ძალა მოწყალებისა... პარამეტრები

[marine]

"როდესაც მოწყალებას გულმოწყალების გამო კი არ გაიღებ, არამედ - საკუთარი თავის წარმოსაჩენად, მაშინ იგი არა მხოლოდ მოწყალება არ არის, არამედ - საწყენიცაა, რადგან ამით სახალხოდ დასცინი ძმას!"

/წმ. იოანე ოქროპირი/

[marine]

"პატივმოყვარეობას ყოველთვის უნდა ერიდო, განსაკუთრებით კი მოწყალების გაღების დროს. ამ ავადმყოფობით მოწყლული მოწყალება მოწყალების საქმე კი აღარ არის, არამედ - თავმომწონეობა და გულქვაობა!"

/წმ. იოანე ოქროპირი/

[marine]

"მოწყალების მეშვეობით ადამიანთა პატივისცემის ყიდვა ნიშნავს ყიდვას ძალიან ძვირად - ზეცის ფასად, რომელიც შენთვის მოწყალების ჯილდო უნდა ყოფილიყო!"

[marine]

"თუ ვინმემ საქებარი და უხვი მოწყალება გაიღო, მაგრამ ეს გააკეთა იმის სურვილით, რომ ქველმოქმედის დიდება მოეპოვებინა, მას მოწყალება საკუთარი პატივმოყვარეობისათვის გაუცია"

[marine]

"პავლე მოციქული ამბობს: თუ ადამიანი პურს მოგთხოვს, მიეცი და ნუ ეტყვი, ღმერთი მოგცემსო. ეს იმას ნიშნავს,რომ სხვის დასახმარებლად ყოველთვის მზად უნდა ვიყოთ"

[marine]

"ქარი ადამიანის კვალს შლის, პატივმოყვარეობა კი - მოწყალებისა"

/წმ. ნილოს სინელი/

[marine]

"ნურასოდეს ისაუბრებ იმ კეთილ საქმეზე, რომლის გაკეთებასაც აპირებ, - აღასრულე იგი ისე, რომ არ განაცხადო წინასწარ"

/წმ. ეპისკოპოსი ეგნატე (ბრიანჩანინოვი)/

[marine]

"მონანული ადამიანი ცდილობს, რაც შეუცოდავს, გამოისყიდოს კეთილი საქმით. ჭეშმარიტი სინანულის ერთ-ერთი ნიშანი გულმოწყალებაა"

[marine]

"ეს ქონებაა უფლისა, რა გზითაც არ უნდა იყოს შეგროვილი, და თუკი ჩვენ მას გლახაკებს ვუწილადებთ, დიდ სიმდიდრეს შევიძენთ"

[marine]

"ზოგიერთ ადამიანს ჰგონია, რომ თუკი ქონებას დააგროვებს და გლახაკებს დაურიგებს, ამით მოიპოვებს სასუფეველს. დაგროვება ნებისმიერ შემთხვევაში ღვთისთვის სათნო არ არის. რაც გვაქვს, ის მოწყალებად უნდა გავცეთ"

[marine]

“თუკი მოღვაწე უპოვართა და გაჭირვებულთა დასახმარებლად იწყებს მატერიალური ქონების დაგროვებას, ბოლოს კაცთმოძულეობამდეც შეიძლება მივიდეს, რადგან მისი ეს საქმე გლახაკების მიმართ მზრუნველობის მიზნით კი არ არის ნაკეთები, არამედ ვერცხლისმოყვარეობის გამო“.

[marine]

"ფულის წაღება ზეცაში მხოლოდ ეთი გზითაა შესაძლებელი, და ეს გზა მოწყალების გაღებაა"

/მღვდელი დანიელ სისოევი/

[marine]

"უპოვარება ადამიანს მცირე ასაკიდანვე უნდა შევასწავლოთ: ბავშვს მივცეთ ფული, რომ მან გლახაკებს დაურიგოს, ტაძრის შესაწირავში ჩააგდოს. ამ გზით ის გულმოწყალებას ეჩვევა. გარეგანი გულმოწყალება ადამიანს შინაგანადაც ცვლის და თანდათან გულმოწყალება მისი ბუნების თვისება ხდება"

/მღვდელი დანიელ სისოევი/

[marine]

"თუ მრავალი ნიჭი გსურთ, იყავით გულუხვნი, გაეცით მოწყალება და უფალი მადლით გადაგავსებთ, ხოლო ვინც საკუთარი ნება ფეხქვეშ გათელა, ცათა სასუფეველს მიიღებს"

/მღვდელი დანიელ სისოევი/

[marine]

"ჭეშმარიტად მოსიყვარულე ადამიანი გულგრილად ვერ შეხედავს გაჭირვებულ ადამიანს: მას ფული ერთ ჯიბეში შეუდის ად მეორედან გამოუდის. წმინდა იოანე კრონშტადტელს წელიწადში მილიონამდე მანეთი ჰქონდა შემოსავალი, მაგრამ საღამოს უკვე ხშირად 20-30 კაპიკი რჩებოდა ჯიბეში. რამდენიც შესდიოდა, იმდენს გასცემდა. საქმე იქმადმეც კი მივიდა, რომ მისმა ცოლმა სინოდში უჩივლა და მას გასამრჯელო დაუნიშნეს, რადგან მის ქმარს სახლამდე ხელფასი ვერ მიჰქონდა. წმინდა იოანე კრონშტადტელი კაცთმოყვარე იყო და იმიტომ არიგებდა, ხოლო ვინც არიგებს, მას უფალი კიდევ უფრო მეტს აძლევს აქაც და ზეცაშიც, რამეთუ ბრძანებს: "ჭეშმარიტად გეუბნებით თქვენ: არ არის კაცი, რომელმაც მიატოვოს სახლ-კარი, გინდა და-ძმები, გინდა დედ-მამა, გინდა ცოლ-შვილი, გინდა ადგილ-მამული ჩემი და სახარების გულისთვის, და ახლავე, ამჟამად, ასმაგად არ მიიღოს სახლ-კარიც, და-ძმაც, დედ-მამაც, შვილებიც და ადგილ-მამულიც, ხოლო მომავალ საუკუნეში - საუკუნო სიცოცხლე". ვისაც მოყვასი უყვარს და მოწყალების გამცემია, იგი გაცილებით მეტს მიიღებს ამ ცხოვრებაშიც და მომავალ საუკუნეშიც"

/მღვდელი დანიელ სისოევი/

[marine]

"ქველი საქმენი უნდა მივუძღვნათ მხოლოდ იმ ადამიანებს, ვისაც ეს სჭირდება, მხოლოდ და მხოლოდ მოყვასის შემწეობის მიზნით, სხვა მიზანი არ უნდა გვამოძრავებდეს"

[marine]

"თუკი ადამიანი გაჭირვებულს ეხმარება და სურს, რომ ეს სხვამაც შეიტყოს ან უბრალოდ სიკეთის ქმნა სიამოვნებს, ეს ბუნებრივი სიკეთეა, მაგრამ ჭეშმარიტია სიკეთე, როდესაც ადამიანი მას ღვთისა და მოყვასის სიყვარულის გამო აკეთებს და კეთილ საქმეში მხოლოდ ღმერთის იარაღად წარმოაჩენს თავს"

/არქიმანდრიტი მაკარი (აბესაძე)/

[marine]

"ვინც ჩაცმულს აშიშვლებს, მას მძარცველს უწოდებენ; ხოლო ვინც შიშველს არ აცმევს, თუმცა კი შეუძლია ამის გაკეთება, ღირსია კი იგი რაიმე სხვაგვარი სახელისა?"

[marine]

როგორ გვიბრუნდება უკან სიკეთე

"ერთ დღეს, კაცმა, გზის მეორე მხარეს, ავტომობილთან მდგომი ხანში შესული ქალი შენიშნა.

მიუხედავად სიბნელისა, აშკარად ჩანდა, რომ მას დახმარება სჭირდებოდა.

როდესაც კაცი ქალის ავტომობილს მიუახლოვდა, ის იღიმებოდა, თუმცა ეტყობოდა, რომ რაღაც აწუხებდა.

"საათზე მეტია, რაც აქ ვდგავარ და არავინ გაჩერდა დასახმარებლად, - შესჩივლა ქალმა და თან უცნობ მამაკაცზე ფიქრობდა: "ხომ შეიძლება რამე დამიშაოს? მშიერი და ღარიბი ჩანს, მე კი ერთი დაუცველი ქალი ვარ".

როგორც ჩანს, კაცი ხვდებოდა, თუ რას გრძნობდა ქალი.

"რით შემიძლია დაგეხმაროთ? ავტომობილში რატომ არ ზიხართ, იქ ხომ უფრო თბილა? - ჰკითხა მან თანაგრძნობით ქალს და ყოველგვარი ეჭვი გაუფანტა, - მე ბრაიან ანდერსონი გახლავართ".

ქალბატონის ავტომობილს ბევრი არაფერი სჭირდა, ბრაიანმა იოლად შეაკეთა, ეგ იყო - ხელები დაესვარა.

ვიდრე ბრაიანი ავტომობილთან ცოდვილობდა, ქალი მას საუბრით ართობდა. აღმოჩდა, რომ ამ უბანს არ იცნობდა.

"დიდად მადლიერი ვარ, რომ დამეხმარეთ", - უთხრა მან ბრაინს.

ბრაინს გაეღიმა და ავტომობილის შემოწმება განაგრძო. შეკეთების შემდეგ ქალმა ჰკითხა, - "წარმომიდგენია, რამდენ ხანს მომიხდებოდა აქ ყოფნა, თქვენ რომ არ გამოჩენილიყავით. რამდენი უნდა მოგართვათ გასამრჯელოდ? ყველანაირ თანხაზე თანახმა ვარ".

ბრაიანს ეს წამითაც არ გაუვლია გულში. ის ადამიანს ეხმარებოდა, რომელსაც დახმარება სჭირდებოდა; ღმერთმა იცის, რამდენს გაუწვდია დახმარების ხელი მისთვის წარსულში. ის ასე ცხოვრობდა და არ შეეძლო სხვაგვარად მოქცეულიყო.

"თუ ნამდვილად გსურთ მადლობა გადამიხადოთ, - უთხრა მან ქალბატონს, - როცა მომავალში ვინმე გაჭირვებულს ნახავთ, დაეხმარეთ და მე გამიხსენეთ!"

ამის შემდეგ კაცი ქალს დაემშვიდობა და არ დაუძრავს მანქანა, ვიდრე ქალის ავტომობილი ბინდში არ ჩაიკარგა.

რამდენიმე მილის გავლის შემდეგ ქალმა პატარა სასადილო დაინახა. ძლიერ მოშიებული იყო, ავტომობილი გააჩერა. სასადიილო ღარიბული ჩანდა. მიმტანი, ახალგაზრდა ქალი ღიმილით მიესალმა ქალბატონს, რომელმაც ვახშამი შეუკვეთა. მიმტანს ღიმილი სახიდან არ შორდებოდა, მიუხედავად იმისა, რომ დაღლილი იყო მთელი დღე ფეხზე ტრიალით. ამავე დროს, ქალმა შეამჩნია, რომ იგი 7-8 თვის ორსული იქნებოდა. "ასეთ ღარიბ და გაჭირვებულ ადამიანს, როგორ შეუძლია ამდენის გაცემა", - გაიფიქრა და მაშინვე ბრაიანი გაახსენდა.

როდესაც ვახშამი დაასრულა, ქალმა ასდოლარიანი ბანკნოტი გაუწოდა ოფიციანტს. მიმტანი ხურდის მოსატანად წავიდა. როდესაც უკან დაბრუნდა, იქ არავინ დახვდა. გაკვირვებულმა მაგიდის ალაგება დაიწყო და გადაშლილი უბის წიგნაკი შენიშნა, რომელზეც რაღაც ეწერა.

მიმტანს თვალზე ცრემლი მოადგა, როდესაც წაიკითხა:

"შვილო, თქვენ ჩემი არაფერი გმართებთ. ცოტა ხნის წინ მეც თქვენსავით მჭირდებოდა დახმარება და ისევე უანგაროდ დამეხმარნენ, როგორც ახლა თქვენ გეხმარებით. და თუ ნამდვილად გსურთ მადლობის გადახდა, გთხოვთ, ნუ გაწყვეტთ სიკეთისა და სიყვარულის ამ ჯაჭვს".

წიგნაკის ქვეშ კიდევ 4 ასდოლარიანი ბანკნოტი იდო.

მიუხედავად იმისა, რომ უამრავი საქმე ჰქონდა, მიმტანს მთელი საღამო გონებიდან არ სცილდებოდა უცნობი ქალი და მისი სიტყვები.

როცა ღამით დაღლილი შინ დაბრუნდა და საყვარელ ქმარს გვერდით მიუწვა, რომელსაც მის ლოდინში ჩასძინებოდა, ახალგაზრდა ქალი ფიქრობდა:

"როგორ მიხვდა უცნობი, რომ ჩვენ ეს ფული ასე გვჭირდებოდა? არადა, როგორ წუხდა ამის გამო ჩემი უიღბლო ქმარი, რომელმაც სამსახური ახლახან დაკარგა..."

ცოლმა ქმარს ნაზად აკოცა და ჩუმად ჩასჩურჩულა:

"ყველაფერი რიგზეა. მე შენ მიყვარხარ, ბრაიან".

[marine]

"თუ შენ ღვთისთვის პაწაწინა ლეპტას გაიღებ, იგი ოქროთი მოგაგებს"