თხოვნები, ვის რა თხოვნა და სურვილი გაქვთ პარამეტრები

[KAIROS]

ჩვენი ბავშვების შესახებ

სასაუბროში გახსენი , კარგი თემა იქნება

[qetevani-82]

წმიდა კვირიკეს და ივლიტას ტროპარ-კონდაკი არავინ იცით? დადეთ რაა გთხოვთ...

[marine]

წმიდა კვირიკეს და ივლიტას ტროპარ-კონდაკი არავინ იცით? დადეთ რაა გთხოვთ...

ტროპარი: მოწამეთა შენთა, უფალო, კჳირიკე და ივლიტა ღუაწლსა შინა თჳსსა გჳრგჳნი მოიგეს უხრწნელებისა შენ მიერ ღმრთისა ჩუენისა, რამეთუ აქუნდა მათ შენ მიერ ძალი, და მძლავრი დაამხუეს და შემუსრეს კერპთა იგი უძლური ძალი. მათითა მეოხებითა, ქრისტე ღმერთო, აცხოვნენ სულნი ჩუენნი.

კონდაკი: მკლავთა ზედა ეტჳირთა ქრისტეს მოწამე კვირიკე ივლიტას, განმჴნობელი, სტადიონსა შინა ჴმობდა სიხარულით: ქრისტე არს ჭეშმარიტად სიქადულ მოწამეთა.

[მარიამი]

აბა, ვის უყვარს ძველი ქართული წარწერების ამოკითხვა?

ამ წარწერაში სამი სიტყვა ვერ ამოვიკითხე:



და რაღაც P-სავით სიმბოლო რომაა, ეგ რას ნიშნავს არ ვიცი.

დანარჩენი ესაა:

ჰოი აღდგომაო ქრისტესო თაყვანისგცემ
ვითარ პეტრე და მოწაფენი ქრისტესნი აღდგომილი
რა გიხილეს გალილეას კურთხევა მათი ეგრეთ იყავნ ჩვენ
ზედა აწ მეცა მეფე ალექსანდრე გევედრები
მეცხედრე ჩვენი დედოფალი თინათინ მცველ და
მფარველ გვექმენ ორსავე ცხოვრებასა P ჩვენ ღვთივ გვირგვინოსანმან
მეფემან პატრონმან ალექსანდრე და თანა მეცხედრემან ჩვენმან
დედოფალმან პატრონმან თინათინ აღვაშენეთ ტაძარი ესე აღდგომისა ?
? ჩვენდა სადღეგრძელოდ და გასამარჯვებლად და მეფობისა ჩვენისა
? და ცოდვათა ჩვენთა შესანდობლად ამინ

სურათის დიდი და ხარისხიანი ვერსია აქაა: http://bin.ge/file/44975/12.jpg.html

ვინმემ თუ რამე გაუგოთ, არ დამიმალოთ

ჰო, პირველი და მეორე სიტყვა შეიძლება ერთი სიტყვა იყოს. იმ შემთხვევაში, თუ ზედა სტრიქონზე არ დაეტია და ქვემოთ გააგრძელეს.

[უჩა]

ეჰ ვაკვირდი ვაკვირდი მარა ვერაფრით ვერ გავშიფრე.

კიდე ჩავუჯდები მერე იქნებ გამეხსნას ერთი გონება.

ისე ძალიან საინტერესოა მართლა რა.

მარა ის ტეხავს ზალიან რომ გინდა რომ წაიკითხო და რომ ვერ კითხულობ.

რომელ ტაძარზეა?

[afxazi]

მარიამი
ბოლოში მე მგონი იკითხება წარსამართებელად

[მარიამი]

რომელ ტაძარზეა?

კახეთშია, აღდგომის ეკლესია. სოფლის სახელი არ მახსოვს. ისე მეფე ალექსანდრე და მისი მეუღლე თინათინიც საინტერესოა რომლები არიან.

ბოლოში მე მგონი იკითხება წარსამართებელად

კიიიიიიი ნამდვილად ეგაა!
მადლობა


პირველი ორი შემთხვევით თარიღები ხომ არაა? თითქოს თარიღებთანაც ვერ დავაკავშირე

[KAIROS]

და რაღაც P-სავით სიმბოლო რომაა, ეგ რას ნიშნავს არ ვიცი.

მარიამ, ეგ ჩემი კერძო აზრია, შეიძლება ვცდები, მაგრამ მაგ ნიშანს ვუყურებ დილიდან საღამომდენ ეგ ხომ კონსტანტინეს "ამით სძლო" ნიშანია, ქრისტეს მონოგრამა



აი შედარებისათვის, ესაა ქართული წარწერა




ესა კიდე მონოგრამა მკაფიოდ



მე მგონი გავს,

კაიროსი!

პ.ს.
მეორე აშკარად წარწერაა, ბოლოში სჩანს კიდეც შემოკლება, უბრალოდ ცოტა ახლოდან უფრო კადრი და შეიძლება წაკითხვა

[KAIROS]

P

ანუ თავად მაქვს ნანახი უამრავი ხელნაწერი და წარწერა იწყება ქე. ანუ ქრისტე, აქ მე თუ არ ვცდები, მაშინ არაორდინალური გადაწყვეტილება მიუღიათ და ჩვეული ქე-ს მაგივრად ან დიდი ქ. რაც ძვეკ ქართულში დიდი ჯვარია + , აქ ჩასვეს მონოგრამა, ეს ვარაუდი იმითაც მმართლდება, რომ აქ მთავრდება პირველი წინადადება:

ჰოი აღდგომაო ქრისტესო

მოიხსენიება ალექსანდე და თინათინი და ბოლოს მთავრდება

მფარველ გვექმენ ორსავე ცხოვრებასა

მეორე წინადადება
XP - (ქრისტე) რაც წინადადების დაწყების ერთერთი ფორმა იყო

ჩვენ... აღვაშენეთ ტაძარი ესე

და აქაც თავიდან მოიხსენიება ალექსანდრე და თინათინი, საერთო წარწერა კი მთავრდება "ამინ"-ით.

[ეკატო]

ოოო, ბევრი ვიწვალე მარა ის ორი სიტყვა მაინც ვერ წავიკითხე

[KAIROS]

ისე მეფე ალექსანდრე და მისი მეუღლე თინათინიც საინტერესოა რომლები არიან.

მარიამ,
ჩვენ ორ დიდ თინათინს ვიცნობთ კახეთში, ერთი ლეონ მეფის მეუღლე და მეორე მისივე რძალი ( უცნაურია დედამთლის და რძალს ორივეს თინათინი ერქვა? ) და ვგონებ მეორე ალექსანდრესი და ვფიქრობ რომ ეს ის ცნობილი ალექსანდრეა, მამამთილი ქეთევან წამებულისა, რომლის ქმარზე ვკითხულობთ :

დავით I (1569-1602)

http://www.istoria.ge/personografia/D/davit%20I-kax.htm

კახეთის მეფე 1601-1602 წლებში. ძე ალექსანდრე II-ისა და თინათინ დედოფლის.


http://www.orthodoxy.ge/tveni/seqtemberi/13-qetevani.htm


ალექსანდრე II (დ. 1527 — გ. 1605), კახეთის მეფე 1574-1605. ლევან მეფის ძე. მის მეფობაში განსაკუთრებით განვითარდა სოფლის მეურნეობა, აღორძინდა ქალაქები (გრემი, ძეგამი). კახეთის სამეფოს ალექსანდრე II-ს დროს სავაჭრო ურთიერთობა ჰქონდა აზიისა და ევროპის ბევრ ქვეყანასთან (კახეთიდან უცხოეთში გაჰქონდათ დიდძალი აბრეშუმი, ღვინო, ენდრო, კაკალი), ალექსანდრე II რთულ პოლიტიკურ ვითარებაში მოღვაწეობდა. თავდაპირველად იარნის ვასალად აღიარებდა თავს, ხოლო 1578-იდან ოსმალეთის მოხარკე გახდა. ოსმალეთს არ აკმაყოფილებდა კახეთის ვასალური დამოკიდებულება და კახეთზე თავდასასხმელად აქეზებდა სამხალის ქვეშევრდომ მთიელებს, რომლებიც დიდ ზიანს აყენებდნენ ქვეყანას. შექმნილი ვითარებიდან გამოსავალს ალექსანდრე II რუსეთთან კავშირში ხედავდა. 1587 გაფორმდა ხელშეკრულება რუსეთ-საქართველოს კავშირის შესახებ. 1589 ალექსანდრე II-მ რუსეთის მეფისაგან მიიღო მფარველობის ოფიციალური დადასტურება — "წყალობის სიგელი".

რუსეთ-კახეთის დაახლოება არ მოსწონდა ირანის შაჰს აბას I-ს, მაგრამ იმხანად ოსმალეთთან ბრძოლაში რუსეთის მხარდაჭერის იმედი ჰქონდა და მტრობას არ ამჟავნებდა, თუმცა ფარულად კახეთზე გადამწყვეტ თავდასხმას ამზადებდა და ოსტატურად აღვივებდა ინტრიგას ალექსანდრე II-ის კარზე. 1601 ოქტომბერში ალექსანდრე II შვილმა, დავითმა, აიძულა ბერად აღკვეცილიყო და თავი კახეთის მეფედ გამოაცხადა. 1 წლის შემდეგ, 1602 წლის 2 ოქტომბერს, დავითი მოულოდნელად გარდაიცვალა და ალექსანდრე II ტახტს დაუბრუნდა.

1603 ნოემბერში შაჰ-აბასი ერევნის ციხეს შემოადგა და ქართლ-კახეთის მეფეები დაიბარა. ალექსანდრე II დიდხანს ყოყმანობდა და მხოლოდ 1604 აპრილში ეახლა შაჰს, შაჰმა იგი უკან 1605 დააბრუნა, შირვანზე გალაშქრება დაავალა და ყიზილბაშთა ჯარით თან გამოაყოლა მისი გამაჰმადიანებული შვილი, შაჰის კარზე გაზრდილი კონსტანტინე-მირზა.

კახეთში ჩასულმა ალექსანდრე II-მ შეიტყო რუსეთის ჯარის შამხალზე სალაშქროდ წამოსვლა. რუსეთის ელჩები (მ. ტატიშვილი, ა. ივანოვი) ამ ლაშქრობაში კახეთის ჩაბმას მოითხოვდნენ. ამის გამო, მიუხედავად კონსტანტინე-მირზას დაჟინებული მოთხოვნისა, ალექსანდრე II შირვანზე გალაშქრებას არ ჩქარობდა. 1605 წლის 12 მარტს ქ. ძეგამში, მეფის სასახლეში მოლაპარაკების დროს ყიზილბაშებმა კონსტანტინე-მირზას ბრძანებით დახოცეს ალექსანდრე II, გიორგი ბატონიშვილი და თათბირის დამსწრე კახელი დარბაისელები.

[მარიამი]

KAIROS
მაგ ნიშანზე მეც პირველად ეგ ვიფიქრე, ქრისტეს სიმბოლო იქნება-მეთქი, მაგრამ დარწმუნებული არ ვიყავი. იმიტომ რომ, სხვაგან ასეთი რამე წარწერაში არ მინახავს. ალბათ მასე იქნება.

ალექსანდრე მეფის (ქეთევან წამებულის მამამთილის) მეუღლეს თინათინი ერქვა? არადა ახლახანს წავიკითხე "გმირთა ვარამი" და ვერაფრით დედოფლის სახელს ვერ ვიხსენებ. რა ცუდია სკლეროზი

[მხევალი ნინო]

P-სავით სიმბოლო

თვითონ ეს სიმბოლო რა სიტყვას აღნიშნავს, ქრისტე გავიგეთ, მაგრამ ის ერთი სიმობოლოა X, P მისგან დამოუკიდებელი მეორე სიმბოლოა, ეგებ ესეც გავშიფროთ. თუ უკვე გაშიფრეთ და მე ვერ ვხდები ?

[ქევანა]

ახლახანს წავიკითხე "გმირთა ვარამი" და ვერაფრით დედოფლის სახელს ვერ ვიხსენებ. რა ცუდია სკლეროზი

"გმირთა ვარამში" მარიამ ერქვა.... კარგად მახსოვს, რა დამავიწყებს...

და ისე, ჩანს ისტორიულად თინათინ რქმევია

დავით I

უუუუ, ავდავით

[KAIROS]

მაგრამ ის ერთი სიმობოლოა X, P მისგან დამოუკიდებელი მეორე სიმბოლოა

არა, ნინო ეგაა შერწყმული XP ხრისტუს-ის პირველი ორი ასო, კონსტანტინეს ჩვენებიდან

სხვაგან ასეთი რამე წარწერაში არ მინახავს. ალბათ მასე იქნება.

მარიამ, ეს თუ მასე აღმოჩნდა, მაშინ ისტორიაში შევალთ მსგავსი მეც არსად მინახავს და გააშანშალე სტატია ვებზე ჯერ კითხეთ ვინმეს მაინც, ისტორიკოსს ან არქეოლოგს, ძალიან საინტერესოა, თუმცა მე დარწმუნებული ვარ , რომ არ შევმცდარვარ, პირდაპირ დახატულია რა XP
სახელთან მეც ვიჭედები, რაც დავძებნე, ეგ ვიპოვე, შეიძლება ვცდები კიდეც და ისტორია.გე-ს მონაცემებია მცდარი, გადაამოწმეთ ეგეც, არ აწყენს
ეჭვი მაქვს, როგორ მოხდა დედამთლის (ლეონის ცოლს) და რძალს (ლეონის შვილის ალექსანდრეს ცოლს) ორივეს თინათინი ქრმეოდა? არადა სხვა ალექსანდრე მაგ დროისა არ ვიცით, არც თინათინი რომ ყოლოდა ისეთი ალექსანდრეა
აი ვნახოთ კახეთის მეფეები
გიორგი I 1466-76
(საქართველოს მეფე გიორგი VIII, 1446-66)
ალექსანდრე I 1476-1511
გიორგი II 1511-13
ლევანი 1520-74
ალექსანდრე II 1574-1605
დავით I 1601-02
კონსტანტინე I 1605
თეიმურაზ I 1606-16, 1634-48
(ქართლ-კახეთის მეფე 1625-32)
არჩილ II 1664-75
დავით II 1703-22
კონსტანტინე II 1722-33
თეიმურაზ II 1709-15
გამგებელი 1733-44
(ქართლის მეფე 1744-62)
ერეკლე II 1744-62

ალექსანდრე ორია
ალექსანდრე I (დაახლოებით 1454-1456 ― გ. 1511), კახეთის მეფე 1476-1511. მეფე გიორგი VIII-ის ძე. მის დროს დადგინდა ახლად ჩამოყალიბებული კახეთის სამეფოს საზღვრები. ალექსანდრე I ცდილობდა მშვიდობიანი ურთიერთობა ჰქონოდა საქართველოს სხვა სამეფო-სამთავროებსა და მეზობელ ქვეყნებთან. მან საფუძველი ჩაუყარა კახეთის მეფეთა ტრადიციულ საგარეო პოლიტიკას — ყოველგვარი საშუალებით (მოხერხებული დიპლომატია, ზოგჯერ დათმობა, ფორმალური ყმობა, მცირე ხარკი და სხვ.) უზრუნველყოთ ქვეყნის მშვიდობიანი განვითარება.

1477, ქართლში უზუნ-ჰასანია შემოსევის დროს, თურქმანთა ბრბოლებმა მოარბიეს ქართლის მოსაზღვრე კახეთის რაიონებიც: ხერკი, საგურამო, მარტყოფი და თიანეთი. ალექსანდრე I-მა უზუნ-ჰასანს ძღვენი მიართვა, მორჩილება, მორჩილება აღუთქვა და კახეთი აოხრებას გადაარჩინა. ისმაილის (შემდგომში პირველი სეფიანი შაჰის) შირვანში ლაშქრობის დროსაც (1501) მან მორჩილება აღუთქვა შაჰს და ეს შემოსევაც აიცდინა. ამის შემდეგ კახეთსა და ირანს შორის მშვიდობა არ დარღვეულა XVII საუკუნის დასაწყისამდე. 1483 და 1491 ალექსანდრე I-მა ელჩები გაგზავნა მოსკოვის დიდი მთავრის ივანე III-ის კარზე, რითაც საფუძველი ჩაეყარა რუსეთ-საქართველოს პოლიტიკურ ურთიერთობის ახალ, მნიშვნელოვან ეტაპს.
ალექსანდრე I მოკლეს მისი შვილის, ავგიორგის შეთქმულების დროს.
(საწყალი ესეც შვილმა მოკლა და მეორეც )

ალექსანდრე II დავწერე ზემოთ.
მოკლედ მივაგენიიი

ნამდვილად ალექსანდრე II ქეთევანის მამამთლი, ბერად შემდგარი და მერე დაბრუნებული, შვილის მიერ მოკლული...

Александр II
ალექსანდრე II
Царь Кахети

1574 — 1603
Предшественник: Леван
Преемник: Давид I
Царь Кахети

1602 — 1605
Предшественник: Давид I
Преемник: Константин I

Национальность: Грузин
Вероисповедание: Православие, грузинская церковь
Рождение: 1527
Смерть: 12 марта 1605
Династия: Багратионы
Отец: Леван

Мать: Тинатин Тинатин, дочь Мамии I Гуриели

Супруга: Тинатин был женат первым браком на Тинатин, дочери князя Бардзима Амилахвари


Дети: дети Ираклий, Давид I, Георгий, Константин I, Антон, Анна, Нестан-Дариджан

მეორე ცოლის სახელი არ ვიცი, ალბათ ის იყო მარიამი

ჰეჰე, რა კარგია...

მიყვარს ასეთი გამოცანები

დადე რა მარო რაიმე კიდე

[მარიამი]

KAIROS
ვა, რა საინტერესოა. მადლობა ინფორმაციისთვის

[მხევალი ნინო]

KAIROS

არა, ნინო ეგაა შერწყმული XP ხრისტუს-ის პირველი ორი ასო, კონსტანტინეს ჩვენებიდან

მე მეორე ასო, ,,პ,, მეგონა და არა ,,რ,,

ანუ , რუსულად P -არის რ, ინგლიურად ,,პ,, ხოდა მე პ-დ ვკიტხულობდი. არადა, როგორი მშობლიური ,,რ,, ყოფილა

[ეკატო]

ძალიან მჭირდება წარწერა, რომელიც აქვს ღვთისმშობლის ხატს "მოულოდნელი სიხარული", ოღონდ მხედრულით ან ასომთავრულით, ხუცურს ვერ ვკითხულობ




აი ამ წარწერას ვგულისხმობ

[KAIROS]

აი ამ წარწერას ვგულისხმობ

ეკატო, შენნაერმა ნიჭიერმა ხატმწერმა ხუცური უნდა იცოდე
ახლა რა ხდება, რამდენადაც მე მაქვს ინფორმაციები, მაგ ხატზე წარწერაც და შესაბამისად მისი შინაარსი იცვლება, აქ აშკარად იწყება სიტყვებით "ჰოი, დედოფალო..." და არის მცირე ტექსტი 3 ხაზიანი, აბა ნახე აქ რამხელა რუსული ტექსტია:

http://img208.imageshack.us/img208/9679/24052008078ha8.jpg

თავისუფლად წაიკითხავ, არის ძველსლავური, მაგრამ მაინც გაიგებ:
"ჩელოვეკ ნეკტო გრეშენ, იმია დერზნოვენიი კ პრესვიატოი ბოგოროდიცი..."
და ა.შ. წერია ისტორია რაც აქაც არის, ოღონდ შემოკლებული სტილით:

"ეს ხატი იმყოფებოდა ერთი ცოდვილის სახლში; ის არ ღალატობდა ჩვეულებას და ყოვლდღიურად მის წინაშე მთავარანგელოზის სიტყვებით ლოცულობდა: „გიხაროდენ, სახარულევანო“. ერთხელ საშინელი უსჯულოების ჩასადენად რომ მიდიოდა, ღვთისმშობლის ხატისკენ მიბრუნდა, რათა წასვლამდე მის წინაშე ელოცა და თავზარი დაეცა. მან დაინახა, რომ ხატი ადგილზე იძვროდა. ღვთისმშობელი და მის ხელში ყრმა გაცოცხლებულიყვნენ: ყრმა ღმერთს ხელებზე, ფეხებზე და ფერდზე ჭრილობები გახსნოდა და სისხლი ნაკადულად ჩამოსდიოდა, - ისევე, როგორც ჯვარზე ვნებისას. როდესაც ამ კაცმა ყოველივე ეს იხილა, შიშით შეჰღაღადა: „ჰოი, დედოფალო, ვინ ჩაიდინა ეს?“ ღვთისმშობელმა უპასუხა: „შენ და სხვა ცოდვილები, ვითარცა იუდეველები, ჯვარს აცვამთ ძეს ჩემსას“. „შემიწყალე მე, დედაო მოწყალეო!“ - აღმოხდა ცოდვილს. ღვთისმშობელმა უპასუხა: „მოწყალე დედას მიწოდებ მე და მწუხარებით კი აღმავსებ“. მაშინ უბედურმა უთხრა: „არა, დედოფალო, ნუ გარდაემატება ცოდვა ჩემი გულმოწყალებასა შენსა, რამეთუ შენ ხარ სასო ყოველთა ცოდვილთა, ევედრე ძესა შენსა და მამასა ჩემსა“. მაშინ უფროსად კურთხეულმა დედამ ღვთის წინაშე აღავლინა ლოცვა: „ძეო და ღმერთო ჩემო, ჩემდა მომართ სიყვარულითა შეიწყალე ცოდვილი ესე და შეუნდე ყოველივე ბოროტნი საქმენი მისნი"

http://www.orthodoxy.ge/khatebi/moulodneli_sikharuli.htm

ასეა, უნდა შეამოკლო, სხვას თუ იპოვიან გეტყვიან

იხარე;

კაიროსი!

[ეკატო]

KAIROS

ეკატო, შენნაერმა ნიჭიერმა ხატმწერმა ხუცური უნდა იცოდე

მართალი ხარ, უნდა ვიცოდე და აუცილებლად ვისწავლი


ეგ ისტორია მეც წავიკითხე orthodoxy.ge-ზე, მარა იმან დამაბნია, რომ სხვადასხვა ხატზე განსხვავებული წარწერებია, მაინც გადამოწმება ვამჯობინე

ასეა, უნდა შეამოკლო

კი მარა, არ აქვს მნიშვლენობა როგორ შევამოკლებ?

ასე რომ იყოს?

"ჰოი, ყოვლადწმიდაო ქალწულო, მოწყალე იქმენ ყოველთა ზედა პატივისმცემელთა ყოვლად პატიოსნისა სახელისა შენისა და ყოველთა გამოუცხადე ყოვლადძლიერი მზრუნველობა შენი და შემწეობა, რამეთუ შენ ხარ სასო ყოველთა ცოდვილთა და გადიდებენ შენ და შენ მიერ ძესა შენსა თანადაუსაბამოით მამით და თანაარსით სულით მისითურთ, აწ და მარადის და უკუნითი უკუნისამდე, ამინ.

პ.ს. თუ დამეტია ამდენი

ან ამას დავწერ:
„ჰოი, დედოფალო, ნუ გარდაემატება ცოდვა ჩემი გულმოწყალებასა შენსა, რამეთუ შენ ხარ სასო ყოველთა ცოდვილთა, ევედრე ძესა შენსა და მამასა ჩემსა“


მადლობა პასუხისათვის