"ტყე შეუნახე შვილებსა" პარამეტრები

[marine]

"ხუჭუჭა ტყიდან აყრილ ნისლებს ვაყოლებ მზერას"

/ვალერიან წიკლაური/

[marine]

"ხელუხლებელი ტყეები"

[marine]

"რა ჰარმონიით მოაწყო ყველაფერი ღმერთმა! შეხედე ადამიანის მიერ გაშენებულ ტყეს. ხეები საჯარისო რიგებივით დგანან - როგორც ჯარისკაცები ასეულში. და ამავე დროს, როგორ აღადგენს ადამიანის ძალებს არა ხელოვნური, არამედ - ნამდვილი ტყე! ერთი ხე უფრო დიდია, მეორე - პატარა, თითოეული ერთმანეთისგან განსხვავებულია - თვით ყვავილებიც კი. ერთ პაწაწინა ბუნებრივი ყვავილი უფრო მშვენიერია, ვიდრე ქაღალდის ყვავილების მთელი თაიგული. ისინი ისე განსხვავდებიან ერთმანეთისგან, როგორც სული - პოლიეთილენისგან"

/ღირსი პაისი ათონელი/

[marine]

"...მისთვის [წმინდა ამფილოქე პოჩაევოდან] გაზაფხული იყო სამოთხის დრო, გაზაფხულზე ტყე იყო სამოთხე..."

[marine]

"ტყეს რომ ავჩეხავთ და მერე წყაროს შევუკურთხებთ, - დამშრალაო, ის ხალხი ვართ, სამწუხაროდ. სანამ მეწყერი ჩამოწვება, ყველას გვგონია, მთამ ვერ იგრძნო მის მკერდზე რომ ტყე აიჩეხა"

/პოეტი ალექსანდრე მიშელაშვილი/

[marine]

***

ტყის სიო ამომასუნთქეთ,
თორემ გამგუდეს კედლებმა,
ტყის სუნთქვა ვინმემ მაჩუქეთ
და გულიც არ გაჩერდება.
შემონაქროლი ტყის სული,
ჩემში ანგელოზს აღვიძებს,
კედლებად გადავქცეულვარ,
ცხოვრება გამიფაქიზეთ.
ტყის სუნთქვა ჩემი სუნთქვაა,
მუდამ მეძახის ჩემშივე,
მთამ სულით გამასუფთავა,
თითქოს სამოთხეს ვეწვიე.
მაცალეთ, სუნთქვა მწყურია -
უხილვად ყოფნა უფლისა,
ტყის ბილიკები მასუნთქეთ,
შრიალი ფოთლის ფურცლისა.
მთის სიო ამომასუნთქეთ,
თორემ გამგუდა დროებამ,
ტყის მონატრება მაწუხებს,
და კაცთა "ამაოება".

/მარიამ (მარეხ) მიშელაშვილი/

[marine]

"გაიკაფება ტყის ყველა ხე და მოირღვევა მთების სილამაზე"

/წმინდა მეთოდე პატრელი, "თქმული მეორედ მოსვლისათვის"/

[marine]

"შვილებივით გაუფრთხილდით ტყეს, თითოეული ხე ადამიანს გადაარჩენს"

/წმ. კოზმა ეტოლიელის წინასწარმეტყველება/

[marine]

"მეორედ ბერმა [სქემარქიმანდრიტი ვიტალი სიდორენკო] დევნილებისა და შიმშილობის შესახებ გვიამბო. მაგრამ ამჯერად საუბარი კონკრეტულად ჩვენკენ იყო მომართული:

- თუ ტყეში ყოფნისას კენკრის ნაყოფს დაინახავთ, ყურადღებით იყავით: ჭამა მხოლოდ იმ ხიდან ან ბუჩქიდან შეიძლება, რომლის ფოლებიანი ფესვებიც ქინქლების ან მუხლუხოების მიერაა დაღრღნილი. ხოლო თუ მას მწერები არ ეხებიან, ნიშნავს, რომ ეს ხე ან ბუჩქი მოწამლული და შხამიანია და თქვენც მოიწამლებით!"

[marine]

"მეორედ ბერმა [სქემარქიმანდრიტი ვიტალი სიდორენკო] დევნილებისა და შიმშილობის შესახებ გვიამბო. მაგრამ ამჯერად საუბარი კონკრეტულად ჩვენკენ იყო მომართული:

- თუ ტყეში ყოფნისას კენკრის ნაყოფს დაინახავთ, ყურადღებით იყავით: ჭამა მხოლოდ იმ ხიდან ან ბუჩქიდან შეიძლება, რომლის ფოლებიანი ფესვებიც ქინქლების ან მუხლუხოების მიერაა დაღრღნილი. ხოლო თუ მას მწერები არ ეხებიან, ნიშნავს, რომ ეს ხე ან ბუჩქი მოწამლული და შხამიანია და თქვენც მოიწამლებით!"

[marine]

"ათონზე, წმიდა მთაზე, ტყის ბილიკებთან ბერები სპეციალურ აბრებს დგამენ იქ გამვლელი მომლოცველების გასამხნევებლად და გასაფრთხილებლად. ერთ-ერთი ასეთი აბრა, რომელსაც 70-იან წლებში ხშირად შეხვდებოდით, ყოველთვის განსაკუთრებულ კმაყოფილებას მანიჭებდა. მასზე მოკლედ და გასაგებად ეწერა: "გიყვარდეთ ხეები".

კუნძულ პატმოსის ხუცესი, მამა ამფილოქე (+1970) ხშირად ამბობდა: "იცით, რომ ღმერთმა კიდევ ერთი მცნება მოგვცა, რომელიც წმ. წერილში ნახსენები არ არის? ეს მცნებაა - "გიყვარდეთ ხეები". ის დარწმუნებული იყო, რომ ვისაც ხეები არ უყვარს, ის ვერც ღმერთს შეიყვარებს. "როცა თქვენ ხეს რგავთ, - იმეორებდა იგი, - თქვენ რგავთ სასოებას, მშვიდობას, სიყვარულს და ღმრთის კურთხევა გადმოდის თქვენზე". ის უკვე იყო ნამდვილი ეკოლოგი იმაზე დიდი ხნით ადრე, ვიდრე ეკოლოგია მოდაში შემოვიდოდა და როცა გლესებისგან აღსარებას იღებდა, ეპიტიმიის სახით ხეების დარგვას ავალებდა"