წმინდა მამათა გამონათქვამები, გამონათქვამები, წერილები, ამონარიდები ქადაგებებიდან და ა.შ პარამეტრები

[იოანა]

კარგი იქნება თუ აქ დავპოსტავთ ჩვენთვის ყველაზე ახლო, მისაღებ და საყვარელ გამონათქვამებს, წერილებს, ამონარიდებს წმინდა მამებისა ან უბრალოდ მამების ქადაგებებიდან. ამდენად, მე მინდა ეს თემა გავხსნა ჩემთვის ძალიან საყვარელი სანუგეშოთი (როგორც შეგპირდით), რომელიც მღვდელ-მონაზონ სერაფიმე ვირიცელს ეკუთვნის. ალბათ, ბევრ თქვენგანს წაკითხული აქვს ეს წერილი, რომელიც წმინდა სერაფიმემ თავის სულიერ შივილს მისწერა და რომელიც ისე როგორც მე, ბევრ სხვას დღესაც ანუგეშებს... მაგრამ მანამდე მინდა მისი ცხოვრებიდან მოვიყვანო ერთი შემთხვევა: "მკაცრ მარხვასა და თავის საბერო კანონთან ერთად მამა სერაფიმემ დიდი ღვაწლი იტვირთა: თავისი საყვარელი რუსეთის გადასარჩენად ათასი ღამე იდგა ქვაზე ღია ცის ქვეშ და ევედრებოდა უფალს. ამით მიემსგავსა წმინდა სერაფიმე საროველს, თავის ზეციურ მფარველს". (ჟურნალი „კარიბჭე“, №21, 2005 წ)

ახლა კი წერილი "ეს ჩემგან იყო"

გიფიქრია ოდესმე, რომ ყველაფერი, რაც შენ გეხება, მეხება ასევე მეც? რადგან ის, რაც გეხება შენ, ეხება ჩემი თვალის ჩინს.
შენ ძვირფასი ხარ ჩემთვის, უძვირფასესი, მე შენ შეგიყვარე, ამიტომაც განსაკუთრებულ სიხარულს მანიჭებს შენი აღზრდა.
როდესაც თავს განსაცდელი დაგატყდება და მდინარესავით მოგადგება მტერი, მინდა იცოდე, რომ ეს ჩემგანაა.
შენი უძლურება ჩემს ძალას ითხოვს და თუ გსურს უსაფრთხოდ იყო, მომეცი საშუალება, ვიბრძოლო შენთვის.
მძიმე გარემოებაში იმყოფები? იმ ადამიანთა შორის, შენი რომ არ ესმით, ანგარიშს არ უწევენ შენი სულისათვის საჭიროს და გრთგუნავენ? გახსოვდეს – ეს ჩემგანაა.
მე ვარ უფალი, მეუფე ყოველგვარი გარემოებისა, შემთხვევით კი არ აღმოჩენილხარ იქ, სადაც დაგადგინე.
შენ არ მთხოვდი, მორჩილება მესწავლებინა შენთვის?! ჰოდა, დაგაყენე ზუსტად იმ გარემოში, იმ სკოლაში, სადაც ამ გაკვეთილს ასწავლიან. შენი გარემო და შენთან მცხოვრებნი მხოლოდ ჩემს ნებას აღასრულებენ.
გაჭირვებაში ხარ და თავი ძლივს გაგაქვს? გახსოვდეს ყოველთვის – ეს ჩემგანაა. ჩემს ხელშია მატერიალური კეთილდღეობა შენი, მინდა ჩემთან მოირბინო და ჩემზე იყო დამოკიდებული. ჩემი მარაგი ულევია.
მინდა, რომ დარწმუნდე ჩემს ერთგულებაში. არ დავუშვებ, გაბედონ და გითხრან შენი გასაჭირი – არ გწამდა ღმრთისაო!
ტანჯვას განიცდი ღამ-ღამობით? განშორებული ხარ ახლობლებს? გახსოვდეს – ეს ჩემგანაა.
მე ვარ კაცი ნატანჯი, ბევრი განსაცდელი მიგემია. მე დავუშვი განსაცდელები შენზე, რათა მომმართო და ჩემში ჰპოვო სულის სიმშვიდე.
მოტყუვდი მეგობარში, ან ადამიანში, ვისთვისაც გული გიბოძებია? გახსოვდეს – ეს ჩემგან იყო. მე დავუშვი, ეს სიმწარე შეგხებოდა, რათა შეგეცნო, რომ უფალია ნამდვილი მეგობარი. მინდა, ყველაფერი ჩემთან მოგქონდეს ლოცვებში.
ცილი დაგწამეს? მომანდე ეს საქმე და იყავი ჩემთან, შენს თავშესაფარში, რათა მტკიცედ დაუხვდე „ენის ყივილს“. თავის დროზე ნათელს გავხდი შენს სიმართლეს, შენი სამართლიანობა კი გახდება მსგავსი შუადღისა.
დაინგრა შენი გეგმები? სულით დაეცი და დაიღალე? გახსოვდეს – ეს ჩემგან იყო. შენ აგებდი გეგმებს და მომიტანე, რათა მეკურთხებინა ისინი, მაგრამ არ მინდა დამითმო, არ მინდა მე წარვმართავდე შენს ცხოვრებას, მაშინ პასუხისმგებელი ყველაფერზე მე ვიქნები, რადგან ძალზედ მძიმეა ის შენთვის და მარტო ვერ შეძლებ გამკლავებას, რამეთუ იარაღი ხარ მხოლოდ და არა მოქმედი პირი. (ეს კარგად ვე რგავიგე, როგორც ჩანს თარგმანშია შეცდომა. იოანა)
იგემე მოულოდნელი ყოფითი წარუმატებლობები და უიმედობამ მოიცვა შენი გული? ეს ჩემგან იყო, რადგან მინდა, შენი სული და გული მუდამ ენთოს და ჩემი სახელით ამარცხებდე სულმოკლეობას.
დიდი ხნის მანძილზე არ იღებ შენი ახლობლებისა და ძვირფასი ადამიანებისაგან ცნობებს და, სულმოკლეობის გამო, უნუგეშობასა და დრტვინვას მისცემიხარ? იცოდე – ეს ჩემგანაა, რადგან ამ წუხილით ვცდი ახლობლებისათვის შენი ლოცვის კადნიერების ძალას. შენ არ დაავალე მათი მფარველობა ყოვლადწმიდა ღვთისმშობელს?
მოგიხილა მძიმე ავადმყოფობამ – დროებითმა ან უკურნებელმა და სარეცელს მიეჯაჭვე? იცოდე – ეს ჩემგან იყო. რადგან მინდა, უფრო ღრმად შემიცნო სხეულებრივი უძლურებისას და არ დრტვინავდე მოწევნული განსაცდელის გამო, არ ეცადო, ჩასწვდე ჩემს განგებას, ადამიანთა სულების სხვადასხვა გზებით გადასარჩენად დაშვებად მოუდრიკე ქედი წყალობას ჩემსას შენს მიმართ.
ოცნებობდი, ჩემთვის განსაკუთრებული საქმე აღგესრულებინა და ნაცვლად ამისა სარეცელს მიჯაჭვული აღმოჩნდი? იცოდე – ეს ჩემგან იყო. წარმატებისას საქმეებში იყავი გართული და არ შემეძლო, წარმომემართა შენი ფიქრები ჩემსკენ. მინდა გასწავლო ყველაზე ღრმა ფიქრი, იდგე ჩემს სამსახურში. მინდა გასწავლო შეგრძნება საკუთარი არარაობისა და იმისა, რომ საკუთარ თავს ვერაფერში ენდობი.
ჩემი საუკეთესო თანამებრძოლნი, ძირითადად, ისინი არიან, ვინც ცოცხალ მოღვაწეობას მოწყვეტილა, რათა ესწავლათ ფლობა იარაღისა, განუწყვეტელი ლოცვა რომ ჰქვია.
უეცრად მოგიწოდეს მძიმე და საპასუხისმგებლო მდგომარეობის დასაკავებლად? წადი ჩემი იმედით. მე გაბარებ ამ სიძნელეებს, რადგან მათთვის გაკურთხა უფალმა ყველა ჩემს გზაზე, ყველაფერზე, რაც გაკეთდება შენი ხელებით.
გაძლევ ჭურჭელს წმინდა მირონით. ისარგებლე, შვილო ჩემო! ამ მირონით იყოს ცხებული ყოველი წარმოქმნილი დაბრკოლება, ყოველი შეურაცხყოფა სიტყვითი, ყოველი მარცხი სამსახურში, გულისწყვეტის გამომწვევი, ყოველი აღიარება შენი უძლურებისა და უუნარობისა.
გახსოვდეს, რომ ყოველი მარცხი უფლის დარიგებაა!
ყოველი საწრეტელი შეხებისთანავე დაჩლუნგდება, რადგან გულში ჩაგითესე დღეს განცხადებული სიტყვები - ეს ჩემგან იყო!
1937წელი

[marine]

"ყველანაირად უნდა გეშინოდეს მოყვასის შეურაცხყოფისა, რამეთუ უფრო ადვილია ღმერთთან შერიგება, ვიდრე მოყვასთან."

წმ. ალექსანდრე გეთსიმანელი

[მნათე]

როცა უფლის გულისათვის ჩვენს მდევნელზე რისხვა გაგვიჩნდება, მოგივონოთ სიტყვა სახარებიდან: `ნეტარ იყვნენ დევნულნი სიმართლისათვის, რამეთუ მათი არს სასუფეველი ცათა~ (5,10).

წმ. მაქსიმე აღმსარებელი

ვინც ძმაზე რისხვის გულის-წყრომას შეიწყნარებს და უფლის სიყვარულის მცნებას უარყოფს, მოიგონოს სიტყვა იოანეს სახარებიდან: `მცნებასა ახალსა მიგცემ თქვენ, რათა იყვარებოდეთ ურითიერთარს, ვითარცა მე შეგიყვარე თქვენ, რათა თქვენცა იყვარებოდეთ ურთიერთარს~ (13,34).

წმ. მაქსიმე აღმსარებელი

[marine]

"ის კი არ არის მდიდარი, ვისაც მეტი გააჩნია, არამედ ის, ვინც მცირედითაც რჩება კმაყოფილი."

წმ. ბასილი დიდი

[თამარი]

ნეტარია იგი, ვინც ღვთისთვის ყოელდღიური საყვედურისა და დამცირების მიღებით საკუთარი თავი მოთმინებაში განსწავლა, ის მოწამეთა თანა იხარებს და ანგელოზებთან კადნირებით ისაუბრებს.

როდესაც გსაყვედურობენ და ბრალს გდებენ, მდუმარედ იყავი და სულიერი წამალი მიიღე - როგორც სიწმინდის მნათობები.

ვინც უვნებელობასა და ღმერთს ესწრაფის, მას დაკარგულად მიაჩნია ყოველი დღე, როდესაც არავისგან მიიღებს ყვედრებას.

როგორც ის ხეები, რომელთაც ქარი ებრძვის და მიწაში ღრმად იდგამენ ფესვებს, ასევე მორჩილებაში მყოფთ ძლიერი და შეურყეველი სული აქვთ.

წმიდა იოანე სინელი კიბისაღმწერელი

[marine]

"ურწმუნო რომ ქრისტიანზე მეტად ღარიბი იყოს, რამდენ ბოროტებას ჩაიდენდა ის უკმარისობის გამო? ალბათ ამიტომ არიან "ძლიერნი ამა ქვეყნისანი" მატერიალურად უზრუნველყოფილნი."

[kaxa-beri]

კაი თემაა !!!!!!!!!!


გახსოვდეს რომ ცოდვილი ხარ !!!!!!!!!!!!

ჩემის აზრით ძალიან დიდი სიბრძნეა, და ამით ბევრი, ძალიან ბევრი რამეა ნათქვამი,
თქვენ რას იტყვით ??

[თამარი]

თუკი იხილავ, რომ კაცს ვისმე უდიდესი ღირსებისათვის მიუღწევია ამქვეყნად, ნუ გაგიკვირდება, რამეთუ გასაკვირი მხოლოდ ის არის, როცა ვინმე ქვეყნიურ დიდება-პატივს მოიძულებს.

წმიდა ეფრემ ასური

[marine]

"ვისთვისაც ეკლესია დედა არ არის, მისთვის არც ღმერთია მამა."

წმ. კვიპრიანე

[solomon]

მრავალნი ამა ცხოვრებისა და ამა სოფლის სიამეთა უარმყოფელია, მცირედნი - პირადი ნება-სურვილისა. სწორედ, მათ მიესადაგებათ უხინჯოდ თქმული საღვთო სიტყვა:"მრავალ არიან ჩინებულნი, და მცირედ რჩეულნი"(მათ.22.14)

სვიმეონ ახალი ღვთისმეტყუელი

[marine]

"შეიყვარე განსაცდელი, რათა შეიძინო ღმერთი."

ანტონი დიდი

[kaxa-beri]

"შეიყვარე განსაცდელი, რათა შეიძინო ღმერთი."

ანტონი დიდი

გამარჯობა მარინე
გილოცავ ნიკოლოზობას

ეს სიტყვები ძალიან მომეწონა და რომ არ მეთქვა მადლობა არ ვიქნებოდი შენთან მართალი , რაცხა ისე მოხვდა ჯიგარს რომ არ მგონია ამოვარდეს....ეს სიტყვები იმ კატეგორიისაა, რომელიც ჭეშმარიტებასთან კი არ არის ახლო არამედ ჭეშმარიტებაა... დიდება უფალს, წმინდა ანტონ დიდს და მადლობა შენ

[marine]

kaxa-beri

გამარჯობა, კახა!! მეც გილოცავ ნიკოლოზობას ყველაზე ლამაზი სურვილებით.

მოხარული ვარ რომ ჩემი პოსტი მოგეწონა

[თამარი]

ნუ უგულებელსყოფ ღმერთის ნებას, რათა ადამიანთა ნება აღასრულო!

წმ.ანტონი დიდი

[marine]

"უფალს მყუდროება უყვარს, შინაგანი სიმშვიდე და წმიდა გული."

ილია II

[თამარი]

ადამიანს თავისით არაფრით არ ძალუძს ჭეშმარიტად კეთილი შეიქნას, როგორადაც არ უნდა სურდეს ეს, თუკი მასში ღმერთი არ შესახლდება, რადგან არავინაა კეთილი და სახიერი თვინიერ ღმერთისა მსოლოისა.

წმ. ანტონი დიდი

[marine]

"ჩვენ არ უნდა დავინანოთ მოყვასისათვის არც დრო, არც ფული, არც შრომა.
მოყვასისაგან არის დამოკიდებული სიცოცხლეცა და სიკვდილიც. რადგან თუ ჩვენ შევიძენთ ძმას, მაშინ შევიძენთ ღმერთს; ხოლო თუ ვაცდუნებთ ძმას, მაშინ ვცოდავთ ღმერთის წინაშე."

აბბა ანტონი

[თამარი]

უეჭველია, რომ ღმერთი უმჯობესად განაგებს ჩვენს ცხოვრებას და საქმეებს, ისე, როგორადაც ჩვენ თვითონ ვერასოდეს ვერ განვაგებდით.

წმიდა ბასილი დიდი

[marine]

"როს კეთილდღეობასა მიემთხვიო, შესწირე მადლი უფალსა და იქნება მტკიცე დღეკეთილობა შენი; ოდეს გესტუმროს უბედურება, ჰმადლობდე უფალსა და სიმწარე შენი მსწრაფლ განქარდება."

წმ. იოანე ოქროპირი

[თამარი]

ღმერთის საქმეა - მოგანიჭოს მადლი. შენი მოვალეობა კი მისი დაცვა და შენარჩუნებაა.

წმიდა კირილე იერუსალიმელი

[marine]

"ეცადე ისეთ სათნოებას მიაღწიო, რომ ყველა გლოცავდეს და გაკურთხებდეს."

წმ. ანტონი დიდი