სიზმარი და სიზმრის მართვა პარამეტრები

[marine]

"ერთ ქალს სიზმარში წმინდა სერაფიმე საროველი გამოეცხადა და არქიმანდრიტ ზაქარიასთან მისი ძროხის რძის მიტანა უბრძანა. რადგანაც თვითონ წასლვა ვერ შეძლო, რძე ნაცნობს მიუტანა და მამა ზაქარიასთან მისი გადაცემა სთხოვა. როცა ბერმა გაიგო, ვისი გამოგზავნილი იყო ეს ნობათი, რძეს რამდენჯერმე ჯვარი გადასახა და თქვა: ისეთ ქალს, როგორიც ის არის, არ შეიძლებოდა წმინდანი დასიზმრებოდა. ეს დემონისგანაა და რძე უკან გაატანა"

/დეკ. დავით ციცქიშვილი/

[marine]

"სიზმარი ადამიანის ფხიზელი ცხოვრების ერთგვარ ასლს, სარკეს წარმოადგენს და ამ დროს ხშირად იმით არიან დაკავებულები, რასაც მათი გონება ცხადში უტრიალებს"

/დეკ. დავით ციცქიშვილი/

[marine]

"მაშასადამე, სიფრთხილე გვმართებს იმ გულისსიტყვებთან, რომლებიც გაღივძებისთანავე მოდის. სიზმრები, წარმოსახვები, კარგი თუ ცუდი, რაც ძილმა დაგვიტოვა, მაშინვე უნდა ამოვშალოთ მეხსიერებიდან და დაუყოვნებლივ მოვუხმოთ ქრისტეს სახელს, როგორც ჩვენი სულის სუნთქვას"

/არქიმანდრიტი ეფრემ არიზონელი/

[marine]

"სიზმრებს ყურადღებას ნუ მიაქცევთ, სიზმრები მზაკვრისაგანაა - რომ არიოს ადამიანი, აზრები აღუმღვრიოს"

/მართალი მატრონა მოსკოველი/

[marine]

"ბრძენი მოხუცი თეოსტერიქტი, რომელმაც შეადგინა პარაკლისი ყოვლადწმინდა ღვთისმშობლისადმი, სიზმრების დაჯერებით ისე მოიხიბლა, რომ გარდაიცვალა"

/ღირსი იოანე ბალაამელი/

[marine]

"ვისაც სჯერა სიზმრების, ჰგავს კაცს, რომელიც თავის ჩრდილს დასდევს და ცდილობს, ის ხელში ჩაიგდოს (სიზმრების შესახებ წმინდა იოანე კიბისაღმწერელი). სიზმრები, უმეტესწილად, სხვა არაფერია, თუ არა აზრების კერპები, ფანტაზიის თამაში ან, როგორც უკვე ვთქვი, დემონების მიერ ჩვენი შეურაცხყოფა და გართობა ჩვენზე".

/ღირსი იოანე ბალაამელი/

[marine]

"ქრისტიანი ასკეტი მოძღვრები ასწავლიან, რომ განსაკუთრებული ყურადღება არ მიაქციონ არცერთ მოვლენას, რომლებიც კი სულიერ და სხეულებრივ გრძნობებს წარმოუდგება. ასწავლიან, რომ ყველა მოვლენისადმი დაიცვან კეთილგონივრული გულგრილობა, მაცხოვნებელი სიფრთხილე. არსებობს სიზმარი ღვთისაგან, რისი მაგალითი და საბუთიც იოსების სიზმრებია, მაგრამ სიზმრებისა და ჩვენებების მხილველის მდგომარეობა სახიფათოა, ძალიან ახლოა თავის მოტყუებასთან, ჩვენი ნაკლოვანებების ხედვა - აი, უსაფრთხო ჩვენება! "სული შემუსვრილი და დამდაბლებული" - აი, არსებითად სასარგებლო მდგომარეობა, რომლისთვისაც უცხოა თავის მოტყუება, მდგომარეობა, რომელსაც იწონებს ღმერთი! განსჯა, რომელსაც შეუძლია ჩასწვდეს, შეაფასოს და განმარტოს ხილვა, მხოლოდ სულიერ ღვაწლში წარმატებულთა თვისებაა: იგი ხანგრძლივ დროში შეიძინება. იგი ღვთის ნიჭია. ღვთის ეს ნიჭი წმინდა იაკობს ჰქონდა: მან გააჩერა ძე, რომელიც წინასწარმეტყველურ სიზმარს ყვებოდა, ხოლო თვითონ, როგორც წმინდა წერილი მოწმობს, მეხსიერებაში შეინახა მისი სიტყვები, რომლებიც სულიწმიდის ცხების ნიშანს ატარებდა"

/წმინდა მღვდელმთავარი ეგნატე ბრიანჩანინოვი/

[marine]

"შენი სიზმარი სხვას არ უნდა მოუყვე"

/ოპტინელი ბერ-მოძღვრები/

[marine]

"მრავალჯერ მითქვამს თქვენთვის და ახლაც იმავეს გაგიმეორებთ: არ უნდა დავუჯეროთ სიზმრებს, რადგან ჩვენ გაგვიჭირდება იმის გარკვევა, რომელია ღვთისგან და რომელი - ეშმაკებისგან. ეშმაკი ხომ ყოველ ნაბიჯზე აგებს თავის მახეებს, რომ გაუფრთხილებელი ადამიანები შიგ ჩაითრიოს. წმინდა იოანე კიბისაღმწერელი ამბობს, რომ მხოლოდ იმ სიზმრების უნდა გვჯეროდეს, რომლებიც მარადიულ სატანჯველზე დაგვაფიქრებენ. მაგრამ თუ ასეთი სიზმრები გახშირდება, მათაც აღარ უნდა მივაქციოთ ყურადღება, რადგან ჩანს, რომ ამით მტერს სურს, მოწყინებასა და სასოწარკვეთილებაშიც კი ჩაგვაგდოს"

/წმ. ბარსანოფი ოპტინელი/