PM

"უნდა ითქვას, რომ ბევრი ქალიც თამაშობს. ის შეიძლება არ შევიდეს კაზინოში, მაგრამ საიტიდან ითამაშოს და თამაშდამოკიდებული გახდეს. ასეთ ადამიანს ვერ უხსენებ სულიერ ცხოვრებას და შვილების ქრისტიანულად აღზრდას"

/მღვდელი დავით მექვაბიშვილი/

პოსტის ავტორი: marine თარიღი: May 24 2020, 10:10 PM

"აზარტი ისევე გადამდებია, როგორც სახადი"

/ლევან გოთუა/