მონოზონნი(სამონაზვნო წესით ცხოვრება), რაოდენ დიდი ყოფილა მონაზვნობის პატივი... პარამეტრები

[marine]

“ბერობა არ არის თვითმიზანი, მონაზვნობა ღვთაებრივი ცხოვრების წესია”

[marine]

"მონასტერში მსახურებას საფუძვლად უდევს მორჩილება. მორჩილება იგულისხმება ყველაფერში: ჩაცმა, კვება, წამლის მიღება და ყოველი მოქმედება უნდა ხდებოდეს საკუთარი ნების გაუთვალისწინებლად და მოძღვრის ან წინამძღვრის კურთხევით. ნებისმიერი საქმე და მოვალეობა, რაც მორჩილებასთანაა დაკავშირებული, სრული სიზუსტით უნდა შესრულდეს, რადგან ყოველი ამგვარი მოქმედება აუცილებელია სულის ცხონებისთვის."

[marine]

„მონაზონს სამი გზა აქვს: ტაძრისკენ, კელიისკენ და საფლავისკენ“.

[marine]

"მონასტერში მორჩილებით ცხოვრებას მოაქვს ჭეშმარიტი სიმდაბლე და სულიერი სიბრძნე. თუ მორჩილება არის სათნოება და ღვთისთვის საყვარელი, რომელსაც მოაქვს მადლი, მაშინ ურჩობა, როგორც საპირისპირო ცნება, ცოდვაა და ღვთისთვის საძაგელი, რომელიც ღუპავს სულს. ურჩობაში იგულისხმება თავის თავზე მინდობა, საკუთარი ნებით ცხოვრება.

ნებისმიერი საქმე, რაგინდ კარგიც არ უნდა ჩანდეს და არ არის კურთხევით, ღვთისთვის არ ჩაითვლება სათნოდ და ცოდვაა, რადგან მას არ მოაქვს სულიერი ნაყოფი, აუცილებელი ყოველი ადამიანისთვის და მით უფრო მონასტრის წევრისთვის. ასეთმა მოქმედებამ შეიძლება შვას ამპარტავნება, თავდაჯერებულობა, მონასტრის ყოველი წევრი ამ სათნოებაშია ნების უარმყოფელი. წინაძღვარმა ამ დროს თვალყური უნდა ადევნოს ყოველი წევრის მოქმედებას და ფხიზლად და სიყვარულით ამხილოს, მიუთითოს ყოველი ასეთი გადახვევის დროს."

[marine]

"არ შვენის მონაზონს ხორცის ჭამა".

[marine]

"როცა მონასტრის წევრები ნებსით თუ უნებლიეთ ცოდვაში ვარდებიან, აღიარებენ მოძღვართან და წინამძღვართან. მაგალითად, როდესაც მონასტრის წევრს უფუჭდება რაიმე ნივთი, აღსარების გარდა ეს უნდა უთხრას წინამძღვარს, არ უნდა ჩავარდეს სასოწარკვეთილებაში და მეტი გულმოდგინებით გააგრძელოს მორჩილება, რაც შესძენს სიმშვიდეს, სიმდაბლეს, სიყვარულს. უპირველესი მორჩილება მონასტრისთვის ლოცვაა. ტრაპეზი მონასტერში კი ლოცვის გაგრძელებაა."

[marine]

"მაშინ, როცა უპირატესი აძლევს შენიშვნას ან სასჯელს მონასტრის წევრს, რომელიც ვარდება უსასოობასა და მწუხარებაში, თვითვე უნდა მოახერხოს ამ მდგომარეობიდან გამოსვლა. ამ დროს აკრძალულია დებს შორის თავისუფალი დამოკიდებულება, რასაც მოჰყვება კადნიერება, ეს კი არის ყოველი ბოროტების სათავე, რომელიც იწვევს ათასგვარ ვნებას და ცოდვას, გაორებულ ცხოვრებას, რომელმაც საბოლოოდ შეიძლება მონასტრიდანაც გაიყვანოს ადამიანი."

[marine]

„ბევრი ფიქრობს, ოჯახი მიატოვოს და ბერად აღიკვეცოს. ამისი წინაპირობა ზოგჯერ გახლავთ კონფლიქტი ოჯახში. ეს არასწორი გზაა“

/დეკ. ბასილ ახვლედიანი/

[marine]

„[ათონის მთაზე] მწუხრის შემდეგ მონაზვნები მონასტრების ტაძრებიდან ან საკუთარ საცხოვრებელთან არსებული პატარა ეკლესიებიდან მცირე ხნით ბუნებაში გამოდიან, მიწას ჩასცქერიან, ქვის სკამებზე შესასვენებლად აუჩქარებლად მიემართებიან და ქრისტეს უტკბესი სახელის მოხსენიებით აღვსილ ლოცვაში იძირებიან. მათ სურთ და იმისთვის იღწვიან, რომ ეს ლოცვა მათ გულებზე ოქროს ასოებით ამოიტვიფროს“.

[marine]

„ყრმობიდანვე მისცა თავი უფალს“

[marine]

„ერში ცხოვრებითაც შესაძლებელია, არაამსოფლიუირ იყო. მაგრამ ყოფითი საზრუნავებით, გამუდმებული განსაცდელებითა და ცოდვაში ჩავარდნებით განა შეიძლება, იმედოვნებდე, მიაღწიო ისეთ ზნეობრივ სრულყოფილებას, სათნოების ისეთ სიწმინდეს, რომელსაც გპირდება და უხვად წარმოგიდგენს მონაზვნის წყნარი, განმარტოებული ცხოვრება - სოფლისა და მისი ამაოებისგან მოშორებით?“

/წმ. ეპისკოპოსი გაბრიელი (ქიქოძე)/

[marine]

„ერთხელ, ერთ მონაზონს ვკითხეთ, როგორ ხარ, როგორ ცხოვრობო. გვიპასუხა: - ადგილს ტყუილად ვიკავებო“

[m16]

ოჯახიც ერთგვარი ბერული ღვაწლია :დ

[marine]

ოჯახიც ერთგვარი ბერული ღვაწლია :დ

იმ შემთხვევაში თუ ჭეშმარიტი სიყვარულითა და თავგანწირვით ხდება ქალისა და მამაკაცის თანაცხოვრება.

[marine]

"წმინდა მამათა გამოცდილებით, ვინც ვერ მიეჩვევა საკუთარი ნების მოკვეთას, ის ვერ მოერევა ვერც მრისხანებას, ვერც გაბრაზებას, არ ექნება სიმშვიდე, ჭეშმარიტი სიმდაბლე, სიყვარული, ვერ იქნება ერთობაში დებთან და ყოველთვის უარყოფითად იმოქმედებს მონასტრის ცხოვრებაზე."

[marine]

“ბევრი შეგონება შემორჩა მონასტერს ღირსი დედისგან [ნეტარი ქსენია რომაელისგან]. მკაცრად აფრთხილებდა ახალგაზრდა მონაზვნებს, თავი მოერიდებინათ მამაკაცებთან საუბრისთვის. მამაკაცებთან ურთიერთობა, თუნდაც საქმიდან გამომდინარე, უკვე გამოცდილი, ასაკოვანი მონაზვნებისთვის მიენდოთ, თვითონ კი სენაკში ელოცათ ქალწულებისა და მიცემული პირობის შესასრულებლად.“

[marine]

„ორშაბათი ბერ-მონაზვნების მფარველი ანგელოზის დღეა და მის პატივსაცემად ვმარხულობთ."

[marine]

"წინამძღვარს ევალება, გაარკვიოს ყოველი წევრის მორჩილების ხარისხი - ჭეშმარიტია, მოჩვენებითი თუ ოცნებით (ხიბლით) ხდება იგი და მიიღოს სწორი გადაწყვეტილება. მონასტერში ცხოვრებისას ყოველი ადამიანი იერარქიულ საფეხურებს გადის. ჯერ ხდება მორჩილად დადგენა, შემდეგ - სამონაზვნე, მონაზონი, სქემმონაზონი".

[marine]

"როცა ადამიანი მონასტრულ ცხოვრებას ირჩევს, მან დასაწყისშივე ძირფესვიანად უნდა გააანალიზოს, როგორ ცხოვრებას უძღვნის თავს, რა თვისებების მოკვეთა მოუწევს და რა უნდა იყოს მისი ცხოვრების მეგზური. ხორციელ და-ძმებთან ურთიერთობას სულიერ დებთან და ძმებთან ურთიერთობა ენაცვლება. მისი ოჯახის წევრები უკვე მონასტრის წევრები ხდებიან, ერთმანეთის ჭირისა და ლხინის გამზიარებლები, სიხარულის და სინანულის ცრემლის გულშემატკივრები. ყველა ერთურთისთვის ზრუნავს და ემსახურება უფალს, რომელიც თითოეული მონანულის სულის ცხონებაზე ზრუნავს."

[marine]

„არასდროს არავინ უნდა შეიყვანოს მონაზონმა საკუთარ სენაკში, არც ქალი და, მით უმეტეს, კაცი, რადგან ამ დროს საცდური ორმაგად მატულობს. მონასტერში მისულ მღვდელთანაც კი ბევრი არ უნდა ისაუბროს მონაზონმა“.