ნეტარი დედა მატრონა მოსკოველი პარამეტრები

[marine]

"ერთ ჩემს ნაცნობს (ჩემი ძველი ხელმძღვანელი ნატალია ვ.) მანქანა დაეჯახა. მან თეძო მოიტეხა. როცა ეს გავიგე, დავღონდი და იმ ქალს, ვინც ეს მაცნობა, ვუთხარით: "თქვენ წადით და მოინახულეთ ის, მე კი ეკლესიაში ვილოცებ და მატრონასთანაც მივალ". ასეც მოვიქეცით. ოპერაციის დღეს სერაფიმე საროველის ნაწილთა აღმოყვანების დღესასწაულზე - 1 აგვისტოს მე გადავეცი მოსახსენებელი ნატალიას გამოჯანმრთელებისთვის, ვილოცე სერაფიმე საროველის წინაშე და შემდეგ მატრონას საფლავზე მივედი. მე მთელი გულით ვწუხდი ამ ქალის გამო და ვთხოვე, მატრონას ელოცა, რომ ოპერაციას შედეგიანად ჩაევლო. შემდეგ დამირეკეს და მითხრეს, რომ ოპერაცია მეტად ადვილად და სრულიად უსისხლოდ დამთავრდა, თუმცა ჭრილობა მეტად დიდი იყო - ბარძაყიდან მუხლამდე. ექიმები გაოგნებულები იყვნენ. ოპერაციის შემდეგ ექიმები და მოწყალების დები პალატაში შევიდნენ. ის არანაირ ტკივილს არ გრძნობდა, იწვა და იღიმებოდა: "ვინ ილოცა ჩემთვის, რომ ასე კარგად და მსუბუქად ვარ?.." როცა ეს მოვისმინე, სიხარულით ავტირდი და ვთქვი: "ეს მატრონა ლოცულობდა მისთვის". კანდელი ავანთე და მაშინათვე სამადლობელი წარმოვთქვი მატრონას წინაშე, მისი ლოცვის და შუამდგომლობისთვის, რომლის ღირსიც ჩვენ - ცოდვილები გავხდით".

/ლუბა, მოსკოვი/

[marine]

"ჩემი ქმარი ბავშვებთან ერთად მოხვდა ავტოკატასტროფაში. დაზიანება უმცროსმა ვაჟმა მიიღო. მაშინ ის სამი წლის იყო. მას დახურული ქალა-ტვინის ტრავმა ჰქონდა. ჩვილი რეანიმაციაში მოხვდა და ის ხელოვნურ კომაში შეიყვანეს. ექიმები ვერავითარ პროგნოზს ვერ აკეთებდნენ. ჩვენი ცხოვრების უმძიმესი პერიოდი დაიწყო.

ამ დრო ჩვენს ქალაქში ჩამოაბრძანეს წმ. მატრონას წმინდა ნაწილები. ჩვენ სალოცავად დავდიოდით, სანამ სიწმინდე იყო ჩვენს ქალაქში. ბავშვის გამოჯანმრთელებისთვის ვლოცულობდით მთელი ოჯახი, სანათესაო და საახლობლო. მადლობა საყვარელო მატრიონუშკა, რომ ისმინე ჩვენი ლოცვა და გადაგვირჩინე ჩვენი პატარა. მოხდა სასწაული - ასე გვითხრეს ექიმებმა - ბავშვმა დაიწყო გამოჯანმრთელება.

მადლობა უფალს - ბავშვი ახლა სრულებით ჯანრმთელია. დარბის, ხტუნავს, დადის საბავშვო ბაღში.

მადლობა უფალს! მადლობა საყვარელ მატრიონუშკას, ჩვენი შვილის გადარჩენისა და გამოჯანრმთელებისთვის. მადლობა სიცოცხლისთვის, მადლობა რწმენისთვის!

წმიდაო ნეტარო მატრონა, ევედრე ღმერთსა ჩვენი ჯანმრთელობისთვის, კეთილდღეობისთვის, სიბრძნისთვის, მოთმინებისთვის, ჩვენი და ჩვენი ახლობლების პრობლემებისა და სირთულეების მოგვარებისთვის. სავყარელო, არ მიატოვო ჩვენი ოჯახი. ჩვენ გვჭირდება შენი ლოცვა, შენი დახმარება.

სახელითა მამისათა და ძისათა და სულისა წმიდისათა, ამინ!"

/მხევალი ღვთისა მარინა/