მსოფლიო რელიგიები, სხვადასხვა სექტები და მიმდინარეობები პარამეტრები

[marine]

"ვინც სხვას არ შეეწევა, იმიტომ რომ იგი იუდეველი, თურქი ანდა ლუთერანია, ის ქრისტიანი არ არის!"

[marine]

"რომის ერთ-ერთმა იმპერატორმა დამასკოს დიდებულებისა და თვალწარმტაცი ადგილმდებარეობის გამო მას აღმოსავლეთის თვალი შეარქვა და რომ მუჰამედმა, როდესაც პირველად იხილა ეს ქალაქი შორეული გორაკიდან, იმდენად აღფრთოვანებული იყო მისი მშვენიერებით, რომ მას არ სურდა იქ შესვლა და თქვა, რომ ადამიანისათვის არსებობს ერთი მიწისზედა ცა, რომ მას არ სურს, სხვა ზეცა ჰქონდეს დედამიწაზე".

[marine]

"ღმერთის პაპით ჩანაცვლება არღვევს მცნებას "ნუ შეიქმნი კერპს"

[marine]

"ინგლისის ეკლესიაში, მაგალითად, ორი ძირითადი დაჯგუფება არსებობს: "მაღალი ეკლესია", რომელმაც საეკლესიო ტრადიციის ნარჩენები შემოინახა და "ფართო ეკლესია", რომელშიც პროტესტანტული შეხედულებები ჭარბობს"

[marine]

"ლუთერანობა საეკლესიო ტრადიციას პატივს მიაგებს, ლუთერი ხშირად ახსენებს წმინდა მამებს, კრებების დადგენილებებს. კალვინიზმი ეკლესიის კრების ავტორიტეტს და დადგენილებებს უარყოფს და ყველაფერს გონების კრიტერიუმით ამოწმებს"

[marine]

"იეღოვას მოწმეებს ეკრძალებათ: სისხლის გადასხმა (სასიკვდილო საფრთხის შემთხვევაშიც კი), ჯარში სამსახური, არჩევნებში მონაწილეობა და პოლიტიკურ პარტიებში გაწევრინაება, ფიცი, სახელმწიფო დაწესებულებების, დაბადების დღის აღნიშვნა, ნებისმიერ ეროვნულ და სახელმწიფო დღესასწაულში მონაწილეობა და ა.შ."

[marine]

"გაბრიელ ბერთან [აღმსარებელი და სალოსი] ორი სექტანტი ქალი (რასელისტი) გამოგზავნეს იმ მიზნით, რომ გამოეცადათ მოაქცევდა თუ არა იგი მათ ჭეშმარიტებისაკენ. კელიაში შემოსვლისთანავე მამა გაბრიელმა ტირილი დაიწყო და დიდხანს ტიროდა. ამ ქალებმა ხმა ვერ ამოიღეს. ბოლოს კი ვეღარ მოითმინეს და ტირილის მიზეზი ჰკითხეს. მან მიუგო: "როგორ თუ რა მატირებს! ყველა ქრისტიანისათვის სასუფევლის კარი ღიაა და მე კი ჩემი ცოდვების გამო ვერ შევდივარ. ეს სექტანტები სულ 5 მილიონი არიან დედამიწაზე და ამბობენ 144 ათასი გადავრჩებითო. თან ყველას დაკავებული ჰქონია ადგილი სასუფეველში და მე ვინ შემიშვებს". ამის გამგონე ქალები დაიბნენ და არ იცოდნენ რა ეთქვათ. ამის შემდეგ გაბრიელ ბერმა მიუთითა შეცდომებზე და მოაქცია ჭეშმარიტებაზე".

/მონოზონი პარასკევა/

[marine]

"ყველა სექტა, ერესი და განგომილება დაფუძნებულია ამპარტავნებასა და თვითშთაგონებაზე. მართლმადიდებლობაში ავტორიტეტია მსოფლიო კრებები და წმინდა მამათა სწავლება. უფალი ამბობს: "ნეტარ იყვნენ წმიდანი გულითა, რამეთუ მათ ღმერთი იხილონ". აი, წმინდა მამებმა უფლის დახმარებით განიწმინდეს გულები ვნებებისგან. მათ მართებულად იციან უფლის ნება, რომელიც წმინდა წერილშია გადმოცემული,ხოლო მათ, ვინც ვერ განიწმინდა გული ვნებათაგან, მართებულად ვერ იგებენ წმინდა წერილს და ასეთი ადამიანები ბრკოლდებიან, უხვევენ ჭეშმარიტი გზიდან და სხვადასხვა მხარეს მიდიან. ასე ვთქვათ, დიდი ხომალდიდან პატარაში გადასხდნენ და ცხოვრების ზღვის გადაცურვას აპირებენ, შედეგად კი იღუპებიან ქვეყნიური სიბრძნის ტალღებში. ისინი გლეჯენ ტექსტებს წმინდა წერილიდან თავისი ცდომლების გასამართლებლად"

/ღირსი იოანე ბალაამელი/