“სიცრუე და ორპირობა ავნებს ხორცსა, მერმე სულსა”. პარამეტრები

[marine]

"სიცრუე, დიდი თუ მცირე მიზეზით წარმოთქმული, უცხოა ქრისტესა და ქრისტიანებისთვის. იგი თუნდაც კეთილი მიზნით იყოს ნათქვამი - მაინც არ არის საქებარი, რადგან სიცრუე, მაცხოვრის სიტყვით, ეშმაკისგან არის"

/იოანე ლიკოპოლელი/

[marine]

"წმ. ბარნაბას (ბელიაევი) აქვს ასეთი გამოთქმა: "სიცრუე ცხოვრებით". ასე იტყუება ისტერიული ადამიანი მთელი თავისი ცხოვრებით"

/მართლმადიდებელი ექიმი-ფსიქიატრი, ფსიქოთერაპევტი, მედიცინის მეცნიერებათა კანდიდატი დიმიტრი ავდეევი/

[marine]

" - როგორ განვიკურნოთ სიცრუისა და პირფერობისაგან?

- წმიდა ტიხონ ზადონელის ამგვარი განსჯით: სიცრუე და პირფერობა, ეშმაკისაგან მომდინარეობს. სწორედ ის არის სიცურისა და ყოველგვარი პირფერობის მამა. ვაი ამ ადგილს, სადაც სიცრუე და პირფერობა იმძლავრებს. იქ სიკეთე ფეხს ვეღარ მოიკიდებს. სიცრუე და პირფერობაა იმის მიზეზი, რომ ადამიანებს ყოველწამს პირზე აკერიათ უფლისათვის ესოდენ საძაგელი ფიცი-მტკიცი; ხშირად ამაოდაც ახსენებენ მის სახელს. ასე მაგალითად, "ღმერთმა უწყის", "ღმერთია მოწმე" და ა.შ. ცრუ და პირფერ ადამიანთა საზოგადოებაზე საზიზღარი არაფერია, რაგინდ ეცადონ, მათი ეშმაკობა ბოლოს მაინც გამომჟღავნდება და ადამიანები ზურგს აქცევენ მათ, როგორც კეთროვანებს. "წარწყმიდე შენ ყოველნი, რომელნი იტყვიან სიცრუვესა".