მღვიძარება პარამეტრები

[marine]

"სად მიდის მძინარე კაცის ყველა აზრი და გრძნობა? რა იდუმალი მდგომარეობაა ძილი, რომლის დროსაც ხორცი და სული ცოცხლობს და თან არც ცოცხლობს, თითქოს მკვდარია? ძილი ისეთივე გაუგებარი რამ არის, როგორიც სიკვდილი. ამ დროს სული ისვენებს. ივიწყებს უმძიმეს ამქვეყნიურ საფიქრალს და საწუხარს - თავისი საუკუნო განსვენების ხატად. ხოლო ხორცი? თუკი იგი ძილისაგან იღვიძებს, მაშ, უსათუოდ აღსდგება მკვდრეთითაც. ხომ თქვა აგათონ დიდმა: "შეუძლებელია სათნოებათა მოხვეჭა, თუ საკუთარ სულს ფხიზლად არ ვუდარაჯებთ". ამინ.

/წმინდა მღვდელმთავარი ეგნატე ბრიანჩანინოვი/

[marine]

"ღირსი მამა [სერაფიმე საროველი] მთელი თავისი სიცოცხლის მანძილზე ასკეტიზმით იყო გამორჩეული, ბოლო წლებში კიდევ უფრო გაამკაცრა ყოველდღიური ყოფა. თავის თავს ძილში ნორმალურად მოსვენების უფლებასაც არ აძლევდა - ისეთ მოუხერხებელ მდგომარეობაში ეძინა, რის წარმოდგენაც კი ძნელია: მუხლებზე დგებოდა და თავდახრილი, იდაყვებზე დაყრდნობილი თვლემდა, თავი კი ხელებით ეჭირა. ეს იყო მისი ძილი, თუ ამას ძილი შეიძლება ეწოდოს"

[marine]

"ბერს [ღირსი სერაფიმე საროველი] ქვებზე მჯდომს, ან იატაკზე მუხლებზე მდგომს ეძინა"

[marine]

"ადამიანს მოეთხოვება, რომ შინაგანად არ ეძინოს და მისი გონება მუდამ კონცენტრირებული იყოს. წინააღმდეგ შემთხვევაში შეიძლება ისე შესცოდოს და დააზიანოს ეშმაკმა, რომ ვერც იგრძნოს. მღვიძარების ღვაწლი მთელი მეცნიერებაა, რომელიც მძიმე შრომითა და საღმრთო მადლის მოქმედებით ისწავლება"

/მიტროპოლიტი ათანასე ლიმასოლელი/

[marine]

"ის [ჰაჯი-გიორგი] ცოცხალი მაგალითი იყო საძმოსათვის. ძალიან ცოტა ეძინა და თანაც, სადაც მოუხერხდებოდა"

[marine]

"მღვიძარება იქით მიისწრაფვის, რომ გამუმდებით იყოს სახარების ყველა მცნების შესრულებაში საქმეებით, სიტყვებით, ფიქრებით, გრძნობებით"

/წმინდა მღვდელმთავარი ეგნატე ბრიანჩანინოვი/

[marine]

"მღვიძარება არის გულის სიწმინდის მიზეზი, ამიტომაც მიზეზი ღვთის ხედვისაც, რომელსაც მადლი წმინდებს ანიჭებს და გულის სიწმინდეს ნეტარ უვნებობამდე აღამაღლებს. მღვიძარება განუშორებელია განუწყვეტელი ლოცვისაგან, მისგან იშვება და მას შობს: ერთმანეთისაგან ურთიერთშობით ეს ორი სათნოება დაურღვეველი კავშირით იკვრება.

მღვიძარება არის სულიერი ცხოვრება. მღვიძარება არის ზეციური ცხოვრება. მღვიძარება არის ჭეშმარიტი თავმდაბლობა, რომელსაც თავისი სასოებისთვის თავი ღმერთში მოუყრია, უარუყვია საკუთარ თავსა და ადამიანებზე ყოველგვარი მოიმედეობა"

/წმინდა მღვდელმთავარი ეგნატე ბრიანჩანინოვი/

[marine]

"მღვიძარება უმჟავნებს მღვიძარეს თავის დაცემულ ბუნებას, უმჟღავნებს დაცემულ სულებს, უმჟღავნებს ადამიანების დაცემულ სულებზე იმ დაქვემდებარებას, რომლამდეც ადამიანი მათი ნების შესრულებით დაეცა, რომელშიც იგი უფრო ღრმად ვარდება, როცა მათ ნებასა და თავის ცოდვილ ნებას ასრულებს"

/წმინდა მღვდელმთავარი ეგნატე ბრიანჩანინოვი/

[marine]

"მომმადლე მე, უფალო, უზაკველად წარმოდგომა შენს წინაშე, ჩემო გამომსყიდველო, როცა ვმღვიძარებ, და მომმადლე მე, უცოდველად ვგემულობდე ძილს, როცა მძინავს! ხოლო თუკი მღვიძარებისას უსჯულოებას ჩავიდენ, დაე, განვიწმიდო შენი მადლით, უფალო, და თუ, შევცოდავ ძილისას, დაე, შენი მოწყალება შეიქმნას ჩემი განწმენდელი!"

/წმ. ეფრემ ასური/

[marine]

"იძინე ცოტა, ზომიერად, და ანგელოზები დაგიცავენ"

/წმ. ანტონი დიდი/

[marine]

"მღვიძარება განსჯით აღასრულე, სხეულს აუცილებელ მოსვენებაზე უარს ნუ ეტყვი. ღვთისმოსავი ღვაწლი გონივრულად და თავმდაბლობით აღასრულე, რათა ზედმეტმა ფხიზლობამ სული არ დააღონოს და მან ასპარეზი სავსებით არ მიატოვოს. საკმარისია ღამის ნახევრის ღვიძილში გატარება, ნახევრისა კი - სხეულის მოსვენებაში"

/აბბა ესაია/

[marine]

"ბევრი ძილი სხეულში ვნებებს აღძრავს. ზომიერი ფხიზლობა გულს ვნებებისგან იცავს. ზედმეტი ძილი გულს სიტლანქეს გადასცემს, ზომიერი ფხიზლობა მას ანატიფებს"

/აბბა ესაია/

[marine]

"მღვიძარების გარეშე შეუძლებელია სულიერი ღვაწლი"

/მღვდელი დიონისე ტაცისი/

[marine]

"წმიდა მამის მოწაფეთაგან შევიტყვე, რომ ბერი დოროთე სიყრმიდანვე ასეთ ცხოვრებას ეწეოდა და რომ იგი დასაძინებლად არასოდეს წვებოდა. ეს საოცარი ადამიანი მხოლოდ მუშაობისას ან სადილობისას ჩასთვლემდა ხოლმე მცირე ხნით და ყოფილა ისეც, რომ ამგვარი თვლემისას პირიდან ლუკმაც კი გადმოვარდნია. ერთხელ მე შევეცადე მეიძულებინა წმიდა მოღვაწე მცირე ხნით ჭილობზე მიწოლილიყო. იგი განრისხდა და მითხრა: ჯერ ანგელოზები დაარწმუნე იმაში,რომ მათ როდესმე დაიძინონ, ამის შემდეგ კი მოშურნე მოსაგრის დარწმუნებასაც შესძლებ"