რწმენის და ურწმუნოების შესახებ, ღვთისმეტყველება ათეიზმის შესახებ პარამეტრები

[marine]

"ცხოველი სარწმუნოება არის ღმერთის ხედვა და ცნობა. ცხოველი სარწმუნოება არის ღმერთისთვის ცხოვრება და სოფლისთვის სიკვდილი. ცხოველი სარწმუნოება ღმერთის ნიჭია. სწორედ ამ უდიდესი ნიჭის მოცემას შესთხოვდნენ უფალს მოციქულები, როდესაც ეუბნებოდნენ: "შემძინე ჩუენ სარწმუნოებაი". მხოლოდ ცოცხალი რწმენის მეშვეობით ძალუძს ადამიანს უარყოს თავისი დაცემული ბუნების მოჩვენებითი ღირსებები, გახდეს უფლის მოწაფე და მიმდევარი თავისი გონებითაც და საქმეებითაც, რომლებიც განახლებული ბუნების შესაფერისნი იქნებიან"

/წმინდა მღვდელმთავარი ეგნატე ბრიანჩანინოვი/

[marine]

"ადამიანის სულს ჰყავს ორი გონებრივი მონადირე, რომლებიც ერთი მეორის მიყოლებით ცდიილობენ დაეუფლონ სულის გრძნობებს და განუწყვეტლივ დასდევენ მას. ერთ-ერთი ამთგანი რწმენაა - მეორე კი ურწმუნოება. ჩვენ კი ვამბობთ: იმედი და სასოწარკვეთა. ეს კეთილშობილი მონადირენი მეტისმეტი მოშურნეობით დასდევენ სულს და ცდილობენ მასთან დაქორწინებას.

როცა იზეიმებს რწმენა ურწმუნოებაზე და დაქორწინდება სულზე, მაშინ გაიხსენებს სული ღმერთს და შობს იმედს. ასე გაიმარჯვა რწმენამ კეთილი ავაზაკის სულზე, გაუჩინა მას ცხონების იმედი, და მანაც შესძახა: "მომიხსენე მე უფალო!" და მას იხსენიებს კიდეც ეკლესია უკუნისამდე, და პირიქით, მეორე ავაზაკი დაამარცხა ურწმუნოებამ, და შვა მან სასოწარკვეთა. და მან დაიწყო მკრეხელობა ქრისტეზე, მაგრამ თავად გახდა მკრეხელობის მსხვერპლი უკუნისამდე. ასე ემართება ყველა ადამიანს, რომელიც გაბრუებულია ურწმუნოების ვნებით; და როცა ის ვარდება სასოწარკვეთაში, რადგან ურწმუნოებისას ღმერთი ადამიანს შორდება და მასში იშვება სასოწარკვეთა და ღვთის გაჯიქებული მკრეხელობა, რომელიც გაჯერებულია წყლულის გამუდმებული ტკივილით მისსავე სხეულში მთელი მისი არსებობის მანძილზე, განკურნებით კი იკურნება თავად წყლული; ეს კი ხდება მაშინ, როცა ადამიანი მას მოინანიებს"

/ღირსი ნილოს ათონელი, მირონმდინარე/

[marine]

"რწმენა, - ამბობს წმინდა პეტრე დამასკელი, - "არის საფუძველი ყოველგვარი სიკეთისა, ღვთის საიდუმლოებების კარი, უშრომელი გამარჯვება მტერზე, სათნოება, ყველა სხვა სათნოებაზე მეტად საჭირო, ლოცვის ფრთა, მიზეზი ღვთის სულში ჩასახლებისა"

/წმინდა მღვდელმთავარი ეგნატე ბრიანჩანინოვი/

[marine]

"ასი წლის წინათ, როცა საბუნებისმეტყველო მეცნიერებისადმი ინტერესმა გაიღვიძა, ქალაქ "P"-ს უნივერსიტეტის ღვთისმეტყველების ფაკულტეტზე მხოლოდ ხუთი სტუდენტი სწავლობდა, მხოლოდ ხუთი! და მაშინ, როცა ისინი გამოცდებს აბარებდნენ, თანატოლები დაცინვით ეუბნებოდნენ მათ: "ნუთუ თქვენთვის გაუგებარია, რომ რელიგიამ თავისი დრო მოჭამა?" დღეს კი, ასი წლის შემდეგ, იმავე უნივერსიტეტში რამდენიმე ასეული სტუდენტი-ღვთისმეტყველია"

/წმ. ნიკოლოზ სერბი/

[marine]

"რწმენა ძალაა სულისა. მცირე რწმენა ვერ უბიძგებს გონებას ღმერთზე ფიქრის, ხოლო გულს - უფლისადმი ლოცვისკენ.

მტკიცე რწმენა ამოძრავებს გონებას, გულს და საერთოდ მთლიანად სულს ადამიანისას. ვიდრე სულში მტკიცე რწმენა ცოცხლობს, ის მიაქანებს მთელი ძალით სულს უფლისაკენ"

/წმ. ნიკოლოზ სერბი/

[marine]

"თუკი უღმერთოები მათზე ზემოქმედებენ, ვინც რწმენაში მერყეობს, მაშინ მორწმუნეთაც აქვთ ურწმუნოებზე ზეგავლენა. მაგალითის, რჩევის, ლოცვისა და სიყვარულის მეშვეობით მრავალი უღმერთო მოიქცა, ისე, როგორც გრძნობადაკარგულნი ბრუნდებიან სიცოცხლისკენ, მათ მწარედ მოინანიეს საკუთარი უღმერთობა და ჭეშმარიტ ქრისტიანებად იქცნენ. ამ ადამიანებს თავიანთმა ურწმუნოებამ სარგებელიც კი მოუტანა, რადგანაც უგუნური წარსულის გახსენება მათ სინდისის ქეჯნას აგრძნობინებს, რწმენისა და ღმერთისაკენ უბიძგებს"

/წმ. ნიკოლოზ სერბი/

[marine]

"ხოლო რწმენა - მთავარი მამოძრავებელი ძალაა ჩვენი სულების, მთავარი ძალა სიტყვისა, მთავარი ნათელი გონებისა და მამოძრავებელი ყველა თქვენი ხსნისაკენ მიმართული ქმედებისა"

/წმ. ნიკოლოზ სერბი/

[marine]

"იხარე, რომ ქრისტეს რწმენით მტკიცედ დგახარ. ეს განგამტკიცებს მძიმე დღეებში, ბურუსივით რომ იზრდებიან. აი, ადამიანს ხელთ უპყრია ჯოხი, რომელიც ეხმარება მას ციცაბო კლდიდან ჩამოსვლაში. ზოგიერთი ჯოხს სილამაზისთვის ატარებს, ზოგიერთი კი - როგორც რთულ გზაზე სავალ დამხმარე საშუალებას. რწმენა ღვთისა ამშვენებს და ეხმარება ადამიანს"

/წმ. ნიკოლოზ სერბი/

[marine]

"არამართებულად ამბობ მეგობარო: "ღმერთი არ არსებობსო". უფრო სწორი იქნებოდა გეთქვა: "მე არ გამაჩნია ღმერთი". რამეთუ თვითონაც ხედავ, რომ მრავალი ადამიანი შენს ირგვლივ შეიგრძნობს ღმერთის არსებობას და ამბობს: "ღმერთი არსებობს!" შესაბამისად, ღმერთი არ გყავს შენ და არა - საერთოდ არ არსებობს, როგორც შენ გგონია"

/წმ. ნიკოლოზ სერბი/

[marine]

"მეზობლის ქალი გაბრაზებს, დაგცინის და ამბობს: "შეხედე მე და ჩემი ქმარი რწმენის გარეშეც მშვიდად და თანხმობით ვცხოვრობთ!" ყურადღებას ნუ მიაქცევ, უსჯულოთაც შეუძლიათ თანხმობით ცხოვრება, მატლსაც ძალუძს მშვიდად ცხოვრება, ლეშს რომ მიირთმევს მანამ, ვიდრე ნადავლი გათავდება, შემდეგ კი ერთმანეთს სჭამენ. მთავარი დასაწყისი კი არა - დასასრულია"

/წმ. ნიკოლოზ სერბი/

[marine]

"რაც არ უნდა მოხდეს, თუ კაცს ცოცხალი რწმენა აქვს, ადამიანურად შეიძლება იტანჯებოდეს, მაგრამ მისი გული არ შეძრწუნდება"

/მიტროპოლიტი ათანასე ლიმასოლელი/

[marine]

"მასთან [ძმა იოსებთან, მონრეალის ყოვლადწმიდა ღვთისმშობლის ივერიის მირონმდინარე ხატის მცველთან] ურთიერთობისას შეუძლებელი იყო არ გაოცებულიყავით ამ ადამიანის სახარებისეული წმინდა და ბავშვური რწმენით. ეს რწმენა მის თვალებში ბრწყინავდა და სახიდან აშუქებდა"

[marine]

"წმიდა იოანე კონსტუდელის ნაამბობი ამბავი:

"ერთხელ მამა პაისს სამი სტუდენტი ესტუმრა ათონოს მთაზე. კაზაძაკის წიგნებზე გაზრდილ ყმაწვილებს ღმერთის არსებობის არ სწამდათ.

ჰოდა ირონიულად ჰკითხეს ბერს:

- შენ რა გგონია, მართლა არსებობს უფალი?

მამა პაისმა გაიცინა და არაფერი უპასუხა.

ამ დროს საიდანღაც პატარა, თეთრი ხვლიკი გამოსრიალდა.

წმიდა პაისი ყმაწვილებს მიუბრუნდა:

- მოდით აბა, იგივე კითხვა დაუსვით ამ არსებასაც.

ყმაწვილებმა გადაიხარხარეს და ხვლიკს ჰკითხეს:

- რას ფიქრობ მეგობარო, არსებობს ღმერთი?

და აქ მოხდა სასწაული:

ხვლიკმა მათ ადამიანის ენით უპასუხა:

- არსებობს მამა ღმერთი, ძე ღმერთი და სული წმიდა.

სამივემ გონი დაკარგა.

ის, ვინც შეკითხვა დასვა იმ დღესვე დარჩა მონასტერში და ბერად აღიკვეცა.

ის ორნი კი რამდენიმე კვირის შემდეგ დაბრუნდნენ უკან და ისინიც ბერად აღიკვეცნენ.

მამა პაისი ამბობდა:

- განა შეიძლება ფოთლებმა ხის გარეშე იარსებონ? ან ხეს შეუძლია ნიადაგის გარეშე სიცოცხლე? ჰაერის, წყლის, მზის სხივების გარეშე?

არა, რა თქმა უნდა არა!

ამრიგად, სული ღმერთის გარეშე ვერ იარსებებს!

რადგან ეს არის ჩვენი არსება! სუნთქვა! სინათლე! ჩვენი ძალა და საზრდო!

უფალი გფარავდეთ ყველას!"

[marine]

"სარწმუნოებასთან ერთად სიმტკიცე თუ არა გაქვს არაფრად ვარგიხარ"

/ღირსი გაბრიელი, აღმსარებელი და სალოსი/

[marine]

"ნუ იტყვით, როგორც ზოგიერთი უგუნური ამბობს: - "დაგვიმტკიცეთ ღმერთის არსებობა და მაშინ ვიწამებთ". თუ საჭირო იქნება დამტკიცება, აღარ იქნება რწმენა, არ გამოჩნდება გზა ხსნისა. მაგრამ როდესაც გულში არის ნებაყოფლობითი რწმენა, უფალი უჩვენებს ჭეშმარიტი რწმენის ისეთ ნიშნებს, რომლებიც აღემატება ყველა მეცნიერულ მტკიცებულებას"

/მამა ზოსიმე (ზაქარია), ტროიცკო-სერგიევის ბერი/

[marine]

"თუ ღვაწლი შეგვისუსტდა, ეს ნიშნავს, რომ რწმენაც შეგვისუსტდა"

/მეუფე შიო მუჯირი/

[marine]

"რა იქნებოდა ჩვენი ცხოვრება რწმენისა და იმედის გარეშე? განა რწმენა არ გვაძლებინებს ამ მძიმე და ტანჯულ ცხოვრებას? განა უკეთესი მომავლის იმედი არ გვიმსუბუქებს ტანჯვა-მწუხარებას? დაარღვიე რწმენა, წაართვი ადამიანს იმედი, თქვი, რომ არ არის ღმერთი, არ არის ქრისტე, არ არის მომავალი ცხოვრება და ჩვენ ვიქნებით "უსაწყალობელეს ყოველთა კაცთაისა".