სიკვდილი - მიწიერი ცხოვრების დასასრული პარამეტრები

[marine]

"სიკვდილი სხვა არაფერია, ხანგრძლივი ძილის გარდა!"

/წმ. იოანე ოქროპირი/

[marine]

"ვიფიქროთ სიკვდილზე იმიტომ, რომ ჩვენ რომც დაგვავიწყდეს იგი, მას არ დავავიწყდებით!"

[marine]

"ძილი სიკვდილის სახეა, ხოლო გამოღვიძება აღდგომის მსგავსია"

[marine]

"ილუშეჩკას სიტყვები მახსენდება დოსტოევსკის "კარამაზოვებიდან". "როცა ჩემს საფლავს მიწას დააყრიან, მოაბნიე ჩემს საფლავს პურის დაფშვნილი ნამცეცები. მოფრინდებიან ბეღურები და აჟღურტულდებიან. მე გავიგონებ მათ ხმას და გავმხიარულდები. მარტო აღარ ვიგრძნობო თავს".

/ლელა ჩხარტიშვილი/

[marine]

"სასაფლაო ხომ ის ადგილია, სადაც ვგრძნობთ, თუ როგორ გვეფერებიან გაღმა ნაპირას გასულთა სულები და გვლოცავენ. ამიტომაც გვენუგეშება იქ მისვლა".

/ლელა ჩხარტიშვილი/

[marine]

"შესაძლოა, უკვე დიდი ხანია იზრდება ის ხეები, რომლებიდანაც ჩვენს კუბოებს გააკეთებენ!"

[marine]

"განა ღმერთს, რომელმაც არასებობიდან შეგვქმნა, არ შეუძლია, აღგვადგინოს მაშინ, როდესაც უკვე ვარსებობდით და მოვკვდით?!"

/წმ. კირილე იერუსალიმელი/

[marine]

"ღვთისთვის გაცილებით ადვილია მიწის პირზე განბნეული ადამიანის ფერფლის შეკრება, ვიდრე ჩვენთვის - ოთახში დაკიდული კაბის ჩამოხსნა!"

[marine]

"განა თვით ყველაზე გულმოდგინე და ყურადღებიანი დამკვირვებელი შეძლებს, აღმოაჩინოს, როგორ ხდება, რომ მკვდარი, მიწაში ჩაგდებული თესლი აღმოაცენებს ახალ მცენარეს და მის შესაბამის მრავალ ამონაზარდს? ეს სასწაული ისევე ძნელი ასახსნელია, როგორც გახწნილი ფერფლიდან ადამიანის აღდგომა, ამიტომაა, რომ აღდგომის დოგმატის ჭეშმარიტებაში კორინთელთა განსამტკიცებლად წმინდა პავლე მოციქულს მოაქვს მცენარის მაგალითი, რომელიც მკვდარი მარცვლიდან იბადება და უგუნურს უწოდებს მათ, ვინც ყოველდღიურად ამ უკანასკნელ სასწაულს ხედავს და ეჭვი ეპარება პირველში, რომელსაც ღმერთი უკანასკნელ ჟამს აღასრულებს. ჩანს, ღვთისთვის სათნო იყო, რომ ყოველივე - ჩვენს გარშემო არსებული და თვით გონებით დადასტურებული ჭეშმარიტებები საიდუმლოთა მთელ სიმრავლედ წარმოდგენილიყო იმისათვის, რომ მოვემზადებინეთ და განვეწყვეთ იმის მისაღებად, რომლის გაცხადებაც მას ჩვენთვის სურდა. როგორც ჩვენ გვახარებს გაზაფხულის მოსვლა, ასევე უნდა გვახარებდეს ჩვენი მომავალი აღდგომაც, მაგრამ აღდგომის გაზაფხული ჭეშმარიტად მხოლოდ მაშინ გაგვახარებს, როდესაც ქრისტიანულად ვიცხოვრებთ, ვინც ურჯულოდ ცხოვრობს, ის აღდგომის დღეს ვერ გაიხარებს და დაუსრულებლად იქნება წყვიდადში!"

/წმ. ეფრემ ასური/

[marine]

"ქრისტიანს შეუძლია, კადნიერი სიხარულით უთხრას კარსმომდგარ სიკვდილსაც: "სიკვდილო, სადა არს საწერტელი შენი?!"

[marine]

"იკითხავ: "როგორ ხდება, რომ დარღვეული ბუნება კვლავ იმად იქცევა, რაც იყო?" საკუთარი თავი განსაჯე და ნახავ, რომ ეს სარწმუნოა: დაფიქრდი, რა იყავი მანამდე, ვიდრე არსებობას მიიღებდი? რა თქმა უნდა, - არავინ! თუკი შესაძლოა, რომ გახდე ის, რაც არასდროს ყოფილხარ, მით უმეტეს, შესაძლოა, ის გახდე, რაც ოდესღაც უკვე იყავი!"

[marine]

"ჩვენი სხეულის არცერთი ნაწილი, - როგორც არ უნდა გაიბნეს ისინი, თუნდაც სრულიად გაიხრწნას, ან ერთიანად დაიჭრას, - ღვთისთვის არ კვდება, ისინი, იმავე სტიქიად გარდაიქმნებიან, რომლიდანაც ღვთს ხელმა აიღო!"

/ნეტარი ავგუსტინე/

[marine]

"კაცობრიობისთვის სირცხვილია, რომ არიან ადამიანები, რომლებიც ოცნებობენ, სხვებზე ჭკვიანები იყვნენ, და იმ მატლზე უგუნურები არიან, რომელიც სიკვდილის მოლოდინში საკუთარი თავისთის ქსელის ან ბეწვის კუბოს იმზადებს არა იმისთვის, რომ მასში გაქრეს, არამედ იმისათვის, რომ შიგ მატლის მიწიერი ცხოვრება ჩადოს და აღდგეს პეპლის ჰაეროვანი სიცოცხლით"

[marine]

"მატლი თავისთვის იმზადებს საფლავს, მასში იკეტება და კვდება; მაგრამ გაზაფხულის წყალობით ამ საფლავიდანაც ამოდის მსუბუქი, მრწყინავი პეპელა - და ის ქმნილება, მტვრად რომ იქცა, კეთილსუნრნელოვან ყვავილებთან თამაშობს!"

[marine]

"მარცვალი, რომელიც მიწის წიაღში ჩავარდება, იხსნება, აღმოცენდება და ოქროს რკალივით დამშვენდება, ყოველივე გარდაიქმნება და ხელახლა იბადება დედამიწაზე, ყოველივე განუწყვეტლად სრულყოფილებამდე მაღლდება... და განა - ადამიანი, უკეთილშობილესი ქმნილება, რომელიც ყოვლისმპყრობელის მსგავსებაა, მიწაზე მღოღავ მატლზე უბედური იქნება? ან - ქერის თესლზე უბადრუკი? - არა! მიწიერი ყოფნის მიღმა მარადიულობაში ასასვლელი კიბეა აღმართული!"

[marine]

"ყოველ გაზაფხულზე, როდესაც დედამიწაზე ახალი ცხოვრება მოევლინება, აღდგება მცენარეები და ათასობით გაყინული, მკვდარი მწერი გაცოცხლდება; განა მიწა არ წარმოადგენს საყოველთაო აღდგომისა და ახალი, უკვდავი ცხოვრების წინასახეს?"

[marine]

"მიიწვია გამჩენელმა იგი იმ სოფლად"

/ვასილ ბარნოვი/

[marine]

"როგორც საღამოს დაძინებული გაიღვიძებს დილით სიცოცხლის განახლებული ძალებით, ასევე, ხორციელი სიკვდილით მძინარე გაიღვიძებს ახალი, უკვდავი სიცოცხლისათვის საყოველთაო აღდგომის დღეს".

[marine]

"ამჟამინდელი ჩვენი ცხოვრება არის სამწუხარო, სადაგი დღეები - დრო შეჭირვებისა და შრომისა, - ვიდრე განსვენების დღემდე; სიკვდილი - ჩვენი შაბათია, რომლის დროსაც მიწის წიაღში ვიქნებით განსვნებულნი: ხოლო კვირას დადგება ჩვენთვის დღე აღდგომისა - პასექი სამარადისო!"

[marine]

"რა არის ჩვენი საფლავები? კალო უფლისა, რომელზეც მარცვალივით ითესება სხეული და მათგან, ჩვენთვის შეუცნობელი გზებით, ოდესმე აღმოცედნება ახალი, უკვდავი სხეული ისევე, როგორც მცირე ზომის გახრწნილი მარცვალი სასწაულებრივად აღმოაცენებს ხოლმე ულამაზეს თავთავს!"