შეიძლება თუ არა ღმრთისმსახურებისას დაჯდომა? |
სტუმარს სალამი ( შესვლა | დარეგისტრირება )
შეიძლება თუ არა ღმრთისმსახურებისას დაჯდომა? |
Sotiris |
Jul 13 2007, 02:33 AM
პოსტი
#1
|
Advanced Member ჯგუფი: Members პოსტები: 1,567 რეგისტრ.: 3-November 06 წევრი № 382 |
ეს თემა ჩვენში დიდ გაუგებრობას იწვევდა და ახლაც იწვევს. რას არ გაიგონებს კაცი ღმრთისმსახურებისას დაჯდომის კრიტიკისას, კათოლიციზმის გავლენიდან მოყოლებული და მოდერნიზმით დამთავრებული. სამწუხაროა, რომ კრიტიკოსებმა არ იციან არც მსოფლიო ეკლესიის ისტორია და გამოცდილება, არც საკუთარი ეკლესიის ისტორია და არც საკუთარი ეკლესიის თანამედროვე საღმრთისმსახურო წიგნები. სამწუხარო ფაქტია, მაგრამ გამოსწორებადია.
1) ახლა ძლივს უძლებს ჩვენი მრევლის დიდი ნაწილი ხანგრძლივ მსახურებას და მითუმეტეს მაშინ როგორ გაუძლებს, ჩვენში მსახურება რომ ტიპიკონის მოთხოვნების დაცვით მიმდინარეობდეს (ე.ი. იგალობებოდეს ყველაფერი, რისი გალობაც საჭიროა და არ იკვეცებოდეს მსახურებები). მაგალითად საბაწმიდური ტიპიკონით ღამისთევის მსახურება მზის ჩასვლიდან მზის ამოსვლამდე უნდა გრძელდებოდეს (მწუხრი, ცისკარი, პირველი ჟამი) და ყოველ კვირა დღეს უნდა სრულდებოდეს. ადვილი გამოსათვლელია რამდენი საათია ეს (სეზონის მიხედვით ცვალებადობა გვექნება) და რამდენით მეტია ახლანდელ მსახურებაზე. ამას უნდა დავუმატოთ ლიტურგიის აღსასრულებლად საჭირო დრო (რომელიც გარკვეული პერიოდის მერე უნდა სრულდებოდეს) და რამდენი საათი გამოვა ჯამში, თავად განსაჯეთ. 2) ახლანდელი პრაქტიკით ისე გამოდის, რომ ეპისკოპოსებს და მღვდლებს დასხდომის პრივილეგია ჰქონიათ, ხოლო მრევლი კი უბრალო მასა ყოფილა, რომელიც ფეხზე უნდა იდგეს. რა მოტივით ხდება ასეთი დისკრიმინაცია, გაუგებარია. ეს არის ორი ლოგიკური არგუმენტი. ნელ-ნელა დავწერ ისტორიულსაც: ცხორებაჲ ნეტარისა მამისა ჩუენისა იოვანესი და ეფთჳმესი და ვითარცა იყო ნეტარი მამაჲ ჩუენი ეფთჳმე სავსე ზეგარდამოჲთა მადლითა, ეგრეთვე საღმრთონი წესნი და განგებანი დაესხნეს მონასტერსა თჳსსა... ჭაბუკთადა გაეწესა საშოვალ ეკლესიასა დგომაჲ და ორკეცად და სამკეცად დგიან ჴელ-მოჭდობით და მოწიწებით. და სკამები საშოვალ დადგიან და ოდეს ჯერ-არნ ეგრეთ-ვე ორკეცად და სამკეცად დასხდიან. ე.ი. ივერონშო სკამებიც ჰქონიათ ეკლესიაში და როდესაც განწესებული იყო, სხდებოდნენ კიდეც. შიომღვიმის მონასტრის ტიპიკონი დიდი მწუხრის დასაწყისი: ხოლო კანდელაკმან აღიღოს სანთელი მცირითა სასანთლითა და ჴმა-ყოს: აღემართენით. აქედან გამომდინარეობს, რომ მწუხრის დაწყების წინ მონაზვნები ისხდნენ (სხვაგვარად მიმართვა აღემართენით უაზროა) და რომ თითოეულს საკუთარი დასაჯდომი ჰქონია. აღდგომის მსახურების აღწერიდან: ხოლო შემდგომად დასრულებისა ამბორისყოფისა, წარიკითხავს საკითხავსა ოქროპირისასა წინამძღუარი, რომლისა თავი არს ესე: ვინცა ვინ კეთილადმსახურნი... ხოლო არა დავსხდებით ამისსა კითხვასა შინა. ე.ი. სხვა საკითხავებზე სხდებოდნენ და შესაბამისად საკუთარი სკამებიც ჰქონდა ყველას. ამ ერთზე არ სხდებოდნენ. ხოლო წმიდათა დიდთა მარხვათა აჩენს წინამძღუარი ეკლესიასა შინა მაღჳძებელსა, რომელიცა თითოეულსა წიგნის კითხვასა ზედა, შემდგომად მცირედ წარკითხვისა აღდგების თჳსისა ადგილისაგან და ჰყოფს სამსა თაყუანისცემასა საშუალ ეკლესიისა, და მოჰვლის ძმათა მყუდროებით. და რომელიცა პოოს მძინარედ, მოზიდავს მას ნელიად მცირედ. ხოლო იგი აღდგების და მოვალს საშუალ ეკლესიისა, ჰყოფს მუჴლთმოდრეკასა გ, და ორთავე სამჴროთა მიმართ თითოსა, და კუალად წარვალს და დაჯდების ადგილსა თჳსსა. ე.ი. დიდ მარხვაში წინამძღვარი ერთ-ერთ მონაზონს განაწესებს მაღვიძებლად. ყოველი საკითხავის დაწყებიდან მცირე ხნის გასვლის შემდეგ ეს მონაზონი დგება (ე.ი. ადგილი ჰქონია დასაჯდომად და იჯდა) და ეკლესიას მოივლის იმის სანახავად, ვინმეს ხომ არ ძინავს. თუ ვინმეს მძინარეს იპოვის, გააღვიძებს მას, ეს უკანასკნელი დგება (ე.ი. ადგილი ჰქონია დასაჯდომად და იჯდა), ეკლესიის შუაში სამ მეტანიას აკეთებს, ორივე კლიროსის მიმართ თითოს, მერე ბრუნდება და თავის ადგილზე ჯდება (ე.ი. აქედანაც ჩანს, რომ ყველა მონაზონს საკუთარი ადგილი ჰქონია დასაჯდომად). კონდაკი, 1710 წ., ვახტანგ მეექვსის სტამბა დიდი მწუხრის აღწერიდან: რაჟამს ჯერ-იყოს ლოცვა დიდისა მწუხრისა, მოვალს მღდელი და დიაკონი და ჰყოფენ მეტანიასა წინაშე ხატსა მეუფისა ქრისტესსა გ. ყოველნი მუნ მყოფნი ძმანი იყვნენ მსხდომარენი... და ჴმაჲ-ჰყოფს ევტაქსია წინაშე წმიდისა კარისა მასვე კელევსატესა. მაშინ ყოველნი ძმანი აღდგებიან... ე.ი. აქედანაც ჩანს, რომ მწუხრის დაწყების წინ ყველა მონაზონი იჯდა და ყველას საკუთარი სკამი ჰქონია. ახლა რაში უნდა ჭირდებოდეს კაცს სკამი ეკლესიაში, თუ ლოცვისას არ უნდა ჯდებოდეს? სადღესასწაულო, მოსკოვი, 1865 შობის განგება, გვ. ფოზ, მწუხრზე საწინასწარმეტყველოდან საკითხავების დასრულების შემდეგ ასეთი მითითებაა: ესრეთ ჰჴმობს მკითხუელი ჴმასა ზედა ვ, ჩუენ აღუსდგებით და იგი იტყჳს ტროპარსა ამას... რატომ წერია ჩვენ ავდგებით ფეხზეო? იმიტომ რომ საწინასწარმეტყველოზე ყველა იჯდა. ასეთი ბევრი სხვა მაგალითის მოყვანა შეიძლება. უნდა თუ არა ვინმეს, ჩვენთან სკამები რეალობა იყო ეკლესიებში, დაჯდომაც რეალობა იყო და არც ახლა ამოუშლია ვინმეს წიგნებიდან მათი ხსენება. -------------------- მძიმეწონოსანთა კატეგორია.
ქარის წისქვილებს არ ვებრძვი, კომერციულ საქმიანობაში ვიყენებ მხოლოდ: ქატო იქა, ფქვილი აქა. |
ნანინა |
Sep 27 2009, 08:49 PM
პოსტი
#361
|
სოფო ჯგუფი: Members პოსტები: 5,621 რეგისტრ.: 8-July 08 მდებარ.: dedaqalaqi წევრი № 5,299 |
athos
მე არ მითქვამს ცოდვაა-თქო ისე მე არ ვარ ამ საკითხში კომპეტენტური და იქნებ სხვა ადამიანებმა გაგცენ პასუხი? არის რაიმე მითითება ამის შესახებ საეკლესიო სწავლებაში? -------------------- იყავი ის, რაც ხარ!!!
|
athos |
Sep 27 2009, 08:53 PM
პოსტი
#362
|
Άγιον Όρος ჯგუფი: co-Moderators პოსტები: 1,846 რეგისტრ.: 8-January 07 წევრი № 816 |
ნანინა
ციტატა მე არ მითქვამს ცოდვაა-თქო ისე მე არ ვარ ამ საკითხში კომპეტენტური და იქნებ სხვა ადამიანებმა გაგცენ პასუხი? არის რაიმე მითითება ამის შესახებ საეკლესიო სწავლებაში? თემის პირველ პოსტში იყო მოყვანილი გარკვეული ისტორიული წყაროები ამ საკითხთან დაკავშირებით -------------------- და ესე უწყოდეთ ჟამი, რამეთუ აწვე არს ჟამი განღჳძებად ჩუენდა ძილისაგან. აწ უმახლობელეს არს ჩუენდა ცხორებაჲ, ოდესღა-ესე გურწმენა. ღამე იგი განგუეშორა, და დღე შემოგუეახლა; განვიშორნეთ უკუე საქმენი ბნელისანი და შევიმოსოთ საჭურველი ნათლისაჲ.
|
Misha Songulashvili |
Sep 27 2009, 11:53 PM
პოსტი
#363
|
ეკუმენისტი ჯგუფი: Members პოსტები: 2,524 რეგისტრ.: 21-October 07 წევრი № 3,010 |
დაიღალე დაჯექი, დაისვენე ადექი იწვევს ქაოსს ეკლესიაში არადისციპლინირებულობაზე მეტყველებს... იმ ეკლესიაში სადაც სკამებია ყველა ერთად დგება იმ დროს როცა ფეხზე უნდა იდგნენ და ყველა ერთდროს ჯდება როცა უნდა იჯდნენ.... ანუ ეს იმაას არ ნიშნავს რომ იქ სულ ზიან და ეს ჯდომა ვინმეს ლოცვას აკნინებს... ისე კი მართალია რომ მრავალ მართლმადიდებლურ ტაძარში არის სკამები...
მაგრამ საქართველო სულ სხვაა! აქაურ მართლმადიდებლობას სხვა მართლმადიდებლობა როგორ შეედრება?! გულს ნუ გაიტეხთ, იბერია გაბრწყინდება! (მთავარია არ მოვეშვათ და არ დავსხდეთ) -------------------- "ჩემზედ ამბობენ: 'ის სიავეს ქართლისას ამბობს,
ჩვენს ცუდს არ მალავს. ეგ ხომ ცხადი სიძულვილია!' ბრიყვნი ამბობენ, კარგი გული კი მაშინვე სცნობს _ ამ სიძულვილში რაოდენიც სიყვარულია!" |
dzvelmartlmadidebeli |
Jul 17 2010, 04:24 PM
პოსტი
#364
|
Oldbeliever ჯგუფი: Members პოსტები: 591 რეგისტრ.: 5-June 10 წევრი № 8,957 |
მართლმადიდებლური ღვთისმსახურებისას ძირითადად ფეხზე დგანან, მაგრამ არის მომენტები, როდესაც დაჯდომა ნებადართულია (მაგ. კაფიზმების (ქართ. კანონების), იგივე ფსალმუნების კითხვის დროს). ასევე არ არის აკრძალული დაჯდომა იმ შემთხვევაში თუ ადამიანი (მაგალითად, მოხუცი, ან პატარა ბავშვი) დაიღალა. უნდა ვიცოდეთ, რომ მართლმადიდებლურ ღვთისმსახურებაში ფეხზე დგომა უბრალოდ ღმრთისმსახურებისადმი პატივისცემის ნიშანი როდია, ეს არის თვით ღმრთისმსახურებაში მონაწილეობის სიმბოლო. უფრო სწორედ ფეხზე მდგომი ერი ეკლესიაში თვითონაც მონაწილეა ღვთისმსახურების. ღვთისმსახურებას კი, მოგეხსენებათ, დამჯდარ მდგომარეობაში არავინ ასრულებს მართლმადიდებელთა შორის.
-------------------- "ვინცა ვინ, არა ნათელს სცემდეს სამგზისი შთაფვლითა და მოწოდებითა სახელისა მამისა, და ძისა და წმიდისა სულისა, იყავნ შეჩუენებულ" (არსენ იყალთოელი. "დოგმატიკონი").
"ვინცა ვინ, არა დასწერდეს ჯუარსა ორითა თითითა, ვითარ ეგრე ქრისტეცა, შეჩუენება"(არსენ იყალთოელი. დოგმატიკონი) |
გუდაგუდა |
Oct 19 2010, 02:54 PM
პოსტი
#365
|
Member ჯგუფი: Members პოსტები: 155 რეგისტრ.: 15-October 10 წევრი № 9,642 |
მე პირადად მომხრე ვარ რომ სკამები დადგან, რადგან ბევრი ხნიერი და თUნდაც ახალგაზრდა იმის გამო რომ იღლება ვეღარ უძლებს დგომას გონება ეფანტება და ერთი სული აქვს გარეთ როდის გავა რომ სადმე ჩამოჯდეს. თუმცა ეს არ ნიშნავს იმას რომ მთელი მსახურების განმავლობაში იჯდები...
რა ჯობია 3 საათი განმავლობაში ფეხზე იდგე და სული მიგდიოდეს თუ ყოველ ერთ საათში ვთქვათ ხუთი წუთით ჩამოჯდე მაგრამ ეს ისეთი საკითხია თვითონ სასულიერო პირებმა უნდა დაილაპარაკონ და გადაწყვიტონ, ჩვენ კი მათ გადაწყვეტილებას პატივი უნდა ვცეთ ლოცვა დაჯდომი ვერ წარმომიდგენია მაგრამ წირვა ზოგჯერ 4 საათი გრძელდება და სულ ფეხზე დგომით ვერ გაჩერდები ეს ადამიანის ძალებს აღემატება... მაშინ ან გვიან უნდა მიხვიდე ან წარამარა გარეთ გახვიდე იმის იმედით რომ სადმე ადგილს ნახავ დასაჯდომს -------------------- WwW.sarwmunoeba.Ucoz.Ru
---------------------------------------- "გულგრილად შეხვდი ყოველ ქებას, ყოველ ძაგებას, და სულელს ნუღარ ეკამათები!" ---------------------------------------- "ერთმანეთს სიყვარულში უნდა შევეჯიბროთ" -ილია მეორე |
marine |
Jan 23 2018, 11:09 PM
პოსტი
#366
|
მ_ა_კ_ა ჯგუფი: co-Moderators პოსტები: 58,034 რეგისტრ.: 3-November 06 მდებარ.: გულის საკურთხეველი:) წევრი № 381 |
+
-------------------- "კ უ ს_ ნ ა ბ ი ჯ ე ბ ი თ_ ფ უ ძ ი ა მ ა ს_ მ თ ი ს კ ე ნ".
------------------- "არც შექებით ვხდებით უკეთესნი და არც გაკიცხვით უარესნი." /არქიმანდრიტი რაფაელი (კარელინი)/ -------------------- "ფრაზა, რომელსაც ხშირად იყენებდნენ ძველი გადამწერები: "ჴელი მწერლისა მიწასა შინა ლპების და ნაწერნი ჰგიან". |
მსუბუქი ვერსია | ახლა არის: 11th May 2024 - 07:57 PM |
მართლმადიდებლური არხი: ივერიონი
ფორუმის ელექტრონული ფოსტა: იმეილი