თემის საბეჭდი ვერსია

პოსტის ავტორი: ნოე თარიღი: May 3 2012, 08:54 PM

ქალისა და მამაკაცის თანასწორობაზე მინდა თუ არსებობს რამე მართლმადიდებლური სწავლება.

პოსტის ავტორი: Otherguy თარიღი: May 3 2012, 08:59 PM

წმინდა იოანე ოქროპირი, განმარტება 1 კორინთელთა 11 თავზე:

“კაცი არაა ვალდებული თავსაბურავი გაიკეთოს, რადგან უფლის ხატია, არამედ ქალია ვალდებული. არამარტო იმიტომ, რომ კაცს ქრისტე ჰყავს თავსაბურავად როგორც მოციქული ამბობს, არამედ იმიტომაც, რომ მას ძალაუფლება გააჩნია ქალზე.”

პოსტის ავტორი: afxazi თარიღი: May 3 2012, 11:24 PM

Otherguy

ლაშა ყველანაირად ვცდილობ ხოლმე, რომ არ ჩავერიო საუბრებში, მაგრამ ასე დამახინჯებულად წარმოსახვა ეკლესიური სწავლებისა მაიძულებს ხოლმე პასუხი გაიცეს ამ ყვეალფერზე.

რასაც შენ ამბობ და რა შინაარსაც დებ აღნიშნულ სიტყვებში, ადამიანებს აფიქრებინებს, რომ ეკლესია ქალებს დამამცირებელ ადგილს განუწესებს და არარაობად მიიჩნევს მათ. სინამდვილეში ეს ასე არ არის და ეს, ვფიქრობ, შენ თვითონაც კარგად იცი.

პავლე მოციქული უღრმეს და უმშვენეირს სწავლებას გადმოგვცემს კორინთელთა მიმართ XI თავში და კარგი იქნებოდა, რომ სრულად გაცნობოდი ამ მონაკვეთს იგივე წმ. იოანე ოქროპირის განმარტების თანხხლებით (შენვე ახსენე ის).

პავლე მოციქული ამბობს:

"ამრიგად, კაცი თავდაუბურავი უნდა იყოს, ვინაიდან ხატია და დიდება ღვთისა" (I კორ. 11.7).

რა სიტყვებიც შენ მოიტანე მას მოსდევს ძალიან მნიშვნელოვანი ფრაზა, რომელსაც ყურადღება არ მიაქციე. რა გაგებით ახსენებს მოციქული ტერმინ "ხატს" ამ ფრაზაში? "ხატი" აქ იმ მნიშვნელობით კი არ მოიხმობა, რომ მხოლოდ კაცი შეიქმნა ხატად ღმრთისა, ეს ხომ უკეთურება იქნებოდა, არამედ ეს ტერმინი მოიხმობა იმ მდგომარეობის გამომსახველად, რომ როგორც უფალი მთავრობს მამაკაცზე, ამის მსგავსად მამაკაცი მთავრობს ყოველივე ქვეყნიურზე (ამადაც შეიქმნა კდიეც ადამი) და მათ შორის ქალზეც.

ცხადია ტერმინი "მთავრობა" დღეს იმდენად უარყოფითი შინაარსითაა დატვირთული, რომ ძნელია გააგებინო ადამიანს მისი საღვთო შინაარსი. ტერმინი "მთავრობა" ძალაუფლებას კი არ ნიშნავს, რომ ვინმეს ძალაუფლება გააჩნია ვინმესადმი, ამ შემთხვევაში მამაკაცს ქალისადმი, არამედ სრულიად სხვას.

მოვიხმობ პარალელურ ტერმინებს, რომ უფრო ცხადი გახდეს სიტუაცია: ყველასთვის ცხადი ტერმინი: "მღვდელთმთავარი", რომელიც არ ნიშნავს ზოგადი გაგებით ეპისკოპოსს. ამ ტერმინს უფრო ღრმა შინაარსი აქვს. ბერძნულად ის გადმოიცემა სიტყვით "იერარხია", რომელსაც თარგმნიდნენ აგრეთვე, როგორც "სიწმინდეთ დასაბამობა", "სიწმინდეთ მთავრობა" და ამის ფონზე პირველი მნიშვნელობის სიტყვაში ტერმინი "მღვდელი" არა ვინმე მღვდელს ნიშნავს, არამედ სიწმინდეს. არის ამგვარი ტერმინიც "სამღვდელო მსახურება", რაც წმინდა მსახურებას ნიშნავს. ანუ სიტყვა "მღვდელი" ფართო გაგებით სიწმინდეს ნიშნავს. შესაბამისად ტერმინი "მღვდელთმთავარი", ბერძნულად "იერარხია" სიწმინდეთდასაბამობას, სიწმინდეთმოთავეობას ნიშნავს.

რა კავშირშია ეს ყოველივე განსახილველ თემასთან? იმ კავშირშია, რომ როდესაც ვსაუბრობთ იერარქიულობაზე, და ეს ანგელოზთა იერარქიაზეა კონკრეტულად, ნათქვამია, რომ თითოეული მწკრივი ანგელოზთა დასებიდან იმღვდელთმთავრება ზემორე მწკრივისგან და თავის მხრივ უმღვდელთმთავრებას ქვემორე მწკრივს. და ამ შემთხვევაში ეს ნიშნავს იმას, რომ უფლისგან მომდინარე მადლმოსილების გადამცემი, ვტქვათ ანგელოზთა მწკრივისთვის არის მტავარანგელოზთა მწკრივი და ა.შ.

ამ შემთხვევაშიც საუბარია იმაზე, რომ მამაკცის მოტავე არის ღმერთი, ხოლო ის თავის მხრივ ქალის და რა გაგებით მოიხმობა მთავრობა აქ უკვე მე მგონი გასაგებია. მხოლოდ და მხოლოდ იერარქიული კუთხით და არანაირად რამენაირი ძალაუფლების მხრივ. მაშინ ასე თავად მამკაციც დაკნინებულია უკიდურესად, რადგან მასზე მძლავრობს ღმერთი (თუკი მთავრობას მძლავრობის, ძალაუფლების შინაარსით მოვიხმობთ).

რაც შეეხება მოციქულის მიერ ნახსენებ სიტყვას "დიდება ღმრთისა არს", ამაზე იოანე ოქროპირი ამბობს, რომ მამაკაცი არავის სამთავრო არ არის, გარდა ღვთისა, ანუ მასზე არავინ მოთავეობას, გარდა უფლისა და ამიტომაც არ შეჰფერის მას ლოცვის დროს თავის დაბურვა, ხოლო თუკი ქალი თავს იბურავს, ამით გამოხატავს იმას, რომ როგორც მამაკაცს ღმერთი, ასევე ქალს მამაკაცი მოტავეობას "ხოლო დედაკაცი დიდება ქმრისა არს". და ამას გამოხატავს სწორედ ის თავის დაბურვით.

აქ რაიმე დამამცირებლობა კი არ არის, პირიქით მამაკაცს უფრო მეტი პასუხისმგებლობა და მოვალეობა განეკუთვნება, რომ იზრუნოს ქალზე და არა იმძლავროს მასზე (რა ვთქვა იმაზე, რომ ზოგი აქეთაა საპატრონო). არანაირი უფლება მას არა აქვს ქალზე, მას დაევალა მხოლოდ მზრუნველობა, პატრონობა. მაშინ, როცა თვით უფალი არ მძლავრობას ადამიანის ნებაზე, რა უფლება აქვს ვინმეს იმძლავროს მეორე ადამიანზე? ამის გამართლება ხომ უგუნურება იქნებოდა.

ასე რომ მართლმადიდებლობა არანაირ დამამაცირებელ მდგომარეობას არ განუკუთვნებას ქალს და ამას ამყარებს იგივე პავლე მოციქულის სიტყვებზე, რომ "არცა მამაკაცება, არცა დედაკაცება, არამედ თქვენ ყოველნი ერთ ხართ" და ჭეშმარიტად ასეა.

მაშინ როცა ყოვლადწმინდა ღვთისმშობელს ქერუბიმთა და სერაფიმთა აღმატებულ მდგომარეობას განვუკუთვნებთ, მაშინ როცა გვყავს უამრავი უდიდესი ქალი წმინდანი, რომელთაც სასოებით ვეთაყვანებით... დამცირებულობაზე საუბარი უხერხულობად არ მიგაჩნია?

პოსტის ავტორი: terra თარიღი: May 3 2012, 11:57 PM

afxazi

კარგი ხარ.

პოსტის ავტორი: ნაინა თარიღი: May 4 2012, 12:04 AM

afxazi
+++++++ მილიონჯერ

პოსტის ავტორი: Otherguy თარიღი: May 4 2012, 08:06 AM

afxazi

მოკლედ საერთოდ ვერ ხვდები რას ვწერ, რაღაცა იარლიყს მაწებებ, იმას უარყოფ და ტაშს გიკრავენ მერე...

"ღვთის ხატი" არ ეხება ადამიანურ ბუნებას...

და პავლე რომ ამბობს "ქალს არ აქვს უფლება ეკლესიაში ხმის ამოღების, სახლში ქმარს კითხოს"-ო ეს თუ არ მიუთითებს ძალაუფლებაზე, მაშინ აბა რა მიუთითებს...


ღვთის ხატი ნიშნავს ძალაუფლებას ხილულ სამყაროზე. ეს კი პირველ რიგში კაცშია გამოხატული და მერე ქალში. ღვთის ხატი არ ეხება ადამიანურ ბუნებას, რომელიც ქალსაც და კაცსაც ერთნაირი აქვთ...


და კიდევ, ცნობისათვის, პავლე მოციქული როცა წერს: "არც მონაა, არც მმართველი, ყველა ერთია უფალში"-ო, ეხლა იმის მტკიცებასაც დამიწყებ, რომ პავლე მოციქული მონათფლობელობას ეწინააღმდეგებოდა? მაშ "მონებო ყველაფერში დაემორჩილეთ ბატონებს" რაღას ნიშნავს? "ყველა ერთია უფალში" არის ცხონებაზე და არა მორჩილებაზე!

საშინელება ეს ბიბლიური ტექსტების გადატანითი მნიშვნელობით გაგება რა...


პ.ს. დანარჩენების ტაშებზე კომენტარს არ გავაკეთებ.

პოსტის ავტორი: terra თარიღი: May 4 2012, 08:58 AM

ოზერ, მე, პირადად, მოწონება იმიტომ არ გამომითქვამს, რომ, აფხაზმა ,,რაღაცა იარლიყი მოგაწება''.
ზოგადად, თემაა ჩემთვის აქტუალური, საინტერესო და ამიტომ ესმა ყურთა შენთა აპლოდისმენტი იგი მქუხარეი.

ნაინა თავისას იტყვის.

პოსტის ავტორი: afxazi თარიღი: May 4 2012, 11:42 AM

Otherguy

აბა მითხარი როგორ არ მოგაწეპო როდესაც შენისთანა ნიჭიერი ადამიანი ასეთ მდარე რამეებს წერს.

მაინცდამაინც დრო რომ არ დავხარჯოთ ხატოვნებაზე საუბრით, მიგითითებ და წაიკითხე:

წმ. კირილე ალექსანდრიელის საღვთისმეტყველო სწავლებანი პირველქმნილი ადამიანის შესახებ:

http://library.church.ge/index.php?option=com_content&view=article&id=470%3A2011-12-05-08-08-52&catid=39%3A2009-12-29-11-32-35&Itemid=54&lang=en

აგრეთვე:

http://library.church.ge/index.php?option=com_content&view=article&id=467%3A2011-12-02-12-06-55&catid=49%3A2010-12-12-19-59-31&Itemid=69&lang=en

http://library.church.ge/index.php?option=com_content&view=article&id=468%3A2011-12-02-12-10-29&catid=49%3A2010-12-12-19-59-31&Itemid=69&lang=en

მე გირჩევდი გულდასმით გაეცნო აღნიშნულ სტატიებს და მერე გამოთქვა შენი აზრი ადამიანის ღვთისადმი ხატოვნების შესახებ, თუ რა იგულისხმება ხატში.

მიგითითებდი აგრეთვე წმ. გრიგოლ ნოსელის "შესაქმისათვის კაცისა" XVI თავს.

ხოლო შენი სიტყვების შესაბამობა რომ ცხადია, ამაზე თუნდაც ის მეტყველებს, რომ სქესთა გარჩევა (ქალი და მამაკაცი) ეს ცოდვით დაცემის შედეგია და არა ადამიანის ტავდაპირველი მდგომარეობა. ვიცი მეტყვი მანამდე გაყოო, მაგრამ იმიტომაც გაყო უფალმა სქესნი, რომ წინასწარმცოდნეობით იცოდა რაც მოხდებოდა და არ დატოვა ადამიანი უნუგეშო. ეს რომ ასეა და თავდაპირველად შექმნილ ადამიანში ასე ვთქვათ მამაკაცობა და დედაკაცობ არ იხილვებოდა, ამას წმ. გრიგოლ ნოსელიც უცხადესად ამბობს. და ლოგიკურად ეს ასეცაა, რადგან უფალმა ადამიანი შექმნა მის ხატად და მსგავსად და არა მხოლოდ მამაკაცი. ეს ფაქტია და ამას არც არავინ არ ამბობს ეკლესიის მამათაგან. კვლავ გავიმეორებ, ხატად ღმრთისა შეიქმნა ადამიანი და არა მამაკაცი. ხატობა კი ნიშნავს საღვთო ბუნებისადმი ხატობას და არა რომელიმე თვისებით საღვთო ბუნების რომელიმე თვისების გამოსახვას საკუთარ თავში. კიდევ ვიმეორებ, გაეცანი ზემოთ მითითებულ სტატიებს.




ჯერ ერთი როცა ციტირებას აკეთებ ბიბლიიდან საკუტარი ინტერპრეტაციით ნუ აკეთებ ამას, არამედ მოიტანე უშუალოდ ბიბლიიდან და მიუთითე საიდან მოგაქვს. მეორეც სად წერია სიტყვა ძალაუფლება, წერია მთავრობა და ამ სიტყვის შინაარსი მე მგონი კარგად გამოჩნდა ზემოთ. ამ ლოგიკით თავად უფალიც მძლავრობს კაცზე და ესეც მიუღებელია ცხადია. რით განსხვავდება ღვთის მძლავრობა (ძალაუფლება შენი აზრით ამას ნიშნავს) მამაკაცის მძლავრობაზე ქალთან? არაფრით ცხადია.



ან სპეციალურად აკეთებ ამას ანდა მართლა უმეცრებაში ხარ. როდესაც მოციქულები მონებს მოუწოდებდნენ დამორჩილებოდნენ ბატონებს, ამით კვერს კი არ უკრავდნენ მონათმფლობელობას, ეს გამორიცხულია და განმარტებებში შეგიძლია ნახო. ეკლესია, ცხადია, არ უპირისპირდებოდა არსებულ წყობილებას, არ შემოქონდა შფოთი საზოგადოებაში, არამედ შინაგანად გარდაქმნიდა მას.

რატომ არ გამოუცხადეს კატეგორიული ბრძოლა წინადაცვეთის ჩვეულებას მოციქულებმა? რატომ დაცვითა პავლე მოციქულმა ტიმოთე მოციქულთა კრების შემდგომ? არ უპირისპირდებოდნენ იმიტომ, რომ ხალხში იდმენად იყო გამჯდარი ეს ჩვეულება, რომ კატეგორიული მიდგომა კარგს არ მოიტანდა. ამიტომ დაელოდნენ ისინი თავისით როდის გადაგვარდებოდა ეს ჩვეულება და გადაგვარდა კიდეც. მთელი წყება ვიცით ეპისკოპოსებისა, რომლებიც წინადაცვეთილნი იყვნენ და მეთაურობდნენ იერსუალიმის ეკლესიას I-II საუკუნეებში.

ასევე როდესაც მაცხოვარს სთხოვეს გადაეხადა გადასახადი, თქვა, რომ მას არ ეკუთვნოდა ეს, მაგრამ რომ არ დავაბრკოლოთ ადმაიანებიო, მიმართა პეტრეს, წადი გადააგდე ანკესი, დაიჭერ თევზს და მას პირში ექნება ძვირფასი ქვა, წადი და გადაიხადეო.

რაზე მეტყველებს ეს ყველაფერი? იმაზე, რომ ეკლესია არ ილაშქრებდა დამკვიდრებულ წყობილების წინააღმდეგ კატეგორიულად, არამედ შინაგანად გარდაქმნიდა მას. იგივე ითქმის წარმართულ დღესასწაულებზე, მაგალითად დეკემბრის ბოლოს მზის განახლების უმტავრესი დღესასწაული აღინიშნებოდა წარმართებში, ეკლესიამ კი შობის დღესასწაული დაადგინა ამ დროს და უთხრა კაცობრიობას, რომ ჭეშმარიტი მზე ამოგვიბრწყინდა ამ დღეს. უამრავი წარმართული გამონათქვამი გააქრისტიანა ეკლესიამ და ა.შ. რაზე მეტყველებდა ეს ყველაფერი? ვფიქრობ ცხადია ყველაფერი. მოციქულები მონებს მოუწოდებდნენ დამორჩილებოდნენ ბატონებს, მაგრამ ბატონებსაც მოუწოდებდნენ თავის მხრივ კეთილად მოქცეოდნენ მონებს. სიყვარული და პატივისცემა შექონდათ ამ ქვეყნიურ რაღაც წეს-წყობილებებში, თორემ ღვთის წინაშე ყველანი ტანასწორნი არიან და იქ აღარაა მონობა, ბატონობა და ა.შ.

აი ამას ნიშნავს მოციქულის სიტყვები და რაღაც სიახლეების შემოტანა, თან უაზრო სიახლეების, ვფიქრობ უადგილოა.

პოსტის ავტორი: ნაინა თარიღი: May 4 2012, 07:02 PM

Otherguy

მე მომეწონა როგორ აგიხსნა აფხაზმა და ჩემი პლიუსები კი აფხაზის ახსნას ეხებოდა. ანუ ვეთანხმები.
სად ნახე მანდ ტაში და მქუხარე ოვაციები?
შენ თუ მოჩვენებები გაწუხებს, ეგ ჩემი ბრალი სულაც არაა და აჯობებს მიაკითხო ექიმს.
ეს რჩევად მიიღე და არა ლანზღვად ოღონდ.

პოსტის ავტორი: Otherguy თარიღი: May 4 2012, 08:20 PM

afxazi

მე ინტერპრეტაციები არ მახასიათებს ჩემო აფხაზ, მე ვკითხულობ იმას რაც წერია და არ ვაწვალებ არაფერს...

"ღვთის ხატი" ეს გამოთქმა ყოველთვის ერთი მნიშვნელობითაა ბიბლიაში და ეწოდება ადამიანს. უბრალოდ მოსეს თქმით ეს გამოიხატება ძალაუფლების ქონაზე ხილულ სამყაროში, რომელიც გამოხატავს ღვთის უხილავ ძალაუფლებას. პავლე მოციქულის თქმით კი ეს ძალაუფლება ყველაზე უკეთ კაცში გამოიხატება ანუ ღვთის ხატი კაცია, თუმცა ქალი ამ ხატის ხატია და არანაირად არაა მასზე უმცროსი ბუნებით, სათნოებით და ა.შ.

1 კორინთელთა 14 თავი:

34. ქალები ეკლესიაში დუმდნენ, რადგანაც ლაპარკის ნება კი არა აქვთ, არამედ მორჩილება მართებთ, როგორც გვიწესებს რჯულიც.

35. ხოლო თუ რისიმე სწავლა სურთ, ქმრებს ჰკითხონ სახლში, რადგანაც ქალისთვის საძრახისია ეკლესიაში ლაპარაკი.


აქ "ეკლესია" არ ნიშნავს შენობას, რადგან ეს მნიშვნელობა გვიან შეიძინა. ეკლესია ნიშნავს ქრისტიანთა შესაკრებელს, ჯგუფს.

წმ. იოანე ოქროპირის განმარტებებს დავდებ ეხლა. ერთადერთია ანტიოქიური სკოლიდან ვინც ანათემას არათუ გადაურჩა, არამედ უდიდესი ავტორიტეტი აქვს.

ნუ კაი, ჯობია არ დავდო, ისეთი რამეები უწერია რომ... ციტირებს დაბადებიდან მუხლს: "ლტოლვა გექნება მისდამი, ის კი იბატონებს შენზე"-ო, ამიტომ აშკარაა მისი იდეები, თუ გინდათ თავად ნახეთ...

პ.ს. კარგად ვიცი რატომ არ გინდა ამის აღიარება. პავლე ამბობს: "ღმერთი ქრისტეს თავია, ხოლო კაცი ქალის", აქ იერარქია არანაირად არ გაწყობთ. წმ. იოანემ იცოდა ეს და ამიტომ თქვა, რომ სხვადასხვანაირ თავობაზე იყო საუბარი ქრისტეს და ღმერთის შემთხვევაში. თან სხვა თუ არაფერი, ქალი თანასწორად შეიქმნა კაცის თავიდან, მერე მოხდა მისი მორჩილად გახდომაო. ასევეა ქრისტეც, იყო თანასწორი, მაგრამ თავი დაიმცროო. ნუ ბუნება რომ ერთი აქვთ ქალს და კაცს ამას არავინ უარყოფს.

პოსტის ავტორი: ქევანა თარიღი: May 5 2012, 02:37 PM

აფხაზ, შევასწორებდი დიდის პატივისცემით:
ნორმალური მამაკაცი მთავრობს..

თორე კრეტინ "უფროსს" მე ვერ და არ ავიტან და რამდენი ქალია ჩემნაირი, ვინ დასთვლის

Otherguy
ღვთის ხატზე უკვე გკითხეს, სხვა თემაშიც იყო დისკუსია, ასე რომ

პოსტის ავტორი: მხევალი ნინო თარიღი: May 26 2012, 03:49 PM

afxazi

დათო, ძალიან კარგი ხარ.
მეამაყები

პოსტის ავტორი: marine თარიღი: Feb 14 2022, 09:43 PM

"ცოლი ქმრის უღელტოლია"

/აკაკი წერეთელი/

პოსტის ავტორი: marine თარიღი: Feb 15 2022, 07:13 PM

"დედაკაცი ისეა, როგორც თანამგზავრი - პლანეტა, რომელიც თან ახლავს ქმარს ამქვეყნიურ გზაზე, იგი გაუმრუდებელი სიმართლით უნდა უძღვებოდეს მის შინაურ ყოფას და მის ირგვლივ სათნოებისა და კეთილგონიერების მოკრძალებულ შუქს ჰფენდეს".

პოსტის ავტორი: marine თარიღი: Feb 17 2022, 02:08 PM

"საქმეს ის უკეთ წაიყვანს,
ვინც დედაკაცთან ფრთხილია!"

/აკაკი წერეთელი/

პოსტის ავტორი: marine თარიღი: Feb 17 2022, 02:08 PM

"საქმეს ის უკეთ წაიყვანს,
ვინც დედაკაცთან ფრთხილია!"

/აკაკი წერეთელი/

პოსტის ავტორი: marine თარიღი: Feb 17 2022, 02:33 PM

"ქალია ბურჯი და ქვაკუთხედი როგორც კერძო ოჯახის, ისე საზოგადოებისაც, ე.ი. მთელის მისი ქვეყნის, მისი სამშობლოსი".

/აკაკი წერეთელი/

პოსტის ავტორი: marine თარიღი: Feb 17 2022, 02:44 PM

"შვენის მამაკაცს გამბედაობა"

/აკაკი წერეთელი/

პოსტის ავტორი: marine თარიღი: Feb 21 2022, 01:31 PM

"მართალია, ცოლი გყავს, მაგრამ ქალებს მაინც ერიდე!"

პოსტის ავტორი: marine თარიღი: Feb 22 2022, 09:15 PM

"უფრთხილდი ქალებს, შენ არც დავითზე წმიდა ხარ და არც - სოლომონზე ბრძენი!"

პოსტის ავტორი: marine თარიღი: Feb 27 2022, 09:36 PM

"ერთმა ახალგაზრდა კაცმა მას [მამა იერონიმე სიმონ-პეტრელი] სთხოვა, აეხსნა, თუ რატომ არ მოაწყობს საქმეს ღმერთი ისე, რომ ცოლ-ქმარი იდეალურად ეწყობოდნენ ერთმანეთს, რათა შეძლებოდათ ერთად განეგრძოთ სულიერი ცხოვრება.
-კარგი იქნებოდა, რომ ეშმაკი არ არსებობდეს. მაშინ სულიერი ცხოვრება ადვილი იქნებოდა. მაგრამ ეშმაკი არსებობს. თუმცა, ღვთის სიყვარული უეჭველად ყველაფერს წარმართავს. ბოროტი ქმარი რომ აცხონოს, მას კეთილ ცოლს აძლევს და პირიქით. მოთმინება, ძმანო, და ყველაფერი გაივლის".

პოსტის ავტორი: marine თარიღი: Mar 14 2022, 09:17 PM

"კაცებს მარტო თვალში აქვსთ ჭკუა"

/ვასილ ბარნოვი/

პოსტის ავტორი: marine თარიღი: Mar 15 2022, 08:49 PM

"ჩემი სიხარული იმ ქალზედ ჰყვავის, ჩემი გული იმ ქალში ცხოვრობს!"

/ვასილ ბარნოვი/

პოსტის ავტორი: marine თარიღი: May 1 2022, 04:46 PM

"საზოგადოებაში ქალისა და კაცის ურთიერთობაც ტრადიციულ ღირებულებებზე იყო აწყობილი და მამაკაცის პრიორიტეტს წარმოადგენდა. გზაზე გავლისას წინ აუცილებლად კაცი მიდიოდა, რომელსაც უკან ქალი მიჰყვებოდა. ხევსურეთში კი ცხენით მიმავალ კაცს უკან ქალი ფეხით მიჰყვებოდა. კაცი ვერც ცხენს დაუთმობდა და ვერც ცხენზე შემოისვამდა, რადგანაც ეს სირცხვილი იყო. ქალი სოფელში ვერც მამაკაცების თავყრილობის ადგილას გამოჩნდებოდა. ამ ადგილებში მათ უმცროსი ასაკის ვაჟები მიჰყავდათ და ტრადიციული ცხოვრებისა და ქცევის წესებს ასწავლიდნენ; ამ ადგილსავე მიდიოდა სოფელში მისული უცხო სტუმარი მასპინძლის მოსაძიებლად".

/საქართველოს ისტორიის პალიტრა, "შუა საუკუნეების ქართული ხალხური კულტურა", გვ. 330/

პოსტის ავტორი: marine თარიღი: Jul 3 2022, 05:45 PM

"იქნებ გგონიათ, რომ სიხარული გულში გარედან მოდის? შეხედე და ნახავ, რომ ის ცხოვრებას შიგნიდან აშუქებს, ოჯახის ქალი,რომელით თავისი ოჯახის კეთილდღეობით არის დაკავებული, დაუღალავად შრომობს დედისა და დიასახლისის მოვალეობების ჩარჩოში, გართობაზე ფიქრისთვის ვერ იცლის, სამაგიეროდ, მეურნეობის მართვა და ოჯახის გაძღოლა ჰარმონიით ავსებს მის გულს"

პოსტის ავტორი: marine თარიღი: Jul 5 2022, 02:35 PM

"შეუძლებელია, ქმარი დაღუპვას გადაურჩეს, თუ ცოლი უზნეოა"

პოსტის ავტორი: marine თარიღი: Aug 13 2022, 06:44 PM

"წმინდა იოანე [სინელი] გვეუბნება, რომ ისეთი აღძვრა, ისეთი ლტოლვა საპირისპირო სქესისადმი, როგორიც მამაკაცებს აქვთ, დედაკაცებსაც რომ ამავენაირად ჰქონოდათ მამაკაცთა მსგავსად, შეიძლება ვერც ვერავინ გადარჩენილიყო დედამიწაზეო. უფალმა ამიტომაც ჩადო დედაკაცის ბუნებაში კდემამოსილება, საპირისპირო სქესისადმი რიდი და ფაქიზი დამოკიდებულება, ხოლო მამაკაცების ბუნება ამის საპირისპიროა"

პოსტის ავტორი: marine თარიღი: Dec 2 2022, 08:39 PM

"ქალები ხომ ალღოთი უფრო სწრაფად უგებენ ერთმანეთს, ვიდრე მამაკაცები ჭკუა-გონებით"

/ვიქტორ ჰიუგო, "პარიზის ღვთისმშობლის ტაძარი"/

პოსტის ავტორი: marine თარიღი: Dec 2 2022, 09:00 PM

"არ არსებობს უფრო სანდო დამრიგებელი, ვიდრე ღვთისმოსავი ცოლი"

/იოანე ოქროპირი/

პოსტის ავტორი: marine თარიღი: Dec 6 2022, 06:21 PM

"თქვენ მიეცით მაგალითი მორჩილებისა - ცოლებმა ქმრების და ორივემ - საკუთარ სულიერი მოძღვრისა"

პოსტის ავტორი: marine თარიღი: Jan 28 2023, 08:45 PM

"ХIХ საუკუნის მიწურულს, ერთმა მექანიკოსმა, რომლის ხელფასიც კვირაში 11 დოლარს შეადგენდა და რომელიც დღეში 10 საათს მუშაობდა, ახალი ძრავის შექმნა განიზრახა.

იმ დროს ეს იმდენად წარმოუდგენელი და არანორმალური იდეა იყო, რომ ის მომენტალურად გიჟად შერაცხეს.

როდესაც ის, თავის სარდაფში, „ტაოტიანი“, ღამეებს ათევდა, ფაქტობრივად ყველა დასცინოდა „უგუნურს“. არავის სჯეროდა მისი, გარდა მისი მეუღლისა…

ცოლს ისე სჯეროდა მისი და იმდენად ედგა გვერდით, რომ ხშირად, მასთან ერთად, ლამფით ხელში ათევდა ხოლმე ღამეს.

გავიდა რამდენიმე წელი და უეცრად ქუჩაში უცნაური ხმა გაისმა… ეს სწორედ ის „უგუნური“ იყო, რომელიც მეუღლესთან ერთად ეტლით მოდიოდა… უცნაური კი ის იყო, რომ – ეს იყო ეტლი ცხენის გარეშე.

ამ „უგუნურის“ სახელი იყო – ჰენრი ფორდი.

ერთხელ, ჟურნალისტმა ფორდს ჰკითხა:

– მისტერ ფორდ, თქვენ დღეს მსოფლიოში ყველაზე წარმატებული და მდიდარი ადამიანი ხართ, მაგრამ შეგიძლიათ მითხრათ, ვინ გახდებოდით სხვა ცხოვრებაში?

რაზეც ფორდმა დამაჯერებლად უპასუხა:

– გავხდებოდი ნებისმიერი ვინმე – ოღონდ ჩემი მეუღლე მყოლოდა გვერდით!"

პოსტის ავტორი: marine თარიღი: Jun 27 2023, 07:01 PM

"ყველაზე დიდი მტერი ოჯახურ ცხოვრებაში - ეგოიზმია. ოჯახური ცხოვრების უდიდესი საიდუმლო იმაში მდგომარეობს, რომ მიტევება ვისწავლოთ. უკეთესია საკუთაი თავი შევცვალოთ და არა ცოლი. ნუ იქნებით მასწავლებელი საკუთარი ცოლისათვის. ყველაზე საუკეთესო საშუალება, რომ მას რამე ვასწავლოთ, ეს არის - გიყვარდეს იგი"

/ბერი გაბრიელ კარიესელი/

პოსტის ავტორი: marine თარიღი: Sep 17 2023, 01:48 PM

"ერთი სასულიერო პირი წერს: "რაც უფრო კეთილშობილია ქალი, მით უფრო კეთილშობილია საზოგადოება"

პოსტის ავტორი: marine თარიღი: Jan 22 2024, 06:50 PM

"ის თანასწორობა მამაკაცებთან, რომელსაც ზოგიერთი ქალი ესწრაფვის, მხოლოდ გარკვეულ საზღვრებში შეიძლება, გამართლებულად ჩაითვალოს. დღეს ქალები მამაკაცების თანასწორნი არიან როგორც სამუშაოზე, ასევე - ხმის უფლებასთან მიმართებაში. ამიტომ ისინი რაღაც არაჯანსაღი სულით არიან შეპყრობილნი და ფიქრობენ, რომ ყველაფერში მამაკაცების თანასწორნი არიან. რა თქმა უნდა მამაკაცისა და ქალის სული ერთნაირია. მაგრამ, თუკი ცოლი პატივს არ სცემს ქმარს, ქმარს კი ცოლი არ უყვარს, ოჯახში უთანხმოება წარმოიშობა. ძველ დროში ცოლის მხრიდან ქმრის შეპასუხება ძალიან უწესო და ცუდ საქმედ ითვლებოდა. დღეს კი თავხედური, ენაგატლეკილი საუბარი ძალიან ბუნებრივ რამედ იქცა. რა მშვენიერი დრო იყო ძველად! ერთ ცოლ-ქმრულ წყვილს ვიცნობდი. ქმარი პატარა ტანის, შეუხედავი კაცი იყო. ცოლი კი თვალტანადი, გოლიათური აღნაგობის ქალი. ერთი ცენტნერი მარცვლეულის აღნაგობის ყმაწვილი შეუჩნდა მას და ამ ქალმა ის ასანთის ღერივით მოისროლა მეორე კუთხეში. მაგრამ, რომ გენახათ, რაგვარ მორჩილებას უცხადებდა ეს ქალი თავის ქმარს, რაოდენ დიდ პატივს სცემდა მას! აი, მხოლოდ ამ ვითარებაში შეიძლება, იყოს ოჯახი მტკიცე და დაურღვეველი. სხვაგვარად ის ვერ გადარჩება".

/ღირსი პაისი ათონელი/

პოსტის ავტორი: marine თარიღი: Jan 23 2024, 07:04 PM

"სახიერმა ღმერთმა ყველაფერი ბრძნულად მოაწყო: ცოლი და ქმარი ერთმანეთს ისეთი სიყვარულით უკავშირდებიან, რომ ისინი საკუთარ მშობლებსაც კი ტოვებენ. რომ არა ეს სიყვარული, ადამაინები საკუთარი ოჯახების შექმნას ვერ შეძლებდნენ. მშობლების ამოცანა დასრულებულია, როდესაც შვილები ოჯახს შექმნიან, ან, როდესაც ისინი მონაზვნობის გზას აირჩევენ. ამ წუთიდან შვილები მშობლებისადმი ორი რამის მოვალენი არიან: უდიდესი პატივისცემისა და ისეთი სიყვარულისა, როგორსაც ზოგადად უნდა განიცდიდეს შვილი მშობლისადმი. მე იმის თქმა არ მინდა, რომ ცოლსა და ქმარს თავიანთი მშობლები არ უნდა უყვარდეთ. მაგრამ პირველ ყოვლისა მათ ერთმანეთისადმი უნდა ჰქონდეთ უდიდესი სიყვარული და მხოლოდ ამის შემდეგ უყვარდეთ მშობლები. მეუღლეებს ერთმანეთი იმდენად ძლიერად უნდა უყვარდეთ, რომ მათი სიყვარული ნაპირებიდან გადმოდიოდეს. მეუღლეების ერთმანეთისადმი სიყვარული იმდენად კეთილშობილური უნდა იყოს, რომ თითოეული მათგანი მეორის მშობლებზე რაც შეიძლება, მეტად ზრუანვდეს.

ოჯახში მშვიდობა და თანმხობა რომ იყოს, აი, ამისათვის რა არის საჭირო: ქმარს ცოლი უფრო მეტად უნდა უყვარდეს, ვიდრე დედა და ვიდრე საერთოდ ვინმე, როემლიმე ახლობელი და ნათესავი - ამქვეყნად. მშობლებისადმი მისი სიყვარული მისი ცოლისადმი სიყვარულიდან უნდა იღვრებოდეს. რა თქმა უნდა, ცოლიც სწორედ ამასვე უნდა გრძნობდეს და ასევე უნდა იქცეოდეს"

/ღირსი პაისი ათონელი/

პოსტის ავტორი: marine თარიღი: Jan 24 2024, 02:25 PM

"თუკი ქმარი პატივს სცემს სიდედრს და სიმამარს, ეს მის ღირსებაზე ლაპარაკობს. ისევე, როგორც ქალის ღირსებაზე მეტყველებს მისი სიყვარული და პატივისცემა დედამთილის მიმართ, რომელმაც ქვეყნად მოავლინა მისი ქმარი და ახლაც სწორედ მისი ქმარია მისი ცხოვრების სიხარული და ბედნიერება. თუკი ცოლსა და ქმარს ასეთი აზრები და გრძნობები აქვთ, ეს მათი შვილების სულების აღზრდაზეც უჩუმრად დადებითად მოქმედებს"

/ღირსი პაისი ათონელი/

პოსტის ავტორი: marine თარიღი: Feb 26 2024, 01:07 PM

"ასე მგონია, რომ ქალები ძალიან კარგად, დეტალურად იმახსოვრებენ თარიღებსა და ფაქტებს. ჩემი აზრით, ეს თითოეული მათგანის ნაკლად შეიძლება მივიჩნიოთ. შეიძლება, სწორედ ამიტომაა, რომ ქალი მამაკაცზე ბევრად გვიან ახერხებს ღმერთთან მიახლოებას, რადგან ყოველდღიური ცხოვრების არდავიწყება და მასში მონაწილეობა უძნელებს ქალს ღმერთთან თანაზიაობას. იმის ნაცვლად, რომ მთელი ქვეყნიერება დავიწყებას მისცეს, ქალი თავის თავში ცხოვრების მთელ სისავსეს და მის ხსოვნას ატარებს. რას არ ნახავ ქალის აზრებში! ის ჩახლართულ ლაბირინთს ჰგავს, რომელშიც ვისაც გინდა, გზა დაეკარგება. მას ახსოვს ყველაფერი, რაც საჭიორა, და მით უფრო, ყველაფერი, რაც არასაჭიროა"

/არქიმანდრიტი ემილიანე (ვაფიდისი)/