ლოცვა - სულიერი ხედვის დასაბამი პარამეტრები

[marine]

"თვით შენი ლოცვისთვის ილოცე და იქნება ის, რაც უნდა იყოს"

[marine]

"ლოცვა პირდაპირი და მჭიდრო კავშირია, იგი კაცის სულის ღმერთთან შეერთებაა"

/წმ. ეპისკოპოსი გაბრიელ ქიქოძე/

[marine]

"ზოგიერთები რატომ მოიწყენენ? ეს იმიტომ, რომ ვერ მიაგნეს საგანს, რომელიც ყოველმხრივ მოიცავდა და სრულებით განაძღობდა მათ, ასეთი საგანი მხოლოდ ღმერთია, - ღმერთი და მისი სიმართლის გზები! დაუთმეთ მას თქვენი შრომა, დრო და ყურადღება და თქვენ არ მოიწყენთ, პირიქით, იქნებით როგორც სამოთხეში, იმიტომ, რომ ვერაფერი შეედრება ღვთივაზრონების და დიდებისმეტყველების სიხარულს. წმიდა მამებმა, რომლებმაც განიცადეს ეს, მთელ დროს მას უძღვნიდნენ: სწორედ ამავე საფუძველზე გივანდერძა წმიდა ეკლესიამ, რომ დღეში რამდენჯერმე შევიკრიბოთ სალოცავად".

[marine]

"ლოცვის კიდევ ერთი და, ამასთანავე, - უმაღლესი თვისება ისაა, რომ ამ დროს კაცი ღვთის წინაშე დგას"

/წმ. ეპოსკოპოსი გაბრიელ ქიქოძე/

[marine]

"ყოველი ლოცვა, თუ განუწყვეტლად აღვავლენთ მას, უფრო მტკიცდება, იწმინდება, უანგარო და სრულყოფილი ხდება. რაც მეტ დროს დაჰყოფს ვერცხლი ცეცხლში, მით მეტად იწმინდება და ბრწყინავს; ასევე ლოცვაც, მასში მოთმინებით მყოფობის შემდეგ უმაღლეს ღირსებას იძენს, რადგან მაშინ განსაკუთრებულად გვეძლევა შესაძლებლობა, ვაჩვენოთ რწმენა, ერთგულება, მორჩილება, გულმოდგინება"

[marine]

"ვისაც გააჩნია თუნდაც ნაპერწკალი ადამიანური გრძნობისა, მას განა არ უნდა შერცხვეს, არ დაასრულოს დღე ხოტბის გარეშე, სამადლობელი ლოცვით, როდესაც ის ხედავს, რომ პაწაწინა ჩიტიც კი უმღერის სახოტბო სიმღერებს უფალს, ვიდრე მოხრის თავს ფრთებქვეშ მოსასვენებლად?!"

/წმ. ამბროსი მედიოლანელი/

[marine]

"კარებს მიღმა რჩება (ღმერთამდე ვერ აღწევს და შესმენილი არ არის) ის ლოცვები, რომლებსაც (უფალთან ასულებს) სიყვარული არა აქვთ, რადგან მხოლოდ სიყვარული უხსნის კარს ლოცვას"

/წმ. ეფრემ ასური/

[marine]

"მაშ, ვის უნდა ვთხოვოთ შეწევნა და წყალობა, თუ არა - ყოვლადძლიერ და ყოვლადმოწყალე უფალს?"

[marine]

"უფალი არ ისმენს მხოლოდ ისეთი ადამიანის ლოცვას, რომელიც მისი მცნებების დარღვევით თვითონ იჩენს უყურადღებობას, უპატივცემულობას ღვთის მიმართ"

[marine]

"უფალი არ უკუაგდებს თუნდაც ერთ ლოცვით ამოსუნთქვას და ჩვენი ცრემლის ერთ წვეთსაც კი"

[marine]

"ლოცვა ოქროს გასაღებივით გვიხსნის ღვთის მოწყალებისა და გულუხვობის ყველა საუნჯეს"

[marine]

"ერთი წმინდა მამა ამბობს, რომ ვინც ლოცულობს და თან წყენა ახსოვს, ის ამ ადამიანს ემსგავსება, რომელიც კლდოვან ადგილას თესავს. როგორი ფესვიც ექნება კლდოვან ადგილას დათესილ მცენარეს, ისეთივე ნაყოფი ექნება იმ ადამიანის ლოცვას, რომელიც წყენას გულში იტოვებსო".

[marine]

"დილის ლოცვა ადამიანისთვის იგივეა, რაც დილის ცვარი მცენარეებისთვის"

[marine]

"ეცადე, ილოცო, შვილო, და დიდ სარგებელს ნახავ. სულიერ შვებასა და განსვენებას იგრძნობ.
თავი აიძულეთ იესოს ლოცვისთვის, ის გახდება თქვენთვის პურიც, წყალიც, სამოსელიც, ნათელიც, ნუგეშიც და სულიერი ცხოვრებაც, ლოცვის გარეშე სულიერი სიცარიელე ვერ შეივსება"

/ეფრემ არიზონელი/

[marine]

"ლოცვა სულიერი ადამიანის სუნთქვაა, როგორც ადამიანი ხორციელი სუნთქვით მიიზიდავს გარშემომყოფ ჰაერს და მისგან სიცოცხლესა და ძალას შეისუნთქავს, ასევე, ლოცვით სული იღებს ყველგანმყოფ ღვთის სულს და მისგან სიცოცხლესა და სულიერ ძალას შეიწყნარებს".

[marine]

"ლოცვის აუცილებლობა, სარგებლიანობა და სიტკბო სრულად იციან ზეციურმა სულებმა, ხედავენ და გრძნობენ და ამიტომ დღედაღამ, განუწყვეტლივ ადიდებენ უფალს და ლოცვით უერთდებიან მას. "ზეცის ბინადართა ლოცვით დაღლა, - წერს ერთი წმიდა მამა, - იგივეა, რაც ის, რომ ჩვენ სუნთქვით დავიღალოთ!"

[marine]

"ლოცვა იგივეა სულისათვის, რაც საკვები სხეულისათვის; ამიტომაც ლოცვითი განწყობის ნაკლებობა ისევე აუძულურებს სულს, როგორც სხეულს - მადის ნაკლებობა, უძლურება და ავადმყოფობა"

[marine]

"თუ ლოცვაში ვერ განვიცდით ღმერთთან ერთობის სიტკბოებას და შინაგანად არ განვმტკიცდებით, ხომ არ ქმნის ეს ჩვენს სულში იმავე მდგომარეობას, როგორიც ექმნება სხეულს, როდესაც კვების პროდუქტები არ მოგვწონს და უგუმურად გვეჩვენება?"

[marine]

"წმინდანთა ლოცვას უდიდესი ძალა აქვს, მაგრამ მხოლოდ მაშინ, როდესაც ჩვენ თვითონაც ხშირად გულმოდგინედ ვლოცულობთ"

/ძველი პატერიკი/

[marine]

"როგორც თევზი ცხოვრობს წყალში და წყლით, ასევე ღვთის მოსიყვარულე სულიც ლოცვაში და ლოცვით ცხოვრობს. ეს იმისაგან ხდება, რომ ღვთის მოსიყვარულე სული განუწვყეტლივ ისწრაფვის და სწყურია თავისი საყვარელი შემოქმედი. ეს სწრაფვა ზოგჯერ იმდენად დიდია, რომ ღვთის სიყვარულით ათნებული ადამიანები ძილშიც ლოცულობენ, და თანაც ისე ძლიერად, რომ ზოგჯერ ლმობიერების ცრემლები გამოაღვიძებთ ხოლმე".