მსოფლიოს მართლმადიდებელ ეკლესიათა პატრიარქები, პატრიარქები პარამეტრები

[A.V.M]

რუსული მართლმადიდებელი ეკლესია აფხაზეთს მოუწოდებს, ქართულ ეკლესიასთან მიმართებაში კანონები დაიცვას
რუსული მართლმადიდებელი ეკლესია აფხაზეთს მოუწოდებს, დაიცვას კანონები ქართულ ეკლესიასთან მიმართებაში. ამის შესახებ ნათქვამია რუსეთის საპატრიაქროს საგარეო ურთიერთობათა განყოფილების მიერ გავრცელებულ ინფორმაციაში, რომელიც სოჭში გამართულ შეხვედრას ეხმაურება.

როგორც ინფორმაციაშია აღნიშნული, სოჭში გამართულ შეხვედრას ესწრებოდნენ ბორჯომისა და ბაკურიანის ეპარქიის მიტროპოლიტი, მეუფე სერაფიმე, აფხაზეთის დე-ფაქტო პრეზიდენტი ალექსანდრე ანქვაბი და მოსკოვისა და სრულიად რუსეთის საპატრიაქროს საგარეო ურთიერთობათა დეპარტამენტის ხელმძღვანელი, მიტროპოლიტი ილარიონი.

როგორც მიტროპოლიტმა ილარიონმა აღნიშნა, პრობლემების გადაწყვეტა შესაძლებელია ეკლესიური კანონმდებლობის დაცვით.

ე.წ. პრეზიდენტმა, ალექსანდრე ანქვაბმა კი აღნიშნა, რომ ქართულ მართლმადიდებლურ ეკლესიასთან სულიერი კავშირი დიდი ხანია, დაკარგულია და აღარ აღდგება.

"სულიერი კავშირი აფხაზეთის მართლმადიდებელ სასულიერო პირებს, აფხაზ ხალხსა და საქართველოს მართლმადიდებელ ეკლესიას შორის დიდი

ხანია, დაიკარგა და აღარ აღდგება", - განაცხადა ანქვაბმა.
მეუფე სერაფიმემ კი, ხაზი გაუსვა სამშვიდობო ღვთისმსახურების აუცილებლობას, რომელიც მიმართულია ხალხებს შორის მეგობრობის გამყარებისკენ.

როგორც რუსეთის საპატრიარქოს მიერ გავრცელებულ ინფორმაციაშია ნათქვამი, შეხვედრის მონაწილეებმა გამოთქვეს სურვილი, მსგავსი კონსულტაციები მომავალშიც, სხვადასხვა ფორმატშიც გაგრძელდეს.


წყარო/Source: http://www.ambebi.ge/sazogadoeba/74738-rus...l#ixzz2P11R0Yjo

[A.V.M]

გადადგა ჩეხეთისა და სლოვაკეთის მიტროპოლიტი უნეტარესი ქრისტეფორე
12/04/2013
ავტორი: დავით ხოსიტაშვილი
12 აპრილს წმინდა სინოდის სხდომაზე გადაგომის შესახებ განცხადება გააკეთა უნეტარესმა ქრისტეფორემ, მიტროპოლიტმა ჩეხეთისა და სლოვაკეთისა. უნეტარესი ქრისტეფორეს მიერ დღესვე მოეწერა ხელი მინდობილობას, რომლის მიხედვითაც ეკლესიის მეთაურის პოსტს დროებით ოლუმოცკო-ბრენსკის მთავარეპისკოპოსი სიმეონი შეასრულებს. მეუფე სიმეონის პრესსამსახურის განცხადებით მიტროპოლიტმა ქრისტეფორემ თავისი გადაწყვეტილება შეაფასა როგორც ეკლესიის ერთიანობის შენარჩუნებისათვის აუცილებელი ნაბიჯი.

შეგახსენებთ, რომ მიტროპოლიტ ქრისტოფორეს შესახებ მედიაში ვრცელდებოდა ინოფორმაცია იმის შესახებ, რომ ის სისტემატიურად არღვევდა მონაზვნურ აღთქმას და არაკანონიერი შვილები ჰყავდა. ქრისტეფორეს განცხადებით ის მზად არის იურიდიულად დაამტკიცოს თავისი სიმართლე ამ საკითხთან დაკავშირებით.

ბექა ებრალიძე
http://www.orthodoxtheology.ge/%E1%83%92%E...83%9D%E1%83%95/

[A.V.M]

სერბეთის ეკლესიის ღია მიმართვა
26/04/2013
ავტორი: სერგო ფარულავა
სერბეთის პატრიარქმა და წმინდა სინოდის წევრებმა გააკეთეს ღია მიმართვა სერბეთის პოლიტიკური ხელმძღვანელობის მისამართით. ძირითადი აზრი მიმართვისა იყო დაფიქსირება ეკლესიის პოზიციისა მიმდინარე მოლაპარაკებებთან დაკავშირებით, რომელთა შედეგიც შეიძლება გახდეს კოსოვოს ფორმალური დამოუკიდებლობის აღიარება სერბეთის მხრიდან. კოსოვოს დამოუკიდებლობის ფაქტიური აღიარების თემა ხშირად ისმის მოლაპარაკებებში სადაც აქტიურად მონაწილეობენ ევროპელი და ამერიკელი პოლიტიკოსები, მათი მხრიდან ეს ისმის როგორც პირობა სერბეთის შემდგომი ინტეგრაციისთვის ევრო კავშირში. პარტიარქის მიმართვის ადრესატები არიან სერბეთის პრეზიდენტი ტომისლავ ნიკოლოჩი, პრემიერ-მინისტრი ივიცა დაჩიჩი და პირველი ვიცე-პრემიერი ალექსანდრე ვუჩიჩი.
“სერბეთისთვის და მისი ხალხისთვის ამ ურთულეს, გადამწყვეტ და შეიძლება ითქვას საბედისწერო მომენტში , ჩვენ მოგმართავთ თქვენ სერბეთის მართმადიდებლური ეკლესიის სახელით, მოგმართავთ მამობრივი და ძმური მზრუნველობით და გთხოვთ პატივი სცეთ თქვენს რწმენას და მოუხმოთ პატრიოტულ თვითშეგნებას და არ დაგავიწყდეთ სახელმწიფროებრივი პასუხისმგებლობა – ნახსენებია მიმართვაში,- ჩვენ არ მოგმართავთ თქვენ ჩვეულებრივი მეთოდით , არამედ მოგმართავთ ღიად, ჩვენ ამას ვაკეთებთ რიგი მიზეზების გამო, რომელთა შორის უმთავრესია დროის უქონლობა (ბრიუსელის ულტიმატუმის ვადა) და ამიტომ საჭიროა ყველაზე დამაჯერებელი მეთოდით უარი ეთქვას იმ უპასუხისმგებლო სიცრუეს, რომელიც ვრცელდება ამ ბოლო დროს გარკვეული პიროვნებების მიერ საინფორმაციო საშუალებებით ისინი ამტკიცებენ რომ თითქოს ჩვენი ეკლესია სდუმს კოსოვოს თემასთან დაკავშირებით.
ეკლესია თავისი მსახურების ბუნებიდან არ შეიძლება იყოს წინააღმდეგი ევროპელი ხალხის გაერთიანებისა და ასევე არ მოდის წინააღმდეგობაში კიდევ უფრო ღრმა პროცესების გაერთიანების გზაზე. ამასთან ერთად ეკლესია არის წყარო ისტორიულიად სწავლებისა, ხალხთა გაერთიანებისა ღმერთისკენ მიმავალ სწავლებაში. მაგრამ დღეს ჩვენ ამაზე არ გვაქვს საუბარი. დღეს სერბეთისგან ულტიმატუმის ენით ითხოვენ ფაქტიურად განზე გადგომას კოსოვოსა და მეტოქიისაგან, ჩვენი ეკლესიურობის საწყისი წყაროდან, წყაროდან რომლიდანაც აღმოცენდა სამოქალაქო და სახელმწიფო წყობა და იქ არის დატოვებული ჩვენი წინაპართა კვალი, კვალი სერბი ხალხისა იმათ ძალაუფლების ქვეშ ვინც მისი დიდი ნაწილი ან გაანადგურა ან განდევნა ქვეყნიდან გაურკვეველი და ბუნდოვანი მოლაპარაკებების დასაწყებად, მოლაპარაკებებისა რომლის შედეგსაც წინასწარვერავინ ვერ წარმოიდგენს
დღევანდელი ევროპული გაერთიანების სულისკვეთება სამწუხაროდ არ მიესადაგება ძველი და კეთილი ევროპის სულისკვეთებას” ნათქვამია მიმართვაში. ჩვენ როგორც ადრე ისევე ვართ მომხრენი თავისუფალი სულიერი და ეკონომიური გაერთიანების იდეისა ევროპული სახელმწიფოების, და მათ შორის მოვიაზრებთ სერბეთსაც. ჩვენ ღრმად გვჯერა რომ არც-ერთი სერბეთის სახელმწიფო მოღვაწე, მათ შორის დღევანდელი ხელისუფლებაც არ სარგებლობს უფლებით და არ აქვთ მანდატი რომ მიიღონ პირობები რომლებიც არ ჰქონია წაყენებული არცერთ კანდიდატ ქვეყანას როგორც ევროპაში გაერთიანების პირობად. ამ გაერთიანების წევრობის ბილეთი საკმაოდ ძვირია ჩვენთვის. სერბეთი ვერ დაეთანხმება იმას, რომ წინასწარ გადაიხადოს ასეთი ფასი იმ პროდუქტში რომელიც შეიძლება არასდროს არ იყოს მოწოდებული. სერბეთს ეს არასდროს გაუკეთებია მიუხედავად იმ სირთულეებისა რომლის გამო მას უგემია საუკუნეეების მანძილზე..

თქვენი, ხელისუფლებაში მყოფთა მთავარი წინასაარჩევნო პირობა, იყო ის რომელმაც თქვენ მოგიტანათ ხალხის ნდობა იმ ცუდ და გაურკვეველ პერიოდში და რითიც თქვენ მოგენიჭათ უფლება განგესაზღვრათ სერბეთის კურსი , რომ არანაირი პირობებით თქვენ არ დათმობდით, არ გადასცემდით და არ გაყიდიდით კოსოვოს და მეტოქიას, ისტორიულ უძველეს სერბეთს.

ჩვენ, მღვდელთმთავარნი სერბეთის მართლმადიდებლური ეკლესიისა დარწმუნებული ვართ რომ გამოვხატავთ და წარმოვადგენთ ინტერესებს მთლიანად ჩვენი მრევლისა და ამიტომ ვალდებულად ვთვლით თავს რომ შეგახსენოთ თქვენს მიერ დადებული წინასასარჩევნო პირობა და გარწმუნებთ რომ ჩვენ დიდი უმრავლესობა სერბეთის მოსახლეობასთან ერთად ველოდებით თქვენს მიერ ამ დაპირების ასრულებას. ჩვენ ამას ვაკეთებთ დღეს იმიტომ რომ მთლიანად აღვიქვამთ ამ მომენტის ტრაგედიულობას და პასუხისმგებლობას რომლებიც თქვენს მხრებზე დევს” – ნათქვამია ღია მიმართვაში რომელიც გამოაქვეყნა სერბეთის მართმადიდებლური ეკლესიის საიტმა და გავრცელდა ბეჭდურ მედიაშიც.

მოამზადა: ბაჩო გაბუნიამ

წყარო: http://www.pravoslavie.ru

[A.V.M]

დაძაბულობა იერუსალიმის და ანტიოქიის ეკლესიებს შორის
02/05/2013
ავტორი: სერგო ფარულავა
იერუსალიმის საპატრიარქოს ოფიციალური განცხადება ყატარის იურისდიქციული კუთვნილების შესახებ.

ყატარი ყოველთვის ეკუთვნოდა იერუსალიმის მართლმადიდებელ ეკლესიას – მიიჩნევს პატრიარქი თეოფილე
იერუსალიმი. იერუსალიმის პატრირქმა თეოფილე III -მ ოფიციალური წერილით უპასუხა ანტიოქიის მართლმადიდებელი ეკლესიის პროტესტს ყატარის მთავარეპისკოპოსად არქიმანდრიტ მაკარის დადგინების შესახებ. ანტიოქიის მართლმადიდებელი ეკლესიის სინოდმა აღნიშნა, რომ მიღებული გადაწყვეტილება არაკანონიერია, რადგან ყატარი იმყოფება ანტიოქიის საპატრიარქოს იურისდიქციაში.
იერუსალიმის საპატრიარქოს პასუხში ნათქვამია რომ თეოფილე ΙΙΙ და იერუსალიმის ეკლესიის სინოდი წუხს წარმოქმნილი გაუგებრობის გამო, მაგრამ არ შეუძლია სინოდის გადაწყვეტილების გაუქმება, რამდენადაც ყატარი ყოველთვის ეკუთვნოდა იერუსალიმის ეკლესიას როგორც ნაწილი „არაბეთისა“, რომელიც იხსენიება იერუსალიმის პატრიარქის ოფიციალურ ტიტულშიც: „პატრიარქი წმიდისა ქალაქისა იერუსალიმისა და სრულიად პალესტინისა, სირიისა, არაბეთისა, ტრანსიორდანისაა, კანის გალილეისა და წმინდა სიონისა“. გარდა ამისა, ცნება „სრულიად პალესტინა“ მოიცავს ბიზანტიურ პროვინციის პალესტინა “მესამის”, ბუნებრივ გაგრძელებას, რომელსაც წარმოადგენს არაბეთის ნახევარკუნძული.
წერილში აღნიშნულია რომ არაბეთის ნახევარკუნძულის სირიელი-იაკობიტები, განსაკუთრებით კი იემენისა, დაკავშირებული არიან სირიასთან, მაგრამ იურისდიქციული გაყოფა მონოფიზიტური სირიულ-იაკობიტური ეკლესიისა სხვაა, ვიდრე მართლმადიდებელი ეკლესიებისა.
1997 წელს იერუსალიმის პატრიარქმა დიოდოროსმა ყატარის მართლმადიდებელ სამწყსოზე ზრუნვისთვის არქიმანდრიტი თეოფილე (ამჟამინდელი პატრიარქი თეოფილე III ) დანიშნა. 1999 წლის ნოემბერში პატრიარქი დიოდოროსი ეწვია ყატარს. 2001 წელს არქიმანდრიტი თეოფილე შეცვალა არქიმანდრიტმა მაკარმა, რომელმაც ააშენა ღირსი ისააკ ასურისა და დიდმოწამე გიორგის სახელობის ტაძარი. 2010 წელს პატრიარქი თეოფილე III ოფიციალური ვიზიტით ეწვია ყატარს. მთელი ამ დროის მანძილზე ანტიოქიის საპატრიარქოს მხრიდან არანაირი პროსტესტი არ გამოთქმულა.
წერილში ნათქვამია რომ „ყატარის მიწა იერუსალიმის საპატრიარქოს მიერაა დარგული და მორწყული“
რაც შეეხება ანტიოქიის საპატრიარქოს იერარქთა ერთ-ერთ ტიტულს – მიტროპოლიტი ბაღდადისა და ქუვეითისა, წოდება „ქუვეითისა“ 1964 წელს იერუსალიმის პატრიარქ ბენედიქტეს ნებართვით იქნა დამატებული, გვატყობინებს სააგენტო „Ромфея“

მოამზადა ალექსანდრე აგლაძემ
წყარო: http://www.sedmitza.ru

[A.V.M]

თურქეთში გახსნეს შეთქმულება, რომელიც მსოფლიო პატრიარქის – ბართლომეოსის მკვლელობას ისახავდა მიზნად.

სტამბული: თურქულ პოლიციას მიუვიდა ცნობები (ზოგიერთი სხვა წყაროს მიხედვით შეთქმულების შესახებ პოლიციას ანონიმური წერილით აცნობეს – ს.ფ.), რომ მზადდებოდა შეთქმულება კონტანტინეპოლელი პატრიარქის ბართლომეოსის წინააღმდეგ, თავდასხმა 2013 წლის 29 მაისს , თურქების მიერ კონსტანიტინეპოლის აღების 560 წლისთავზე უნდა მომხდარიყო, იუწყებიან სააგენტოები “ამენ” და “რომფეია”.

სამი ეჭვმიტანილიდან ერთი – ქ.კაისერში მცხოვრებია დაკავებული, იგი ცნობილი იყო თავისი ულტრანაციონალისტური შეხედულებებით, დანარჩენი ორი იძებნებიან.

ეს უკვე მეორე განუხორციელებელი თავდასხმის გეგმაა მსოფლიო პატრიარქზე, 2009 წელს თურქი სამხედროების მიერ შემუშავებული გეგმა Cage ითვალისწინებდა კონსტანტინეპოლის პატრიარქის ფიზიკურ ლიკვიდაციას.

მასალა მოამზადა სერგო ფარულავამ
წყარო: http://www.sedmitza.ru

[A.V.M]

ჩვენი პრემიერი , იერუსალიმის პატრიარქს შეხვედრია...

[A.V.M]

რუსეთის პატრიარქი ათონის ივერთა მონასტერში
13/06/2013
ავტორი: სერგო ფარულავა
2013 წლის 5 ივნისს მოსკოვისა და სრულიად რუსეთის პატრიარქი კირილე ათონის ივერთა მონასტერს ეწვია, სადაც მონასტრის მსახურებთან ერთად აღასრულა ლოცვა და თაყვანისცა ამავე მონასტრის, ივერიის ღვთისმშობლის ხატს.

პატრიარქმა რუსეთის ეკლესიის ოფიციალურ დელეგაციასთან, ათონის მთაზე კონსტანტინეპოლის საპატრიარქოს წარმომადგენელთან, მილეტის მიტროპოლიტ აპოსტოლოსთან და მონასტრის საძმოსთან ერთად ილოცა. ტაძარში იმყოფებოდა რუსეთის ფედერაციის პრეზიდენტის სრულუფლებიანი წარმომადგენელი ცენტრალურ ფედერალურ ოკრუგში – ა. დ. ბელგოვი, სახელმწიფო დუმის დსთ-სა და თანამემამულეებთან ურთიერთობების საქმეთა კომიტეტის თავმჯდომარე ლ.ე. სლუცკი.

ლოცვის შემდეგ პატრიარქი მონასტრის იღუმენს, არქიმანდრიტ ნათანაელს მიეგება. შემდგომ აღნიშნეს, რომ მონასტრის სალოცავთა შორის უმთავრესი – ივერიის ღვთისმშობლის ხატი – წარმოადგენს მოსკოვის გულს. მამა ნათანაელმა თქვა: “კარიბჭის ღვთისმშობელი” წარმოადგენს წმინდა რუსეთის გულს, ჩვენ კი ძმები ვართ, რადგან გვყავს საერთო დედა და მფარველი “კარიბჭისა”. მოსკოვი რომ მოვინახულეთ, თავს საკუთარ სახლში ვგრძნობდით, და როცა აქ მომლოცველებს ვღებულობთ – პირველ რიგში, თქვენ, თქვენო უწმინდესობავ, – ვგრძნობთ, რომ ძმებსა და ნათესავებს ვღებულობთ ჩვენს საკუთარ სახლში – “კარიბჭის” ღვთისმშობლის სახლში. ამ თვალსაზრისით, ჩვენ ყველანი მოსკოველები ვართ, რუსი მომლოცველები – წმინდა მთისა”.

შემდგომ კი რუსეთის ეკლესიის წინამძღვარმა მიმართა იღუმენსა და მონასტრის ძმობას (მოგვყავს მცირე შემოკლებით):

“მაღალღირსო მეუფეო, მიტროპოლიტო აპოსტოლოს! თქვენო ღირსებავ, მამა ნათანაელ, ამ წმინდა მონასტრის იღუმენო! უხუცესო მამაო ბასილ! და ძვირფასო ძმებო!

მსურს მადლობა გითხრათ ამ შესანიშნავი საშუალებისთვის, მომეცა რა შესაძლებლობა, ჩემს ცხოვრებაში კვლავ ვწვეოდი ივერიის მონასტერს. ყოველთვის, როცა ფეხს ვადგამ ათონზე, მაშინვე მოვდივარ “კარიბჭის” ღვთისმშობლის სასწაულმოქმედი ხატის მოსალოცად. უწინ მომლოცველებთან ერთად თან ვახლდი ჩემს კურთხეულ წინამორბედებს: უწმინდეს პატრიარქ პიმენსა და უწმინდეს პატრიარქ ალექსი II-ს, და ახლაც მომეცა შესაძლებლობა, ვყოფილიყავი აქ, ამ ღირსშესანიშნავ ჟამს. უნდა ითქვას, რომ, სავარაუდოდ, თითოეული რუსი პილიგრიმი განსაკუთრებული განიცდით მოეშურება ამ წმინდა მონასტრის თავშესაფარში.

ჩვენი ქვეყნის გულს, დედაქალაქ მოსკოვს, საკმაოდ მძიმე ბედი აქვს, რთული ისტორია. მონღოლ-თათარების 300 წლიანი ბატონობის დროს მტრის ლაშქარი თავს ესხმოდა და არბევდა მას, სხვა შემთხვევებში კი განადგურების ზღვარზეც იდგა. ალექსეი მიხაილის ძის მეფობის დროს, პატრიარქ ნიკონის რჩევით, რუსები თხოვნით გამოეშურენ აქ, ათონის მთაზე, ივერიის მონასტერში, რომ ხატი წაებრძანებინათ დედაქალაქ მოსკოვში. რუს ხალხს სჯეროდა, რომ ეს ხატი შეაჩერებდა შემოსევებსა და თავდასხმებს დედაქალაქზე. მონასტრის ძმებმა დაწერეს ამ ხატის საოცარი ასლი და გაუგზავნეს რუსეთის მეფეს, ალექსეი მიხაილოვიჩს. 1648 წელს ამ ხატს საზეიმოდ მიეგება მოსკოვი.

მოგვიანებით დაიწერა კიდევ ერთი ასლი , რომელიც განთავსდა ჭიშკართან, წითელ მოედანზე, რათა დაცულიყო დედაქალაქის ცენტრი. მძიმე შემთხვევებში მოსკოველები ლოცვით მიმართავდნენ მფარველ ღვთისმშობელს, სანამ ივერიის წმინდა გამოსახულება ზეციური დედოფლისა არ მოუვლენდა მათ დახმარებას.”

მასალა მოამზადა აკაკი ჯოხაძემ
წყარო: http://www.pravoslavie.ru

http://www.orthodoxtheology.ge/130613/

[A.V.M]

(ჩვენი აკაკია ავტორი ამ სტატიის)

[G_saxva]

რამოდენიმე საათის წინ ინტერნეტში მართლმადიდებელი ეპისკოპოსის თავისკვეთის ცრუ ინფორმაცია გავრცელდა, ჩვენს საიტზე აპრილში გაცნობეთ, რომ სირიაში მიტროპოლიტი და მთავარეპისკოპოსი გაიტაცეს , აპრილის შემდეგ ეპისკოპოსთა შესახებ არაერთი ურთიერთგამომრიცხავი ინფორმაცია გავრცელდა, მაგრამ ის რამაც ამ საათებში მთელი საქრისტიანო შეაძრწუნა იყო ის სიახლე რაც intifada-palestine.com-მა გაავრცელა , რომ Syrian Orthodox bishop and his assistant, beheaded by militants – მეამბოხეებმა სირიელ მართლმადიდებელ ეპისკოპოსს და მის თანაშემწეს თავი მოკვეთეს; აქ იყო საუბარი, მის მაღალყოვლადუსამღვდელოესობა მიტროპოლიტ პავლე იაზიგზე (ანტიოქიის ალეპოს სამთავარეპიკოპოსო ეპარქია), იგია დოქტორი პატროლოგიაში, რომელიც გახლავთ ასევე ამჟამინდელი ანტიოქიელი პატრიარქის – იოანე Х ღვიძლი ძმა; ამ ინფორმაციას თან ერთვოდა საშინელი, სისხლიანი ვიდეო (ჩვენს მკითხველს ვურჩევთ არ უყურონ ამ საშინელ კადრებს, ჩვენც არ ვდებთ ვიდეოს პირდაპირ ბმულს ) თუ როგორ აჭრიან თავს ორ ადამიანს… ღვთის მადლით, ეს ინფორმაცია, მართალია აიტაცა უამრავმა , განსაკუთრებით ასადის რეჟიმის მომხრე, ბლოგებმა, მაგრამ საბოლოოდ ეს საშინელება არ დადასტურდა, იგი არცერთმა ცნობილმა უცხოურმა სააგენტომ არ გაავრცელა; ჩვენს მიერ იქნა გადამოწმებული დამასკოს დაქვემდებარებაში მყოფ მართლმადიდებელ მღვდელმსახურებთან, სადაც ჩვენდა სასიხარულოდ გვითხრეს, რომ მიუხედავად იმისა, რომ გატაცებულ ეპისკოპოსთა შესახებ უკვე თვეებია არანაირი ინფორმაცია არა აქვთ, ადასტურებენ, რომ გავრცელებული ინფორმაცია და ვიდეო არ ასახავს ქრისტიან იერარქთა ეგზეკუციას და ეპისკოპოსები ცოცხლები არიან.

ვმადლობთ ღმერთს ამისათვის და კიდევ ერთხელ შემოგთავაზებთ სამენოვან, ინგლისურ-არაბულ-ბერძნულ ლოცვას, რომელიც ბერძნულ-მართლმადიდებლურ სივრცეში გავრცელდა მისი მაღალყოვლადუსამღვდელოესობი�
�, მიტროპოლიტ პავლეს განთავისუფლებისათვის და შემოგთავაზებთ ამ ლოცვის მოკრძალებულ ქართულ თარგმანს, ჩვენც შევუერთდეთ ამ ლოცვას :

My LADY, THEOTOKOS, PROTECT YOUR SON & SERVANT; HIS EMINENCE METROPOLITAN OF THE ORTHODOX CHURCH OF ALEPPO & ISKENDERUN k.k. PAUL YAZIGI & PRAY TO YOUR SON & LORD TO LEAD HIM BACK SAFE TO HIS PARISH & SPIRITUAL CHILDREN!!

ياوالدة الاله سيدتي، احفظي ابنكِ وعبدكِ، سيادة المطران بولس يازجي، مطران حلب واسكندون للروم الارثوذوكس وتشفعي الى ابنك والهك ان يعيده بنعمته سالماً لرعيته وأولاده الروحيين!

ΠΑΝΑΓΙΑ ΚΑΙ ΘΕΟΤΟΚΕ ΜΟΥ, ΠΡΟΣΤΑΤΕΨΕ ΤΟΝ ΓΙΟ ΚΑΙ ΔΟΥΛΟ ΣΟΥ, ΤΟΝ ΣΕΒΑΣΜΙΟΤΑΤΟ ΜΗΤΡΟΠΟΛΙΤΟΥ ΧΑΛΕΠΙΟΥ ΚΑΙ ΑΛΕΞΑΝΔΡΕΤΤΑ, κ.κ. ΠΑΥΛΟ YAZIGI ΚΑΙ ΠΡΕΣΒΕΥΕ ΣΤΟΝ ΓΙΟ Κ ΘΕΟ ΣΟΥ ΝΑ ΤΟΝ ΕΠΙΣΤΡΕΨΕΙ ΚΑΛΑ ΣΤΗΝ ΕΚΚΛΗΣΙΑ ΚΑΙ ΤΑ ΠΝΕΥΜΑΤΙΚΑ ΤΕΚΝΑ ΤΟΥ!!

ჰოი, ყოვლადწმიდაო დედაო ღვთისაო, დედაო ჩვენო, დაიცავი შენი მსახური და შვილი ალეპოს მართლმადიდებელი ეკლესიის მიტროპოლიტი პავლე იაზიგი, ევედრე ძესა შენა და უფალსა ჩვენსა, რაითა მშვიდობიანად დაუბრუნდეს მის სამწყსოს და მის სულიერ შვილთ !

მასალა მოამზადა სერგო ფარულავამ

p.s. მოგვიანებით ცნობილი გახდა, რომ გავრცელებული ვიდეო მართალია ღვთის მადლით არ ასახავს ეპისკოპოსთა ეგზეკუციას, მაგრამ სამწუხაროდ იქ ხდება ორი ქრისტიანის თავისკვეთა , ესენი იყვნენ მისიონერები ფრანცისკანელი ბერი Fr. Francois Murad და მისი ასისტენტი.

წყარო :http://www.orthodoxtheology.ge/category/%E1%83%90%E1%83%AE%E1%83%90%E1%83%9A%E1%83%98-%E1%83%90%E1%83%9B%E1%83%91%E1%83%94%E1%83%91%E1%83%98/

[A.V.M]

სასაიმოვნო ცნობაა...

[G_saxva]

სასაიმოვნო ცნობაა...

რავიცი მე მაინცდამინც ვერ ვიტყვი საიამოვნოა თქო, რადგა ბოლო მინაწერი ამ სასიამოვნო განწყობას ფარავს.

[A.V.M]

,,ბულგარეთის საპატრიარქოს ვარნისა და ველიკოპრესლავის მიტროპოლიტი კირილი ვარნის ახლოს, ზღვის ნაპირზე გარდაცვლილი იპოვეს. გამოძიება მკვლელობის ვერსიაზე მუშაობს. გარდაცვლილს ჩაუტარდა ექსპერტიზა, აღენიშნება ძალადობის კვალი, გამოძიების ვერსიით მიტროპოლიტი კირილი დაახრჩეს.
შეგახსენებთ, რომ 2012 წლის 10 ნოემბრიდან, პატრიარქ მასიმეს გარდაცვალების შემდეგ - 2013 წლის 24 თებერვლამდე, პატრიარქ ნეოფიტეს არჩევამდე, მიტროპოლიტი კირილი გახლდათ ბულგარეთის საპატრიარქო ტახტის მოსაყდრე. მან როგორც ბულგარეთის მართლმადიდებელი ეკლესიის პირველიერარქმა მონაწილეობა მიიღო საქართველოს კათოლიკოს პატრიარქისადმი მიძღვნილ საიუბილეო ღონისძიებებშიც.
იმედს გამოვთქვამთ, რომ მიტროპოლიტის მკვლელობის სააქმე სწრაფად გაიხსნება და ვლოცულობთ მაღალყოვლადუსამღვდელოესი კირილის სულისთვის.''
junor theologians

[A.V.M]

მსოფლიო მართლმადიდებლური ეკლესიების დელეგაციები მოსკოვში
25/07/2013
ავტორი: სერგო ფარულავა
მოსკოვში, რუსეთის გაქრისტიანების 1025 წლის იუბილესთან დაკავშირებით, მსოფლიო მართლმადიდებლური ეკლესიების უმაღლესი იერარქებია ჩასული , 2013 წლის 24 ივლისს, საკათედრო ტაძარში აღველნილ მსახურებას ყველა ავტოკეფალური ეკლესიის უმაღლესი წარმომადგენლობა დაესწრო, მათ შორის:

- უნეტარესი თეოდორე II, პაპი და პატრიარქი დიდისა ქალაქისა ალექსანდრიისა და სრულიად აფრიკისა;
- უნეტარესი თეოფილე III, პატრიარქი წმიდისა ქალაქისა იერუსალიმისა და სრულიად პალესტინისა;
- უწმიდესი კირილე - პატრიარქი მოსკოვისა და სრულიად რუსეთისა;
- უწმიდესი და უნეტარესი ილია II, მცხეთა-თბილისის მთავარეპისკოპოსი, მიტროპოლიტი ბიჭვინთისა და ცხუმ-აფხაზეთისა და სრულიად საქართველოს კათოლიკოს-პატრიარქი;
- უწმიდესი ირინეოსი, პეჩის მთავარეპისკოპოსი და ბელგრად-კარლოვაცის მიტროპოლიტი, პატრიარქი სრულიად სერბეთისა;
- უწმიდესი ნეოფიტე, პატრიარქი სრულიად ბულგარეთისა;
- უნეტარესი ქრიზოსტომოს II, მთავარეპისკოპოსი ახლისა იუსტინიანესი და სრულიად კვიპროსისა;
- უნეტარესი საბა, მიტროპოლიტი ვარშავისა და სრულიად პოლონეთისა;
- უნეტარესი ტიხონი, მთავარეპისკოპოსი ვაშინგტონისა, მიტროპოლიტი სრულიად ამერიკისა და კანადისა;

ასევე თანამსახურებდნენ:
კონსტანტინეპოლის საპატრიარქოს დელეგაცია, გალიის მიტროპოლიტ ემანუილის მეთაურობით;
ანტიოქიის საპატრიარქოს დელეგაცია, მექსიკის, ცენტრალური ამერიკის, კარიბისა და ვენესუელის მიტროპოლიტ ანტონის მეთაურობით;
რუმინეთის საპატრიარქოს დელეგაცია, დასავლეთ ევროპის მიტროპოლიტ იოსების მეთაურობით;
ელადის ეკლესიის დელეგაცია , ფილიპიის, ნეაპოლის და ფასოსის მიტროპოლიტ პროკოფის მეთაურობით;
ალბანეთის ეკლესიის დელეგაცია, კორჩიის მიტროპოლიტ იოანეს მეთაურობით;
ჩეხეთის მიწებისა და სლოვაკეთის ეკლესიის დელეგაცია; პრეშოვის მთავარეპისკოპოს როსტისლავის მეთაურობით;
ასევე რუსეთის ეკლესიის წმიდა სინოდის წევრები და სხვა ადგილობრივი ეკლესიის წარმომადგენლები,

მსახურებაზე ესწრებოდნენ რუსეთის ფედერაციისა და უკრაინის მთავრობის წევრები, ელჩები, სხვა ქრისტიანული კონფესიების წარმომადგენლები.

წყარო-http://www.orthodoxtheology.ge/patriarchia-ru/

[A.V.M]

6 სექტემბერს სერბეთის პატრიარქი უწმიდესი ირინეოსი მოხსენებით წარსდგა გაერთიანებული ერების ორგანიზაციის წინაშე. მისი უწმიდესობის ვიზიტი ნიუიორკში, გაეროს შტაბბინაში გაიმართა საერთაშორისო სამშვიდობო–კულტურული ფორუმის ფარგლებში. ფორუმს, ესწრებიან პოლიტიკური და რელიგიური ლიდერები მთელი მსოფლიოდან. პატრიარქმა მოხსენება წაიკითხა თემაზე: "მსოფლიო კულტურა და ჩვენი პასუხისმგებლობა."
© junior theologians
https://www.facebook.com/groups/208300512575117/

4 სექტემბერს მოსკოვის ქრისტე მაცხოვრის საპატრიარქო ტაძრის აპარტამენტებში მისი უწმიდესობა კირილი , პატრიარქი მოსკოვისა და სრულიად რუსეთისა შეხვდა რუსეთში ვიზიტით მყოფ ჩინური ბუდისტური ასოციაციის ვიცე პრეზიდენტს, შაოლინის ბუდისტური მონასტრის წინამძღვარს ში იუნსინემს.
შეხვედრაზე მისმა უწმიდესობამ აღნიშნა, რომ სამყარო მიისწრაფვის კომფორტისაკენ და ადამიანის შინაგანი სამყაროს გადასარჩენად საჭიროა მონასტრები, სადაც ადამიანი მოკლებული იქნება სიამოვნებას.
© Junior theologians
https://www.facebook.com/groups/208300512575117/

[მნათე]

კი, ახალგაზრდებს მოუწოდა, მიბაძეთ შაოლინის ბერებსო ))

[A.V.M]

მნათე

კი, ახალგაზრდებს მოუწოდა, მიბაძეთ შაოლინის ბერებსო ))

ეტყობა ქართველმა ,,მორწმუნეებმა'' ვერ გაიგეს , თორემ ...
ეკუმენისტ!

[მნათე]

ეტყობა ქართველმა ,,მორწმუნეებმა'' ვერ გაიგეს , თორემ ...
ეკუმენისტ!

ეკუმენისტი არაფერ შუაშია, დასავლური ცივილიზაციის დისკრედიტაციისთვის, თუ საჭირო გახდა შამანებს შეეკვრება

[A.V.M]

[A.V.M]

ლატვიაში ვიზიტისას მისმა ყოვლადუწმიდესობამ, მსოფლიო პატრიარქმა ბართოლომეოსმა განაცხადა რომ მართლმადიდებლურმა სამყარომაც უნდა მიიღოს რომის პაპ ფრანცისკეს მოწოდება სირიაში მშვიდობისათვის ლოცვის შესახებ.
პაპ ფრანცისკეს მოწოდებას გამოეხმაურა მისი უნეტარესობა პატრიარქი ბუქარესტისა დანიელიც, რომელმაც სამწყსოს სპეციალური ენციკლიკით მიმართა და მოუწოდა გააძლიერონ ლოცვა ახლოაღმოსავლეთში მშვიდობისათვის.
© junior theologians
https://www.facebook.com/groups/208300512575117/

[მნათე]

მე არ ვეთანხმები ფრანცისკეს მოწოდებას. ზოგადად, მიუხედავად იმისა, რომ სრულად ვემორჩილები სარწმუნოებისა და ზნეობის საკითხებში, მისი პოლიტიკური გამონათქვამები ჩემთვის ზედმეტად მემარცხენეა.

ახლა თემატური:

კირილმა განაცხადა, რომ მოლდოვა მართლმადიდებლობას უნდა უმადლოდეს სუვერენიტეტს.

ამასთან დაკავშირებით მოლდოვურ პრესაში გაჩნდა საინტერესო ციტატა: "ჩვენ ისევე ვუმადლით მართლმადიდებლობას საკუთარ სუვერენიტეტს, როგორც თურქები უმადლიან სეკულარულ სახელმწიფოდ ფორმირებას, ისლამსა და ფაშას"