გული შემუსვრილი და დამდაბლებული, გამოცდილებიდან ... პარამეტრები

[kato_Bato]

ალბათ, არა ვარ თავმდაბალი, ერთია ხანდახან, როცა მართლა საჭიროა, შემიძლია თუ არა სიმდაბლის გამოჩენა.

ასეთ დროს ძალიან ვცდილობ თავი ხელში ავიყვანო და სიამაყემ არ შემიპყროს. თუმცა იმის გარჩევაც მიძნელდება ეს სიმდაბლეა სინამდვილეში თუ "აღზრდა", რომლის მეოხებითაც ვიცი, რომ ჯერ ერთი, ვთქვათ, უფროსს არ უნდა შეეკამათო, თუნდაც ცდებოდეს და მეორეც ვერაფრით ვიგებ მოცემულ სიტუაციაში რატომ "მერჩის" ეს ადამიანი და ბოლომდე ვცდილობ ჩემკენ შემოვაბრუნო, დავანახო, რომ არაფერი მაქვს მისი საწინააღმდეგო.
აქვს ახლა რომელიმეს რამე კავშირი სიმდაბლესან?

[ninca]

kato
მსურს, ჩემი გამოცდილება გაგიზიარო, იქნებ გამოგადგეს მსგავს სიტუაციაში. მამაომ მირჩია: თუ რამეში გადანაშაულებენ, ეცადე, მიიღო ყვედრება, ასეთად დაინახო თავი და ეცადო გამოსწორებას. თუ მართლა ჰპოვე დანაშაული საკუთარ თავში, მიტევებას მიიღებ. თუ ხედავ, რომ უსამართლოდ გადანაშაულებენ, გსაყვედურობენ, შენი რაღაც დავიწყებული ან შეუმჩნეველი ცოდვის საპატიებლად, გამოსასყიდად დაუშვა ღმერთმა.
იღუმენი ნიკონი გვირჩევს, რომ მუდამ საკუთარ თავს ვადანაშაულებდეთ, თუნდაც მართალნი ვიყოთ. გულში ასე თქვითო: "ჩემი უწინდელი შეცოდებების გამო მომეზღო."

როგორი აუცილებელია ცხოვნების საქმეში სიმდაბლე, გულის შემუსვრა. წმ. სვიმეონ ახალი ღვთისმეტყველი წერს:" არის ორი მსხვერპლი, რომელსაც იწირავს ღმერთი და მამა ჩვენი უფლისა იესუ ქრისტესი, რისთვისაც შეიწყალებს ყოველსა კაცსა და მთელ სამყაროს. მათგან ერთ-ერთია თავად უფალი ჩვენი იესუ ქრისტე, განკაცებული , და მეორე - მისი მორწმუნე ყოველი ადამიანის დამდაბლებული და შემუსვრილი გული." "ადამიანს არ მოეთხოვება თავისი სულის სანაცვლოდ სხვა რამის გაღება, გარდა იმის აღიარება, რომ ის არარაობაა, მხოლოდ ამ შემთხვევაში ძალუძს მას, რომ ღმერთს მიუტანოს გული შემუსვრილი და დამდაბლებული -ერთადერთი მსხვერპლი, რომელსაც უფალი არ შეურაცხყოფს, რამეთუ იცის, რომ ადამიანს არაფერი აქვს საკუთარი ისეთი, რაც შეეძლო ღვთისათვის მიეტანა..

[takusha]

წმ.ანტონი დიდი ამბობს: ,,სიამაყემ და ამპარტავნებამ ეშმაკი ციდან გადმოაგდო,თავმდაბლობასა და მორჩილებას კი ადამიანი მიწიდან ზეცაში აჰყავს,, და თუ გვინდა რომ მიწიდან ზეცაში ავიდეთ, უნდა ვიცხოვროთ მორჩილებითა და თავმდაბლობით.და აქვე კიდევ დავწერ იგივე წმ.მამის სიტყვებს:,,გიყვარდეს თავმდაბლობა- იგი ცოდვისგან დაგიცავს,,