ცილისწამების მსხვერპლნი პარამეტრები

[marine]

"ცილისწამების, რა თქმა უნდა, არ უნდა გვეშინოდეს, მაგრამ რაც უნდა გამოვიწვიოთ ის"

/ძმა იოსები, მონრეალის ყოვლადწმიდა ღვთისმშობლის ივერიის მირონმდინარე ხატის მცველი/

[marine]

"თუ ცილი დაგწამეს, სიკეთის წილ ბოროტება მოგზღვეს, გულში ბოროტება არ ჩაიდო, შეუნდე და გიხაროდეს, რადგან ამით რამდენიმე საფეხურით უფალს მიუახლოვდი"

/ღირსი გაბრიელი, აღმსარებელი და სალოსი/

[marine]

"როგორ უნდა მოვიქცე, თუ ცილს დამწამებენ და შემდეგ განცხადდება ჩემი სიმართლე?

თუკი ცილს დაგწამებენ და შემდეგ განცხადდება შენი სიმართლე, ნუ იამაყებ, არამედ მორჩილად ემსახურე უფალს, რომელმაც გამოგიხსნა შენი ცილისწამებისაგან"

/წმ. ეფრემ ასური/

[marine]

"ასე რომ, სრულად შევიცნოთ ლოცვის უძლეველი ძალა, რომელიც მორწმუნეებს განგვამტკიცებს, იწყალებს ცოდვილთ, შეეწევა სათნოებებში განმსწავლელთ, ძლევს ყოველგვარ დაბრკოლებას, გულს ულბობს სამყაროს შემოქმედს, უხრწნელი გვირგვინებით ამკობს ღვთისმოსავი ცხოვრებით მოღვაწეებს, ამხელს ცილისმწამებელთ და ზეციურ სასუფეველს უმკვიდრებს მათ, ვინც ცილისწამებას მტკიცედ დაითმენენ"

[marine]

"ბევრი იყო რთულ გზაზე განსაცდელი, გულისტკენა, უსაფუძვლო ცილისწამებაც კი. და იტანდა ყოველივეს მართალი კაცი [კათოლიკოს-პატრიარქი ილია II] მშვიდად, უსიტყვოდ, უდრტვინველად, იმ ცოდვილთათვის მლოცველად, თავგზააბნეულებს რომ ვერ გაეგოთ რასა იქმან - და... მარცხდებოდნენ, მარცხდებოდნენ მისი უწმიდესობის ერთადერთი იარაღით - სიყვარულით, ყველას და ყველაფერს რომ მოერევა და კურნავს"

/პატრიარქის ბიძაშვილი, ქალბატონი ნელი შიოლაშვილი/

[marine]

"ცილი დაგწამა ვინმემ? მომანდე [უფალს] ეს საქმე და მომეტმასნე მე - შენს თავშესაფარს, რათა გამაგრდე "ენის ყივილისაგან". თავის დროზე ნათელს გავხდი შენს სიმართლეს, ხოლო შენი სამართლიანობა დაემსგავსება შუადღეს"

/მღვდელმონაზონი სერაფიმე ვირიცელი/

[marine]

"ცილისწამების რეცეპტი:

1. ღმერთის გარეშე ჩვენს თავს არაფერი ხდება. ამიტომაც ავისმეტყველი ენა თავს გვესხმის ღმერთის დაშვებით. მოითმინე, რასაც უფალი გამოგიგზავნის.

2. თავი იმით ინუგეშე, რომ სიცრუეს ითმენ. სუფთა სინდისი დიდი ნუგეშია... დაე, ყველამ მლანძღოს, ოღონდაც კი სინდისი მაქებდეს.

3. ამ განსაცდელში ბევრი მეგობარი გყავს: უფლის წმიდანთ ბევრი ცილისწამება გადაუტანიათ... ახლაც ბევრია ისეთი, რომლებიც ასევე იტანენ. უფალო იესო ქრისტე, გვატარე შენი და შენი წმიდანების კვალზე.

4. ჰკითხე შენს სინდისს, სიტყვით ხომ არავინ გაგიმწარებია? თუ ასეა, იცოდე, რომ ცილისწამება ცილისწამებით ისჯება. ამიტომაც აიტანე, მადლობა თქვი, რომ ამ ცოდვის გამო აქ ისჯები და არა იქ. ეს დაგამშვიდებს"

/წმ. ტიხონ ზადონელი/

[marine]

- კერძოდ რომელი მანკიერება გავს შავ ჭირს?

- ცილისწამება. რაც არის შავი ჭირით დაავადებული ადამიანი, იგივეა ცილისმწამებელი. შავი ჭირით დაავადებული ადამიანი აზიანებს მას, ვინც მას ესაუბრება და არ ფრთხილობს. ცილისმწამებელი აზიანებს მას, ვინც უსმენს მას. დაავადებული ადამიანიდან წყლული გადაედება მეორეს, მეორედან - მესამეს, მესამედან - მეოთხეს და ყველას, თუკი თავს არ გაუფრთხილდებიან. ასევეა ცილისწამების დროსაც - ერთი გაიგებს ცილისწამებას და ეტყვის მეორეს, მეორე - მესამეს და მომხდარა ისეც, რომ ცრუ ამბავს მთელი ქვეყანა ისმენს და ზიანდება... ჭეშმარიტად უკეთესია ასჯერ დაეცე ფეხის წამოკვრით, ვიდრე ენით"