საეკლესიო თარიღები პარამეტრები

[Giorgi_]

დამლოცეთ მამაო


გვიამბეთ როდის და რანაირად დადგინდა ის მართმადიდებლური თარიღები რომლებსაც ჩვენ ვდღესასწაულობთ. მაგალითად 19 იანვარი. როდის დადგინდა ეს დღესასწაული

[Mama Daviti]

ღმერთმა დაგლოცოთ.

პირველად მართლმადიდებლური თარიღების დადგენა დაიწყეს მოციქულებმა თავის კრებებზე, შემდგომში ეს ხდებოდა წმიდა მართლმადიდებელ მამათა მსოფლიო კრებებზე (ძირითადად საუფლო დღესასწაულები და დიდი წმინდანები) და ადგილობრივი ავტოკეფალური ეკლესიების კრებებზე (ადგილობრივი წმინდანები), ბოლო საუკუნეებში წმინდანთა კანონიზაცია და მათი ხსენების დღის დადგენა ხდება, ავტოკეფალური ეკლესიების წმინდა სინოდის კრებებზე და ამის შესახებ ეცნობება სხვა ეკლესიებს.
ზოგადად, კერძო თარიღის დადგენა ხდება, ღვთის ან ღვთისმშობლის ამქვეყნიური ცხოვრების, უმნიშვნელოვანესი მომენტის, ან წმინდანის ცხოვრების დაბადების ან სიკვდილის ან მოწამეობის თარიღებიდან გამომდინარე.

რაც შეეხება 19 იანვარს (ძვ. სტილით 6 იანვარს) , ანუ ნათლისღების, ღვთის განცხადების დღესასწაულს, იგი დადგენილია მოციქულთა პერიოდში, რაც დაფიქსირებულია მათ დადგენილებებში. როგორც კლიმენტი ალექსანდრიელი მიუთითებს, || საუკუნიდან დადგენილი იქნა ამ დღესასწაულის აღნიშვნა ღამისთევის ლოცვით.

ტროპარი:

რაჟამს იორდანეს ნათელ იღე შენ, უფალო, მაშინ სამებისა თავყანისცემა გამოსჩნდა, რამეთუ მამისა ხმა გეწამებოდა, და საყუარელად ძედ სახელ-გვდა შენ, და სული წმიდა სახითა ტრედისათა დაამტკიცებდა სიტყვისა მის უცდომელობასა, რომელი განსცხადენ, ქრისტე ღმერთო, და ყოველი სოფელი განანათლე, დიდება შენდა.


კონდაკი:

განეცხადე დღეს ყოველსა სოფელსა და ნათელი შენი უფალო აწ მოისახა ჩუენ ზედა, მეცნიერებით მცნობთა მათ შენთა და განსცხადენ ნათელო შეუხებელო.


ნათლისღების დღესასწაულზე და მის წინა დღეს ყველა მართლმადიდებლურ ტაძარში სრულდება წყალკურთხევა დიდი აიაზმის წესით და ნაკურთხი წყალი ურიგდებათ მორწმუნეებს. ამ წყალს უფლის მიერ კურთხეული იორდანის მადლი ეძლევა და, ჩვეულებრივი წყლისგან განსხვავებით, არ იხრწნება. ის შეგიძლიათ მთელი წლის განმავლობაში შეინახოთ და განსაცდელისა და ავადმყოფობის დროს მიიღოთ.


გაგახაროთ უფალმა.