მარკოზის სახარება, განმარტება იგავისა მთესველზე პარამეტრები

[აბე]

გამარჯობათ.
არ მაქვს სახარების განმარტებები და დამაინტერესა მარკოზის სახარებიდან რამოდენიმე ადგილმა. იქნებ განმიმარტოთ ვინმემ, ან ინტერნეტში თუ არის განმარტებები სადმე ?

იგავი მთესველზე
(მთ. 13,3-17; ლკ. 8,4-9)

14. მთესველი სიტყვას თესავს. 15. ხოლო ესენი არიან, რომლებიც გზასთან არიან, სადაც ითესება სიტყვა და, როდესაც ისმენენ, მყისვე მოდის სატანა და ართმევს სიტყვას, დათესილს მათს გულში.

16. და ესენი არიან კლდოვანზე დათესილნი, რომლებიც, როდესაც ისმენენ სიტყვას, მყისვე სიხარულით იღებენ

17. და არა აქვთ ფესვი თავის თავში, არამედ დროებითნი არიან; როცა იქნება გაჭირვება ან დევნა ამ სიტყვის გამო, მყისვე დაბრკოლდებიან.

18. და ესენი არიან ეკლებში დათესილნი, რომლებიც სიტყვას ისმენენ,

19. და ამსოფლის საზრუნავი და სიმდიდრის საცდური და სხვა გულისთქმები შედიან და აშთობენ სიტყვას და უნაყოფო ხდება.

20. და ესენი არიან კარგ მიწაზე დათესილნი, რომლებიც ისმენენ სიტყვას და იღებენ და გამოაქვთ ნაყოფი: ერთი - ოცდაათად და ერთი - სამოცად და ერთი - ასად.

21. და უთხრა მათ: განა მოაქვთ სანთელი, რომ საწყაოს ქვეშ დადგან ან სარეცლის ქვეშ? განა სასანთლეზე არ დგამენ?

22. რადგან არ არის საიდუმლო, რომელიც არ გაცხადდება, არც იქნება დაფარული, არამედ მოვა გაცხადებულად.

23. თუ ვინმეს აქვს ყურები სასმენად, ისმინოს.

24. და ეუბნებოდა მათ: იხილეთ, რაც გესმით: რა საწყაოთიც მიუწყავთ, მოგეწყვებათ თქვენ და შეგემატებათ თქვენ, რომლებიც ისმენთ.

25. რადგან, ვისაც აქვს, მიეცემა მას და, ვისაც არა აქვს, რაც აქვს, წაერთმევა მას.



მაინტერესებს სულ ბოლო ფრაზის განმარტება. "რადგან, ვისაც აქვს, მიეცემა მას და, ვისაც არა აქვს, რაც აქვს, წაერთმევა მას".
მადლობა წინასწარ ყველას.