იესოს ლოცვა, ჩვენი პრაქტიკა პარამეტრები

[marine]

"ერთხელ მარიამი [ნეტარი მაკრინე] უფროსმა სიგარეტის ჩასალაგებელ განყოფილებაში გადაიყვანა. აქ შეუძლებელი იყო იესოს ლოცვა, რადგან სიგარეტები უნდა დაეთვალა, მან ბავშვური გულწრფელობით [თორმეტი წლისა იყო] და მტკიცე სარწმუნოებით ითხოვა, - მე, იესო ჩემო, ვიტყვი ლოცვას და შენ სიგარეტები დამითვალეო. მოხდა სასწაული, მარიამი ლოცულობდა და კოლოფში ოც-ოცი სიგარა იდებოდა, ის ყველაზე სწრაფად მუშაობდა, დირექტორი ამოწმებდა, მაგრამ წუნს ვერ პოულობდა, ხარისხიანი მუშაობისთვის მას ხელფასის მომატებაც კი შესთავაზეს, მაგრამ მარიამმა უფროსს სთხოვა, ხელფასის დანამატი თანამშრომლებს გაუნაწილეთო. მორიდებული და წყნარი მარიამი გამოირჩეოდა კეთილსინდისიერებით. იესოს გამუდმებული ლოცვის გამო სახე უბრწყინავდა, ბაგეები კი კეთისურნელებას გამოსცემდნენ".

[marine]

"ჩემი გარდაცვლილი მოძღვარი იესოს ლოცვას 6 საათის განმავლობაში კითხულობდა, მას კი მიაჩნდა, რომ სულ რაღაც საათის მეოთხედი იყო გასული"

[marine]

"იესოს ლოცვა ხეს ჰგავს, რომელიც მრავალი სახის მტკბარი ნაყოფით არის დახუნძლული და ყოველი მათგანი სხვა დანარჩენზე მშვენიერია"

[marine]

"როგორ შეუძლია ადამიანს წინ აღუდგეს ეშმაკს? ან როგორ უკუიქცევა ეშმაკი მისგან? თუ შენს გულში ყოველთვის გექნება მოკლე ლოცვა: "უფალო იესო ქრისტე, ძეო ღვთისაო, შემიწყალე მე", რადგან იესოს წმინდა და მრისხანე სახელი მისი წარმოთქმისას ხდება ცული და მახვილი, რომლებიც ეშმაკს სცემს და მასთან ერთად გულიდან განდევნის დემონებს, როგორც ამბობს იოანე კლემაქსი: "მტერს შეუტიე იესოს სახელით".

/ღირსი ნიკოდიმოს მთაწმინდელი/

[marine]

"იესოს ლოცვას ჭკუიდან გადასვლა მაშინ შეიძლება მოჰყვეს, როცა ამ ლოცვის მკითხველი ვერ ელევა რაიმე ცოდვას ან უკეთურ ჩვევას, რის გამოც სინდისი ქენჯნის. ამ დროს ხდება ღრმა შინაგანი განხეთქილება, რომელიც გულიდან ყოველგვარ სიმშვიდეს განდევნის".

/წმ. თეოფანე დაყუდებული/

[marine]

"ზოგს იესოს ლოცვის აღსრულებისას სურს დაუყოვნებლივ იგრძნოს მისი სულიერი მოქმედება, დატკბეს მისით და არ ესმის, რომ ტკბობას, რომელსაც მხოლოდ უფალი იძლევა, სინანული უნდა უძღოდეს წინ".

/წმ. ეგნატე ბრიანჩანინოვი/

[marine]

"იესოს ლოცვის სუნთქვასთან შეერთება, როგორც თქვენ ამბობთ, შესაძლებელია, - ეს ძველი დროის რომელიღაც მამას უთქვამს*. სუნთქვა სკვნილისი ნაცვლად".

*საუბარია, წმინდა გრიგოლ პალამაზე

/წმ. თეოფანე დაყუდებული/

[marine]

"ერთ-ერთ მოძღვარს იესოს ლოცვის შესახებ ჰკითხეს: "ზოგჯერ ამ ლოცვას ვკითხულობ და თან განვიკითხავ სხვას, ვბრაზობ, მაღიზიანებს. ღირს კი საერთოდ ასეთ დროს ლოცვა, ხომ არ ვლინდება და უბრალოვდება იგი?" პასუხი კი ამგვარი იყო: "რომ არ ლოცულობდე, შეიძლება ისე გაშმაგდე, რომ საკუთარ თავსაც და სხვასაც მეტად ავნო".

[marine]

"იესოს ლოცვა პურია, რომელიც ასკეტს ძალას სძენს, შემდეგ გულის მამშვიდებელ ზეთად გვევლინება, ბოლოს, ისეთ ღვინოდ გადაიქცევა, რომელიც "საღი გონებიდან გადაგიყვანს", ანუ ექსტაში შეგიყავნს და ღმერთთან დაგაკავშირებს"

/არქიმანდრიტი იეროთეოსი (ვლახოსი)/

[marine]

"ეცადეთ, იესოს ლოცვას ისე მიეჩვიოთ, რომ თავისით აღესრულებოდეს, მოძრაობისას იქნება თუ მუშაობისას"

/წმ. თეოფანე დაყუდებული/

[marine]

"იესოს ლოცვა არ უნდა წარმოთქვა ხმამაღლა, არამედ ჩუმად, მხოლოდ შენთვის გასაგონად"

/ღირსი ისააკ ასური/

[marine]

"[იესოს] ლოცვა თუ გაწყდა, ეს, როგორც წესი, უქმი მეტყველების, ნაყროვანების, განკითხვისა და, უმთავრესად, ამპარტავნების ბრალია"

/ღირსი ანატოლი ოპტინელი (ზერცალოვი)/

[marine]

"გულში მუდამ წარმოვთქვათ მოკლე ლოცვა - იესოს ლოცვა, რომელიც ადამიანის გულის სიღრმეებში სხივად იჭრება"

/არქიმანდრიტი რაფაელი (კარელინი)/

[marine]

"იესოს სახელი ფოლადზე ძლიერი და გრანიტზე მტკიცეა. არ არსებობს იმაზე უფრო ძლიერი ფარი და იარაღი სულიერ ბრძოლაში, ვიდრე იესოს ლოცვაა!"

[marine]

"იწყებ იესოს ლოცვას და ხშირად უმალვე გრძნობ ცვლილებას შენს ფიქრთა მიმდინარეობაში".

/დეკ. დავით ციცქიშვილი/

[marine]

"ყოველგვარი ცოდვიანი ზრახვის საწინააღმდეგოდ ყველაზე ძლიერი იარაღია ლოცვა, განსაკუთრებით - იესოს ლოცვა".

[marine]

"როცა მოღვაწე იესოს ლოცვას ლოცულობს, ეჩვენება, რომ ცაში მოლივლივე არწივი იმეორებს ამ ლოცვას, მთები ჰიმნს უხმოდ უგალობენ ღმერთს, კლდეები, ჭაღარა ბერიკაცებივით წრეში დამსხდარან და ღმერთზე ფიქრობენ, ლოცვას უსმენენ ნაპრალებში შემალული გველები, ხეები კი მას ფოთოლთა შრიალით იმეორებენ, რომ მთის ხეობებში მოთარეშე ქარი ოხრავს და გაბმით ჩურჩულებს: "შემიწყალე, შემიწყალე!"

/არქიმანდრიტი რაფაელი (კარელინი)/

[marine]

"მოუკლებელი იესუს ლოცვის წყალობით მუდამ გვახსოვს ქრისტე. ეს ლოცვა ხომ ჩვენმა ღმერთშემოსილმა მამებმა დაგვიტოვეს. სულ რამდენიმე სიტყვაა: ,,უფალო იესუ ქრისტე, შემიწყალე მე’’. ჩვენთვის ქრისტიანებისთვის ამ ლოცვაში ღვაწლი მაცხოვნებელია! ის, ვინც მოუკლებელი გულისმიერი ლოცვის ნიჭი მოიხვეჭა, სიკვდილის შემდეგ დაუბრკოლებლად მიეახლება ქრისტეს. ასეთ ადამიანს ვერაფერი დააბრკოლებს, რადგან ქრისტეს სახელს უდიდესი ძალა აქვს."

/არქიმანდრიტი ეფრემ არიზონელი/

[marine]

"წმინდა მამები ამბობენ, რომ იესუს ლოცვა დიდი საიდუმლოებაა, რადგან ამ დროს ღმერთის სახელს მოვუხმობთ. ამიტომაც ამაოდ არ უნდა მოვუხმოთ მას და ვეცადოთ, შეძლებისდაგვარად ჩავუღრმავდეთ და გავაცნობიეროთ, თუ ვინ დგას ამ სახელის უკან".

/მღვდელმონაზონი ნიკოლოზ სახაროვი/

[marine]

"ერთი მხრივ, იესოს ლოცვა მართლაც უდიდესი მონაპოვარი და აღმოჩენაა წმ. მამების მხრიდან, მეორე მხრივ კი, მისი შესრულება და კეთილნაყოფიერ პრაქტიკად ქცევა შეუძლებელია გამოცდილი მოძღვრის გარეშე, რომელიც ასევე გამოცდილისა და სწორად აღზრდილისგან განისწავლა და იცის ზომიერება და აქვს უკვე ნაყოფი".