ზრახვები და ხიბლი პარამეტრები

[marine]

"თუ ხიბლში მყოფ ადამიანს თვალებში ჩავხედავთ, შეამჩნევთ, რომ ყველა დანარჩენს ის უცქერის, როგორც არარაობას, როგორც - ჭიანჭველებს"

/ღირსი პაისი ათონელი/

[marine]

"წმინდა პაისი ამბობს: "საკუთარ თავში კარგი აზრების წარმოებისათვის ქარხანა უნდა გვქონდეს" ე.ი. ჩვენმა გონებამ კეთილი აზრები უნდა წარმოქმნას, რადგან როცა ჩვენი გონება ბოროტ აზრებს აწარმოებს, ჩვენი ყველაფერი მახინჯდება, სული იტანჯება - გული, თვალები, ყველაფერი, რაც ჩვენშია"

/მიტროპოლიტი ათანასე ლიმესოელი/

[marine]

"თუკი ჩვენი ზრახვები და სურვილები ეწინააღმდეგება ღვთის მცნებებს - არ ვიღებთ მათ და არ ვასრულებთ. აი, ასეთი დარიგება გვაქვს ყველა წმინდა მამისაგან"

[marine]

"როდესაც ადამიანს უჩნდება ცუდი ზრახვები და სურვილები - ჩაიდინოს ცოდვა, ის უფლებას აძლევს ბოროტს, გაბატონეს მასზე და სანამ არ შეინანებს, არ მოეშვება, ვიდრე არ დაღუპავს.

ამიტომაც პირველი და უმთავრესი საღვთო მეცნიერება, რომელსაც უნდა დავეუფლოთ - ეს არის კეთილი და ცოდვილი ზრახვებისა და სურვილების გარჩევა, კეთილი - შევასრულოთ, ცოდვილი - მოვიკვეთოთ"

[marine]

"გიყვარდეს ღმერთი ისე, როგორც მან თვით გამცნო, და არა ისე, როგორც ხიბლში მყოფ მეოცნებეებს ჰგონიათ, რომ უყვართ"

/წმინდა მღვდელმთავარი ეგნატე ბრიანჩანინოვი/

[marine]

"მრავალმა მოღვაწემ მიიღო ბუნებრივი სიყვარული საღმრთო სიყვარულად, რითაც სისხლის აღგზნება და ხიბლი დაიტეხა თავს; აღგზნების მდგომარეობა კი ძალიან იოლად გადადის გაშტერების მსგავს მდგომარეობაში. ამგვარი აღგზნებისა და გაშტერების მდგომარეობაში მყოფი ადამიანები ბევრმა სული წმიდით შემოსილ და წმინდა მამებად მიიღო, სინამდვილეში კი ისინი მხოლოდ და მხოლოდ ხილბის უბედური მსხვერპლნი იყვნენ"

/წმინდა მღვდელმთავარი ეგნატე ბრიანჩანინოვი/

[marine]

"ხმებსა და ხილვებს რაც შეეხება, კიდევ უფრო მეტი სიფრთხილე გმართებთ, რადგან ეშმაკის ხიბლი აქ კიდევ უფრო ახლოსაა ჩასაფრებული. მრავალი წმინდა და გამოცდილი მამაც კი აცთუნეს დემონებმა, რომლებიც ოსტატურად მალავენ თავიანთ ტყუილსა და სიბნელეს ნათლისა და ჭეშმარიტების საფარველქვეშ: მით უფრო ადვილად აცთუნებენ ახალგაზრდებსა და გამოუცდელებს. დიდი დრო და გამოცდილებაა საჭირო, რომ გულმა და გონებამ კეთილისა და ბოროტის გარჩევა ისწავლოს, რა ნიღაბსაც არ უნდა იფარებდეს ეს ბოროტება. ამიტომ წმ. მამებმა გვამცნეს, რომ ახალბედები არავითარ ხმებსა და ხილვებს არ უნდა ენდონ, არამედ უნდა უარყონ და არ მიიღონ ისინი; ღმერთის ნებასა და სამსჯავროს მიანდონ ყოველივე, საკუთარი სულისთვის კი ყველა ხმასა და ხილვაზე საჭიროდ სიმდაბლე აღიარონ. ქრისტეს ხმა არის სახარება: მაშ, მას მოვუსმინოთ და მასვე დავემორჩილოთ"

/წმინდა მღვდელმთავარი ეგნატე ბრიანჩანინოვი/

[marine]

"ხიბლი არის ჭეშმარიტებისგან და ჭეშმარიტების ხელშემწყობი სულიწმიდისგან გადახვევა, გადახვევა სიცრუისაკენ და სიცრუის ხელშემწყობი უარყოფილი სულებისაკენ. ხიბლი უკვე არსებობს საკუთარ თავზე დიდ წარმოდგენაში, საკუთარი თავის ღირსად მიჩნევაში, თავად მადლის მოლოდინში"

/წმინდა მღვდელმთავარი ეგნატე ბრიანჩანინოვი/

[marine]

"ღირსი გრიგოლ სინელი ამბობს: "საერთოდ ერთია ხიბლის მიზეზი - სიამაყე"

[marine]

"მოწაფე: ზუსტად და ზედმიწევნით ამიწერე ხიბლი, რა არის ხიბლი?

ბერი: ხიბლი არის ადამიანის ბუნების დაზიანება სიცრუისგან. ხიბლი არის ყველა ადამიანის მდგომარეობა, უგამონაკლისოდ, რომელიც გამოწვეულია ჩვენი წინაპრების დაცემით. ჩვენ, ყველანი ხიბლში ვართ. ამისი ცოდნა არის უდიდესი თავდაცვა ხიბლისაგან. უდიდესი ხიბლია თავს ხიბლისაგან თავისუფლად თვლიდე. ჩვენ, ყველანი მოტყუებულები ვართ, ყველანი მოხიბლულები ვართ, ყველანი ცრუ მდგომარეობაში ვართ და ჭეშმარიტებიგან განთავისუფლება გვჭირდება. ჭეშმარიტება არის უფალი ჩვენი იესო ქრისტე. შევეთვისოთ ამ ჭეშმარიტებას მისი რწმენით, ლოცვით შევღაღადოთ ამ ჭეშმარიტებას და იგი ამოგვიყვანს თავის მოტყუებისა და დემონთაგან მოტყუების უფსკრულიდან. სავალალოა ჩვენი მდგომარეობა!"

/წმინდა მღვდელმთავარი ეგნატე ბრიანჩანინოვი/

[marine]

"ჩვენი დიდი შერკინება მიმართულია სიძვის სულისა და ხორცის გულისთქმის წინააღმდეგ. ეს გულისთქმა ადრეული ასაკიდან იწყებს ადამიანის გატანჯვას. დიდია ეს შერკინება, მძიმე და ორმაგი ბრძოლის მქონე. ამიტომ თუ სხვა ნაკლოვანებებს მხოლოდ ერთი ბრძოლა აქვს სულში, ეს ვნება ორმაგია, სულსა და სხეულში შემყარებული, და ამის გამო ორმაგი ბრძოლის გამართვა გმართებს, რადგან არ არის საკმარისი მხოლოდ სხეულებრივი მარხულობა სულის გონებამრთელობისა და ჭეშმარიტი სიწმინდის მოსაპოვებლად, თუ ამავე დროს არ ხდება გულის შემუსვრა, გაძლიერებული და მოუკლებელი ლოცვა ღვთის მიმართ, წერილთა მიმართ გულმოდგინების გამოჩენა, დაშრომა და ხელსაქმეობა, რომელთაც სურთ სულის დაუდგრომელ აღძვრათა მოთოკვა და სამარცხვინო წარმოსახვების მისი უკმეხობა. თუმცა ყოვლის უწინარეს შემწევნელია სულის მდაბლობა, რის გარეშე ვერავინ შეძლებს ვერც სიძვის, ვერც სხვა ვნებათა დაძლევას"

/წმ. კასიანე რომაელი/

[marine]

"ბოროტი აზრიც რომ გვქონდეს, კეთილად ვაქციოთ, რადგან ეჭვი ცუდია და ძლიერ ვნებს სულს, და ეს არის ბუნებრივი ტყუილი"

/წმ. აბბა დოროთე/

[marine]

"სიხარულით დაამხე აღძრული გულისსიტყვები! იცოდე: როცა ეს გულისსიტყვები პირველი გამოჩენისთანავე მოისპობა, მათთან ერთად მოისპობა ბოროტი მოძრაობაც, ხოლო იგი გამრავლდება, თუ გულისსიტყვების განვითარებას დავუშვებთ"

/ღირსი მარკოზ მოსაგრე/

[marine]

"წმინდა ისააკი ამბობს: "თუკი ვინმე გულისსიტყვებს, რომლებსაც მტერი ჩვენში მზაკვრულად თესავს, კი არ ედავება, არამედ მათთან საუბარს ღვისადმი ლოცვით აღკვეთს, ეს იმის ნიშანია, რომ მისმა გონებამ მადლისაგან სიბრძნე შეიძინა და რომ საქმის სწორმა გაგებამ იგი ბევრი (ამაო და ზედმეტი) შრომისაგან გაათავისფულა. მოკლე გზის პოვნით მან აირიდა ხანგრძლივი სიარული (მოგზაურობა) გაჭიანურებულ გზაზე"

/წმინდა მღვდელმთავარი ეგნატე ბრიანჩანინოვი/

[marine]

"შენს მასწავლებელს გაუმხილე ყოველი გულისსიტყვა, რომელიც შენში ბრძოლას იწვევს, და ბრძოლა შეგიმსუბუქდება. თავს უფლებას ნუ მისცემ სირცხვილის გამო დამალო თუნდაც ერთი ასეთი გულისსიტყვა, იმიტომ, რომ დემონები ადგილს მხოლოდ იმ ადამიანში პოულობენ, რომელიც თავის გულისსიტყვებს მალავს, როგორც კეთილს, ისე ბოროტს"

/აბბა ესაია/

[marine]

"ხიბლი ადამიანური ბუნების სიცრუით დაზიანებაა. ყოველი ადამიანი ხიბლის მდგომარეობაშია, რაც ჩვენი პირველმშობლების დაცემით არის გამოწვეული. ჩვენ, ყველანი, ხიბლში ვართ. ამის ცოდნა უდიდესი დაცვაა ხიბლისგან. უდიდესი ხიბლია - თავი ხიბლში მყოფად არ მიგაჩნდეს. ჩვენ ყველანი მოტყუებულნი ვართ, ყველანი ცთუნებულნი ვართ. ყველანი სიცრუეში ვიმყოფებით, ყველას გვესაჭიროება ჭეშმარიტების მიერ გათავისუფლება. ჭეშმარიტება - უფალი ჩვენი იესო ქრისტეა. ამ ჭეშმარიტებას მისადმი რწმენით შევეთვისოთ, ლოცვით შევღაღადოთ ამ ჭეშმარიტებას და იგი გამოგვიყვანს დემონური საცთურების უფსკრულიდან"

/წმ. ეგნატე ბრიანჩანინოვი/

[marine]

"მამა პაისი ამბობდა, რომ ადამიანზე სული წმიდის გადმოსვლა ხდება იმ შემთხვევაში, თუ მას გამუდმებით კეთილი ფიქრები და ზრახვები აქვს"

[marine]

"ზეთის გარეშე კანდელი ვერ აინთება, რწმენის გარეშეც ვერავინ მოიპოვებს კეთილ აზრებს"

/წმ. ეფრემ ასური/

[marine]

"მზაკვარ აზრს ისევე არ უნდა მისცე სულში გაზრდის საშუალება, როგორც ბალახს - ბოსტნელის კვალში"

/წმ. ეფრემ ასური/

[marine]

"მამათ თქმით, ჩვენში ღრმად ჩამჯდარი ვნებების დაძლევაში უდიდესია კეთილი ზრახვების მნიშვნელობა. მამა პაისი ათონელი კეთილ ზრახვებს თავისი მნიშვნელობით მრავალსაათიანი ღამისთევის ლოცვას უტოლებს. "კეთილი ზრახვების მეშვეობით ადამიანი იწმინდება, მასზე გადმოდის ღვთიური მადლი... ამგვარი ზრახვა ებრძვის და ამარცხებს კიდეც ვნებებს... ჩვენს დროში არსებობს ისეთი რაკეტსაწინააღმდეგო სისტემები, რომელიც ლაზერის სხივით მტრის რაკეტას სასტარტო მოედანზევე ანადგურებს, არ აძლევს მას აფრენის საშუალებას. ასევე კეთილი ზრახვა, არ აძლევს ბოროტ ზრახვებს ეშმაკის "აეროდრომიდან" აფრენის საშუალებას"