ქრისტიანული ცხოვრების არსი პარამეტრები

[marine]

"თუ ღვთის შვილები არ ვართ, მაშინ სრულიად არაფერს წარმოვადგენთ ამქვეყნად!"

[marine]

„წუთისოფელი ქვათა დაკრების დიდოსტატია. ამიტომ ჩვენ, ქრისტიანები, არ ვართ ამ წუთისოფლისაგანნი, რამეთუ ქრისტემ გამოგვირჩია“.

/დეკ. შიო პაიჭაძე/

[marine]

"საჭიროა შეგახსენოთ, არა შესაშინებლად, არამედ გასაფრთხილებლად: ყოველთვის არ გექნებათ ისეთი თაბორი, როგორიც დასაწყისში გქონდათ; საჭიროა გოლგოთაზე ყოფნაც. სულიერი სიხარული ჯვრის გარეშე მტკიცე არ არის, ყოველ კეთილ საქმეს ან წინ უძღვის ან შემდეგ მოსდევს განსაცდელი; ამის გარეშე ის მტკიცე ვერ იქნება".

/წმ. მაკარი ოპტელი/

[marine]

"დიდად სათნოა ღვთისთვის, რაც კურთხევით აღესრულება; ამიტომ ისე ვიცხოვროთ, რომ ყოველი ჩვენი ნაბიჯი კურთხევით იყოს".

/წმ. ანტონი ოპტელი/

[marine]

"ადამიანმა ყველაფერი ამქვეყნიური უფალს უნდა მიანდოს, თუკი უფალს მიენდობა, ყველაფერი ექნება მას".

/არქიმანდრიტი მაკარი (აბესაძე)/

[marine]

"სამი შეკითხვა გაგაძლიერებს და სწორ გზაზე გატარებს:
1. რა გინდა? 2. რატომ გინდა? 3. როგორ მიაღწიო?"

/დეკ. დავით შაქარაშვილი/

[marine]

"თუ დამიჯერებთ, სიტყვებში არ არის სიმართლე. გაცილებით უფრო მნიშვნელოვანია რას ვგრძნობთ, რას ვაკეთებთ და როგორ ვაკეთებთ იმას, რასაც ვაკეთებთ".

/დათო ყანდაშვილი/

[marine]

"ქრისტიანული ცხოვრება სხვა ადამიანების მიმართ ფრთხილი, სამართლიანი მოქცევით დაიწყეთ"

[marine]

"ცხოვრება თავისშემოზღუდვით"

[marine]

" - თუ აქვს აზრი, პატარ-პატარა ნაბიჯებით ახალი ღვთივსათნო ჩვეულებები შევიძინოთ? მაგალითად, ვეუბნები ჩემს თავს: "ამ კვირაში თერთმეტი საათის მერე არ შევჭამ და არ დავლევ, შემდეგ კვირას კი ოთხშაბათ-პარასკევს ყავას არ დავლევ" და ასე შემდეგ. თუმცა ეს ნაბიჯები ისეთი პატარა გეჩვენება, ზოგჯერ ფიქრობ, რომ ბოროტისგანაა, თავის გამოსწორება არ შემიძლია, მაგრამ ვცდილობ, ასე მაინც მოვიქცე.

- არსებობს სხვადასხვა საშუალება, წარემატო სულიერ ცხოვრებაში და მიუახლოვდე ღმერთს. ასეთი ხერხია - გადაჭრა გორდიასის კვანძი, ისე, როგორც თავის დროზე ალექსანდრე მაკედონელი მოიქცა. ასე მოიქცნენ ეკლესიის მამები, რომლებსაც დიდი სინანული ჰქონდათ - ერთ საათში მკვეთრ გადაწყვეტილებას იღებდნენ - მთელ თავიანთ ცხოვრებას ცვლიდნენ, - ვინაიდან მოიძულეს ცოდვა და შეიყვარეს სათნოება.

რაზეც საუბრობს კითხვის ავტორი - კარგია, მაგრამ ეს არ არის საუკეთესო ხერხი. ეს ნების ვარჯიშია, თანდათანობითი თვითაღზრდა. მაგრამ აქ ეგოიზმიც იმალება, შეგრძნება იმისა, რომ "ყველაფერს მე თვითონ ვაკეთებ".

ამიტომაც, სჯობია გამოცდილი მოძღვარი იპოვო, რომელმაც იცის ადამიანის ისტორია, მისი პრობლემები, მისი შესაძლებლობები და ასეთ მოძღვარს გამოუცხადოს თავისი ნაკლულოვანებები. ამგვარი სახით კი ადამიანი დიდი წარმატებით გამოჯანმრთელდება".

/მამა მოსე (აგიოტარისი)/

[marine]

"ქრისტიანი მუდმივი ჩამოყალიბების, საკუთარი თავის შემეცნების პროცესშია... მაგრამ ყოველთვის უნდა გვახსოვდეს, რომ ეკლესიისადმი განუხრელი მორჩილების გარეშე არ არსებობს არც ჭეშმარიტი სიმდაბლე, არც ჭეშმარიტი სულიერი აზროვნება; გარეთ კი არის ფართო სივრცე, ბნელი სამეფო სიცრუისა და მისგან გამოწვეული თვითცდუნებისა".

/არქიმანდრიტი ლაზარე (აბაშიძე)/

[marine]

"თუკი ყოველი საქმე, სიტყვა და აზრი ჩვენზე ბეჭედს ასვამს, მაშ ყველა ღონე უნდა ვიხმაროთ, რომ თავი ყოველგვარი საზიანოსგან დავიცვათ".

/წმ. ნიკონ ოპტელი/

[marine]

"ყოველი მოქმედებისას უნდა ვკითხოთ საკუთარ თავს: მე კი მომწონს, მაგრამ ღმერთს თუ მოსწონს? თუ ამის გაკეთებას დავივიწყებთ, დავივიწყებთ ღმერთსაც".

/ღირსი პაისი ათონელი/

[marine]

"ადამიანმა ცხოვრება ისე უნდა განვლოს, რომ წარსულისა არ შერცხვეს უფლის წინაშე. კარგად უნდა დააკვირდეს განსხვავებას, როგორ ცხოვრობდა ეკლესიის გარეთ და როგორია მისი ცხოვრება ეკლესიის წიაღში. ამ ყველაფერს რომ დააკვირდება ხორციელი თვალით, სულიერი თვალიც აეხილება და უფლის მსახურებაზე არასდროს იტყვის უარს, თანაზიარი გახდება უფლის სისხლისა და ხორცისა. ასეთ ადამიანს უფალი წყალობასა და მადლს არ მოაკლებს და ბედნიერი იქნება."

/მამა თეოფანე (არღვლიანი)/

[marine]

"მივმართოთ ჩვენი შინაგანი კაცი ქრისტესკენ. ჩვენს ყოველ ქმედებას და მცირე მოძრაობასაც კი იმის შეგნება ახლდეს, თუ როგორ შეხედავს ამას ქრისტე და არა ის, როგორ ეჩვენებათ ადამიანებს".

/ღირსი პაისი ათონელი/

[marine]

"ჩვენი ცხოვრება ხდება სიცოცხლე, როდესაც მასში ღმერთი მყოფობს!"

[marine]

"შეძლებისდაგვარად ნამდვილები უნდა ვიყოთ"

/არქიმანდრიტი ანდრია კონანოსი/

"ვერ დავეთანხმები, რომ ასობით ტაძარს შორის შენი ვერ იპოვო, ან ათასობით მღვდელს შორის - მამა და მოძღვარი".

[marine]

"ქრისტიანს არ უნდა სძულდეს ცხოვრება: შეიგრძნობს რა, რაოდენ არასრულქმნილია, პირქუში, ზოგჯერ სასტიკიც კი, მას მაინც უნდა უყვარდეს იგი, როგორც ღვთის უდიდესი ნიჭი და ესმოდეს, რომ ყოველ მოსურნეს შეუძლია მისგან ბევრი რამ ისწავლოს. ცხოვრება - ასპარეზია, სადაც ჩვენ სიმართლისათვის ვებრძვით სიცრუეს და სიკეთისათვის - ბოროტებას. იგი განძია, ხშირად ადამიანების მიერ გაფლანგული; ცხოვრებისგან ჩვენ უნდა მივიღოთ სარგებლობა და როდესად დადგება ჟამი, ღვთის ხელში უნდა დავაბრუნოთ, იქ, საიდანაც მივიღეთ".

[marine]

"მცირე დროითაც ნუ დარჩები უსაქმოდ, იყავი ყოველთვის შრომასა და საქმიანობაში".

[marine]

"ისურვე იცხოვრო და მოკვდე მხოლოდ უფლისათვის და ეკუთვნოდე მას".

"ვახშმობის დროს გაიხსენე იესო ქრისტეს უკანასკნელი საღამო და ევედრე მას, რომ ზეციური საღამოს ღირსი გაგხადოს.

დაძინებამდე გამოსცადე საკუთარი სინდისი; სთხოვე ღმერთს საკუთარი ცოდვების შეცნობისათვის გაგინათლოს გონება; განიხილე შენი ცოდვები; ითხოვე მათთვის შენდობა; განსაზღვრე ნათლად და ზუსტად რა გზებით და როგორ აპირებ საკუთარი თავის გამოსწორებას.

შემდეგ მიენდე ღმერთს. თითქოს იმ ღამით მის წინაშე უნდა წარდგე, სთხოვე მფარველობა ღვთისმშობელს, მფარველ ანგელოზს და წმინდანს, რომლის სახელსაც ატარებ.

წარმოიდგინე საწოლი კუბოდ, ხოლო საბანი - სუდარად; გადაიწერე პირჯვარი. ემთხვიე სამკერდე ჯვარს და დაიძინე ღვთის მფარველობით.

თუ ვერ იძინებ, ან ფხიზლობ ღამის განმავლობაში, გაიხსენე სიტყვები: "შუვა-ღამეს ოდენ ღაღადებაი იყო, ვითარმედ: აჰა ესერა სიძე მოვალს", ან ის ბოლო ღამე მოიგონე, როდესაც იესო სისხლიანი ოფლით ევედრებოდა მამას; ილოცე ამ დროს მძიმედ სნეულთა, სასიკვდილო სარეცელზე მყოფთა, ტანჯულთა და მიცვალებულთათვის და ევედრე უფალს, რომ არ დაგფაროს სამუდამო ბნელეთმა".