ავადმყოფობა - სულიერი ზრდის სტიმული პარამეტრები

[marine]

"პირველ რიგში მარილის შესახებ: კენიაში ინგლისელების შესვლამდე ადგილობრივი მოსახლეობა მარილს არ მოიხმარდა (არც იცოდნენ, რა იყო ის) და შესაბამისად არც ის იცოდნენ, რომ არსებობდა ისეთი დაავადება, როგორიც არის ჰიპერტონია. შეიტანეს ინგლისელებმა მარილი აფრიკაში და მასთან ერთად წნევის პრობლემებიც.

მეორე მაგალითი: იაპონიაში, იმ ადგილებში, სადაც მხოლოდ დამარილებულ თევვზს მიირთმევენ, ყოველ მეორე ადამიანს მაღალი წნევა აქვს.

კიდევ მაგალითი, უფრო მეტყველი: ომის შემდგომ ამერიკელები მაგიდასთან რომ სხდებოდნენ, სანამ ჭამას დაიწყებდნენ, მარილს აყრიდნენ საჭმელს. მათს მესამედს, უფრო ზუსტი რომ ვიყო, 30 პროცენტს მაღალი წნევა ჰქონდა. როდესაც გაიგეს, რა შეცდომას უშვებდნენ, მარილის მოხარმება 30 გრამიდან 10 გრამამდე შეამცირეს და შესაბაისად ჰიპერტონიკთა რიცხვი 10 პროცენტამდე შემცირდა. ესე იგი ჰიპერტონია პირდაპირპროპორციულად არის დაკავშირებული მიღებული მარილის რაოდენობასთან".

[marine]

"მკურნალი ქრისტეა, ჭეშმარიტი ღმერთი. თუ უფალს ირწმუნებთ, განიკურნებით"

/წმ. კოზმა და დამიანე/

[marine]

"თუ ორგანიზმი ნორმალურად მუშაობს, ყველა ფრჩხილზე ჩანს ფრჩხილის მთვარე. თუ ის არ ჩანს, ან ძალზე პატარაა, ხოლო ფრჩხილები შესქელებულია, ესე იგი თქვენ სისხლის მიმოქცევასთან, გულის მუშაობასთან დაკავშირებული პრობლემები გაქვთ.

მეტისმეტად დიდი მთვარეები ფრჩხილებზე შესაძლოა მეტყველებდეს ძლიერი გულისცემის, ტაქიკარდიისაკენ მიდრეკილებაზე"

[marine]

"მეტი მოძრაობა და ნაკლები ჭამა - ეს გახდომის ყველაზე სწორი, საფუძვლიანი და ჯანმრთელი რეცეპტია"

[marine]

"ტრადიციული მედიცინაც აღიარებს, რომ მადლი, რომელიც ლოცვის დროს მოიცავს ადამიანს, ყველაზე უკეთესი მკურნალია. შეგიძლია შეწევნა სთხოვოთ რომელიმე წმინდანს (უპირატესად მათ, რომლებსაც ეკლესია მკურნალებად აღიარებს, კიდევ იმ წმიდანს, ვის სახელსაც ატარებთ), მფარველ ანგელოზს"

[marine]

"თუ ჩვენ ავადმყოფისთვის არ ვლოცულობთ, მაშინ ავადმყოფობა ვითარდება"

/ღირსი პაისი ათონელი/

[marine]

"ჯანმრთელობის პრობლემები ნამდვილად არსებობს. ექიმებიც სწორ რჩევებს გვაძლევენ, მაგრამ ჩვენ, მართლამდიდებელ ქრისტიანებს პირველ რიგში უფლის ყოვლისშემძლეობის იმედი, ყოველივეს სულიერი თვალსაზრისით განხილვა, საკუთარი თავის ყვედრება და ჯანმრთელობის პრობლემის მიზეზის უპირველს ყოვლისა ჩვენს ცოდვებში და არა რაღაც სცენარებსა და შეთქმულებებში ძიება გვმართებს"

/არქიმანდრიტი გიორგი (ალევრასი)/

[marine]

"როდესაც ადამიანი ჯანმრთელია და კეთილდღეობით ცხოვრობს, მას დიდად არ სურს, იფიქროს თავის ცოდვებზე, ღმერთზე, სინანულზე, მაღალ მატერიებზე. იმათ შორისაც კი, ვინც დაკარგა ჯანმრთელობა ან სხვა მიწიერი სიკეთე, ბევრს ავიწყდება ღმერთი და ღვთისმშობელი. საერთოდ, ჩვენ ხშირად გვავიწყდება უფალი და ღვთისმშობლის სიყვარული და დედობრივი მზრუნველობა"

/მეუფე შიო მუჯირი/

[marine]

"როცა სატანური ცდუნებების, ტანჯვისა და ავადმყოფობის მძიმე ღრუბლები თავს მოგევლინება, არ დაღონდე, არამედ თქვი: "შენ მოგმართავ შეწევნისა და წყალობისათვის, უფალო!"

/წმ. ნიკოლოზ სერბი/

[marine]

"ადამიანს, რომელიც ხორციელ მკურნალობას ითხოვს, მიწიერი ცხოვრება სურს, და ვისაც მიწიერი ცხოვრება სურს, შეუძლებელია, რომ მოციქული გახდეს, ანუ ორნაირი მკურნალობა არსებობს: ხორციელი, რომელსაც ხშირად ვხედავთ სახარებაში, და სულიერი, რომელი მკურნალობაც მიიღეს მოქიცულებმა.

მოციქულები, რომლებიც სულით განიკურნენ, არ ითხოვენ სხვა მკურნალობას. სახარებაში ჩანს, რომ პეტრე თავის სიდედრზეც არ ევედრება მაცხოვარს, განკურნეო, თვითონ მაცხოვარი კურნავს თავისი სურვილით. აქედან გამომდინარე, უნდა ითქვას, რომ ის ადამიანი, რომელიც ღმერთთან ხორციელ მკურნალობას ეძებს, არ არის დასაძრახი, მაგრამ ეს არ არის სრულყოფილება"

/არქიმანდრიტი დოროთე (ყურაშვილი), საუბრები სახარებაზე/

[marine]

"ბევრი ადამიანი სნეულების გამო წუწუნებდა, რაზეც ხუცესი [სერაფიმე (რომანცევი 1885-1975)] ამბობდა: სნეულება მაშინ მოდის, როცა ღვაწლის აღსრულება არ შეგვიძლია. ჩვენი უბედურება იმაშია, რომ ძალიან მოუთმენლები და სულმოკლეები ვართ.

სნეულების დროს დიდ ნუგეშს მოგვიტანს იესოს ლოცვის განუწყვეტელი აღსრულება, რომელიც ადამიანს მხოლოდ ცოდვების გამო გულშემუსრვილების და სიმდაბლის შემთხვევაში მიეცემა"