თემის საბეჭდი ვერსია

პოსტის ავტორი: კანონისტი თარიღი: Apr 27 2009, 10:48 AM

ინტერვიუ დავით ჩიკვაიძესთან, მთავრობის კანცელარიის იურიდიული დეპარტამენტის მთავარ სპეციალისტთან, რომელიც ამავე დროს ვაკის სამების სტიქაროსანი, კანონიკური სამართლის დოქტორანტი და ახალგაზრდა მართლმადიდებელთა გაერთიანების თავმჯდომარეა.

_ უნდა ერეოდეს თუ არა სახელმწიფო ეკლესიის საქმიანობაში და პირიქით?
_ ოქროს შუალედი მოცემულია სახარებაში, `მიეცით კეისარს კეისრისა, ღმერთს ღვთისა~. ეს ნიშნავს, რომ ქრისტიანობა სხვა რელიგიებისგან განსხვავებით მიჯნავს სახელმწიფოს და ეკლესიას. ეკლესია მოწოდებულია თავისი აღმატებული მიზნებისთვის, სახელმწიფოსაც აქვს თავისი განცალკევებული მიზნები, საერთო მიზანი კი მოსახლეობის კეთილდღეობაა. რაც შეეხება ურთიერთმიმართების საკითხს, სახელმწიფოს მოქალაქეები არიან ეკლესიის მრევლი და პირიქით. `მიეცით კეისარს კეისრისა~ ნიშნავს იმას, რომ რაც სახელმწიფომ დაადგინა მოქალაქეთათვის, იგი უნდა შევასრულოთ. პავლე მოციქულის სიტყვებია `ყოველი სული უმაღლეს ხელისუფლებას დაემორჩილოს~, მაგრამ თუკი სახელმწიფო მოუწოდებს ქრისტიანს საეკლესიო მოძღვრების წინააღმდეგ, ქრისტიანს უფლება აქვს და მეტიც, ვალდებულიცაა არ დაემორჩილოს მას. დანარჩენ შემთხვევაში რიგითი ქრისტიანი უნდა ემორჩილებოდეს სახელმწიფოს, განსაკუთრებით საერო საკითხებში. რაც შეეხება ეკლესიას, თუ როგორ უნდა იყოს სახელმწიფოსთან მიმართებაში, არ შეიძლება იყოს ისე, როგორც, მაგალითად, რუსეთის იმპერიის დროს. ამ შემთხვევაში მოხდება ეკლესიის მაღალი მიზნების აღრევა, სახელმწიფოს მიზნებთან, რაც მისაღები არ არის. თუმცა, თუ სახელმწიფო იზრუნებს ეკლესიის ლეგიტიმურ საჭირობაზე და შესაბამისად ეკლესია აკურთხებს სახელმწიფოს მნიშვნელოვან გადაწყვეტილებებს, ეს მოქალაქეებისთვისაც შექმნის კარგ გარემოს.
_ დღეს სახელმწიფო თუ დგას ეკლესიის გვერდით?
_ უდავოდ. მაგალითად, ძალიან ხშირად მთავრობის სხდომაზე განიხილება ეკლესიითვის რაღაც პრივილეგიის მინიჭების საკითხი. შეიძლება იყო ტყის ფართობის გადაცემა, თანხის ან მიწის ფართობის გამოყოფა ეკლესიის ასაშენებლად. საქართველოს სახელმწიფოსთვის ოთხი ადამიანის _ საქართველოს პრეზიდენტის, პარლამენტის თავმჯდომარის, პრემიერ-მინისტრის და კათოლიკოს-პატრიარქის მიერ მოწვეული სტუმრები ითვლებიან უმაღლესი რანგის სტუმრებად. როცა აქ ჩამოდიან სტუმრები ოფიცალური ვიზიტით, ხვდებიან კათოლიკოს-პატრიარქს და იმ სამ პირს, რომელიც ზემოთ ავღნიშნე. მრევლში ჩნდება ხოლმე კითხვა, რატომ შეხვდა ისა თუ ეს უცხოელი სტუმარი პატრიარქს. ეს განსაზღვრულია პრეზიდენტის ბრძანებულებით და ისინი ვალდებული არიან შეხვდნენ. ევროპულ გამოცემებში რელიგიის შესახებ, საქართველო შეტანილია ისეთი ქვეყნების რიცხვში, რომელთაც აქვთ სახელმწიფო რელიგია. მხოლოდ, ფრჩხილებში მითითებულია _ `დე ფაქტო~, რამდენადაც პირდაპირი ჩანაწერი არ გვაქვს ამის თაობაზე, თუმცა სტატუსი ამ დონეზეა აყვანილი.
_ ქრისტიან-დემოკრატები მოითხოვენ მართლმადიდებლობის სახელწიფო რელიგიად გამოცხადებას, რა მოხდება ასეთ შემთხვევაში?
_ ამ საკითხზე მახსენდება თავად მისი უწმინდესობის სიტყვები, წარმოთქმული კონსტიტუციური შეთანხმების დადების დღეს: `რამდენიმე ვარიანტი განვიხილეთ და საუკეთესო ფორმად შერჩეული იქნა ეს ვარიანტი, კონსტიტუციური შეთანხმება~. სახელწიფო რელიგიად გამოცხადებაში მხოლოდ სიტყვიერი დეკლარირება ხომ არ იგულისხმება? თუ გადავხედავთ ევროპულ ქვეყნებს, რომლებსაც აქვთ სახელმწიფო რელიგიები, დავინახავთ, რომ იქ ეკლესია სახელწიფოს ერთგვარ დანამატად არის ქცეული. მაგალითად, საბერძნეთში მოძღვრები იღებენ ხელფასს სახელწიფო ბიუჯეტიდან. როდესაც ეკლესია საჯარო უფლებამოსილებებს ახორციელებს, შესაბამისად ეს მდგომარეობა აძლევს სახელმწიფოს საშუალებას აქტიურად გააკონტროლოს ეკლესია და ამდენად, ეკლესია სახელმწიფოს ერთ-ერთ სამინისტროსავით გვევლინება ხოლმე.
_ თუ მართლმადიდებლობა გამოცხადდება სახელმწიფო რელიგიად, სხვა რელიგიები, რომლებიც არის საქართველოში, დადგებიან რაიმე შეზღუდვის წინაშე?
_ მოქალაქეთა ნებისმიერი დისკრიმინაცია რელიგიური ნიშნით ყოვლად დაუშვებელია, ან პირიქით, დაუშვებელია ამ ნიშნით პრივილეგიის მინიჭებაც. მოქალაქეები უნდა იყვნენ თანასწორი. თუმცა, თავად ამ სტატუსის მქონე რელიგიურ ორგანიზაციას მეტი უფლებები ექნება, ცხადია.
_ როდის მიენიჭათ საქართველოში არსებულ სექტებს იურიდიულად არსებობის უფლება?
_ საქართველოს კანონმდებლობთ დღეს რელიგიური ორგანიზაციად ითვლება მხოლოდ მართლმადიდებლური ეკლესია. ქართული კანონმდებლობა რელიგიური ორგანიზაციის შექმნის ან რეგისტრაციის წესს არ იცნობს, არც კანონი გვაქვს მათ შესახებ. სამოქალაქო კოდექსში იყო ჩანაწერი, რომლის მიხედვითაც რელიგიური ორგანიზაციები უნდა დაფუძნებულიყო საჯარო სამართლის იურიდიულ პირებად და ეს ამოიღეს, რამდენადაც ჩემთვის ცნობილია, გიგა ბოკერიას ინიციატივით. დღეს კანონმდებლობა რელიგიურ ორგანიზაციად არ ცნობს არც კათოლიკურ, სომხურ ეკლესიებს. ეს რაც შეეხებოდა ტრადიციულ კონფესიებს. ამიტომაა, რომ ვერ რეგულირდება ისინი რას აშენებენ და როგორ წარმართავენ საქმიანობას. გახსოვთ ალბათ, იეჰოვას მოწმეებზე იყო დიდი ამბებივი და ამბობდნენ რეგისტრაციაში გაატარეს, როგორც რელიგიური ორგანიზაციაო. რეალურად კი მათი დარეგისტრირება მოხდა, როგორც ფონდის. შემდგომში გაირკვა, რომ ამ ფონდის დაარსების სათავეებთან იდგნენ რასელის მიმდევრები.
_ თქვენ საუბრობდით სახელმწიფოს მხრიდან ეკლესიის დახმარებაზე, რას იტყვით იმ ფაქტებზე, როგორიცაა გლდანის ეკლესიაზე შტურმი და ფერიის მთაზე ეკლესიის ნგრევა?
_ გლდანის ეკლესიდან ბასილ მკალავიშვილის გამოძევება საეკლესიო სამართლით იყო დაშვებული, რამდენადაც მკალავიშვილი არ ეკუთვნის მართლმადიდებელ ეკლესიას, იბრალებს ამას და შეცდომაში შეჰყავს მრევლი, თუმცა, მე არ ვსაუბრობ ფორმებზე. ზემოთქმული მიზეზის გამო, ტაძარსაც არ შეიძლება ეწოდოს მართლმადიდებლური. საერო-სამართლებრივად კი იგი თავისი მიმდევრებით არის კონფესია და საკულტო ნაგებობის შტურმით აღება ყოვლადდაუშვებელია. რაც შეეხება ფერიის ეკლესიას, საეკლესიო სამართლის მიხედვით პასუხი მკვეთრად უარყოფითია ამ ფაქტის მიმართ. საერო სამართლებრივად, თუ დოკუმენტაცია არასრულად იყო (როგორც საუბრობდნენ), ასეთ შემთხვევაში კი შეიძლება, რომ ნაგებობა დაინგრეს, მაგრამ როცა ეკლესიაზეა საუბარი, ცოტა ძნელია თქვა, რომ ის იყო უკანონო. რადიკალიზმი ძალიან ცუდია, ამაზე მოგვიწოდებს ხოლმე უწმინდესი, შეიძლებოდა ამ საკითხის დიალოგით გადაწყვეტა. თუმცა ეს უარყოფითი ფაქტი ერთეული შემთხვევაა სხვა უამრავი დადებითის გვერდით.
_ როცა ქვეყანაში დაძაბული ვითარებაა, იმართება აქციები, მოძღვარი უნდა იყოს თუ არა თავისი ხალხის გვერდით, ამაზე საზოგადოებაში არაერთგვაროვანი აზრია.
_ მოძღვარი ყველას მოძღვარია. ის წარმართავს სულიერი შვილების ცხოვრებას. თუ თავის სულიერ შვილებთან მივა, ამაში გასაკვირი არაფერია. მაგრამ მისი აქციაზე მისვლა შესაძლოა, საპატრიარქოს რაღაცნაირად ჩარევად ჩაითვალოს. ქართველებს ფიცხი ხასიათი გვაქვს და იქ მოძღვრის მისვლა, არ არის გამორიცხული ისე მოინათლოს, რომ მთელი საპატრიარქო იქ დგას. მეუხერხულება მოძღვრებისთვის რჩევის მიცემა, მაგრამ ჩემი აზრით, სასურველი იქნება არ მივიდნენ, ამ მიზეზების გამო. თანაც როგორ იქნება, რომ პოლიტიკურ საკითხებზე ერთგვაროვანი მრევლი ჰყავდეს? მაშინ მისი მისვლა აქციის მონაწილეებთან ნიშნავს, რომ იგი მრევლის ერთ ნაწილთან დგას, ეს კი ერთგვარად მრევლის გაყოფაა. მოძღვარმა ეკლესიაში უნდა იქადაგოს. თუკი მივა და უბრალოდ დალოცავს მომიტინგეებს, ამაში ცუდი არაფერია. გაუსვას ხაზი, რომ საკუთარი ინიციატივით მივიდა და არა საპატრიარქოს თხოვნით.
ამასთან დაკავშირებით სამწუხარო ფაქტი მინდა ავღნიშნო, რომ ოპოზიციის ერთმა ნაწილმა თავის შეკრებაზე მიიწვია ქრისტეფორე წამალაიძე, რომელიც განკვეთილი ეპისკოპოსია და გაშუქდა რომ მიწვეული ჰყავდათ ეპისკოპოსი.
_ დღეს საქართველოში სახელმწიფო და ეკლესია არის ორი ერთმანეთისგან დამოუკიდებელი ინსტიტუტი? ასეთი აზრიც არის საზოგადოებაში, რომ სახელმწიფო ცდილობს ეკლეიის საქმიანობაში ჩარევას და მის გაკონტროლებას.
_ მე ვერ დავადასტურებ, თუმცა ამ მხრივ გარკვეული ნიშნები შეიმჩნევა და ეს არის სწორედ, რაც სახელმწიფო რელიგიის მინუსებზე მიუთითებს. ანუ, როცა სახელმწიფო ეკლესიას დიდ უფლებამოსილებას ანიჭებს, მას ბუნებრივია, შემდეგ უჩნდება იმის სურვილიც, რომ იქ არ გაჩნდნენ მისი მოწანააღმდეგეები. თუმცა სახელმწიფოს მხრიდან არ ხდება ისეთ საკითხებში ჩარევა, როგორიცაა დოგმატური სწავლება.
_ რაც შეეხება სკოლებში რელიგური სწავლების ამოღებას?
_ სწავლება ამოღებული არ არის, არამედ არის ფაკულტატიური, ნებაყოფლობითი. ასე წერია კონსტიტუციურ შეთანხებაში და ზოგადი განათლების კანონშიც. რელიგიის სწავლება უნდა მოხდეს ან პირველ, ან ბოლო გაკვეთილზე, რათა ვისაც არ სურს დასწრება, არ შევიდეს. რელიგიის სწავლებას წყვეტს თავად სკოლა. ამის შემდეგ პედაგოგის კანდიდატურა უნდა შეუთანხმოს საპატრიარქოს, რომ არ მოხდეს მართლმადიდებლობის სახელით სხვა რელიგიის სწავლება.


ია მერებაშვილი

პოსტის ავტორი: KAIROS თარიღი: Apr 27 2009, 11:28 AM

მოიცა, მოიცა
პატრიარქმა ვინმე უნდა ისტუმროს იმიტომ რომ პრეზიდენტმა მოინდომა?
ან იქნებ პატრიარქს არ უნდა, ან იმ სტუმარს ვალდებულია რასა ქვია

მკვეთრად უარყოფითი პიროვნება! აქ გააკრიტიკე თუ როგორ გამოდის?
აშკარაა რომ ეგ კანონი დასახვეწია.

კარგად ამბობ, მაგრამ სრული სიმართლისათვის ისიც უნდა დაგემატებინა, იმიტომაც მეუხერხულება, რომ თავად ვარ ნაცმოძრაობის და მთავრობის წევრიო უფრო გულახდილი იქნებოდი ... დანარჩენი მართალია.


და ესეც შესაცვლელია, უამრავ კათოლიკურ ქვეყანაში ისწავლება კატეხიზმო, იქ ამბობენ, რომ ყველა ამ ქვეყნის მოქალაქე ვალდებულია ელემენტალურ დონეზე მაინც იცნობდეს სახელმწიფოს მთავარ რელიგიას, აქ ასწავლიან და რწმენა პირად არჩევანზეა დამოკიდებულიო.
სტატისტიკურად დღეს რელიგიის გაკვეთილი ამოღებულია.

წარმატებები;

კაიროსი!

პოსტის ავტორი: ქევანა თარიღი: Apr 27 2009, 11:33 AM

ვერ დაემონები ორ უფალს სახელმწიფო და ეკლესია ერთად უნდა მოქმედებდეს... ღმერთი აერთიანებს, ეშმაკი კი ჰყოფს

პოსტის ავტორი: კანონისტი თარიღი: Apr 27 2009, 11:45 AM

KAIROS

იმიტომ, რომ სახელმწიფოს წამყვან ფიგურად ითვლება პატრიარქი


არა. ისევე გავაპროტესტე გლდანის ეკლესიის მოძღვრის მამა მიქაელის დასწრება ნაციონალური მოძრაობის ყრილობებზე. რა შუაშია პარტია?

მთავრობის წევრი ჯერ არ ვარ

პოსტის ავტორი: მხევალი ნინო თარიღი: Apr 27 2009, 11:49 AM

ქევანა

მართალი გითხრა ვერ მივხვდი, ეშმაკი სახელმწიფოა??? გულახდილად გეუბნები ვერ მივხვდი.KAIROS



მართლმადიდებლური სპატრიარქო ცოტა სხვა სტატუსშია აყვანილი კაიროს, ამიტომ ცოტა მეტი ,,ვალდებულებები,, აკისრიათ და ეს ყველა მხარისთვის სასარგებლოა. ოფიცილაური ვიზიტი პზტრიარქთან, თუნდაც პატრიარქს არ სურდეს იმ დროს ვინმეს შეხვედრა, ტავად პატრიარქს და შესაბამისად ეკლესიის მაღალ სტტუსზე მიუთითებს. შენ თვითონ დაფიქრსი, როგორია, როცა უცხოელი მაღალი რანგის სტუმარი მოდის საქართველოში და მას ოფიციალურად ხვდება პატრიარქი, ანუ ამით საქართველოს ეკლესიის მაღალი უფლებების რეიტინგის და მნიშვნელობის ხაზგასმაა. ამიტომ, უნდა თუ არა, პატრიარქი შეხვდება, ეჭვიც არ მეპარება, მით უფრო ეს პატრიარქი.


რომ არ ხვდებოდეს, ყველა მნიშვნელოვან ღონისძიებაზე პრეზიდენტის გვერდით რომ არ იდგეს, ანუ ეკლესია ამ სახელმწიფოსთვის არავინ იქნებოდა, ხომ გესმის რასაც ვამბობ.

პოსტის ავტორი: კანონისტი თარიღი: Apr 27 2009, 11:56 AM

ისე, ასეთი მყვირალა სათაური არ მინდოდა....

პოსტის ავტორი: თამარი_ცქნაფო თარიღი: Apr 27 2009, 11:58 AM

კანონასთან ბოდიში და კითხვები ვინ მოიფიქრა?

პოსტის ავტორი: მხევალი ნინო თარიღი: Apr 27 2009, 11:58 AM

კანონისტი

დღევანდელი პოლიტიკური სიტუაციიდან გამომდინარე, გასაგებია.., არ იდარდო ამაზე.

პოსტის ავტორი: კანონისტი თარიღი: Apr 27 2009, 12:07 PM

თამარი_ცქნაფო

იმან

პოსტის ავტორი: staywhite თარიღი: Apr 27 2009, 12:24 PM

მხევალი ნინო
ნინო, არ გეთანხმები პატრიარქს ვინც "დაევასება" და საჭიროდ ჩათვლის, იმას მიიღებს და სულ არ უნდა აინტერესებდეს რეიტინგის "სიმაღლე" ან მიშკას სურვილები , რამეთუ რაიმე ვალდებულება

პოსტის ავტორი: ქევანა თარიღი: Apr 27 2009, 12:48 PM

მხევალი ნინო

ეგ არ მიგულისხმია

უბრალოდ, რატომ უნდა გაიყოს სახელმწიფო და ეკლესია რა საჭიროა გაორება?

პოსტის ავტორი: მხევალი ნინო თარიღი: Apr 27 2009, 12:55 PM

staywhite

ეს მიშკას სურვილები არ არის ნანა, ეს მართლმადიდებლური ეკლესიის ამ სახელმწიფოსთვის მნიშვნელობის ხაზგასმაა. მართლმადიდებლურ ეკლესიას სხვა სტატუსი აქვს ჩვენს ქვეყანაში, ერთადერთი რელიგიური ორგანიზაციია, რომელიც ადმინისტრაციულ ორგანოდ განიხილება. ანუ, ამ შეხვედრების დროს, ხაზგასმაა ეკლესიის მნიშვნელობის, მისი ოფიცილაური სტატუსის, მასთან მიღებული გადაწყვეტილება, სახელმწიფო გადაწყვეტილებად აღიქმება (ნუ ცოტა მეტი მომდის, მაგამ გავიხსენოთ პატრიაქრის ოფიცილაური ვიზიტი ომის დროს, და ბევრი სხვა რამ), ასეტი რამ , თუნდაც მართლმადიდებლურ საბეძნეთსი ხდება თუ არა არ ვიცი, მგონი არა. ამიტომ, აქ მიშას, არც გრიშას, არც ჯემალის და არავის ხუშტურები არაა, ეს ძალიან მნიშვნელოვანია ჩვენი ეკლესიისთვი და სხვათა შორის ჩვენი ხალხსითვისაც.

ქევანა


იმიტომ, რომ ეკლესია ადამიანის სულის ცხონებისკენ არის მიმართული. სახელმწიფო მმართველობა ქყვენის პოლიტიკის გამტარებელია, სხვა ქვეყნებთან ურთიერთობის დამამყარებელი, ქვეყანაში წესრიგზე მპასუხიმგებელი, ქვეყნის ტერიოტიული მთლიანობობაზე მპასუხიმგებელი, თავდაცავი ომების დროს და აშ. ეს სულ სხვადასხვა სუბიექტებია.

რელიგიის გავლენა ჩვენს კანონმდებლობაში საკმაოა, მაგალითად ისევ ცნობილი კონკორდატი, სახელმწიფოსა და ეკლესიას შოის გაფორმებული ხელშეკრულება, საპატრიარქოსთვის ოფიციალური სტატუსის მინიჭება, უქმე დღეები, რომელიც რელიგიურ დღესასწაულებთანაა კავშირში და აშ, მაგრამ ეს ერტი ვერ იქნება, რადგან დატვირთვა მაინც განსხვავებული აქვთ.

ეკლესია თვაზე ვერ აიღებს ქვეყნის ტეიროტიული მთლიანოს შენარჩუნებას, პოლიტიკას, არქმიის შექმნასა და საზოგადოებრიივ წესრიგის დაცვას. ასე იყო ოდითგანვე, ებრაელებს ჰქონდათ რელიგია ჰყავდათ ღვთისმსახურები, მაგრამ ამ დროს მეფეებიც ჰყავდათ. და რა მერე?

პოსტის ავტორი: ქევანა თარიღი: Apr 27 2009, 01:01 PM

მხევალი ნინო

არც არაფერი.. მე არ მინდა გაორება და გახლეჩვა ამიტომ მე ვიცხოვრებ ისე როგორც მიმაჩნია და ვიფიქრებ ისე როგორც მიმაჩნია სწორად, და დავაფიქსირებ ამ თემაში აზრს რომელიც მე გამაჩნია, ვინც არ მეთანხმება ნუ მეთანხმება, ამაზე არ ვდარდობ.. არც მე ვეთანხმები თემის ავტორს, მაგრამ ამით რა რო? არაა ჩემი აზრი (თუნდაც გაუგებარი და "ამირან გულში მღეროდა" აზრი ) გადამწყვეტი და არც მაქ პრეტენზია.. ხოდა არც არაფერი... გავუზიაროთ ერთმანეთს აზრები

პოსტის ავტორი: მხევალი ნინო თარიღი: Apr 27 2009, 01:10 PM

ქევანა

არ ვიცი გახლეჩვა სად ნახე, მოკლედ, მე შენი არ მესმის ამ საკითხში ნუ, ეგ არაფერი.

პოსტის ავტორი: staywhite თარიღი: Apr 27 2009, 01:26 PM

ხო, არ ვიცი ნინო, სერბეთის ეკლესია ნაკლებად იღებს მონაწილეობას სამთავრობო და ოფიციალურ მიწვევა-მიღებებში, მიუხედავად იმისა, რომ ბევრჯერ იყო ომი, ბევრჯერ შეიცვალა მთავრობა და შესაბამისად "სტუმრების" წარმომავლობა და რანგი... საქართველოს ამბებს კი მხოლოდ აქ ვგებულობ - ამ ფორუმზე ძირითადად. ერთადერთი რაშიც პატრიარქმა პავლემ თავისი აზრი დააფიქსირა, მილოშევიჩს "დაუქნია თითი" და გონიერებისკენ მოუწოდა, ამ უკანასკნელს ეს რა თქმა უნდა სულ არ აღელვებდა, მარა მაინც


ამაში კი ნამდვილად გეთანხმები...

პოსტის ავტორი: კანონისტი თარიღი: Apr 27 2009, 02:29 PM

staywhite

ეგ იმიტომ, რომ სერბეთში ეკლესიას ის სტატუსი არ აქვს, რაც ჩვენში.

ეგ სტატუსი მხოლოდ და მხოლოდ კარგია და სააკაშვილი რა შუაში იყო ვერ მივხვდი...

პოსტის ავტორი: staywhite თარიღი: Apr 27 2009, 02:35 PM

კანონისტი

რა სტატუსი აქვს ჩვენთან და რა სტატუსი აქვს სერბეთში? განსხვავება მაინტერესებს, იმიტომ რომ არ ვიცი

სააკაშვილი არ ვიცი რატომ ახსენე, მაგრამ მე ნინოს ვუპასუხე მიშას ვინ ეკითხება თქვა , სხვა რა ვიცი რა შუაშია, ეგ თქვენ იცით

პ.ს. ჩვენს პატრიარქს ჩემი მოძღვარიც შეხვდა მანდ რომ იყო სტუმრად (კერძო სტუმრად და არა ოციფიალური რაიმე ვიზიტით) , ასე რომ თვით პატრიარქი წყვეტს ვის შეხვდება და ვის ვერა

პოსტის ავტორი: lch თარიღი: Apr 27 2009, 02:36 PM

არაფერს სჭირდება "მონათვლა", ისედაც ჩანს სად დგას საპატრიარქო, საკმარისია გადავხედოთ უწმინდესის ბოლოდროინდელ ქადაგებებს (მიმართვებს) და ნათლათ დავინახავთ, რომ უწმინდესი (საპატრიარქო) დგას სრულიად საქართველოსთან, თავის მრევლთან და სულიერ შვილებთან, ანუ იქ სადაც უნდა იდგეს...
ამდენად მოძვრებს არ სჭირდებათ უშუალოდ მიტინგებზე და მანიფესტაციებზე სიარული...

პ.ს.
ისე, ბ-ნო დავით თქვენ რომ მე-20 საუკუნის 20-იან წლებში გეცხოვრათ, კარიერაში უსათუოდ დიდ მწვერვალებს მიაღწევდით, რადგან არსებული ხელისუფლების აგიტაცია-პროპაგანდა იმ ეპოქაში უფრო ფასდებოდა....

პოსტის ავტორი: კანონისტი თარიღი: Apr 27 2009, 02:36 PM

staywhite

სერბეთში მართლმადიდებლობას ოფიციალურად არანაირი უპირატესობა არ აქვს, ხოლო საქართველოში - ფაქტობრივად (როგორც ვთქვი), სახელმწიფო რელიგიაა.

ეს კი იმას ნიშნავს, რომ ეკლესიას უფლება აქვს გარკვეულ საკითხებში სახელმწიფოს ფუნქციაც შეარულოს.

პოსტის ავტორი: staywhite თარიღი: Apr 27 2009, 02:38 PM

კანონისტი

გასაგებია მაგრამ ოფიციალურად არ აქვს მხოლოდ - ეს ნამდვილად მართალია.

პოსტის ავტორი: Giorgi- თარიღი: Apr 27 2009, 04:46 PM

მართალია, სასულიერო პირები მიტინგზე არ უნდა გამოვიდნენ (ოპოზიციის მიტინგზე), თორემ ნაციონალური მოძრაობა თუ გამართავს - მათთან არგამოსვლა უმძიმესი ცოდვაა

ნაციონალური მოძრაობა - ქვეყნის ხსნა

პოსტის ავტორი: Adam თარიღი: Apr 27 2009, 04:58 PM

მოძღვარი სიგარეტსაც არ უნდა ეწეოდეს და არ უნდა იგინებოდეს მაგრა... (:

პოსტის ავტორი: zegardeli თარიღი: Apr 27 2009, 05:10 PM

საკუთარ თავზე ყმაწვილებო, საკუთარ თავზე!

პოსტის ავტორი: staywhite თარიღი: Apr 27 2009, 05:39 PM

zegardeli

პოსტის ავტორი: თამარი_ცქნაფო თარიღი: Apr 27 2009, 05:57 PM

ჩამოუყაიბებელივითაა, თუ მეჩვენება?

პოსტის ავტორი: lch თარიღი: Apr 27 2009, 06:01 PM

ხო რა, ეგრეა... ანუ როგორც მე - ჩინეთის იმპერატორი...

პოსტის ავტორი: კანონისტი თარიღი: Apr 27 2009, 06:09 PM

თამარი_ცქნაფო

ხო რა.

lch



ამის მეტი ვერაფერი ნახე?

პოსტის ავტორი: Giorgi- თარიღი: Apr 27 2009, 06:12 PM

ჰოდა ეგ არის, საინტერესოა ნაცმოძრაობის მიტინგებზე რომ გამოვიდნენ სასულიერო პირები კანონა რას იტყვის

პოსტის ავტორი: კანონისტი თარიღი: Apr 27 2009, 06:19 PM

Giorgi-
შენ ხუმრობ, მაგრამ ვინც სერიოზულად ფიქრობს მაგას, იმათთვის აქ დავწერე:

http://church.ge/index.php?s=&showtopic=6288&view=findpost&p=492232

პოსტის ავტორი: lch თარიღი: Apr 27 2009, 06:24 PM

კანონისტი

კი, წინა გვერდზეც დავწერე...

პოსტის ავტორი: კანონისტი თარიღი: Apr 27 2009, 06:28 PM

lch

ასე არ მგონია. მე უფრო მგონია, რომ იმ პატარა ჯგუფის აზრსაც ითვალისწინებს, ვინც რუსთაველზე არის გამოსული....

პოსტის ავტორი: lch თარიღი: Apr 27 2009, 07:15 PM

კანონისტი

მე ვთქვი, რომ პატრიარქი სრულიად საქართველოსთან დგას და ეს მგონი ყველას და ყველაფერს მოიცავს, დიდ და პატარა ჯგუფებსაც...

თუმცა 9 აპრილს რუსთაველზე შეკრებილებს მე პირადად "პატარა ჯგუფს" ვერ დავარქმევ...

პოსტის ავტორი: კანონისტი თარიღი: Apr 28 2009, 10:26 AM

lch

გასაგებია.

პოსტის ავტორი: kmunebi თარიღი: Apr 28 2009, 10:53 AM

lch


და არც ისინი ვართ პატარა ჯგუფი, ვისაც ფსიქოზი გვავს უკვე, ორივე მხარის არაადეკვატური და პოლიტიკურად, ადამიანურად, მორალურად, რელიგიურად გაუმართლებელი საქციელების გამო...

პოსტის ავტორი: staywhite თარიღი: Apr 28 2009, 11:52 AM

kmunebi

სასირცხვილოა უკვე ყველაფერი, სკამების გამო რაზე აღარ მიდიან, ერთიც და მეორეც (მხარე), არა და ამ დროს ერთმანეთის გაწვრთვნილები არიან თან ....

პოსტის ავტორი: KAIROS თარიღი: Apr 28 2009, 12:02 PM

ასე საზოგადოება არ ვითარდება, არამედ ჩლუნგდება...

პოსტის ავტორი: kmunebi თარიღი: Apr 28 2009, 12:02 PM

staywhite


ერთიც, მეორეც, მესამეც, მეოთხეც, მეხუთეც, მეექვსეც, მეშვიდეც, მერვეც, მეცხრეც... :თამარღლონტი: , ჩვენი არჩეულები არიან და რასაც ვიმკით ეგ არის ჩვენი ბრალი...

სამწუხაროა, როცა საზოგადოებაში არაა ნორმალური, ჩამოყალიბებული, ქვეყნისათვის სასიკეთო აზრი. ყველა უყურებს საკუთარ ჯიბეს და ეს ძალიან ცუდი ტენდენციაა, რომელიც ყოველთვის შავი ლაქა იქნება ნებისმიერი ადამიანისათვის, ვინც მსგავსად მოირგებს სკამს.

ხო და რაც შეეხება ოპოზიცია, არაა ნაკლები ამათზე. დიდი შანსია, რომ ამათზე მეტი უბედურება და საშინელება დაგვმართონ.

შენდობას ვითხოვ თქვენსგან...

არ ვიცი, არ ვიცი, ღმერთო დაგვიფარე...

პოსტის ავტორი: მხევალი ნინო თარიღი: Apr 28 2009, 12:23 PM

ამოვიდა ყელში !

პოსტის ავტორი: kmunebi თარიღი: Apr 28 2009, 12:35 PM

მომეწონა დავითის ინტერვიუ, თუმცა შეიძლებოდა უფრო მეტად თვითკრიტიკულიც ყოფილიყო.

პოსტის ავტორი: კანონისტი თარიღი: Apr 28 2009, 12:36 PM

kmunebi

შეიძლებოდა

პოსტის ავტორი: orthodox-georgia თარიღი: Apr 28 2009, 02:37 PM

დავით, შენდამი დიდი პატივისცემის მიუხედავად, მინდა გითხრა, რომ ძალიან ცუდია, როცა დღევანდელ ხელისუფლებას მხედველობის პრიბლემა აქვს (გავიხსენოთ 9 აპრილზე 20000 კაციაო, ან თუნდაც ამდენს ჩვენც გამოვიყვანთო [მარაზმი]), ან კიდევ უარესი, ადეკვატურობის

და რატომღაც ეს პრობლემა ერთბაშად მთელ ნაცმოძრაობას აქვს.

მე უკვე დავიღალე და თქვენი არ ვიცი
საერთოდ აღარ ვუყურებ ტელევიზორს. აზრი არ აქვს. ზოგი ისე უბერავს (რუსთავი 1, რუსთავი 2, რუსთავი 3 [საავტორო უფლებები შალვა ნათელაშვილი ]), ზოგი ისე (კავკასია, მაესტრო)

პოსტის ავტორი: lch თარიღი: Apr 28 2009, 02:41 PM

kmunebi

და მე რატომ მეჩხუბები (თ)
გგონიათ მე აღფრთოვანებული ვარ ამ სიტუაციით...

9 აპრილის შემდეგ (ამ კონკრეტული დღის შემდეგ) რაც ხდება უკვე მარაზმია... მაგრამ 9-ში უამრავი ხალხი გამოვიდა პროტესტის დასაფიქსირებლად, ხელისუფლება კი კვლავ, მარაზმატიკულად აგრძელებს ამ პროტესტის იგნორირებას...
დაიჩემეს მოლაპარაკება, არადა არის საკითხები რომელთა მოგვარება ხელისუფლებას სრულიად დამოუკიდებლად, ყოველგვარი მოლაპარაკებების გარეშე შეუძლია მოაგვაროს...
ბოდრუმში ვოიაჟებს რაღაცა სასიკეთო ქმედება დამანახონ, ეგება და მოგვიბრუნდეს უბრალო ხალხს გული...
ამ სიტუაციას ნორმალურმა ხელისუფალმა ბოდრუმი უნდა დაუპირირსპიროს თუ ქვეყნისათვის სასიკეთო ნაბიჯები და ქამედებები, ქმედებები რომლებიც ახლა და აქვე იქნება უბრალო ადამიანისთვის საგრძნობი და არა "რუსთავი2"-ით ძილისპირულად მოყოლილი ზღაპრები...

პოსტის ავტორი: მართა თარიღი: Apr 28 2009, 04:49 PM

კანონისტი
დავით ჩემი შენდამი დიდი პატისვიცემის მიუხედავად შეიძლება რამოდენიმე "აზრი" ან მოკრძალებული "შენიშვნა" გავაჟღერო? საჯაროდ იმიტომ მსურს, რომ შენს ინტერვიუს ვინც წაიკითხავს მერე ერთ-ერთი რიგითი მკითხველის აზრსაც რომ გაეცნოს რა უჭირს?
ნუ მოკლედ არ ვიცი ახლა შენ ხარ თუ არა აქ და მე დავწერ და მერე თუ არ გესიამოვნება წაშალე ბატონო!

პოსტის ავტორი: kmunebi თარიღი: Apr 28 2009, 04:56 PM

lch

გეკადრება შენ რას გერჩი, უბრალოდ ჩემი აზრი გამოვთქვი, ვიფიქრე საინტერესო იქნებოდა"არავისტის"აზრი.

მე მივდივარ ერთ დასკვნამდე, უფრო სწორად ვიჯერებ იმ აზრს, რომ როგორიცაა ხელისუფალი ისეთივეა საზოგადოება ყველა ასპექტში, ნუ უმრავლესობას ვულისხმობ.

კარგი, ცუდი თუ ნორმალურია მე მიყვარს ჩემი ყოველდღიურობა, თუნდაც პატარა სიახლე იყოს, აქედან გამომდინარე სამშობლო.

სამწუხაროა როცა პიროვნული ზიზღია იმ პიროვნებებს შორის, რომლებიც სახელმწიფოს მართავენ ან სავარაუდოდ მართონ უნდა. (კონკრეტულობისაგან თავს შევიკავებ, არც ღირს)

პატრიარქი და ეკლესია მაშინ ახსნდებათ, როცა გამოსავალს ვერ პოულობენ, ეგებ მანამდე დაფიქრდე და ჰკითხო რამე ბრძენ ადამიანებს ეკლესიი წიაღში...

პოსტის ავტორი: კანონისტი თარიღი: Apr 28 2009, 05:05 PM

orthodox-georgia

ამჟამად, 5 000 კაცზე მეტი არ დადის.

[b]

პოსტის ავტორი: kmunebi თარიღი: Apr 28 2009, 05:11 PM

კანონისტი


არის მაგდენი???

პოსტის ავტორი: მართა თარიღი: Apr 28 2009, 05:40 PM

კანონისტი
მოდი ჯერ კრიტიკით დავიწყებ და მერე რა მომეწონა იმასაც გეტყვი....

აი ეს მართლაც სადავოა, თუმცა ამ კონკრეტულ შემთხვევაში არ ვაპირებ, რადგან ბევრი გვიკამათია ამ საკითხზე!

დავით გისვამ ასეთ კითხვას, ეს ადამიანი სამართალდამცავებმა რა მიზეზით დაიჭირეს? იმიტომ რომ მსუბუქ ხულიგნობას ეწეოდა(სექტანტების ცემას,მათი ნივთების განადგურებას და ა.შ.) თუ გარკვეული საზოგადოების ნაწილი შეცდომაში შეყავდა? დავუშვად ორივესთვის...ეს არგუმენტი ხშირად მოყავთ ხოლმე და ძალიან მაღიზიანებს, ეს ისედაც კარგად ვიცით, რომ ეს ადამიანი არ ეკუთვნოდა საქართველოს ეკლესიას, მაგრამ მე მიჩნდება პროტესტის გრძნობა იცით რაზე?თუკი ეს ადამიანი სხვა რწმენის ადამიანების დასჯის გამო უნდა დაეკავებინათ მაინდამაინც ის ფორმა და იმაზე ბევრად უფრო გადამეტებული და ათასჯერ საზიზღარი ფაქტებით რატომ მოხდა?მე ვისურვებდი შენ ბევრად უფრო მკვეთრი რეაქცია გქონოდა და იმაზე კი არ გესაუბრა, ეს მღვდელი იყო თუ არა... წითელ პარასკევს დილაუთენია, შეიძლება მლოცველ ადამიანებს (ვიზე და რაზეც არ უნდა ელოცათ...და ყველამ კარგად ვიცით რომ იქ აბსოლიტურად კანონიკური ხატები ელაგა) თავს დაესხა, კარი შეამტვრიო წინასწარ მობილიზებული, უზარმაზარი ურალის თუ რაღაც ამ ტიპის მანქანით, დალეწო ხატები, ააწიოკო თუნდაც სექტანტები (მაპატიონ იმ ადამიანებმა) ჯანღონით საცსე "ბიჭებმა" ფეხქვეშ გაიგდონ მოხუცი და ახალგაზრდა ქალები, აგინონ უშვერი სიტყვებით და მას მომღიმარი სახეებით უყურონ საგულდაგულოდ დილაუთენია გაღვიძებულმა სასიქადულო მამულიშვილებმა ამხანაგმა ადეიშვილმა, ბარამიძემ, მერაბიშვილმა და ა.შ. ხოლო შემსრულბლები (სწორედ იქედან გაეცვნენ ტელემაყურებლებს) სანოძე და ახალაიები.შენ წერ საეკლესიო სამართლითო და რომელი საეკლესიო სამართალი გვეუბნება ასეთ ქმედებას ჩემო დავით? განა გარეთ გამოსულს ვერ დააკავებდნენ? ის "გმირი" ბიჭები დააფასეს და მშვენიერ თანამდებობებზე დანიშნეს იმის ნაცვლად ესეთი გადამეტებბისთვის ვინმეს დაესაჯა...გადის წლები და საშინლად გათავხედებულები და თავგასულები დაუსჯელობის სინდრომით გაჯერებულნი, სრულიად უდანაშაულო, ჩვენი თაობის ადამიანს სასტიკად აწამებენ და კლავენ. ვინ იყო იმ ბიჭების გატაცების და წამების შემოქმედნი? სანოძე და ახალაიები! ღვთისმადლით ერთ-ერთი მაინც გადარჩა და გადრჩნენ სხვებიც ვინც მანამდე და მას შემდეგ იგივე "გმირებს" უცემიათ და უწამებით და დღემდე აგრძელებენ! მე მაინტერესებს რატომ? იმიტომ ხო არა რომ ვინც უნდა გააპროტესტოს ის ჩუმადააა? რატომ არ ვამბობთ ხმამაღლა სათქმელს?მაშინვე რომ ის ფაქტი დაგვეგმო ხომ ვერ "იშრიალებდნენ" ასე ეს მტარვალები? ჰოდა ჩემო დავით არც შენ არ მოგწონს ვიცი მე მაგათი ქმედება და დაგმე რა შე კაი კაცო დაგმეეეეეეეეე!!!!!

დავით გადასარევად იცი რომ დოკუმეტაცია იყო წმინდა წყლის "სრუპენტელობა" სინამდვილეში იქ ხედით და ტერიტორიით დაინტერესების ფაქტორი გახლდათ. დიალოგიო რომ წერ მაგაზე დიალოგი შეიძლება? არიქა ეკლესია არ დამინგრიოო? ან ვინმემ იცოდა წინასწარ რომ ასევე დილაუთენია დაანგრევდნენ მშენებარე ტაძარს? თორე იდიალოგებდა ბატონი ეკლესია მაგ შემთხვევაში, მაგრამ იკითხა ვინმემ? ნუ ბოლო წინადადება არის საოცარი "სირბილე" რომელიც მოსდევს მანამდე, ოდნავ მკაცრ ტონს დასარბილებლად!


კარგია რომ გეუხერხულება! ეს აბსოლიტურად სასულიერო პირთა საქმეა და არ არის საერო პირთა გასარჩევი თუ რომელიმე მოძღვარს რაიმე ეშლება მიხედავს დედაეკლესია.... ჩვენ არ გვევალება კურთხევის მიცემა სასულიერო პირთათვის წადი ან არ წახვიდე! მოძღვარიც ადამიანია და აქვს პროტესტის გამოხატვის ნება, თუმცა ფორმას გააჩნია!

რაც არ ხორციელდება! ჩაატარეთ მონიტორინგი და ამაში თავად დაწმუნდებით. მაგალითად მე ქალაქ ქუთაისზე დავებ თავს (თუმცა თბილისშიც ვიკითხე ვებრჯერ და აურყოფითი პასუხია დაფიქსირებული 15-20 სკოლაში) მოკლედ ქუთაისში მხოლოდ ერთ სკოლაში ისწავლება, განა იმიტომ რომ სხვა სკოლებს ნება არ აქვთ ამისი?! მოგეხსენებათ სავალალო რეფორმების შედეგად სკოლები გადასულები არიან ვაუჩერულ სწავლებაზე და სკოლების უმეტესობას სურვილისდამიუხედავათ არ აქვთ სახსრები რომ უზრუნველყონ მოსწავლეები ასეთი "ფუფუნებით", ანუ ფაკულტატური კუთხით ეს ვერ ხორციელდება არადა სასწავლო ბადიდან იგი ამოღებულია და ეს უნდა ითქვას!

მოკლედ გამიგრძელდა და არ იფიქრო ჩემო დავით, რომ შენი ინტერვიუდან ყველაფერი არ მომეწონა არაა ეს ასე, მაგალითად ძალიან მომწონს როცა კარგად ხსნი თუ რატომ არ უნდა გამოცხადდეს მართლმადიდებლობა სახელმწიფო რელიგიად დღეს ამით ბევრი პოპულისტობს.გეთანხმები იმაშიც რომ წამალაიძის ფაქტორი აბსოლიტურად უარყოფითია სადაც არ უნდა მივიდეს ან გავიდეს!
გაიხარე დავით და ღმერთმა მოგცეს ჯანიც, ნებაც და ძალაც, რომ თქვა სიმართლე და ემსახურო მას! გვეცხოვროს ისეთ საქართველოში სადაც თავისუფლად იფიქრებ, იტყვი და იცხოვრებ!

პოსტის ავტორი: kmunebi თარიღი: Apr 28 2009, 06:18 PM

მართა
და

მართა%0

პოსტის ავტორი: კანუდოსელი თარიღი: Apr 28 2009, 07:33 PM

დიდი ხნის მუშაობს შემდეგ აქ შემოვედი და კანონას ეს შემოქმედება დამხვდა

ნუ, მოკლედ, როდესაც
1. ქვეყანაში რომელსაც უკლავენ პრემიერს და არავინ ისჯება
2. კლავენ რამდენიმე ადამიანს რომელთა უკან მთავრობის მაღალჩინოსნები დგანან და დასჯის ცინიზმს ზღვარი არა აქვს
3. როდესაც ისეთ ვითარებაში ხდება მკვლელობა, რომ საერთოდ უზნეობაა ასე იდგე და უყურო
4. ისე სხვისდება შენობები მხოლოდ მიშას პირდაპირი მითითებით, რომ ვერ გაიგებ რა ხდება
5. ისე უქმდება კვლევითი ინსტიტუტები ლიკვიდაციის გზით, რომ მეცნიერებს არაფერს არ ეკითხებიან
6. იმდენად არაადექვატური ხდება მიშა, რომ რეალობას უბრალოდ გაურბის და რამდენჯერმე ხსნის ერთიდაიმავე ქარხანას
დამრჩენია ერთი რამ
ვიდგე და ვიგინო...

პ.ს.
რატომ ვიგინო? იმიტომ რომ ოპოზიციაც ძირითადში ისეთივე ნაძირალაა როგორიც მიშა და ეს საქართველო კი არა გურჯისტანია უკვე

პოსტის ავტორი: მართა თარიღი: Apr 28 2009, 07:37 PM

კანუდოსელი
ჰოდა რომ ვდგავართ და ვიგინებით ნუ იგინებითო და.....არადა რა ვქნათ რაააა???? აგერ კანონას დავუწერე პაწა გემკაცრა მაგ ინტერვიუშითქო, მარა რა ქნას ახლა ამ კაცმაც კიდე კარგად შეძლო დაწერა ამ მთავრობის ხელში!

პოსტის ავტორი: lch თარიღი: Apr 28 2009, 07:44 PM

kmunebi
ყველაფერში გეთანხმები...
ისე, მეც "არავისტი" ვარ პრინციპში, მაგრამ მე ვღიზიანდები როცა რომელიმე აპოლოგეტი, მაღალფარდოვანი მსჯელობებით, აშკარად "შავის" "თეთრად" წარმოჩენას ცდილობს ხოლმე...

კანუდოსელი

ვეთანხმები ამ პოზიციას...

არ მინდა ამის დაჯერება...


ტიპიური, "აგიტპოლ"-ის მუშაკის შემოქმედება...

პოსტის ავტორი: ბექა თარიღი: Apr 28 2009, 07:44 PM

მაგარი ინტერვიუა ძალიან მომწონს პასუხები! არ აქ მნიშვნელობა მღვდელი წიწიბურას იყვირებს თუ სხვას სადაც საჭიროა იქ უნდა იყოს და ამბიონთანაც რას მოესურვება ის არ უნდა ილაპარაკოს რადგან შეიძლება მისი აზრი მცდარი აღმოჩნდეს (არიქა Ich მეცი არ დამზოგო )
ხო 9 აპრილს რაც შეეხება ძალიან დიდი მადლობა საქართველოს მმართველ და ძალოვან სტრუქტურებს ყურადღება რო არ მიაქციეს არანაირ პროვოკაციას! რადგან რაც მაგ მოღალატეებს უნდოდათ ის ვერ გამოუვიდათ! ხოდა ეხლა მე იქ ტრიბუნაზე მდგომთათვის რაც მინდა ის რომ დავწერო IP ბანი არ ამცდება ხოდა გავჩუმდები

პოსტის ავტორი: xornabujeli თარიღი: Apr 28 2009, 08:06 PM

ახლა უკვე ორი რამ ყველაზე ძალიან მაღიზიანებს.,პირველი ის ,რომ ან მიშას იმედზე იყო და მისი პოლიტიკის ყურმოჭრილი მონა,ან ოპოზიციასთან ერთად ვაშა-ურას მძახებელი,რა არ შეიძლება ერთხელ ამ ქვეყანაში სრულიად უცნობი,მაგრამ პატიოსანი,ღვთის მადიდებელი ჭეშმარიტი მამულიშვილნი ჩადგნენ ქვეყნის სამსახურში,ღირსეული ხალხი,თუნდაც რომელიმე ჩვენთაგანნი მათ შორის, და არა სულ ერთი და იგივე სახეებმა ატრიალონ ამ ქვეყნის ბედ-იღბალი,რატომ,არ უნდა ავიღოთ თვითოეულმა ჩენთაგანმა ჩვენი წილი პასუხისმგებლობა ჩვენს თავზე,ჩვენი სამშობლოს წინაშე.

პოსტის ავტორი: KAIROS თარიღი: Apr 28 2009, 08:18 PM

ჩორჩელების პარტიაღა აკლია ახლა რატომელებს და კმარელებს
პ.ს.
თუმცა... რა იცი რა ხდება

პოსტის ავტორი: მართა თარიღი: Apr 28 2009, 08:32 PM

შეიძლება კი არა აუცილებელია, მაგრამ სიჩუმით კი არა აქტიურობით.თუ არ გამოვფხიზლდით და სხვას მივაჩერდით ჩვენს დასადგომ ადგელებზე სხვები დადგებიან და შეიოძლება ისეთებიც დადგნენ რომ არ ეკუთვნით!
KAIROS

არა რატომ? მარტო პარტიული მუშაობით ხომ არ გამოიხატება ქვეყნის სამსახური? მე სიმართლის აღიარება და დამნაშავეებისა და დანაშაულებების მხილებაც "საქმე" მგონია! თვალების დახუჭვა და ტაშის კვრა კი ქვეყნის წინაშე დანაშაული!

პოსტის ავტორი: KAIROS თარიღი: Apr 28 2009, 08:38 PM

როგორც გინდა, მაგრამ ეს დაყოფას გამოიწვევს მე კი ერთობაზე გწერთ, შენ რომ სამხილებელი გგონია, ის მეორეს მასე არ მიაჩნია, ჩვენ აქ რწმენით ვართ ერთიანები და არა პოლიტიკური შეხედულებებით.

პოსტის ავტორი: lch თარიღი: Apr 28 2009, 09:01 PM

ბექა

ვინმეს მართალი ეგონოება, როდის ყოფილა ვინმეს ვცემოდი დაუზოგავად...

პოსტის ავტორი: orthodox-georgia თარიღი: Apr 28 2009, 10:32 PM

ამჟამად არ ვიცი, მარა ხშირად ხდება ის რაც მე დავწერე. 2007 წლის ნოემბრის მერე დღემდე ხელისუფლება რეალობას გაურბის და საკუთარ თავს იტყუებს. რაში ჭირდებათ ვერ ვხვდები. პრეზიდენტს საკუთარი ვირტუალური საქართველო აქვს და იმაზე გვესაუბრება ხოლმე.

პოსტის ავტორი: staywhite თარიღი: Apr 29 2009, 01:08 AM

ჩემი აზრით, არავის ლაქიობა არ არის ლამაზი : ახალგაზრდა ,ძალღონით სავსე ბიჭები ხართ, ნეტავ რას იყოფნით? მიშას მთავრობის ჭარხალასავით გაწითლებამდე კივილით დაცვას ან ის გრეჩიხაა თუ მისნაირების (აზრზე არ ვარ ვინ ვინაა, იმიტომ რომ იმდენად შემზარავად მიმაჩნია ყველაფერი ეს არც ვკითხულობ) "ვაშა-ვაშას" ძახილს ჯობია სხვა , გამოსადეგი საქმე აკეთოთ თუ დამიჯერებთ. იქ , აქ თუ იმის გადაღმა კაჩავს ჯობია შეიხედეთ არსენალში, თან დაწყნარდებით , თან ისწავლით ნამდვილ კაცურ საქმეებს, უკიდურეს შემთხვევაში წარმოდგენა გექნებათ თავდაცვაზე, მტერი კარზეა მომდგარი...

არ უხდება რა კაცს ეს აშკარა მიკერძოებები ... ისტერიას დაემსგავსა უკვე ყველაფერი, სხვა ქვეყნებშიც ხდება მსგავსები, მაგრამ ეს უსაზღვრო ქმედებები ნამდვილად არა ...

პოსტის ავტორი: ბიძია თომა თარიღი: Apr 29 2009, 01:11 AM

ეს თემა რატო გაიხსნა?

გეთანხბეით თოფები მაინც შეიზინეთ და ვიაროთ სანადიროთ.

პოსტის ავტორი: staywhite თარიღი: Apr 29 2009, 01:14 AM

ბიძია თომა
არსენალში ნადირობაზე ნაკლებადაა საუბარი შეიხედეთ და ნახავთ, რას სწავლობენ და როგორ. აი, ჩვენი ნოდარიკო თუ არ ვცდები ორ გასვლაში მონაწილეობდა და ძალიან ვამაყობ მისით თან არსენალი არის სრულიად აპოლიტიკური და ნებისმიერი პოლიტიკური გამოხდომა ისჯება.

პოსტის ავტორი: ბიძია თომა თარიღი: Apr 29 2009, 01:16 AM

კი გასაგებია ვიცი რაცა მარა მე რაღაც ძან მიYვარს ნადირობა თოფის სროლას მაინც ისწავლიან რა.

პოსტის ავტორი: staywhite თარიღი: Apr 29 2009, 01:18 AM

ხოდა შეიხედე იქ ბევრ რამეს საინტერესოს ნახავ

პოსტის ავტორი: ბიძია თომა თარიღი: Apr 29 2009, 01:24 AM

მარა გუშინ დავრწმინდი რომ მაგრათ ცუდათ ვისვრი ეს ბოლო ერთი 5 თვეა ხმამაღლა ვერ ვიტყვი მიზესს.

პოსტის ავტორი: staywhite თარიღი: Apr 29 2009, 01:27 AM

ბიძია თომა

იქ სროლა არაა და ისიც ახლა. სხვა რამეებია, მოკლედ შეიხედე იქ თემა "ვინცარაფერი ვიცით" ან M16-ს კითხე. პოლიტიკას და მსგავს სისულეებს საქმე ჯობია

პოსტის ავტორი: milana თარიღი: Apr 29 2009, 01:57 AM

სრულიად ვეთანხმები
კიარა და გეთანხები..

პოსტის ავტორი: კანონისტი თარიღი: Apr 29 2009, 11:32 AM

დიდი მადლობა დადებითი და უარყოფითი შეფასებებისათვის.



გეიხარეთ ნამეტანი.

თემა იხურება.