რომელი ეკლესიაა ჭეშმარიტი? პარამეტრები

[marine]

"წმიდა იოანე ოქროპირის აზრით, ეკლესიაში ჭეშმარიტების თავისუფალი კვლევა უნდა სუფევდეს. ეკლესია მხოლოდ ამოწმებს ქრისტიანის პირად აზრებს, რამეთუ გამოდის არა ლოგიკური წინაპირობებიდან, არამედ შინაგანი, ინტუიციური წვდომიდან ღვთაებრივ ჭეშმარიტებათა არსში".

[marine]

"იქნებ რომელიმე თქვენგანს ეჭვი ეპარებოდა იმ ეკლესიის ჭეშმარიტებაში, რომელსაც ნათლისღების მადლით ეკუთვნის, ან თანაუგრძნობდა სექტანტებსა და ეკლესიდან განდგომილებს? იქნებ სხვაც აუღელვებია ჭეშმარიტებას საკმაოდ დაშორებული მსჯელობით. ძალიან ბევრი უნდა იცოდე, ბევრს გრძნობდე, ბევრი გესმოდეს, რომ უფლება გქონდეს არა მარტო მხილებისა, არამედ საერთოდ, ეკლესიაზე მსჯელობისა. უფალო, მოგვიტევე ჩვენ, ცოდვილთ, რომ დავკარგეთ შიში და ისე გავკადნიერდით, რომ ვბედავთ ეკლესიის ბედიღბალზე მსჯელობას"

/არქიმანდრიტი იოანე (კრესტიანკინი)/

[marine]

"არც ერთ რელიგიაში არ არის ცოდვების გამომსყიდველი, მხოლოდ ქრისტიანობაში არის შუამავალი ღმერთსა და კაცს შორის, "რომელიც ჩვენთვის, კაცთათვის და ჩვენისა ცხოვრებისათვის გარდამოხდა ზეცით და ჯვარს ეცვა ჩვენთვის". და როცა მუსულმანები, იუდაიზმის მიმდევრები და სხვები სათანადო პატივს არ მიაგებენ ღმერთის ძეს, რომელიც ქრისტეს და ქრისტიანთა დევნისათვის ათასგვარ დიდებას ჰპირდებიან თავიანთ მრევლს, როგორ შეიძლება ქრისტეს მამა მათი მამაც იყოს. ამაზე თვით უფალი იესო ქრისტე პასუხობს იუდეველებს: "ღმერთი რომ მამა იყოს თქვენი, გეყვარებოდით, რამეთუ მე ჩემით კი არ მოვსულვარ, არამედ მან წარმომგზავნა. თქვენი მამა არის ეშმაკი და მამათქვენის გულისთქმის შესრულება გწადიათ. ის კაცისმკვლელი იყო თავიდან და არაა მასში ჭეშმარიტება, რადგან ცრუია იგი და სიცრუის მამა".

თუ მართლა გვწამს ღმერთი, მაშ ყური მივუგდოთ მას და აღარასოდეს არ ვთქვათ, რომ ჩვენი და სხვა რელიგიების ღმერთი ერთი და იგივეა.

ჭეშმარიტება ერთია: არსებობს სამპიროვანი ერთარსება ღმერთი: მამა ღმერთი, ძე ღმერთი და სულიწმიდა ღმერთი."

[marine]

"სულიერი საცავი, სადაც ინახება და საიდანაც უსასრულოდ გვეძლევა სულიერი განძი, ანუ ჭეშმარიტი სარწმუნოება, არის ერთი, ჭეშმარიტი მართლმადიდებელი ეკლესია"

/წმინდა მღვდელმთავარი ეგნატე ბრიანჩანინოვი/

[marine]

"იმ დროს კი, როდესაც დასავლეთში სოკოებივით მრავლდებოდა ეს ერთიმეორეზე უფრო არასწორი მოძღვრებები, აღმოსავლეთში უცვალებლად ეგო თავის სარწმუნოებაში მართლმადიდებელი ეკლესია - ერთი, ჭეშმარიტი, საღმრთო ჭეშმარიტების დამმარხველი, იმ ჭეშმარიტებისა, რომელიც თვით უფალმა იესო ქრისტემ გვამცნო და რომელიც ეკლესიაში წმინდა მოციქულებმა დანერგეს, ჩვენ, მართლმადიდებელი ეკლესიის შვილებს, გვიპყრია ეს ჭეშმარიტება და მტკიცედ ვადგავართ მას. საუკუნეთა მანძილზე მოდიოდა ეს შეუვალი ჭეშმარიტება მართლმადიდებელ ეკლესიაში და ჩვენამდე მოაღწია; ჭეშმარიტებაზე დგას წმ. ეკლესია და ჩვენც მასთან ერთად. მადლობა უფალს, რომელმაც ინება ჩვენი დაბადება ერთი, ჭეშმარიტი, მართლმადიდებელი ეკლესიის წიაღში!"

/წმინდა მღვდელმთავარი ეგნატე ბრიანჩანინოვი/

[marine]

"...შეეცადეთ დაანახოთ თქვენს მეუღლეს, რომ დასავლურ სარწმუნოებას შემორჩა მხოლოდ მწიგნობრული ცოდვა და თავის მოტყუება, მართლმადიდებლ ეკლესიაში კი მიუხედავად ჩვენი უკიდურესი დაუძლურებისა, ჭეშმარიტება და სული წმიდა ჯერ კიდევ მოქმედებს იმ ადამიანებში, რომლებიც ამისთვის სწორი ცხოვრებით (რამდენადაც ეს კაცს ძალუძს) არიან მომზადებულნი. აუცილებელია ვეზიაროთ სული წმიდას ჭეშმარიტების გზით, აუცილებელია ამის გაკეთება ჯერ კიდევ მიწიერ ცხოვრებაში: უამისოდ არ არსებობს ცხონება. თქვენი გულწრფელი სიტყვის წილ მიიღეთ, როგორც წმინდა სამაგიერო, გულწრფელობა ჩემი სიტყვისაც - და ღმერთმა გაკურთხოთ!"

/წმინდა მღვდელმთავარი ეგნატე ბრიანჩანინოვი/

[marine]

"სულიერი საცავი, სადაც ინახება და საინდანაც უსასრულოდ გვეძლევა სულიერი საგანძური, ანუ ჭეშმარიტი სარწმუნოება, არის ერთი, ჭეშმარიტი, მართლმადიდებელი ეკლესია"

/წმინდა მღვდელმთავარი ეგნატე ბრიანჩანინოვი/