ღვთის მადლიერება პარამეტრები

[marine]

"უმადურობა ამპარტავანთა, ანუ ყველაზე დიდი და საშინელი ცოდვის მქონეთა თვისებათაგანია; მაშინ, როდესაც გულწრფელი მადლიერება თავმდაბლობის გამოხატულებაა და თავმდაბალთ ახასიათებთ"

[marine]

"წმინდა მამები გვასწავლიდნენ: ვინც ჰამდლობს უფალს, მას მეტი სიკეთე ეძლევა; ხოლო, ვინც არ ჰმადლობს, რაც აქვს, ისიც წაერთმევა"

[marine]

"სიტყვა - "გმადლობ", რაც შეიძლება იოლად და ხშირად უნდა გამოდიოდეს ჩვენი ბაგეებიდან"

[marine]

"ერთი შეხედვით თითქოს ადვილია, შენს თავში ღმერთის მყოფობა აღმოაჩინო და მისდამი მადლიერებით განიმსჭვალო. რომ დავიბადეთ და დავდივართ, რომ ვხედავთ, ვსუნთქავთ და გვიყვარს, რომ ვაზროვნებთ და შეგვიძლია ამა თუ იმ საქმის კეთება, ეს ხომ მისი წყალობაა?! ხომ შეიძლება,ერთ წუთში დავკარგოთ თვალის ჩინი, განსჯის უნარი ან მოძრაობის შესაძლებლობა... და მერეღა მივხვდებით, რა უმადურნი ვყოფილვართ"

[marine]

"უმადურობა და გაუმაძღრობა დიდი ბოროტებაა"

/ღირსი პაისი ათონელი/

[marine]

"მადლობა მინდა შევწირო უფალს, რომელიც მუდამ ირჯება ჩვენი სულიერი განათლებისთვის. მადლობა ღმერთს ღვთის საიდუმლოთა ჩვენთვის გაცხადებისა და ღვთის მაცოცხლებელი სიტყვით ჩვენი დაპურებისთვის"

/მიტროპოლიტი ზოსიმე (შიოშვილი)/

[marine]

"მადლობა მხოლოდ მწუხარების სასტიკ ნესტარს კი არ აბლაგვებს, ზეციურ, სულიერ ნუგეშისცემას უვლენს სულს. მადლობა ნეტარი იობის სიტყვებითაც შეგიძლიათ გამოხატოთ"

/წმ. ეპისკოპოსი ეგნატე/

[marine]

"მთელი გულით ვმადლობდეთ ღმერთს ყველაფრისთვის, რასაც მოგვივლენს. განსაცდელსა და ავადმყოფობას უფალი მრისხანების გამო, ან დასასჯელად კი არ გვივლენს, არამედ - ჩვენდამი სიყვარულის მიზეზით, თუმცა ამას ყველა ყოველთვის როდი აცნობიერებს. ამიტომაც არის ნათქვამი: ყველაფრისთვის მადლობდეთ უფალს!"

/იღუმენი ნიკონი/

[marine]

"მადლობა ღმერთს ყველაფრისათვის. მადლობა ღმერთს იმისათვის, რაც იყო, რაც არის და რაც იქნება ჩვენს ცხოვრებაში"

/დეკ. გიორგი კარელიძე/

[marine]

"ლოცვისას ყოველი "მრჩობლის" ბოლოს დიაკონი ან მღვდელი მოუწოდებს ხალხს, რომ თავიანთი ცხოვრება მთლიანად უფალს მიანდონ, ამბობენ: "თვითონ საკუთარი თავები, ერთმანეთი და მთელი ჩვენი სიცოცხლე ქრისტეს, ღმერთს მივანდოთ", ხოლო მლოცველი ხალხი ამბობს: "შენ, უფალო!" ეს სიტყვები ძალიან მნიშვნელოვანია. ის შეიძლება, გამოიყენონ ადამიანის ცხოვრების ნებისმიერ ვითარებაში. როცა ჯანმრთელობა და სამუშაოში წარმატება გაქვს, აღამაღლე შენი გული და თქვი: "მადლობა შენ, უფალო!"

//წმ. ნიკოლოზ სერბი/

[marine]

"მადლიერების გრძნობა ჩვენს სულიერ ცხოვრებაში ძალიან დიდი, ნათელი და მოზეიმე ძალაა, რომელიც მზად არის, უგალობოს, ადიდოს და მადლობდეს ღმერთს ყველა სიკეთისთვის"

/მიტროპოლიტი შიო (მუჯირი)/

[marine]

"მარადის ვმადლობდეთ უფალს, რათა ღირს ვიქმნეთ მიწევნად საუკუნეთა მისთა კეთილთა"

/წმ. ბასილი დიდი/

[marine]

"მადლიერებაც უფლის სადიდებელია"

[marine]

"როგორც იცით, სავედრებელ ლოცვებთან ერთად არსებობს სამადლობელი ლოცვებიც. დღეს სწორედ მადლიერების მნიშვნელობაზეა სახარება. მადლიერების გრძნობა ჩვენს სულიერ ცხოვრებაში ძალიან დიდი, ნათელი და მოზეიმე ძალაა, რომელიც ადამიანის გულში ხსნის მის უსაზღვრო სიღრმეს - აღსარების, აღიარების სიღრმეს, რომელიც მზად არის, უგალობოს, ადიდოს და მადლობდეს ღმერთს ყველა იმ სიკეთისთვის, როგორც ნათქვამია წმინდა ლიტურგიის ევქარისტიულ კანონში: "რომელიც ვუწყით, რომელიც არა ვუწყით საჩინოთა და უჩინოთა, ქველისმოქმედებათა ჩვენდა მომართ ქმნილთა".

მაშასადამე, საოცარია უფლის ეს შეკითხვა: "განა ათნივე არ განიკურნეთ, ცხრა სადღა არის?" ნუთუ ისინი ისეთი გულქვანი აღმოჩდნენ, რომ არ გასჩენიათ სურვილი, მობრუნებულიყვნენ, მადლობა გადაეხადათ და ედიდებინათ უფალი, როგორც ეს გააკეთა მხოლოდ ერთმა მათგანმა, ისიც უცხოტომელმა, რომელიც მობრუნდა, დაუჩოქა უფალს, ხმამაღლა მადლობა და ადიდებდა მას?

ეს ერთი ადამიანი მუდმივად დარჩება, ძვირფასო ძმებო და დებო, ადამიანური კეთილშობილების, ადამიანური მადლიერების სიმბოლოდ და მაგალითად!

ამრიგად, არასდროს დავიზაროთ მოუკლებელი ლოცვა. მაშინ, რა განსაცდელიც არ უნდა შეგვემთხვეს, ის ყოველთვის კეთილად დასრულდება და ჩვენს სავედრებელ ლოცვებთან ერთად არ დაგვავიწყდეს, დიდება და მადლობა შევწიროთ ჩვენს ზეციურ მამას, რომლის წყალობაც და მოწყალებაც, მიუხედავად ჩვენი მერყეობისა, უცვლელი რჩება და რომელსაც შვენის ყოველი დიდება, პატივი და თაყვანისცემა აწ და მარადის და უკუნითი უკუნისამდე, ამინ!"

/მიტროპოლიტი შიო (მუჯირი)/

[marine]

"წმიდა იოანე ოქროპირი, რომელიც მუდამ ადიდებდა და ჰმადლობდა ღმერთს გვმოძღვრავს: "მადლობა ღმერთს ყველაფრისათვის! - ეს ფრაზა სასიკვდილო იარას აყენებს ეშმას, ხოლო ნებისმიერ განსაცდელში მყოფ ღვთის მადიდებელ ნუგეშსა და მხნეობას სძნეს. ნურასდროს შეწყვეტთ ღვთის მადლიერებას, განსაკუთრებით კი მწუხარებისა და განსაცდელის ჟამს და ეს სხვებსაც ასწავლეთ"