ვნებები და მათთან ბრძოლა პარამეტრები

[marine]

"ვნებებთან ბრძოლა და ტანჯვა, რომელიც ამ ბრძოლიდან აღმოცენდება, ყველა გარეგან განსაცდელზე შეუდარებლად მძიმეა. ტანჯვა და ღვაწლი, რომლებშიც ქრისტიანი უხილავი, შინაგანი ბრძოლით შედის, თავისი მნიშვნელობით მოწამეთა ღვაწლადე ადის".

/წმინდა მღვდელმთავარი ეგნატე ბრიანჩანინოვი/

[marine]

"ვინც ვნებებს დასძლია და სულიერი გონიერება მოიპოვა, მისთვის გარეგანი განათლების გარეშეც მისაწვდომია გული ყოველთა"

/ღირსი იოსები/

[marine]

"ყველაფერი ცუდი, მათ შორის ვნებებიც, რომლებიც გვებრძვიან, საკუთარი კი არა, მტრისად - ეშმაკისად უნდა ჩათვალო. ეს ძალიან მნიშვნელოვანია. მხოლოდ მაშინ შეიძლება ვნების დამარცხება, როდესაც არ ჩათვლი, ის შენია..."

/ღირსი ნიკონი/

[marine]

"ყველა ასკეტურ შრომას მხოლოდ ერთი მიზანი აქვს: თუ როგორ ამაღლდეს ადამიანი ვნებებზე. ამაზე მეკითხები, თუ სხვა რამეზე? ყოველივე ამის შესახებ, თუ ადამიანი ვნებებზე მაღლა დგას,ეს იმის ნიშანია, რომ მან იბრძოლა და გაიმარჯვა, მაგრამ ამავე დროს, მტერი (ვნებები), თუმცა დამარცხებული, მაგრამ არსებობს, არ გამქრალა, ამიტომ, თუ გამარჯვებული დაუდევრად მოიქცევა, ბრძოლები კვლავ გაუჩნდება"

/იორდანელი მეუდაბნოე ფოტინია/

[marine]

"ეჭვგარეშეა, რომ ყოველი ბოროტი ვნების ფსკერზე სიკვდილის ძებნა, თითოეულ მათგანს სიკვდილამდე მივყავართ და თითოეული მათგანი სიკვდილს თესავს"

/დეკ. ვსევოლოდ შპილერი/

[marine]

"ხორციელი მოთხოვნილებების დათრგუნვის და თავშეკავების გარეშე შეუძლებელია ვნებების აღმოფხვრა და სულიერ ცხოვრებაში წარმატება"

/მეუფე შიო მუჯირი/

[marine]

" - როდესაც ურთიერთობა გვაქვს ვნებებით შეპყრობილ ადამიანებთან და ეს ვნებები ჩვენზე არ ახდენს ბოროტ გავლენას, ნიშნავს თუ არა ეს, რომ ჩვენ ზეგავლენას ვახდენთ მის ხასიათზე?

- თუ ჩვენ სულიერ მდგომარეობაში ვართ, თუ ჩვენ განწმენდილი ვართ, მაშინ ჩვენ მასზე დიდ გავლენას ვახდენთ, რადგან ასეთ შემთხვევაში მასზე მოქმედებს ღვთის მადლი და ჩვენი ახლობელი სარგებელს მიიღებს. როდესაც ჩვენ სიყვარულის გამო ვიტანთ ჩვენს ძმას, ის ამას იგებს, თუნდაც იგი გარეგნულად არ მჟღავნდებოდეს. სულს რაც გააჩნია, მეორე სულს იმასვე გადასცემს. ვნება ვნებებს გადასცემს, გაღიაზიანება - გაღიზიანებას, მრისხანება - მრისხანებას. მადლიანი სული ახლობელს მადლს გადასცემს".

/ღირსი პაისი ათონელი/

[marine]

"მაგრამ, ძმებო, არსებობს ისეთი წარღვნა, რომელიც წყალდიდობაზე უარესია - ეს ვნებათა წარღვნაა. როცა ვნებები იფეთქებს, აალდება და აკვამდლება და ირგვლივ სიმყრალეს გაავრცელებს; სად გაიქცეს ადამიანი, ვინ უშველოს?! მხოლოდ უფალი, მხოლოდ მისი თავშესაფარი, მაღალი თავშესაფარი"

/წმ. ნიკოლოზ სერბი/

[marine]

"წმინდა მამები გვასწავლიან, რომ სულიერი ცხოვრება "ქვევიდან" უნდა დავიწყოთ. ეს იმას ნიშნავს, რომ ჩვენი გულიდან უნდა ამოვძირკვოთ ვნებები, რომლებიც გვაიძულებენ, ვცოდოთ ყოველდღე, ყოველ საათს"

/სქემიღუმენი საბა (ოსტაპენკო)/

[marine]

"როცა ადამიანი რაიმე ვნებითაა შეპყრობილი, გადავაფრქვიოთ მასზე სიყვარულისა და გულმოწყალების სხივები, რომ ის გამოვიდეს მძიმე მდგომარეობიდან და განთავისუფლდეს"

/წმ. პორფირე კავსოკალიველი/

[marine]

"არც სიძვის ვნებით შეპყრობილთ ძალუძთ თავიანთი სურვილების მოთოკვა, რამეთუ ეს არის ვნება. იმასაც ვიტყვით, რომ თუმცა ვნებები ერთგვარი სნეულებებია, მაგრამ მათი განკურნება სრულიადაც არ არის შეუძლებელი. პირიქით, მათი წამლობა შესაძლებელია, და კიდევ უფრო მეტადაც, ვიდრე ხორციელ სნეულებათა. თუკი მოვინდომებთ, დიახაც ძალგვიძს მათი ჩაქრობა"

/წმინდა მღვდელმთავარი ეგნატე ბრიანჩანინოვი/

[marine]

"ყოველი აღგზნებული გრძნობა სისხლისმიერია! ნუ მიიღებ მას გულმოდგინებად, საღმრთო შურად, ღმერთისა და მოყვასის სიყვარულად. არა, ესაა მშვინვიერი მოქმედება, რომელშიც სისხლი და ნერვები მონაწილეობენ. სისხლის მამოძრავებელი ძალა კი ვნებებია, რომლებიც გახლავთ სოფლის მპყრობელის ჯაჭვები და იარაღი, მისი სკიპტრა და ხელმწიფება"

/წმინდა მღვდელმთავარი ეგნატე ბრიანჩანინოვი/

[marine]

"არსებობენ ისეთი ვნებები, რომელთა არსებობაშიც მხოლოდ თავად ადამიანია დამნაშავე. და არსებობენ ისეთი ვნებებიც, რომელიც გამიზნულად დაიშვება ხოლმე მასში ღვთისგან, იმიტომ, რომ ადამიანი არ მიეცეს ოცნებებს და არ ჩავარდეს უფრო მეტ ცოდვებში"

/ღირსი ნილოს ათონელი, მირონმდინარე/

[marine]

"წმინდა მამები ასწავლიან, რომ დაცემული ადამიანური ბუნება განსაკუთრებით სიამაყის, სიხარბისა და სიამოვნების ძიების ვნებებში ვლინდება"

/თეიმურაზ ბუაძე/

[marine]

"მოდით, შევეცადოთ, ჩვენი უძლურებები, ჩვენი სისუსტეები დავინახოთ. შემდეგ ისინი ღმერთს ვაუწყოთ და შევთხოვოთ: "ღმერთო, შენ ხედავ როგორ ვარ, აი, ასეთი და ასეთი უძლურებები მაქვს, აი, ასეთი ვნებები. შემეწიე მე!" თუკი ასე ვიტყვით და ყველაფერს მოვინანიებთ, ჩვენში სიმდაბლე და სინანული იშვება"

/იღუმენია თეოსემნია/

[marine]

"ძმამ ჰკითხა აბბა პიმენს: "რა ვუყო ჩემს ვნებებს, რომლებიც არ მასვენებენ?" ბერმა მიუგო: "მთელი ძალით ვიტიროთ ღვთის სიკეთის წინაშე, სანამ იგი წყალობას არ მოიღებს ჩვენზე"

/წმინდა მღვდელმთავარი ეგნატე ბრიანჩანინოვი/

[marine]

"ვნებები მარტო იმაში კი არ უბნელებს ადამიანს თვალებს, რომ სხვები დაინახოს სუფთად, არამედ, პირველ რიგში თავის თავს ვერ ხედავს; მეტიც, არ იცის, რომ ვნებებითაა სავსე და თანაც ამართლებს ამ ვნებების არსებობას.

მხოლოდ სათნოებებით მოსილმა ადამიანებმა იციან უვნებობის ფასი, რადგან ისინი ეტაპობრივად, ნაწილ-ნაწილ გრძნობენ ვნებებისგან გათავისუფლებასა და განწმენდას. დიდი შრომაა საჭირო იმისთვის, რომ კაცი უვნებო გახდეს. ცხონებული ბერი გიორგი, გრიგორიუს მონასტრის წინამძღვარი, ამბობდა: "უვნებობა ძალიან ამაღლებული რამაა, ძნელად მისაღწევი"

/არქიმანდრიტი ეფრემ ვატოპედელი/

[marine]

"ერთხელ მამა ვიტალიმ [სიდორენკო] გვიამბო, რომ ერთ ქალს სიძვის ვნება ძალზე სტანჯავდა. ბერთან ჩამოვიდა და ტირილი დაიწყო:

- მამაო, დამეხმარეთ!

- მე კი დაგეხმარები, - უთხრა მამა ვიტალიმ, - მაგრამ თუ დედა მარიამი შეამჩნევს, ორივეს მოგვხვდება! კარგი, მოდი, ვცადოთ. აქ დსაწექი, - ოთახში დადგმულ ფართო ტახტზე მიუთითა, - მე კი გვერდით მოგიწვები. შენ, უბრალოდ, იწექი და ილოცე, მეტი არაფერი.

შემდეგ ბერი გვიყვებოდა:

- ის ერთ მხარეს გადაბრუნდა, მე კი - მეორე მხარეს. ასე ვიწექით, როცა დედა მარიამი შემოვიდა!!! რა დღე დაგვაწია!.. - ბერს გაეციან და ყველას შემოგვხედა, - მაგრამ იცით, მას შემდეგ ამ დას ყველაფერმა გაუარა და განიკურნა".