ავადმყოფობა - სულიერი ზრდის სტიმული პარამეტრები

[marine]

"ის, ვისაც სნეულება ეძლევა, სულმუდამ ღმერთს უნდა მადლობდეს და დიდებისმეტყველებდეს. მადლიერი სული მოთმინებასა და მშვიდობას ინარჩუნებს, ამ გზით კი აორკეცებს თავის სასყიდელს ზეცაში"

/წმინდა მღვდელმთავარი ეგნატე ბრიანჩანინოვი/

[marine]

"ავადმყოფისათვის სასარგებლოა ხშირი, მაგრამ მოკლე ლოცვა. კარგი იქნება დღეში რამდენჯერმე ცოტ-ცოტა ხანს რომ ილოცოთ. ძალიან კარგია ლოცვები: "ღმერთო, მილხინე ცოდვილსა ამას" და "უფალო იესო ქრისტე, ძეო ღმრთისაო, შემიწყალე მე ცოდვილი". ისინი აუჩქარებალდ უნდა წარმოთქვათ, გონება კი ლოცვის სიტყებში ჩაკეტეთ, როგორც ამას წმ. იოანე კიბისაღმწერელი გვირჩევს."

/წმინდა მღვდელმთავარი ეგნატე ბრიანჩანინოვი/

[marine]

"შენც სულ ავადმყოფობ! რას იზამ? ავადმყოფი მთლად ცოცხლებს შორის არც არის მისათვლელი, რადგან ის მხოლოდ ნახევრად ცხოვრობს - ესაა რაღაც აჩრდილი ცხოვრებისა. მისი სულიერი ძალებიც კი ხვდებიან, ისე არ მოქმედებენ, როგორც სჩვევიათ. დღეს ქრისტიანები ბორკილებისა და მახვილებისგან არ იტანებიან. მაშ დავითმინოთ წამება ავადმყოფობისა და სხვა მწუხარებებისგან! ყოველ დროს თავისებური მწუხარებები ეძლევა: ჩვენს დროს წვრილმანი მწუხარებები მიეცა. დავითმინოთ ისინი, სასწორი და საზღაური კი ღმერთის ხელთაა"

/წმინდა მღვდელმთავარი ეგნატე ბრიანჩანინოვი/

[marine]

"ხშირად, ძალიან ხშირად, ავადმყოფობა გაცილებით მეტი სიკეთეა კაცისათვის, ვიდრე განკურნება; მისი მორჩენით ადამიანს ისევ სიკეთეს წავართმევდით, რომელსაც დროებითი განკურნება ვერც კი შეედრება. სახარებისეული გლახაკი, სნეული ლაზარე უფალს არც განუკურნავს და არც სიღატაკისაგან უხსნია - ისევე მოკვდა, როგორც იცხოვრა, მაგრამ მოთმინებისათვის ღმერთმა აბრაამის წიაღში დაამკვიდრა. წმ. წერილი ყველგან გვიმოწმებს, რომ ღმერთი თავის რჩეუელბს ხშირად მოუვლენს ხოლმე სხვადასხვა მწუხაებებს და მათ შორის ხორციელ სნეულებებსაც"

/წმინდა მღვდელმთავარი ეგნატე ბრიანჩანინოვი/

[marine]

"როცა კითხულობ კეთროვნებზე, დაუძლურებულებზე, ბრმებზე, კოჭლებსა და ეშმაკეულებზე, რომლებიც უფალმა განკურნა, იფიქრე, რომ შენი სული, რომელიც ცოდვის მრავალგვარ წყლულებს ატარებს და ეშმაკების ტყვეობაშიც კი იმყოფება, ამ სნეულთა მსგავსია, სახარებიდან მიიღე რწმენა, რომ უფალი, რომელმაც ისინი განკურნა, შენც განგკურნავს, თუკი შენ გულმოდგინედ შეევედრები შენი განკურნებისათვის"

/წმინდა მღვდელმთავარი ეგნატე ბრიანჩანინოვი/

[marine]

"ავადმყოფობის შემდეგ, ჩვეულებრივ, კაცი სულისა და ხორცის განსაკუთრებულ სიმსუბუქეს გრძნობს. ამ დროს ადამიანმა მთელი სასოება უფალზე უნდა დაამყაროს"

/წმ. ეპისკოპოსი ეგნატე ბრიანჩანინოვი/

[marine]

"წყალობა შენ და ჯანმრთელობა უფლისაგან!"

/წმ. ნიკოლოზ სერბი/

[marine]

"როდესაც ეშმაკეულ ცდუნებათა ტანჯვისა და ავადმყოფობის შავი ღრუბლები შეგავიწროვებენ, სასოს ნუ წარიკვეთ, არამედ თქვი: დახმარებისა და წყალობისათვის მოგმართავ შენ, უფალო!"

/წმ. ნიკოლოზ სერბი/

[marine]

"ჩვეულებრივი ამბავია, როდესაც დედა ავადმყოფი შვილისათვის არასამარხო დღეებში მარხულობს. ეს სავსებით ბიბლიისეულია. დავით მეფეც მარხულობდა, როცა მისი ვაჟი ავად გახდა"

/წმ. ნიკოლოზ სერბი/

[marine]

"თქვენს ავადმყოფობაზე მწერთ. მაგრამ აღიარებთ, რომ ავადმყოფობამ ლოცვა გასწავლათ, ესე იგი თქვენი ავადმყოფობა ნაყოფიერია. შემოქმედს თქვენსას უყვარხართ ისე, როგორც საკუთარი პირმშო, მას თავისი საიდუმლო გაზნრახვა აქვს თითოეულ ადამიანთან დაკავშირებით, ოღონდაც ნუ დაფარავთ თქვენში საშინელ საიდუმლოს, რომელიც გტანჯავთ, რადგანაც იგი თქვენს წამებას აძლიერებს"

/წმ. ნიკოლოზ სერბი/

[marine]

"როდესაც ასეთი სირთულეები მოიწევა ჩვენს ძმებზე, აუცილებლად უნდა ვილოცოთ მათთვის. იცით, რამდენად მნიშვნელოვანია მათთვის ლოცვა, ვისაც ტკივილები აქვს? სხვებისთვის ლოცვას ძალიან დიდი ძალა აქვს! როდესაც გვესმის, რომ ვინმეს რაღაც აწუხებს, ჩვენ მიერ აღველნილი ლოცვის ორი სიტყვაც დიიდ შეწევნა იქნება მისთვის"

/მიტროპოლიტი ათანასე ლიმასოლელი/

[marine]

"განა შეგვიძლია, რომ ჯანმრთელობას დავეყრდნოთ? რომელ ჯანმრთელობაზეა საუბარი, როდესაც ისიც კი არ ვიცით, მეორე წუთში რა გველის. დღეს შიში ერთ-ერთი ყველაზე ხშირი გამოვლინებაა. უბრალოდ დაავადებაზეც რომ დაელაპარაკო ვინმეს, გეტყვის, ხეზე სამჯერ დააკაკუნე, რომ არაფერი დაგვემართოსო.

რასაც გინდა უკაკუნე, მაგრამ როდესაც რომელიმე დაავადება მოგიკაკუნებს, მერე ვნახოთ, რაზე დააკაკუნებ. - ამით არაფერი არ გამოვა. ჩვენ რეალობას ვემალებით, რადგან ეს რეალობა ძალიან გვაშინებს. ამ დროს ვერ ვგრძნობთ, რომ ქრისტე მშვიდი ნათელია, რომელიც ადამიანის გულს მიუწვდომელ სიმშვიდეს ანიჭებს და მარადიული სიცოცხლის წინაგემოსხილვას აძლევს"

/მიტროპოლიტი ათანასე ლიმასოლელი/

[marine]

"წმინდა პორფირი კავსოკალიველი მახსენდება. მასზე უფრო სნეულ ადამიანს ჩემს სიცოცხლეში არ შევხვედრივარ. ძალიან მძაფრ გავლენას ახდენდა მის ჯანმრთელობაზე ამინდის ცვალებადობა, ატმოსფერო. იმდენადაც კი რომ სიკვდილის პირას მიდიოდა. ერთხელ, მახსოვს, ათონზე რომ უნდა წავსულიყავით, გემზე საკაცით ამოიყვანეს. გულწრფელად გეუბნებით, როდესაც დავინახე, მკვდარი მეგონა. მასთან ერთი მღვდელმონაზონი მივიდა და ეუბნება:

- მამაო, მამაჩემი ძალიან ავადაა.

მან მყისვე გაახილა თვალი და მაშინვე მის ცხოვრებაზე, მამამისზე, სოფელზე დაიწყო საუბარი, ისიც თქვა, თუ რა სნეულება ჭირდა, რა წამალს იღებდა, რა სიმპტომები ქონდა და რა იყო საჭირო განკურნებისთვის. ანუ მამა პორფირი ამ მღვდელმონაზონს დაეხმარა და თავადაც უეცრად მომჯობინდა.

ასეთი შემთხვევებით ვხვდებით, რომ საღმრთო მადლს ნებისმიერი ადამიანური უძლურებისა და სნეულების განქარვება შეუძლია"

/მიტროპოლიტი ათანასე ლიმასოლელი/

[marine]

"ლოცვის მეშვეობით დაღლას, სნეულებას და ყველანაირ გასაჭირს გადავლახავთ"

/მიტროპოლიტი ათანასე ლიმასოლელი/

[marine]

"ყოველგვარ სენს, თვით უკურნებელსაც კი, უფალი საკურნებლად გვიგზავნის"

/დეკანოზი ალექსი უმინსკი/

[marine]

"ვინც თავშეკავებით თავს იხდუნებს, სიჯანსაღეს უახლოვდება"

/აბბა ესაია/

[marine]

"როგორ ვზრუნავთ ხორციელი ჯანმრთელობისთვის?! სამკურნალო ბალახების შესახებ რაიმე წიგნს თუ მოვკარით თვალი, ან რაიმე რეცეპტი გავიგეთ, სასწრაფოდ ამოვიწერთ, დავიმახსოვრებთ და სხვებსაც ვურჩევთ. სასულიერო ლიტერატურაში კი სულიერი სენის სამკურნალო რეცეპტის მოძებნა აზრადაც არ მოგვდის"

/არქიმანდრიტი იოანე (კრესტიანკინი)/

[marine]

"ეკლესია თავისი ლოცვებით, ღვთისმსახურებებით, საიდუმლოებებით გვკურნავს"

/მეუფე შიო მუჯირი/

[marine]

"ვერ ვიტან ავადმყოფს, თვითონ კი როცა ავად ვარ, მსურს ყველას ვუყვარდე"

/"აღსარება", წმ. ეფრემ ასური/

[marine]

"რისი სახეა ისრაელი ერის მოგზაურობა არაბეთის უდაბნოში?

ისრაელი ერის მოგზაურობა არაბეთის უდაბნოში ამქვეყნიური ცხოვრების სახეა. სანამ ზეციურ აღთქმულ ქვეყანას მივაღწევდეთ, მრავალი უბედურება, გაჭირვება და მწუხარება უნდა დავითმინოთ, რამეთუ როგორც ქვეყნად მცხოვრები ვერც ერთი ცოცხალი არსება არ იცოცხლებს უჰაეროდ, ასევე, ვერც ერთი ადამიანი ამქვეყნიურ ცხოვრებაში ვერ ასცდება მწუხარებასა და სნეულებას"

/წმ. ეფრემ ასური/