ლოცვა - სულიერი ხედვის დასაბამი პარამეტრები

[ნათია]

„ანგელოზნი აღძრავენ ჩვენში ლოცვის წყურვილს და ჩვენთან ერთად დგანან ლოცვად, სიხარულით აღვსილნი და ჩვენთვის მლოცველნი“

შეუძლებელია სუფთად ილოცო, თუკი შენი გონება შეზრდილია ამქვეყნიურ საზრუნავს, რადგან ლოცვა არის ყოველგვარ მიწიერ გულისთქმათა დატევება. შებორკილს არ ძალუძს რბენა, ასევეა ვნებით შეპყრობილი გონება, - იგი ვეღარ პოულობს ადგილს სულიერი ლოცვისათვის, ვნებითი გულისთქმები აღარ აყენებს ლოცვად.

თუკი ლოცვისას ფიქრობთ, რომ ცოდვების გამო გოდება საჭირო არ არის, - გააცნობიერეთ, რაოდენ შორს დგახართ უფალთან, მაშინ, როდესაც მოვალე ხართ მასთან იმყოფებოდეთ - ამის გააზრება გულთბილ ცრემლს გიბოძებთ.

ჭეშმარიტად ასეა: საკუთარი საზომის გაცნობიერება, საკუთარი სიგლახაკისა და უბადრუკობის განცდა, გულთბილი და ტკბილი ცრემლების წყაროდ გექცევა და წმიდა ესაიას მსგავსად თავის გაკიცხვას დაიწყებ: „...ვაი მე, დავიღუპე, რადგან თვალებმა კი მეუფე საბაოთ იხილეს!“ (ესაია 6,5). მაგრამ თუკი შენი ლოცვა არის ჭეშმარიტი და სულიერი, _ ამის მრავალ დასტურს მიიღებ; ანგელოზნი შეიკრიბებიან შენს გარშემო დანიელ წინასწარმეტყველის მსგავსად და განგანათლებენ იმ მიზეზთა შემეცნებით, თუ რა რატომ ხდება. იცოდე, რომ ანგელოზნი აღძრავენ ჩვენში ლოცვის წყურვილს და ჩვენთან ერთად დგანან ლოცვად სიხარულით აღვსილნი და ჩვენთვის მლოცველნი. მაგრამ თუკი უდებებას მივეცემით და ბოროტ გულისთქმებს გავიზიარებთ, - ძალზე განვარისხებთ ანგელოზებს, რადგან მაშინ, როდესაც ისინი ჩვენთვის ამდენ სიკეთეს იქმან, _ ჩვენ საკუთარი თავისთვის არაფერს ვაკეთებთ და ამით უგულვებელვყოფთ უფლისადმი მსახურებას, ვტოვებთ უფალს და საკუთარ გულისთქმებში საუბარს ბოროტ სულებს ვუბამთ.

ილოცე მშვიდად და აუღელვებლად, იგალობე გონივრულად და კეთილგანწყობით - მაშინ ემსგავსები არწივის მართვეს, რომელიც ნელ-ნელა სიმაღლეებს იპყრობს.

ფსალმუნთა გალობა აცხრობს ვნებებს და ბორკავს ხორციელ თავშეუკავებლობას, ხოლო ლოცვა გონებას მისთვის ჩვეულ კეთილგონივრულ სიბრძნეს აზიარებს.

ლოცვა არის გონების ღირსებისთვის შესაფერისი ღვაწლი, უფრო ზუსტად კი - გონების ჭეშმარიტი გამოყენება.

ფსალმუნთა გალობა არის სიბრძნის მრავალსახეობის წარმოჩინება, ლოცვა კი - დასაბამი სულიერი ხედვისა.

სულიერი ხედვა ხელს უწყობს ლოცვას, იგი გონების აზროვნების ძალას ღვთაებრივი ხილვის ჭვრეტამდე აღამაღლებს.

თუკი უფლისგან ლოცვისა და ფსალმუნთა გალობის ნიჭი ჯერ კიდევ არ მიგიღიათ, - ითხოვეთ მუდმივად და აუცილებლად მოგეცემათ.

„...ჯერ არს მათდა მარადის ლოცვაი და რაითა არა ეწყინებოდის ლოცვასა შინა“ (ლკ. 18,1). ნუ მოიწყენთ და ნუ მიეცემით უსასოობას იმის გამო, რომ ლოცვითი განწყობის მადლი არა გაქვთ, რადგან, თუ ითხოვთ, აუცილებლად მოგეცემათ. იგივე იგავში ნათქვამია: „დაღათუ ღმრთისა არა მეშინის და კაცთაგან არა მრცხვენის, ამისთვის რამეთუ შრომასა შემამთხუევს მე მარადის ქურივი ესე, უსაჯო მას, რაითა არა მარადის მოვიდოდის და მაწყინებდეს მე... ხოლო ღმერთმან არა-მე ყოსა შურის-გებაი რჩეულთა მისთაი, რომელნი ღაღადებენ მისა დღე და ღამე, და სულგრძელ არს.“ (ლკ. 18,5,7) ამიტომ შრომისმოყვარეობითა და მოთმინებით იდექით ლოცვად!

ნუ მოისურვებ, იმგვარად ააწყო შენი ცხოვრება, როგორც შენთვის საუკეთესოდ მოგეჩვენება, არამედ იყოს ისე, როგორც ღმერთი ინებებს. თუ ასე მოიქცევი, მადლიერი იქნები და უშფოთველ ლოცვას შეძლებ!

ვილოცოთ...

[milana]

დიდი მადლობა ნათია
ბევრი რამ გავიგე და მართლაც დამეხმარება აქ წკითხული

[MR.NOE]

ლოცვა არის გულის და გონების აღვლენა ღვთისადმი, მოკრძალებით საუბარი კაცისა ღმერთთან.
ლოცვაში ჩვენ ვადიდებთ ღმერთს, მის დიდებას და სიბრძნეს, ვთხოვთ ჩვენთა საჭიროებათათვის და ვმადლობთ მოცემულ წყალობისათვის. ამიტომაც არის სამის სახე ლოცვისა _ ლოცვა დიდების მეტყველებითი, თხოvniT მესამე აგარ მახსოვსს

[lazare salome nino]

დიდი მადლობა,უფალმა დაგლოცოს და გაგაძლიეროს,რათა არ მოაკლდეს და შეემატოს ტანჯულ ერს შენისთანა ქრისტიანები.

[mekaje]

ძალიან მიყვარს ბუნებაში განმარტოებით სეირნობა. ფონიჭალაში არის პატარა გორა და ზედ ღვთისმშობლის კოხტა ეკლესია დგას, რომელიც სამწუხაროდ თითქმის სულ დაკეტილია. აი, აქ მიყვარს ხოლმე ასვლა ნაძვნარში და ფიქრი. ასე მგონია ამ დროს ვლოცულობ ყველაზე გულწრფელად და ამ დროს ვარ ყველაზე ახლოს ღმერთთან.

[სარდიონ]

ამიტომაც არის სამის სახე ლოცვისა _ ლოცვა დიდების მეტყველებითი, თხოvniT მესამე აგარ მახსოვსს

რა აღარ გახსოვს შენ თვითონ დაწერე-- სამადლობელი.
აი რას ნიშნავს რო დაიზუთხე და არ გიგრძვნია.

[MR.NOE]

რა აღარ გახსოვს შენ თვითონ დაწერე-- სამადლობელი.
აი რას ნიშნავს რო დაიზუთხე და არ გიგრძვნია.

აბა ბიჭო

[marine]

„ლოცვითი ღვაწლის მიზანი ღმერთზე განუშორებელი ფიქრის მიღწევაა“.
/დეკ. შიო პაიჭაძე/

[marine]

“თუ ადამიანი ცუდად ცხოვრობს, ესე იგი ცუდად ლოცულობს, ხოლო თუ ცუდად ლოცულობს, იმიტომ, რომ ცუდად ცხოვრობს.“

/მეუფე სვიმეონი (ცაკაშვილი)/

„ლოცვას ხომ ღმერთთან საუბარი ჰქვია, ხოლო ამ საუბარში, გნებავთ თხოვნაში, საბოლოო სიტყვა ღმერთს ეკუთვნის“.

[marine]

"წინასწარმეტყველი ილია თავ-მუხლმოდრეკით ლოცულობდა. რამდენიმე წუთში უფალი მოალბო და მან თავისი რისხვა წყალობად შეცვალა."

[marine]

"ლოცვით, ღვთის სიტყვით ყოველგვარი არაწმინდება განიწმინდება. ულოცველად სული მკვდარია მადლის წინ".

/წმ. ნექტარიოსი (ტიხონოვი)/

[marine]

"ტრაპეზის მზადება გამოსცდის ნაყროვანს, ღვთის მოყვარეს კი გამოსცდის ლოცვის ღვაწლი".

/წმ. იოანე სინელი/

[marine]

"რასაც აკეთებთ, ისე აკეთეთ, რომ სიმხურვალეს უწყობდეს ხელს და გულს არ აციებდეს; კითხვაც, ლოცვაც, შრომაც, სხვებთან საუბარიც, ერთ მიზანს უნდა ემსახურებოდეს - არ მიგიყვანოთ გულის გაციებამდე.

შესვენების გარეშე მოკლე ლოცვით, თქვენი შინაგანი ღუმელი გაახურეთ და უფთხილდით გრძნობას, რომ მათი მეშვეობით არ გაჟონოს სითბომ.

გარეგანი შთაბეჭდილებები ძალიან ძნელად ეწყობიან შინაგან საქმიანობას".

/წმ. თეოფანე დაყუდებული/

[marine]

"საუბრის დროსაც, საუბრის დაწყებამდე, საუბრის შემდეგაც და ყოველ ჟამს და ყოველ ადგილას უნდა ვუხმობდეთ ღვთის სახელს.
წმნიდა წერილი ამბობს: "მოუკლებელად ილოცევდით" (1თესალ. 5,18), რამეთუ ამით განქარდება ყოველი განსაცდელი".

/წმ. ბარსანუფი დიდი/

[marine]

ეს დალოცვა ძალიან მომეწონა

"ვინც გაგაჩნია, ყველა გიცოცხლოს"

[marine]

"მეგობრებო, მოდით, ვილოცოთ ერთად, რომ უფალმა გვაჩუქოს ერთმანეთის დათმენის უნარი და ადამიანებისადმი უანგარო, თავგანწირული სიყვარულის გრძნობა".

/ბერ-მონაზონი ერმოლაოსი (ჭეჟია)/

[marine]

"- ნუ შევდუგებით ლოცვას წინასწარი, თუნდაც ხანმოკლე მომზადების გარეშე;

- ლოცვის დამთავრებისთანავე, მაშინვე ნუ გადახვალთ ჩვეულებრივ საქმიანობაზე;

- შინაგანი ლოცვა უნდა ვითხოვოთ უფლისაგან, როგორც მოციქულებმა სთხოვეს უფალს: "უფალო, გვასწავლე ლოცვაი" (ლუკ. 11,1)"

/მღვდელი იოანე სამხარაძე/

[sanfol]

ლოცვა ნებისმიერ ადგილას შეიძლება?

[sanfol]

ლოცვა ნებისმიერ ადგილას შეიძლება?

[marine]

"მლოცველის თვალები რაიმე კონკრეტულზე არ ფიქსირდება, სადღაც შორს იყურება, თითქოს გადის ამქვეყნიდან".

/მამა თეოდორე გიგნაძე/