ჯვარი, ქრისტიანული რელიგიის სიმბოლო პარამეტრები

[marine]

"ერთხელ ოთხი ექიმი ქალი სისხლს მიღებდა. მოვიდა პირველი - დამტანჯა, მაგრამ ვენა ვერ იპოვა. მეორე მოვიდა - იგივე. მოდის მესამე - ამ სფეროში დიდი სპეციალისტი - უშედეგოდ. ამ დროს გვერდით მეოთხე მიდიოდა: დაინახა, რომ მაწამებდნენ, გადაწყვიტა, მასაც ეცადა. თავიდან პირჯვარი გადაისახა და მაშინვე იპოვა ვენა, იმიტომ რომ შემწეობა ღმერთს სთხოვა. დანარჩენები კი მხოლოდ საკუთარ თავს იყვნენ მინდობილნი".

/ღირსი პაისი მთაწმინდელი/

[marine]

"ჯვარი გახლავთ სიმბოლო ჩვენი სულიერი გამარჯვებისა!"

/მეუფე შიო (მუჯირი)/

[marine]

"ეკლესიის სწავლებით, ჯვარი გახლავთ ხატი, ხატება, როგორც ხატებზე ვამბობთ. ეს ნათქვამია ლოცვებში წმინდა ჯვრისადმი, რომ ჯვარიც ხატებაა, ჯვარიც ხატია; მაგრამ რისი? ვისი? როგორც გითხარით, საეკლესიო ლოცვებსა და კანონებში ჯვრისადმი წერია, რომ ჯვარი არის ხატება, ხატი თვით სამგვამოვანი ღმერთისა! თვით ყოვლადწმინდა სამების ხატია წმინდა ჯვარი!"

/მეუფე შიო (მუჯირი)/

[marine]

"როდესაც აღიმართება ჯვარი, ეს ნიშნავს, რომ ჩვენ წინაშე არის ძალა ღვთისა, რომელიც არის ამ ჯვარცმაში, რომელიც არის ამ ჯვარში და რომ ეს ძალა ყოველთვის ჩვენთან არის, რაც უნდა უძლურები ვიყოთ, რაც უნდა დაცემულები ვიყოთ, რაც უნდა გვიჭირდეს სინანული, გამოსწორება, ცოდვის დამარცხება ჩვენში!"

/მეუფე შიო (მუჯირი)/

[marine]

"ქრისტეს ჯვარი დღესაც წმინდანთა, ქრისტეს მორწმუნეთა და მოწაფეთა ცხოვრების განუყოფელი ნაწილია. იგი ამშვენებს ჩვენს ცხოვრებას, განგვანათლებს ქრისტეში, გვძენს გამოცდილებას, გვამზადებს აღდგომისთვის, მარადიული ცხოვრებისათვის".

/არქიმ. გიორგი (კაფსანისი)/

[marine]

"ქრისტოს იანარასი წერს, რომ "ქრისტიანები პირჯვარს იწერენ, ამით ინდივიდუალური თვითკმარობის ნებაყოფლობით უარყოფას და საკუთარი სიცოცხლის მამისა და ღმერთის ხელში მსხვერპლად გადაცემას გამოხატავს"

[marine]

"ჯვარი, სიცოცხლის გამოვლინებაა და ამ სიცოცხლეზე ეკლესიაა დაფუძნებული, ჯვარი მორწმუნეთა იმედია, მიცვალებულთა საფლავებზე ჯვარს შემთხვევით არ დგამენ, რადგან მიცვალებულთა ცოცხალთა სასუფეველში შესვლა ჯვრით დასტურდება"

[marine]

"ჯვარს რომ ვატარებ, მე ამით ვაღიარებ ჯვრის ძალას; ჯვარი მუდმივად მახსენებს, რომ უნდა ვიცხოვრო ჯვარცმულად და მხოლოდ იმიტომ არ მიკიდია, რომ დამიცვას"

/მამა გურამ ოთხოზორია/

[marine]

"პირჯვრის წერა ლოცვის გარეშეც კი გადამრჩენელ ძალას ფლობს, მთავარია, სწორად გამოვისახოთ პირჯვარი, გააზრებულად, მოწიწებითა და აუჩქარებლად"

[marine]

"ქრისტიანული ჩვეულება გულზე წმ. ჯვარის ტარებისა დაიწყო პირველ საუკუნეში. წმ. მოწამის ორესტის ცხოვრებაში მოთხრობილია შემდგომი: წმ. ორესტი მსახურობდა სამხედრო სამსახურში, ერთხელ მხედართმთავარმა ლისიმ მოსთხოვა ორესტის, რომ მას გამოეჩინა სიამრჯვე ისრის სროლაში. ხელის ძლიერი მოძრაობის გამო წმ. ჯვარი, რომელიც მას გულზე ეკიდა, გამოუჩნდა და ამგავრად გაიგეს, რომ ორესტი ქრისტიანი იყო. დაინახა თუ არა ჯვარი, კერპთაყვანისმცემელმა ლისიმ ჰკითხა წმ. ორესტს: "ნუთუ შენც იმათგანი ხარ, რომელთაც წილი უძევთ ჯვარცმულთან?" წმ. მოწამემ მტკიცედ უპასუსა: "მონა ვარ ჯვარცმულისა, მეუფისა ჩემისა და მის ამ ნიშანს ვატარებ განსადევნელად ყოველ ბოროტებისა, ჩემდამო მოწევნულისა"... და დაითმინა წვალება ქრისტეს სახელისათვის"

[marine]

"ჯვრისთვის ვიბადებით ჩვენ ქვეყანაზე, ჯვრით ვცოცხლობთ და ჯვრითვე აღვესრულებით"

[marine]

"ცხოვრებაში ჯვრის ტვირთვა გარდაუვალია. რატომ? იმიტომ რომ, რადგანაც ჩვენი ცხოვრების წინამძღვარი ჯვარზე ავიდა, ჩვენც უნდა ავიდეთ. ეს ჯვარი ერთი მხრივ ტკბილია და მსუბუქი, მეორე მხრივ კი - მწარე და მძიმე. ეს ჩვენს განწყობაზეა დამოკიდებული. თუ სიყვარულით მიიღებ ქრისტეს ჯვარს, ის ძალიან მსუბუქია, თითქოს ბამბა იყოს. ხოლო თუ საპირისპირო მხრიდან მიუდგები, მაშინ მძიმე და გაუსაძლისია"

/ღირსი ეფრემ კატუნაკელი/

[marine]

"მე მქვია მაქსიმი, ვარ დონეცკიდან. შემემთხვა ნამდვილი სასწაული.

მოვხვდი სროლის პოლიგონთან და ჩემს გვერდით აფეთქდა ნაღმი.

მე ვიგრძენი ძლიერი დარტყმა მკერდში - მაგრამ ნაღმის ნამსხვრევი მოხვდა არა ჩემს სხეულს, არამედ სამკერდე ჯვარს.

ჯვარი გაიღუნა, მაგრამ მე გადამარჩინა, ასე უფალმა გადამარჩინა თავისი ჯვრის მეშვეობით."

[marine]

"საუკუნეთა მანძილზე მრავალთ უნდოდათ დაემხოთ ჯვარი, მაგრამ ვერ შეძლეს, - ჯვარი უძლეველია, ჯვარი გამარჯვებულია"

/კათოლიკოს-პატრიარქი ილია II/

[marine]

"წმიდა ელენეს იერუსალიმიდან ბიზანტიაში ჩამოსვლისთანავე ქრისტესმოყვარე მეფე კონსტანტინემ სამი დიდი ჯვარი აღმართა. სამივე ძვირფასი მასალისგან დაამზადებინა და ზედ წააწერა "იესო ქრისტემ გაიმარჯვა".

[marine]

"ჯვრით დაცულს ვერ ძლევენ მტრები; იგი ყოველთვის უვნებელი რჩება"

[marine]

"თუ აიღებ ჯვარს, მაშასადამე, ამით უკვე ომს უხადებ ეშმაკს. მაშასადამე, გახსოვს, რომ ყველაფერი ღვთისგანაა და მთლიანად მის ნებას დამორჩილებული, ყველაფერს სიხარულით მიიღებ"

/მთავარეპისკოპოსი იოანე შახოვსკოი/

[marine]

"ვინც უარს იტყვის ჯვრის ტარებაზე, ვერ გაექცევა ვნებების მონობას და "ხორცისაგან მოიმკის ხრწნილებას"

/ღირსი სოფრონი (სახაროვი)/

[marine]

"გაღვიძებისთანავე, როცა ადამიანი ჯერ კიდევ საწოლში წევს, ანგელოზიც და ემშაკიც ელოდებიან თუ ვის გადასცემს ადამიანი თავს. ამიტომ სულის ხსნისთვის ადამიანი მაშინვე უნდა გადაიწეროს პირჯვარი და ემთხვიოს გულსაკიდ ჯვარს სიტყვებით: "უფალო! ხელთა შენთა შევვედრებ სულსა ჩემსა დღეინდელსა ამას დღესა".

[marine]

"ყოველი ჩვენგანი მაცხოვრის ჯვრის ცხოველსმყოფელი ძალის თანაზიარი მხოლოდ საკუთარი ჯვრის ტვირთვის შედეგად ხდება! როდესაც ჩვენი ჯვარი ქრისტეს ჯვარს უერთდება, ჩვენზე გადმოდის მაცხოვრის ჯვრის მაცხოვნებელი ძალა და იგი იქცევა "არხად", რომლის საშუალებით გარდამოედინება ჩვენზე მადლი და წყალობა ღვთისა. მაშასადამე, ჩვენ საცხოვნებლად თითოეული ჩვენგანის ჯვარი ისეთივე აუცილებელია, როგორც თავად ქრისტეს ჯვარი!"

/წმ. თეოფანე დაყუდებული/