მემთვრალეობა პარამეტრები

[marine]

"ნუ გეყვარება ღვინის სმა დათრობამდე, რათა საღმრთო მხიარულება არ დაკარგო"

/აბბა ესაია/

[marine]

"ვევედრები ყოველ ადამიანს, ვისაც სურს ღმერთს სინანული შესწიროს, უარი თქვას ღვინის დიდი რაოდენობით მოხმარებაზე. ღვინო სულში აღორძინებს დაშრეტილ ვნებებს და მისგან ღვთის შიშს აძევებს"

/აბბა ესაია/

[marine]

"ვინც ლოთობს, გულისსიტყვების თავდასხმას ვერ გაექცევა. თავის ასულებში დარწმუნებული ლოტი ღვინით დათვრა და ეშმაკმა იოლად ჩაითრია სიძვაში"

/აბბა ისიდორე პელუზიელი/

[marine]

"ვაი მსიძავს! ვაი მემთვრალეს! ვაი მათ, ვინც "ქნარისა თანა და საფსალმუნისა და ავლთა ღვინოსა სუმენ, ხოლო საქმეთა უფლისათა არა ხედვენ" (ეს. 5,12)"

/წმ. ეფრემ ასური/

[marine]

"მთვრალი ადამიანისგან ვითმენთ ხოლმე, რომელიც ჩვენი ახლობელია და ვიცით, რომ ის ასეთი არ არის სიფხიზლეში და შეგვიძლია მოთმენა"

/მამა გურამ ოთხოზორია/

[marine]

"ლოთობა ჭკვიან ადამიანსაც კი უჭკუოს ხდის"

[marine]

"ლოთების ჯანმრთელობა დღითიდღე უარესდება, მაგრამ ადრე თუ გვიან აუცილებლად წარმოიქმნება პრობლემები, რომლებიც სერიოზულ ცხოვრებისეულ უბედურებაში გადადის. ასეთ ადამიანებს აწუხებთ სისხლძარღვები ("დახტის" წნევა, ვითარდება ვეგეტოსისხლძარღვოვანი დისტონია), ირღვევა ღვიძლის, კუჭქვეშა ჯირკვლის, ნაწლავების ფუნქცია და, რაც მთავარია, უმოწყალოდ ნადგურდება თავის ტვინი"

/მართლმადიდებელი ექიმი-ფსიქიატრი, ფსიქოთერაპევტი, მედიცინის მეცნიერებათა კანდიდატი დიმიტრი ავდეევი/

[marine]

"სასმელი, - ეს გამარჯვება არ არის, ეს მარცხია. ლოთობა არის გზა ჩიხისკენ, სულიერი და ხორციელი დაღუპვისკენ. ლოთობა უპირველესად ცოდვაა და შემდეგ - ავადმყოფობა. ამრიგად, ლოთობას შეიძლება ვუწოდოთ ცოდვიანი სენი"

/მართლმადიდებელი ექიმი-ფსიქიატრი, ფსიქოთერაპევტი, მედიცინის მეცნიერებათა კანდიდატი დიმიტრი ავდეევი/

[marine]

როგორ დავძლიოთ ალკოჰოლიზმი?

"თუ მემთვრალის ახლობლები მორწმუნე ადამიანები არიან, მათ გულმოდგინედ უნდა ილოცონ მისთვის სახლშიც და ტაძარშიც; იზრუნონ სახლის კურთხევაზე (თუ ის ნაკურთხი არ არის), უნდა დაარწმუნონ შეცდომილი მუდმივად ატაროს ნაკურთხი ჯვარი, იკითხოს ლოცვები, რწმენითა და მოწიწებით მიიღოს ნაკურთხი წყალი.

მხოლოდ რწმენითა და მოთმინებით, მხოლოდ სინანულით და ღვთის მადლით შეიძლება საბოლოოდ განკურნება, სხვა გზა არ არსებობს.

წმ. ტიხონ ზადონელი წერს: ამ დამღუპველ ცოდვას მიჩვეულნი მტკიცედ უნდა აღიჭურვონ ამ წამების წინააღმდეგ, იდგნენ და არ დანებდნენ, ილოცონ და მოუხმონ ყოვლისშემძლე ღვთის შეწევნას!

უნდა აღინიშნოს, რომ სწორედ ასე აღმოფხვრიდნენ ხოლმე მემთვრალეობას მართლმადიდებელ საზოგადოებაში. განკურნების პირობები იყო მონანიება, ლოცვა, წმ. სახარების კითხვა, ეკლესიის საიდუმლოებანი.

რევოლუციამდე, მარტო ფხიზელი ცხოვრების წესის თემაზე სამღვდელოება 32 ჟურნალს უშვებდა. ცნობილია, რომ ამ საქმეში უდიდესი წვლილი მიუძღვის წმიდანის რანგში აყვანილ მეფე-წამებულს ნიკოლოზს. დღესაც ბევრი ავადმყოფი წმ. ნიკოლოზისადმი აღვლენილი ლოცვებით იკურნება და ღვთიურ მადლსა და სიმტკიცეს იღებს.

ხშირად მიღებაზე მოსულან ადამიანები, რომლებიც თავიანთ თავს მართლმადიდებლებს ეძახიან და უთხოვიათ დახმარება მემთვრალეობის მძიმე ცოდვისაგან თავის დასახსნელად. მაგრამ როდესაც საქმე მიდგება სინანულზე, ვნებებთან ბრძოლაზე, ქრისტიანული ღვთისმოსაობისაკენ მისწრაფებაზე, ლოცვაზე, სამწუხაროდ ზოგის სული ყრუ და დახშული აღმოჩნდება ხოლმე. ამასთან, მუდმივად მესმის მათი თხოვნა დავუნიშნო "ძლიერმოქმედი ინექცია", ანდა გამოვუწერო "რაიმე წამალი არყისაგან თავის დასახსნელად". ამგვარი წამალი არ არსებობს!!! წესისამებრ, ეს შეხვედრები უშედეგოდ მთავრდება და ვიზიტი აღარ მეორდება. რასაკვირველია, ძალზე სამწუხაროა, რომ ასე ხდება"

/მართლმადიდებელი ექიმი-ფსიქიატრი, ფსიქოთერაპევტი, მედიცინის მეცნიერებათა კანდიდატი დიმიტრი ავდეევი/

[marine]

"ცნობილია, რომ ლოთები მატყუარები და არასაიმედონი არიან. ამ ადამიანების ნდობა არ შეიძლება. ისინი სიტყვებს ქარს ატანენ. ახლობლებისათვის მიცემული ფიცი და პირობა, შეეშვან ამ ძლიერ მიდრეკილებას, იმწამსვე ავიწყდებათ."

/მართლმადიდებელი ექიმი-ფსიქიატრი, ფსიქოთერაპევტი, მედიცინის მეცნიერებათა კანდიდატი დიმიტრი ავდეევი/

[marine]

"ნუ მიეჯაჭვები ღვინოს და ხორცს, რათა შენმა გონებამ სულიერი ნიჭების მიღების უნარი არ დაკარგოს"

/წმ. ეფრემ ასური/

[marine]

"ალკოჰოლის სიყვარული საზღაური - ალკოჰოლიზმი, პიროვნების დეგრადაცია, ფსიქოზები, გადაგვარება"

/ექიმი-ფსიქოთერაპევტი ნიკოლოზ ლაიშა/

[marine]

ღირსი მოსე შავი
(ხს. 10 სექტემბერი)

თავდაპირველად ავაზაკობდა, შემდეგში მოინანია და ბერად აღიკვეცა. მიიცვალა 75 წლის ასაკში მოწამეობრივი სიკვდილით (დაახლ. 400 წელს).

მის მიმართ ლოცულობენ ლოთობისაგან განკურნებისათვის.

კონდაკი, ხმა 4. შავთა მათ, ყვრიმალთა ეც ძლიერად, და პირსა ეშმაკთასა შენერწყვე გონიერად, და განბრწყინდი, ვითარცა მზე ბრწყინვალე, წმიდითა ცხოვრებითა, და მოძღვრებითა შენითა უძღვი სულსა ჩვენთა."

[marine]

"დიდი რაოდენობით ხორცისა და ხორცის ნახარშის, სპირტიანი სასმელებისა და ლუდის მიღება იწვევს თირკმლებისა და ღვიძლის დაზიანებას, რაც საგრძნობლოად ამცირებს სიცოცხლის ხანგრძლივობას"

[marine]

"დიდი რაოდენობით ხორცისა და ხორცის ნახარშის, სპირტიანი სასმელებისა და ლუდის მიღება იწვევს თირკმლებისა და ღვიძლის დაზიანებას, რაც საგრძნობლოად ამცირებს სიცოცხლის ხანგრძლივობას"

[marine]

"არაფხიზელ მდგომარეობაში ჩასახვის დამღუპველი შედეგები ძველთაგანვე ცნობილია. ბერძნული მითი მოგვითხრობს, რომ უზადო სხეულისა და გონების მქონე, მაგრამ მთვრალი, ღმერთების მეფე ზევსისაგან, ქალღმერთმა ჰერამ ვაჟი ჰეფესტო გააჩინა. რომელიც კოჭლი, შეუხედავი, ფიზიკურად სუსტი და გაუწონასწორებელი ხასიათის გამოდგა.

ჰიპოკრატეს აზრით, მშობლების მიერ, ჩასახვამდე სპირტიანი სასმელების მიღება ბავშვებში ჭკუასუსტობასა და ეპილეფსიას იწვევს. არისტოტელე თვლიდა, რომ ლოთ ქალებს ამავე ვნებისაკენ მიდრეკილი შვილები ჰყავთ. "ლოთი ლოთს შობს" - გვამცნობს პლუტარქეს აფორიზმი.

ყოველი ჭიქა, რომელსაც ფეხმძიმე ქალი სვამს, სანახევროდ ბავშვისაა. ამასთან, ნაყოფის სისხლიდან, ალკოჰოლი ორჯერ უფრო გვიან გამოდის, ვიდრე დედის სისხლიდან. ხშირად ნაყოფი გონებას კარგავს და კვდება სწორედ მაშინ, როდესაც დედა ფხიზლდება და გონზე მოდის.

დედის ქრონიკული ალკოჰოლიზმი ნაყოფს ალკოჰოლურ სინდრომს უვითარებს. დღე-ღამეში 50 მილილიტრზე მეტი (სუფთა სპირტზე გადაანგარიშებული) ალკოჰოლის მიღება ბავშვთა 32%-ში განვითარების სხვადასხვაგვარ შეფერხებებს იწვევს. დოზის შემცირება დადებით ეფექტს არ იძლევა. სპირტიანი სასმელების ეპიზოდური მოხმარებაც ძალზე მავნე ზემოქმედების მომტანია"

/კონსტანტინე ზორინი/

[marine]

"ტყუილად კი არ აფრთხილებს მედიცინის თანამედროვე აღმოჩენებამდე მრავალი ასწლეულით ადრე უფლის ანგელოსი ძველაღთქმისეული წმიდანის ცოლს: "ეგერა, შენ მუცლად-იღო და ჰშვე ძე. და მრქუა მე: ნუ სუამ ღვინოსა და თაფლუჭსა (მაგარი სასმელის სახესხვაობა. - კ.ზ.)... და შვა დედაკაცმან მან ყრმაი იგი და უწოდა სახელი მისი სამსონ და აკურთხა იგი უფალმა". წმიდა სამსონი გამოირჩეოდა არაჩვეულებრივი ფიზიკური ჯანმრთელობით: ძლიერებით მას ტოლი არ ჰყავდა"

/კონსტანტინე ზორინი/

[marine]

"სპირტიანი სასმელების სისტემატურად გამოყენება ფსიქიკასაც აზიანებს. საგრძნობლად იცვლება ემოციური სფერო. ასეთი ადამიანები ეგოისტები ხდებიან. მათ ცოცხალ რეაქციას მხოლოდ საკუთარ თავთან დამაკავშირებელი მოვლენები იწვევს. ოჯახის წევრებისა და ახლობლების უბედურებასა და ტანჯვას ალკოჰოლიკები სრული გულგრილობით პასუხობენ. ლოთისათვის დამახასიათებელი, მოჭარბებული ეიფორია, გულგრილობას, ცინიზმსა და უდარდელობას ე.წ. "ჩამოხრჩობილის იუმორს" ერწყმის. სერიოზულ პრობლემებსა და უსიამოვნებებზე ისინი აგდებულად და დაცინვით საუბრობენ"

/მართლმადიდებელი ექიმი კონსტანტინე ზორინი/

[marine]

"ლუდი, არსებითად, ლეგალური ნარკოტიკია, რომელიც გზას უკვალავს გაცილებით მძლავრ, არალეგალურ ნარკოტიკებს. ორაგანიზმისთვის ზიანის მიყენების ხარისხით, ლუდს შინნახად არაყს ადარებენ, ვინაიდან სპირტის დუღილის პროცესში ორივეგან წარმოიქმნება ძლიერმოქმედი შხამები (ალერგიდები, რახის ზეთები, მეთანოლი, ეთერი). ლუდში ამ ნივთიერებათა შემადგენლობა ათჯერ უფრო მაღალია მათ დასაშვებ კონცენტრაციასთან შედარებით იმ არაყში, რომელიც მიღებულია უმაღლესი სისუფთავის სპირტისაგან. ალაოს ექსტრაქტების დუღილისას მიიღება კანცეროგენები. კვირის განმავლობაში დალეული ერთი ჭიქა ლუდი, - თითქოსდა სრულიად მცირე ოდენობა, - მნიშვნელოვნად ზრდის სარძევე ჯირკვლის კიბოთი დაავადების რისკს.

ადრე რატომ ფუჭდებოდა ლუდი სწრაფად, ახლა კი მრავალი თვის განმავლობაში უმაცივროდ დგას და ინახება? იმიტომ, რომ ის პირდაპირ დატენილია "ფარმაკოლოგიით"! ხუმრობით როგორც ამბობენ, ერთ შუშაში - მენდელეევის მთელი ტაბულაა. ხოლო დანამატები, სტაბილიზატორები და კონსერვანტები სხვადასხვა ზემოქმედებას ახდენს, მათ შორის, ონკოგენურს, ალერგენულსა და მუტაგენურს. "აფთიაქი მუცელში"!

გარდა ამისა, ლუდი (მაგალითად, სიმინდის, მარცვლოვნებისა და სვიისა) შეიცავს არა უბრალოდ ჰორმონებისმაგვარ ქალურ ნივთიერებებს, არამედ ნატურალურ მცენარეულ ქალურ ჰორმონებს. წარმოიდგინეთ ამგვარი სიტუაცია. მოზარდი ცამეტი წლისაა, მას გარდამავალი პერიოდი აქვს, ის კი ცისტერნებით ისხამს ლუდს. გამოდის, რომ ყოველგვარი სამედიცინო რეკომენდაციის გარეშე, ის ქალურ სასქესო ჰორმონებს იღებს.

რას იწვევს ეს? გაცხიმოვნებას, ქალისათვის დამახასიათებელ გათმიანებას და ხმის ტემბრის შეცვლას. რომ აღარაფერი ვთქვათ ალკოჰოლით გამოწვეულ ჰიროვნების სრულ დეგრადაციას. ვაჟებსა და ჭაბუკებს ჩონჩხი ქალის ტიპისათვის დამახასიათებელი ფორმით უყალიბდებათ (განიერი მენჯი, ვიწრო მხრები, დაბერილი სარძევე ჯირკვლები, "ლიდისმიერი მუცელი"). ვინც გატაცებულია ლუდით, მომხიბვლელ გარეგნობაზე უარის თქმა უწევს. ამასთან, ითრგუნება მთავარი მამაკაცური ჰორმონის (ტესტოსტერონის) გამომუშავება და ქალის ჰორმონების სინთეზის სტიმულირება ხდება. ამას სქესობრივი ლტოლვის დაქვეითება და უნაყოფობა მოჰყვება".

/მართლმადიდებელი ექიმი კონსტანტინე ზორინი/

[marine]

"მოვერიდოთ სასმელებს, რათა უზომოდ არ ვსვათ ღვთის შიშის გარეშე, არც ტკბილსა და გემრიელ სასმელებს დავხარბდეთ და არც მაძღრისად ვსვათ არათუ ღვინო, არამედ წყალიც"

/წმ. ეფრემ ასური/