რწმენის და ურწმუნოების შესახებ, ღვთისმეტყველება ათეიზმის შესახებ პარამეტრები

[missis_kartveli]

miss_kartveli

არ დავცინი. იმაზე მეცინება, ასე თავგამოდებით რომ ამტკიცებ იმას, რაც არ გინახავს.

არც იმათი გჯერა, ვისაც უნახავს? (სხვათაშOრის ჩემი დიდი ბებია მიყვებოდა, როგორ მოკვდა და გაცოცხლდა მისი დედამთილი და ყვებოდა იმქვეყნიურ ცხოვრებაზე, ალბათ ამაზეც გაგეცინება)

მისაუბრია. ვერ იტანენ ჩემნაირებს და პასუხსაც არ იძლევიან. შენც იმიტომ არ გინდა ჰკითხო, რომ იცი რა რეაქციაც მოჰყვება მისი მხრიდან.

მე არც ვკითხავ, იმიტომ რომ მე მწამს.
შენ რაც არ უნდა გესაუბროს კაცმა ვერ დაიჯერებ, ამიტომ მართლა აზრი არ აქვს შენთან კამათს. აღარ შეგეკამათები, ისე ძალიან მიკვირს როგორ ცხოვრობ რწმენის გარეშე. შენის აზრით უბრალოდ მოევლინე ამქვეყანას და არანაირი დანიშნულება არ აქვს შენს აქ ყოფნას, უაზრობაა ეს ყველაფერი, წუთიერი ცხოვრება და მერე ყველაფერი ქრება. უაზრობა გამოდის ყველაფერი...

[ეგრი]

miss_kartveli

სხვათაშOრის ჩემი დიდი ბებია მიყვებოდა, როგორ მოკვდა და გაცოცხლდა მისი დედამთილი და ყვებოდა იმქვეყნიურ ცხოვრებაზე, ალბათ ამაზეც გაგეცინება

კი.

შენ რაც არ უნდა გესაუბროს კაცმა ვერ დაიჯერებ, ამიტომ მართლა აზრი არ აქვს შენთან კამათს.

კაი მაშინ ნუ გააგრძელებ.

ისე ძალიან მიკვირს როგორ ცხოვრობ რწმენის გარეშე.

მშვენივრად. არც მეათედს ვიხდი და არც ცოდვებით ვძიმდები.

შენის აზრით უბრალოდ მოევლინე ამქვეყანას და არანაირი დანიშნულება არ აქვს შენს აქ ყოფნას

აქვს. შვილები უნდა აღვზარდო. საზოგადოებას გამოვადგე. ვიაზროვნო, ვიოცნებო, ვისწავლო და ვიღვაწო.

და მერე ყველაფერი ქრება

ადამიანი ქრება. ხსოვნა რჩება.

უაზრობა გამოდის ყველაფერი...

ჩემთვის არ გამოდის. შენთან კამათს აღარ გავაგრძელებ. როგორც ჩანს შეიძლება ჩემდა უნებურად ცხოვრების აზრი დაგაკარგვინო.

[ილია]

აქვს. შვილები უნდა აღვზარდო. საზოგადოებას გამოვადგე. ვიაზროვნო, ვიოცნებო, ვისწავლო და ვიღვაწო

ლენინი არის ლენინი იყო, ლენინი იქნება მუდაამ........

გაიხარე კაი ადამიანი ხარ
რწმენაც მოვა და უფრო კაი გახდები

მშვენივრად. არც მეათედს ვიხდი და არც ცოდვებით ვძიმდები

ჯერ ადრეა ეტყობა ეგ დროც მოვა დამერწმუნე..

[ქავთარაძე]

ეგრი
მე კიდე შენ აზროვნებაზე მეცინება თავგადაკლული ათეისტი ხარ რაარი შენი ცხოვრების აზრი?

ვიცი ეგრის ცხოვრების აზრიიიიი.
დარგოს 1 ხე, ააშენოს სახლი,ყავდეს ოჯახი

[ეგრი]

ილია

ლენინი არის ლენინი იყო, ლენინი იქნება მუდაამ........

ეგ ხოო, ეგ ხოო.

ჯერ ადრეა ეტყობა ეგ დროც მოვა დამერწმუნე..

რას ამბობ, რას მისურვე? ცოდვებით რომ დავმძიმდები ის დრო გინდა რომ მოვიდეს?
ქავთარაძე

მე კიდე შენ აზროვნებაზე მეცინება

ჩემს აზროვნებაზე მეც მეცინება. მიყვარს იუმორი, რასაც ამ ფორუმზე ყოველ ფეხის ნაბიჯზე გაურბიან.

თავგადაკლული ათეისტი ხარ

ვცდილობ.

რაარი შენი ცხოვრების აზრი?

ცოტა ზევით აიხედე და იქ სწერია.

დარგოს 1 ხე, ააშენოს სახლი,ყავდეს ოჯახი

ეგეც. რა ცუდს ხედავ მაგაში რამეს? თუ ეკლესიაში სიარულის გარეშე ვერ მოვახერხებ?

გოდა იყო . . . გდეტა დევიანოსტოპერვი-დევიანოსტოვტაროი. შქმერში ვიყავი კურსელებთან ერთად. იქაური ეკლესია კომუნისტების დროს გადატიხრული იყო. ქვედა ნაწილში კარტოფილის საწყობი ქონდათ, ზედაში კლუბი. მოკლედ გავწმინდეთ იქაურობა, მიწა გავიტანეთ, სარეველები მოვთიბეთ, კედლები გავასუფთავეთ. სარესტავრაციოდ გავამზადეთ. აი ეგეთი საქციელებიც მაქვს ჩადენილი. ვუფრთხილდები კულტურულ მემკვიდრეობას და საზოგადოებასაც ვადგები.

[მნათე]

რა უინტერესო მორწმუნე-ურწმუნოები ხართ

[ილია]

რას ამბობ, რას მისურვე? ცოდვებით რომ დავმძიმდები ის დრო გინდა რომ მოვიდეს?

ისე ცოდვებით ყველანი დამძიმებულებივართ, და ვინ როგორ განიცდის ამას ეგ სხვა საქმეა.
მე გითხარი ცოდვებს ადრე თუ გვიან განიცდი და მერე სულ სხვანაერად შეხედავ. შენ გონია რომ არცხოვრობ ცოდვებით და მართალი ხარ შეილება უმცირეს ცოდვებს სჩადიოდე, ეგრე ფიქრობს ყველა ვინც არაეკლესიურია,
ცოდვა რომ შეგაწუხებს მერე მიხვალ მოძღვართან, დავიჯერო არგქონია ცხოვრებაში მომენტი რომ რაღაცსას შეწუხებინე და ვინმესთვი თქმა გდომებოდეს? მარა ვერ გითქვია..

შქმერში ვიყავი კურსელებთან ერთად. იქაური ეკლესია კომუნისტების დროს გადატიხრული იყო. ქვედა ნაწილში კარტოფილის საწყობი ქონდათ, ზედაში კლუბი. მოკლედ გავწმინდეთ იქაურობა, მიწა გავიტანეთ, სარეველები მოვთიბეთ, კედლები გავასუფთავეთ. სარესტავრაციოდ გავამზადეთ. აი ეგეთი საქციელებიც მაქვს ჩადენილი. ვუფრთხილდები კულტურულ მემკვიდრეობას და საზოგადოებასაც ვადგები.

აი ეს კაია. შენ გონია გინდა თქვა რო იმიტომ დაასუფთავე რომ კულტურული ძეგლია? არა მიზეზი სულ სხვა რამეა რწმენაა ჩემი აზრით. ყოველ ადამიანში დევს რაღაცა რწმენის მარცვალი.

[ეგრი]

ილია

მე გითხარი ცოდვებს ადრე თუ გვიან განიცდი და მერე სულ სხვანაერად შეხედავ.

ეგ საიდან იცი?

ცოდვა რომ შეგაწუხებს მერე მიხვალ მოძღვართან

ეგ საიდან იცი?

დავიჯერო არგქონია ცხოვრებაში მომენტი რომ რაღაცსას შეწუხებინე და ვინმესთვი თქმა გდომებოდეს? მარა ვერ გითქვია..

ეეჰ, მე რომ გაჭირვება და უბედურება გადამიტანია, ბევრ თქვენგანს გაგონილიც არ ექნება, მაგრამ ეკლესიაში და მით უმეტეს მღვდელთან მისვლის სურვილი არასდროს გამჩენია. როცა დამჭირვებია, მინახავს ადამიანი ვისთვისაც გული გადამიშლია.

შენ გონია გინდა თქვა რო იმიტომ დაასუფთავე რომ კულტურული ძეგლია?

მაგრად მაიზმენებ. ისე ლაპარაკობ ჩემს აზრებზე გეგონება ჩემს თავში ზიხარ.
იყო კულტურული ძეგლი. მერე მიწისძვრამ დაანგრია.

არა მიზეზი სულ სხვა რამეა რწმენაა ჩემი აზრით.

ა კიდო? შენ შემთხვევით ხომ არ მიცნობ?

[ნათია]

რწმენა ორმაგია. ერთი მხრივ, „არსებობს რწმენა სმენისგან“ (რომ. 10,17), რადგან ვისმენთ რა საღვთო წერილისას, გვწამს მოძღვრება სულისა ეს რწმენა სრულიქმნება ქრისტესმიერი რჯულდებებით. იგი არის საქმით მარწმუნებელი, კეთილმსახური და ჩვენი განმაახლებლის მცნებათა აღმსრულებელი, რადგან ვისაც კათოლიკე ეკლესიის გადმოცემის მიხედვით არ სწამს ანდა ვინც უგვან საქმეთა მიერ ეშმაკს ეზიარება, ურწმუნოა იგი.

კიდევ, „არის რწმენა, საფუძველი იმისა, რასაც ვსასოებთ, უხილავ საქმეთა სამხილი“ 1 (ებრ. 11,1), ანუ ურყევი და უეჭვო სასოება, ერთი მხრივ, იმისა, რაც ღმერთმა აღგვითქვა ჩვენ, მეორე მხრივ კი - იმისაც, რომ აგვისრულდება ჩვენი სათხოვარი.

ამათგან პირველი ჩვენს განზრახულებას განეკუთვნება, ხოლო მეორე სულის ნიჭთაგანია.

[კანუდოსელი]

წამებული მოაზროვნეა

ბრუნოს მიერ საკუთარი თავის შეფასება:

доктор самой изощренной теологии, профессор самой чистой и безвредной магии (Йейтс Ф. А. Джордано Бруно и герметическая традиция. М., 2000, с. 226.)

ჯორდანო არის არა მეცნიერი არამედ ოკულტისტი, ამის დასტური თავად მისი სიტყვებია:

"Коперник – заря, которая должна была предшествовать восходу солнца истинной античной философии" (Бруно. Пир на пепле, 1)-ეს გამონათქვამი არის სხვა არაფერი, თუ არა კოპერნიკის, ჭეშმარიტი მეცნიერის დისკრედიტაცია, როდესაც მისი მეცნიერული სწავლება ბრუნომ წარმოადგინა გერმენევტიკულ ჭრილში და შესძინა მას ოკულტური ხასიათი, ამას დავამატებდი ასევე ბრუნოს გამონათქვამს: "საწყალი არისტოტელე, რომელიც ვერ ჩაწვდა სიღრმისეულ მაგიას".

ასე, რომ თუ ის მოაზროვნეა, ნამდვილად არა მეცნიერული არამედ ოკულტური...

[leluka]

ეჰ ეგრი რა გითხრა მე მწამს სიკეთის და სიყვარულის და ვხვდები რომ ესაა ღმერთი მე ყველაფერს კარგს და საუკეთესოს ღმერთს ვუკავაშირებ იმიტომ რომ იგია ამ სიკეთის წყარო იგი რომ არა სრული განუკითხაობა იქნებოდა და რისი უნდა გწამდეს მაშინ მოკალი დაკალი ბოღმა და შური ანთხიე და არც სინდისი შეგაწუხებს არადა სინდისი ყველა ადამიანს აქვს რაც არ უნდა ცოდვილი იყოს და ის ახსენებს თავს,ჩემი აზრით ვინც ურწმუნოდ ცხოვრობს ის სჩადის ცოდვას ანუ მხოლოდ კაცს არ კლავს, შურს, სძირავს ადამიანს რადგან პირველობა სურს ყველაფერ ავს სჩადის, აბა წარმოიდგინეთ იესომ გვითხრა რომ გიყვარდეს მოყვასი შენი არადა ეხლა თითქმის ყველა მეორე ერთმანეთს სჭამს და ეს შენ გგონია ნორმალური?სხვა ურწმუნო ადამიანები უაზროდ ცხოვრობენ მართლაც რწმენა ის კი არ არის რომ აიღო უცებ და იწამო ღმერთი,ღმერთი მისი მცნებებით უნდა შეიყვარო და მიხვდები მერე რა არის რწმენა, აბა ადამიანი რომელსაც არ სწამს ღმერთის მარტოდმართო ამქვეყნიური ამაოებით ცხოვრობს ყველაფრის ჩამდენია,სხვა ხომ ვერ გაიგებს ისე დაუგებს მახეს ვინმეს რომ გამოძვრება სამართალი სად იქნება?რომ გაიძახით რა უსამართლოა ეს ცხოვრებაო ჩვენივე ბრალია არ გვიყვარს წარმომიდგენია და ხშირად ვფიქრობ რომ იქება კი ოდესმე ის დრო როცა ყველას ერთმანეთი ეყვარება რავიცი ასეთ ფიქრამდე რომ ბევრი მივიდეს ავშენდებით რომ არ გწამს სხვა ღირებულებები გაგაჩნია და ეს მესმის იმიტომ რომ ასე თუ ისე როცა არ მწამდა ძალიან კარგად ვიცი როგორც ვიქცეოდი ამა თუ იმ შემთხვევაში. ჩაიხედე შენს გულში და იპოვი პასუხს ოღონდ არა ზერელედ.. გისურვებ წამრატებას პატივისცემით ლელუკა

[კანუდოსელი]

ფილოსოფიის ენაზე საკითხი შემდეგნაირად დგას...მოვახდენ კანტისეულ დამტკიცების პერეფრაზირებას:

დებულება პირველი: ყოველივე ამ სამყაროში ემორჩილება მიზეზ-შედეგობრივ პრინციპს
მაგალითად დენი თუ დაგარტყამს, არ დაადანაშაულებ მორალურ ასპექტში დენს ცოდვაში, რადგან მისი გავლენა განპირობებული იყო მიზეზ შედეგობრივი პრინციპით

დებულება მეორე: ადამიანს მოეთხოვება მორალური პრინციპების დაცვა

შედეგი: ე.ი. ადამიანი არ განიხილება მხოლოდ მიზეზ-შედეგობრივ ასპექტში და იგი არის ამ ასპექტის მიღმა, ანუ ადამიანში წარმოჩინდება სხვა, არა დეტერმინისტული, მიზეზ-შედეგობრივს მიღმა რეალობა, ხოლო ფილოსოფიაში ასეთ კატეგორიას ეწოდება ღმერთი

[ნათია]

მე ათეისტი ვარ. მე ღმერთის არსებობის არ მწამს. არასებობის მტკიცებას ვერ დავიწყებ. არც სურვილი მაქვს არც მჭირდება რამეში. თქვენ გწამთ მისი არსებობა და დაამტკიცეთ რომ არსებობს.

დასაბუთება, რომ არის ღმერთი

ამრიგად, ის, რომ არის ღმერთი, საეჭვო არაა მათთვის, რომლებიც იღებენ წმინდა წერილს (ვამბობ ძველსა და ახალ აღთქმას), არცთუ - ელინთა შორის უმრავლესთათვის, რადგან, როგორც ვთქვით, ცოდნა ღვთის არსებობის შესახებ ბუნებით არის შთათესილი ჩვენში. მაგრამ რადგან უკეთურის ბოროტებამ იმდენად იმძლავრა ადამიანთა ბუნების წინააღმდეგ, რომ ზოგიერთები წარწყმედის უუგუნურეს და ყველა ბოროტებაზე უბოროტეს უფსკრულამდეც კი მიიყვანა, - იმის თქმამდე, რომ არ არის ღმერთი (რომელთა უგუნურებას გვიცხადებს სიწმინდეთმჩენი დავითი, ამბობს რა: „თქვა უგუნურმა თავის გულში: არ არის ღმერთი“, ფს. 13,1), - ამიტომ უფლის მოწაფეებმა და მოციქულებმა, ყოვლადწმინდა სულით გაბრძნობილებმა და მისი ძალითა და მადლით ღვთივსასწაულთა აღმსრულებლებმა, საკვირველებათა ბადით მოისათხევლეს ამგვარნი და უცოდნელობის სიღრმიდან ღვთისმცოდნეობის სინათლისკენ ამოიყვანეს ისინი.

მსგავსადვე, მოციქულთა მადლისა და ღირსების მონაცვლეებმა, მწყემსებმა და მოძღვრებმა, მიიღეს რა მათაც სულიწმინდის განმანათლებელი მადლი, საკვირველებათა ძალით და მადლის სიტყვით გაანათლეს დაბნელებულნი და შეცდომილნი მოაქციეს. ხოლო ჩვენ, რომლებსაც არც საკვირველებათა, არც მოძღვრების ნიჭი არ მიგვიღია, რადგან სიამოვნებათა მიმართ ვნებიანობით უღირსვყავით თავი, იმისგან, რაც გადმოგვეცა მადლის მესიტყვეთა მიერ, აწ მცირედს განვიხილავთ ზემოთქმულის შესახებ, მოვუხმობთ რა მამას, ძეს და სულიწმინდას.

ყოველი არსი ან ქმნილია ან უქმნელი. თუ ქმნილია იგი, უეჭველად ცვლადიცაა, რადგან რისი არსებობაც ცვალებადობით დაიწყო, ის უთუოდ ცვალებადობას უნდა დაექვემდებაროს - ან როგორც ხრწნადი ან როგორც არჩევანისებრ გარდაქმნადი. თუ უქმნელია არსი, კანონზომიერების წესის თანახმად, უეჭველად უცვლელიცაა, რადგან რომელთა არსებობაც წინააღმდეგობრივია, მათი რაგვარმყოფობის წესიც, ანუ თვისებებიც, წინააღმდეგობრივია. ამიტომ, ვინ არ დაგვეთანხმება, რომ ყოველი არსი (არა მხოლოდ ისინი, რომლებსაც ჩვენ შევიგრძნობთ, არამედ ანგელოზებიც კი) იცვლება, გარდაიქმნება, და მრავალგვარად მოძრაობს, კერძოდ, გონისმიერნი (ვამბობ ანგელოზებს, სულებს და ეშმაკებს) - ნებაყოფლობითი არჩევანის კვალობაზე სიკეთეში წარმატებით და სიკეთისგან განშორებით, გაძლიერებითად და შესუსტებითად, სხვა დანარჩენი კი - წარმოქმნისა და ხრწნის, ზრდისა და დამცრობის, თვისობრივი ცვლილების, აგრეთვე, ადგილ-ადგილ მოძრაობის მიხედვით.

ამრიგად, ცვალებადი უეჭველად ქმნილიცაა, ხოლო ქმნილი არსი უთუოდ ვინმესგან არის გაჩენილი. თვით გამჩენი შეუქმნელი უნდა იყოს, რადგან თუკი ისიც ქმნილია, უთუოდ ვინმესგან არის შექმნილი, და ასე შემდეგ, ვიდრე არ მივალთ რამ შეუქმნელამდე.

ამრიგად, რადგან შემოქმედი შეუქმნელია, უთუოდ უცვლელიცაა. ამიტომ სხვა რა უნდა იყოს იგი, თუ არა ღმერთი?

თვით ეს შესაქმის თანაშემტკიცება, შენარჩუნება და წარმმართველობა გვასწავლის ჩვენ, რომ არის ღმერთი - ყოველივე ამის შემამყარებელი, შემამტკიცებელი, შემნარჩუნებელი და მარადჟამს წინაგანმგებელი. მართლაც, როგორ მოხდებოდა, რომ საწინააღმდეგო ბუნებანი (ვამბობ ცეცხლისას და წყლისას, ჰაერისას და მიწისას) ერთი ქვეყნიერების შესავსებად ურთიერთს შეუერთდებოდნენ და თან დაუშლელნიც დარჩებოდნენ, ყოვლადძლიერ რამ ძალას რომ არ შემოეკრიბა ისინი და არ დაეცვა მარადჟამს დაუშლელად?

რა არის ის, რამაც განაწესა ციურნი და მიწიერნი, რაც კი რამ არის პაერში და წყალში, უფრო კი ამათზე უწინარესნი. ცა, მიწა, ჰაერი, და ბუნება ცეცხლისა და წყლისა? რამ შეაზავა და დაჰყო ესენი? რა არის ის, რამაც ესენი აამოძრავა და რაც წარმართავს დაუცხრომელ და დაუბრკოლებელ სვლას? განა არა ის, ვინც არის მათი მეხელოვნე, ვინც შთანერგა მათში ნიშატი, რითაც ყოველივე მიემართება და განიგება? მაგრამ ვინ არის მათი მეხელოვნე? განა არა ის, ვინც შექმნა და არსებობაში შემოიყვანა ისინი? შემთხვევითობას როდი განვუკუთვნებთ ამგვარ შემძლეობას. ვთქვათ, შემთხვევითია შექმნა. ვინღა არის განმაწესებელი? თუ გნებავს, ესეც დავუშვათ. მაშინ ვისმიერია იმ ნიშატთა შემნარჩუნებლობა და დამცველობა, რომელთა მიხედვითაც თავდაპირველად მოხდა დაარსება? ცხადია, - იმისმიერი, ვინც სხვა არის და არა შემთხვევითი, ხოლო ეს კი ვინღა იქნება, თუ არა ღმერთი?

[abo]

ეეეჰ ნათია მაგას ჯერ ტვინისმიერი წაკითხვა უნდა და მერე გაგება არ არის მაგი ადვილი გსაგები, ძნელია , ძნელი. თან უნდა გინდოდეს რომ გაიგო.

[KAIROS]

ფილოსოფიის ენაზე საკითხი შემდეგნაირად დგას...მოვახდენ კანტისეულ დამტკიცების პერეფრაზირებას:

დებულება პირველი: ყოველივე ამ სამყაროში ემორჩილება მიზეზ-შედეგობრივ პრინციპს
მაგალითად დენი თუ დაგარტყამს, არ დაადანაშაულებ მორალურ ასპექტში დენს ცოდვაში, რადგან მისი გავლენა განპირობებული იყო მიზეზ შედეგობრივი პრინციპით

დებულება მეორე: ადამიანს მოეთხოვება მორალური პრინციპების დაცვა

შედეგი: ე.ი. ადამიანი არ განიხილება მხოლოდ მიზეზ-შედეგობრივ ასპექტში და იგი არის ამ ასპექტის მიღმა, ანუ ადამიანში წარმოჩინდება სხვა, არა დეტერმინისტული, მიზეზ-შედეგობრივს მიღმა რეალობა, ხოლო ფილოსოფიაში ასეთ კატეგორიას ეწოდება ღმერთი

კანუდ, იქნებ გააგრძელო ანტითეზისები და მერე პასუხებ ორივეზე, საინტერესოა კანტი ძალიან!

[Dulos]

ეგრი

ათეიზმი ღმერთის წინააღმდეგ აწ უკვე მოძველებული ფორმაა. ადამიანი ამის მეშვეობით ცდილობს თავი ზედმეტი და მისთვის არასასიამოვნო პასუხისმგებლობისაგან გაითავისუფლოს თავი. ბევრი ათეისტი სიკვდილი წინ რა განცდებში იყო?

ათეისტი მაგონებს ადამიანს, რომელიც დგას ცათამბჯენის სახურავის ქიმზე და იძახის: არ მწამს დედამიწის მიზიდულობის ძალა. მან ამას მოქმედებაც მოაყოლა, კარგს ვერაფერს გამორჩება. ბიბლიაში ამაზეც წერია (რომაელთა მიმართ წერილში). ადამიანმა რომ თქვას ღმერთი არ მწამსო, ეს ღმერთის არსებობას არ გააუქმებს. ეს მისთვის იკარგება ღმერთი, და უკვე ცათამბჯენისა სახურავიდან მოფრინავს...

იმდენად აშკარა და ნათელია ღმერთის არსებობა, რომ მიკვირს. ბიბლია არ არის თქვენთვის იგივე ავტორიტეტის მქონე. შეგვიძლია მეცნიერებიდან, სხვადასხვა დისწიპლინებიდან მოვიყვანოთ არგუმენტები, რომელიც ნებისმიერ ათეისტურ არგუმენტს გადაუსმევს ხაზს.

[alex_b]

ათეიზმი ღმერთის წინააღმდეგ აწ უკვე მოძველებული ფორმაა. ადამიანი ამის მეშვეობით ცდილობს თავი ზედმეტი და მისთვის არასასიამოვნო პასუხისმგებლობისაგან გაითავისუფლოს თავი. ბევრი ათეისტი სიკვდილი წინ რა განცდებში იყო?

სადა ხარ დულოს აქამდე ჰა?
შენი არგუმენტები მოგვაკლდა.

მე კიდევ მიკვირს წრფელად, რომ არსებობენ ათეისტები ამ ლამაზ სამყაროში.

ისე ჩემი აზრით ეგრი არ უნდა იყოს "ჭეშმარიტი ათეისტი".
და ჩემი დასკვნებით ბიბლიას ის საერთოდ არ კითხულობს. ალბათ წაკითხული აქვს და ალბათ ეხლაც კითხულობს ათეისტურ "ნაშრომებს", რომლებიც პანტაპუნტით კარგავენ თავიანთ პოპულარობას და დიდის მოკრძალებით ქედს იხრიან ბიბლიის ჭეშმარიტების წინაშე.

მე კი რომ მჯეროდეს, რომ ღმერთი არ არსებობს, ერთი წუთი არ ვიცოცხლებდი თავს ამ ტანჯულ წუთისოფელში. სულ ტკბილად დავემშვიდობებოდი ცხოვრებას. იმიტომ, რომ დიდი ამაოება იქნებოდა. ისე ეგრის ვურჩევ ეკლესიასტეს წიგნი წაიკითხოს. იმის ილუზია არ მაქვს, რომ ყველაფერს გაიგებს, მაგრამ წუთისოფლის ამაოებაზე მაინც გაუჩნდება აზრი, რომელიც კითხვას დასვამს: "რა არის ცხოვრების აზრი"?

და ყველა ქრისტიანი ბედნიერია იმის, გამო რომ მან იპოვა ცხოვრების აზრი:

საქ.17:26. და შექმნნა ერთისაგან სისხლისა ყოველნი ნათესავნი კაცთანი დამკჳდრებად ყოველსავე ზედა პირსა ქუეყანისასა, განაჩინნა დაწესებულნი ჟამნი და საზღვრის დადებანი დამკჳდრებისა მათისანი მოძიებად ღმრთისა; 27. და უკუეთუმცა ვინ ეძიებდა, პოამცა იგი, და რამეთუ მის მიერ ცხოველ ვართ და ვიქცევით და ვართ, ვითარცა-იგი ვინმე თქუენგანნი სიტყჳს მოქმედნი იტყჳან: რომლისა-იგი ნათესავცა ვართო.

და თუ ამ სიტყვებს ვერ მიხვდება ადამიანი.....
ალბათ მიხვდება, მაგრამ ნეტავ მეტისმეტად გვიანი არ იყოს

[მნათე]

მსჯელობა მომწონს, ათეიზმი არა რა მოძველებული აზროვნებაა...

[adamis_nekni]

miss_kartveli

მშვენივრად. არც მეათედს ვიხდი და არც ცოდვებით ვძიმდები.

აქვს. შვილები უნდა აღვზარდო. საზოგადოებას გამოვადგე. ვიაზროვნო, ვიოცნებო, ვისწავლო და ვიღვაწო.

უბრალოდ მეცინება შენს აზროვნებაზე
არვიცი რისთვის მოვედით ამქვეყნად? რას წარმოვადგენთ? ცხოვრება არ არის მთავარი, მთავარი საიქიო ცხოვრებაა ეს წუთისოფელი უბრალოდ გამოცდაა ღვთისგან

[ეგრი]

კანუდოსელი

ასე, რომ თუ ის მოაზროვნეა, ნამდვილად არა მეცნიერული არამედ ოკულტური...

ოკულტისტები ცეცხლზე დავწვათ? ჩვენ ბრუნოს მეცნიერებაზე კი არა ინკვიზიციის არაადამიანურობაზე ვსაუბრობთ.
ნათია
გენიალური დამტკიცებაა. ხვალ ეკლესიაში მივდივარ.
alex_b

და ჩემი დასკვნებით ბიბლიას ის საერთოდ არ კითხულობს.

საფუძველი? ჩემი დასკვნებიც ხომ არ გაინტერესებს 50-იანელებზე?
adamis_nekni

უბრალოდ მეცინება შენს აზროვნებაზე

შენ უნდა ნახო მე როგორ ვიცინი თქვენს აზროვნებაზე.