ეგოიზმისა და შურის გამოვლინებები პარამეტრები

[marine]

"შური სიძვასა და მრუშობაზე უარესია, რამეთუ ეს მანკიერებები იმ ადამიანებით მაინც შემოიფარგლება, ვინც მას სჩადის, ხოლო შურის აღზევებას მთელი ეკლესიები დაუმხია და მთელი სამყაროსთვის მოუტანია ზიანი; შური არის დედა კაცისკვლისა. ასე მოკლა კაენმა აბელი, ასე უნდოდა ესავს იაკობის მოკვლა, იოსების ძმებს კი - იოსებისა, ხოლო ეშმაკს სწორედ ასე სურს მთელი კაცობრიობის ამოწყვეტა. და რაც ყველაზე დიდი საშინელებაა, შენ ეს ცოდვა არაფრად მიგაჩნია, ამ დროს კი ეს არის ყველა სხვა ცოდვაზე უფრო უარესი. რამეთუ თუნდაც დიდ მოწყალებას გასცემდე, თუნდაც უბიწოდ ცხოვრობდე, მარხვასაც წმინდად ინახავდე, მაინც ყველაზე უარესი ხარ, თუკი შენი ძმისა გშურს. ამიტომ ძირიანად აღმოვფხვრათ ჩვენი სულიდან შური. ამას კი იმით მივაღწევთ, თუ წარმოვიდგენთ, რომ რამდენადაც შეურაცხვყოფთ ღმერთს მწუხარებით სხვისი სიკეთის გამო, ასევე სათნო-ვეყოფით მას, როდესაც გვიხარია სხვისი კეთილდღეობა, და ქველისმოქმედ ადამიანთათვის აღთქმულ სიკეთეთა თანაზიარნი ვხდებით. იმიტომაც გვამცნებს პავლე, "გიხაროდენ მოხარულთა თანა და ტიროდეთ მტირალთა თანა" - ო, რათა ერთითაც და მეორითაც უდიდესი ჯილდოს მიღების ღირსნი გავხდეთ. ამგვარად, გვახსოვდეს, რომ თუნდაც ჩვენ თვითონ არ ვშრომობდეთ, არამედ მხოლოდ თანავუგრძნობდეთ იმათ, ვინც შრომობს, შეგვიძლია მათი გვირგვინების თანაზიარნი გავხდეთ, დავუტევოთ ყოველგვარი შური და დავნერგოთ ჩვენს სულებში სიყვარული, რათა, მოძმეთა კეთილდღეობით მოხარულნი, ახლანდელ და მომავალ სიკეთეთა დამკვიდრების ღირსნი გავხდეთ"

/წმინდა მღვდელმთავარი ეგნატე ბრიანჩანინოვი/

[marine]

"ხშირად ყოფილა, რომ შურს, სიძულვილსა და ცილისწამებას უდიდესი მართალნი და თვით იესო ქრისტეც კი კაცთა საზოგადოებისათვის უდიდეს ბოროტმოქმედებად წარუდგენია"

/წმინდა მღვდელმთავარი ეგნატე ბრიანჩანინოვი/

[marine]

"უდიდესი ბოროტებაა შური. იგი სულიერ ხედვას უბრმავებს ამ ვნებით შეპყრობილს და მასვე აზარალებს. როგორც ეშმაკეული მიმართავს ხოლმე ხშირად მახვილს საკუთარი თავისკენ, ასევე შურიანებიც, რომლებსაც ერთადერთი რამ სურთ - როგორმე ავნონ თავიანთი შურის საგანს - კარგავენ საკუთარ ცხონებას. ისინი გარეულ მხეცებზე უარესნი არიან: მხეცი თავს გვესხმის ან იმიტომ, რომ მშიერია, ან იმიტომ, რომ ჩვენ თვითონ გამოვიწვიეთ მისი გაღიზიანება; შურიანები კი ხშირად თავიანთ კეთილისმყოფელებსაც ისე ექცევიან, როგორც მტრებს. ამიტომ არიან ისინი გარეულ მხეცებზე უარესნი და ეშმაკთა მსგავსნი, ან იქნებ, უარესნიც"

/წმინდა მღვდელმთავარი ეგნატე ბრიანჩანინოვი/

[marine]

"შური არისო მკვლელობის მშობელი"

[marine]

"უპრიველესად, ადამიანი უნდა იყოს მდაბალი, არ იყოს ეგოისტი, ჩვენი "მე" ღვთისა და მოყვასის სიყვარულში უნდა დაიკარგოს"

/წმ. პორფირი კავსოკალიველი/

[marine]

"როდესაც ადამიანური შური და მეგობართა ღალატი გძლევს, სულით არ დაეცე, სიმწარეს გულით ნუ ატარებ, არამედ თქვი: ყოველივე ამას შენ გაძლევ, უფალო, განსჯისა და გამართლებისათვის"

/წმ. ნიკოლოზ სერბი/

[marine]

"ამ ყველაფერს საკუთარი გამოცდილებიდან გეუბნებით, რადგან ხშირად ვგრძნობ სხვების ლოცვით შეწევნას და ვხვდები, რომ სწორედ ისინი მეხმარებიან და მაძლიერებენ. სხვებისთვის ლოცვით ჩვენ საკუთარ ეგოს ჩარჩოებიდან გამოვდივართ და მოყვასის ტკივილის თანაგანმცდელნი ვხდებით. ამ დროს ის ადამიანი ძალიან დიდ ძალას იღებს, რათა ბრძოლა განაგრძოს. იცით, როგორი სასწაულები ხდება ამ დროს? ნამდვილი სასწაულები!"

/მიტროპოლიტი ათანასე ლიმასოლელი/

[marine]

"ეგოისტ ადამიანს არ აქვს სიყვარულის უნარი, რადგან მას მხოლოდ საკუთარი თავი უყვარს, არ უსმენს არავის - მხოლოდ საკუთარ თავს. არ ეხმარება სხვებს, რადგან მხოლოდ საკუთარ თავს ეხმარება და ვერ ურთიერთობს სხვებთან, რადგან მხოლოდ საკუთარი თავი ადარდებს. რაც ყველაზე უარესია, ის ვერ აცნობიერებს, რა ხდება მის თავს, რადგან სულიერად ბრმაა და არ აქვს უნარი საკუთარი სულიერი სნეულებების, სიშიშვლისა და ჭრილობების დანახვისა"

/მიტროპოლიტი ათანასე ლიმასოლელი/

[marine]

"პირველი ვნება, დიდებისმოყვარეობა, ან სხვა სიტყვებით რომ ვთქვათ ეგოიზმი, ყველა ცოდვის ფესვია. ის აბნელებს ადამიანის გონებას და საღმრთო ნათელს განდევნის მისგან, რის გამოც ადამიანი საშინელ შეცდომებს უშვებს, ეგოიზმის სასიკვდილო თრობაში იმყოფება და უღირსების უფსკრულისკენ მიექანება. ეგოიზმი არ აძლევს ადამიანს სინამდვილის ადეკვატურ აღქმის საშუალებას, რის შედეგადაც ის ილუზორულ სამყაროში ცხოვრობს, რომელიც მისი ეგოისტური ფანტაზიების მიერაა შექმნილი"

/მიტროპოლიტი ათანასე ლიმასოლელი/

[marine]

"თუ შური გებრძვის, გაიხსენე, რომ ჩვენ, ყველანი ქრისტეს ასოები ვართ. ამ საფუძველზე თითოეული ჩვენგანის პატივი და უპატიობა გვეკუთვნის, საერთოდ, ყველას. ასეთი ფიქრი დაგამშვიდეს"

/ღირსი ესაია განდეგილი/

[marine]

"არ გიყვარდეს სიძულვილი, გძაგდეს შური, მტრობა და ქედმაღლობა"

/წმ. ეფრემ ასური/

[marine]

"სიძულვილი ანდა შური სათნოების ნიღაბქვეშ - იგივეა, რაც მწარე წყალი ოქროს ჭურჭელში"

/წმ. ეფრემ ასური/

[marine]

"ეგოისტური აზრები და გრძნობები, დამახასიათებელნი და დასახიჩრებულნი თავმოყვარეობით, არ ცნობენ არც ადამიანებს, არც ღმერთს, ვინაიდან ვერ აღწევენ მარაადიულს და ღმერთკაცობრივს"

/წმ. იუსტინე პოპოვიჩი/

[marine]

"სიყვარულს ეგოიზმი უპირისპირდება. ეგოისტი არაფერს არ გასცემს. ყველაფერი თავისთვის უნდა. მთელი ქვეყნის სიმდიდრეც რომ მოიხვეჭოს, მაინც არ დაკმაყოფილდება"

/ღირსი გაბრიელი, აღმსარებელი და სალოსი/

[marine]

"ვინც ძმას ფარულად უმკურნალებს, იგი ამით სიყვარულის ძალას გააცხადებს, ხოლო ვინც ძმას სხვათა თანდასწრებით შეარცხვენს, ის ამით თავის შურიანობას ცხადყოფს"

/ღირსი ისააკ ასური/

[marine]

"ხშირად ადამიანი სხვას განიკითხავს მხოლოდ იმის გამო, რომ შურს მისი და ამით საკუთარ დაზიანებულ შინაგან მეს, ეგოს უნანავებს ("რაღაც ღირსებები თუ აქვს, სამაგიეროდ აგერ რამდენი ნაკლი მოეპოვება, ჩემთვის აგრე მიუღებელი"). მამა იოანე კლემაქსი პირდაპირ აცხადებს: "ეს არის ძვირის მოხსენეთა და მოშურნეთა თვისება - სხვისი კეთილი რომ ესმით, მეყსეულად იწყებენ მის ძაგებას და მოიძულებენ". და თან გვაფრთხილებს: "იცოდე, რომ ისიც ადამიანის შურიანობაზე მიუთითებს, თუკი იგი ადვილად, სიამოვნებით განიკითხავს მოყვასის სწავლებებს, სათნოებებსა და საქმეებს"

[marine]

"ეგოიზმი საშინელი ცოდვაა"

/ბერი გიორგი/

[marine]

"ეგოისტი ადამიანი ვერავის იზიდავს. და თუ მაინც ვინმე მიიზიდა, ისიც მაშინვე გაშორდება. სულიერი კავშირი მხოლოდ მაშინ ხდება ურყევი, როცა ადამიანი ხვდება ბავშვურ სულს, უმწიკვლოებას და სიწმინდეს"

/ბერი ამფილოქი/

[marine]

"ბერი დანიელი ამბობდა: რომ "დემონს ისე არაფერი ახარებს, როგორც საკუთარ "მე"-სთან მომუშავე ეგოისტთან ურთიერთობა, რომელიც, მიუხედავად იმისა, თუ რას წარმოადგენს - ღვთისმეტყველს, მხურვალე თუ უდიდესს მოღვაწეს; და პირიქით, მას ძალიან ეშინია თავმდაბალ და მორჩილ ადამიანთან ურთიერთობისა"