წმინდა მამათა გამონათქვამები თავმდაბლობაზე პარამეტრები

[marine]

"სიმდაბლით შემოსილი უფალი ადამიანებს გამოეცხადა, და ვინც კაცთა შორის შეიმოსავს სიმდაბლეს, იგი ღვთის მსგავსი გახდება"

[marine]

"შენთვის დაიმდაბლა ღმერთმა თავი, შენ კი საკუთარი თავისთვისაც არ მდაბლდები, არამედ თავს აღიმაღლებ და ამპარტავნობ!"

/წმ. მაკარი დიდი/

[marine]

"თუ ძე ღვთისამ დაიმდაბლა თავი, ჩვენც უნდა დავიმციროთ თავი, მით უმეტეს, რომ იგი ჩვენი ამპარტავნების გამო დამდაბლდა"

[marine]

"გაიხსენე ქრისტე, გაშიშვლებული და შეურაცხი სამოსით შემოსილი და შენთვის ბრწყინვალე სამოსი არასასურველი იქნება"

[marine]

"გაიხსენე ქრისტე გამოქვაბულში და ჯურღმულში; და ვეღარ მოგხიბლავს დიდებულად მორთული სასახლე"

[marine]

"თუ შენს თავზე თავმდაბლურად იფიქრებ, ყველგან იპოვი სიმშვიდეს, სადაც უნდა იყო!"

[marine]

"თავმდაბალი გული ვაკეს ჰგავს. როგორც წვიმის დროს მთებიდან წყლები ჩამოედინება და ვაკეზე გროვდება, ასევე, ყველა ადამიანზე გადმომდინარე ღვთის მადლი თავმდაბალ გულში გროვდება"

[marine]

"მოსეს რჯულით ისრაელს ნაბრძანები ჰქონდა მხოლოდ ერთ, ღვთისაგან დადგენილ ადგილას შეეწირა მსხვერპლი. სულიერი კანონით კი ქრისტიანთათვის დაწესებულია ერთი სულიერი ადგილი ყველა მათი მსხვერპლის - ლოცვის - შესაწირავად; ეს ადგილი თავმდაბლობაა"

[marine]

"ვერაფერი შეედრება თავმდაბლობის სათნოებას; ეს არის დედა, ფესვი, საკვები, საფუძველი და კავშირი ყოველი სიკეთისა!"

/წმ. ბასილი დიდი/

[marine]

"სათნოებებში წარმატება ნიშნავს თავმდაბლობაში წარმატებას"

[marine]

"თავმდაბლობა სულის დიდებულების გამოხატულებაა, ქედმაღლობა - სულის სიმდაბლისა"

[marine]

"ვისაც ქვის დაძვრა სურს, ზემოდან კი არა, ქვემოდან შეუყრის ბერკეტს და მაშინ ადვილად დაძრავს ქვას, - ეს არის თავმდაბლობის მაგალითი!"

/წმ. ეფრემ ასური/

[marine]

"თუ სათნოებათა შორის უმაღლესი - სიყვარული, მოციქულის სიტყვით, - "სულ-გრძელ არს და ტკბილ; სიყუარულსა არა ჰშურნ, სიყუარული არა მაღლოინ, არა განლაღნის, არა სარცხვინელ იქმნების, არა ეძიებნ თავისასა, არ განრისხნის, არად შეჰრაცხის ბოროტი, არა უხარინ სიცრუესა ზედა, არამედ უხარინ ჭეშმარიტებასა ზედა, ყოველსა თავს-იდებნ, ყოველი ჰრწამნ, ყოველსა ესავნ, ყოველსა მოითმენნ", - ეს მხოლოდ იმიტომ, რომ მას განამტკიცებს და თან ახლავს თავმდაბლობა".

[marine]

"რატომაა რომ, რაც უფრო იზრდება ხე, მით ღრმად იდგამს ფესვებს მიწაში? იგი სიმაღლეში ზრდით მდაბლდება, თავმდაბლობით კი ამაღლდება. ასევე უნდა მოიქცე შენც, ქრისტიანო! თუ ვინმეს აღემატები გონებრივი ან ზნეობრივი, ბუნებრივი თუ მადლისმიერი, გარეგნული თუ შინაგანი უპირატესობებით, მით უმეტეს, ყველგან და ყოველთვის თავი დაიმდაბლე, თავმდაბლობის ღრმა ფესვების გარეშე ვერასოდეს იქნები დაცული დაცემისაგან!"

[marine]

"ვიდრე ცოცხალი ხარ, ნუ ენდობი საკუთარ თავს, ვიდრე ბნელეთის ყველა ხელისუფალს უკან არ მოიტოვებ!"

/ამბა ისაია/

[marine]

"ვერც მოსაგრეობა გვაცხოვნებს, ვერც ღამისთევა, ვერც სხვა რაიმე ღვაწლი, თუ ამასთან ერთად ჭეშმარიტი ღვაწლი არ გვექნება. იყო ერთი განდეგილი, რომელიც ეშმაკებს განდევნიდა, ერთხელ მათ ჰკითხა: "რითი განიდევნებით თქვენ, მარხვით?" მათ უპასუხეს: - "ჩვენ არ ვჭამთ და არ ვსვამთ!" - ღამისთევით? პასუხი ასეთი იყო: "ჩვენ არ გვძინავს. - უდაბნოში განდგომით? - პასუხი: "ჩვენც უდაბნოში ვცხოვრობთ" - მაშ, რითი უნდა განიდევნოთ? ეშმაკებმა უპასუხეს: "ჩვენ თავმდაბლობის მეტი ვერაფერი გვამარცხებს!"

[marine]

"ბევრი აღასრულე თუ ცოტა, - შენი წოდებით - ღვთის სადიდებლად, თუ ნუ აღიმაღლებ ამით, არამედ თავმდაბლად თქვი: "არა მე, არამედ მადლი იგი ღმრთისაი, რომელი იყო ჩემ თანა!"

[marine]

"უფრო მეტად ცხოვრებით ამაღლდი, ვიდრე - აზრით!"

[marine]

"თუ გეჩვენება, რომ რაღაც სათნოება მოიხვეჭე, განა ღვთისაგან არ მიიღე სიკეთის კანონი, გონების ნათელი, რომელშიც დაინახე ეს კანონი; გულის გრძნობა, რომლითაც შეიყვარე იგი; სინდისის მოწმობა, რომელმაც ნება არ მოგცა, უარი გეთქვა მასზე ან დაგევიწყებინა იგი; ნებისყოფა, რომლითაც შეძელი მისი აღსრულება; საშუალებები, რომლითაც აღასრულე იგი? ჩამოაშორე და მოაცილე შენს მიერ მითვისებულ სულიერ სიმდიდრეს ის, რაც ღვთისაგან მიიღე და შეხედე, დაგრჩება თუ არა რაიმე, გარდა - შენი მემკვიდრეობითი სიღატაკისა?!"

[marine]

"თუ რაიმე კარგი გაგაჩნია, იგი შენი როდია, არამედ ღვთისა! საკუთარი არაფერი გაგაჩნია - ცოდვების გარდა; ამიტომ არავითარი საფუძველი არ გაქვს თავი მოგქონდეს იმით, რაც გაქვს. უგუნური და ურწმუნოა ის მსახური, რომელიც თავისი პატრონის სიმდიდრით დაიწყებდა ტრაბახს!"