ლოცვა - სულიერი ხედვის დასაბამი პარამეტრები

[marine]

"მერწმუნე, ჭეშმარიტად გეუბნები, თუკი შენ ყოველგვარი საქმიანობისას გექნება მოუკლებელი ლოცვა, რომელიც არის დედა ყოველგვარი სათნოებისა, ის არ შეგარცხვენს და გაგიხსნის ბჭეს, სასახლეში შემავალს, და მოგცემს გამოუთქმელ დიდებასა და მხიარულებას. ის გადალახავს ყოველგვარ წინააღმდეგობას სათნოებათა შეძენის გზაზე და გახდის მას სასურველს მძებნელისათვის"

/თეოლიპტე, მიტროპოლიტი/

[marine]

"გონებრივი გზით მავალმა იკითხე ლოცვითი სიტყვები და ისაუბრე უფალთან მთელი გულით მღაღადებელი, მოუკლებლად ლოცველი, გაბედული ქვრივის მსგავსად, რომელიც ევედრებოდა გულქვა მოსამართლეს. მაშინ შენ სულიერად დადიხარ და ხორცის შფოთვას ყურადღებას არ აქცევ, ქვეყნიური აზრებით არ კვეთ ლოცვის უწყვეტობას და იქცევი ღვთის ტაძრად, სადაც წყნარად უგალობენ უფალს. ასევე გონებრივი ლოცვით დაეჩვევი ღვთის უწყვეტ ხსენებას, შეხვალ გონების შეუღწეველ საგანძურში, საიდუმლო ხილვებით განჭვრეტ უხილავს, მხოლოდ ღვთისათვის მსახურებითა და მხოლოდ შენთვის ცნობილი უსაზღვრო სიყვარულის განცდით"

/თეოლიპტე, მიტროპოლიტი/

[marine]

"მაქსიმალური წარმატება საკუთარი ცოდვიანობის მაქსიმალური შეგრძნებით მიიღწევა. ასეთი შეგრძნების გარეშე ჭეშმარიტი ლოცვა არ არსებობს"

[marine]

"ყოველ ლოცვას უსაზღვრო ძალა აქვს. ლოცვა - სულის გამოძახილია"

[marine]

"ჩვენ იმისათვის ვლოცულობთ, რომ სიცოცხლის წყაროთი ვისარგებლოთ და ღმერთთან ვიყოთ მარადმყოფობით"

[marine]

"როდესაც ეშმაკი ხედავს, რომ ვლოცულობთ და გონება ლოცვისკენ გვაქვს მიპყრობილი, ის ყველა საშუალებას იყენებს, რომ ჩვენი ყურადღება გაფანტოს, ყველა გზას ეძებს, ძირითადად ისეთ აზრებს მიმართავს, რომელთა გამოც განსაკუთრებით ვიტანჯებით. ამ დროს ეშმაკი თავს ესხმის ჩვენს მგრძნობიარე ადგილებს და ჩვენთვის შეგრძნებად მრავალგვარ სატანჯველს წარმოგვიქმნის. ვნებისმოყვარულში ვნებიან აზრებს აღძრავს, ვერცხლისმოყვარეში - ვერცხლისმოყვარულს, პატივმოყვარეში - პატივმოყვარულს... ასე რომ, ლოცვის პროცესში ჩვენი მტკივნეული წერტილები, უწმინდურობანი, ვნებები შეგვიძლია დავინახოთ, ჩვენი ყურადღება იქ მივმართოთ და მათ წინააღმდეგ ვიბრძოლოთ"

[marine]

"თუ ვინმეს ლოცვაში მთელი დღით ყოფნა სურს, წმინდა მამების რჩევა უნდა გაითვალისწინოს: გარკვეული დრო უნდა ილოცო, გარკვეული დრო - იკითხო და შემდეგ კვლავ ლოცვას უნდა მიუბრუნდე. ასევე, როდესაც ხელსაქმით ხარ დაკავებული, ეცადე, ლოცვა არ შეწყვიტო"

[marine]

"ლოცვა "სულიერი მოღვაწეობა, სისხლისმღვრელ ბრძოლაში და მუდმივ მღვიძარებაში შესვლაა"

[marine]

"ჩემს ცხოვრებაში იყო ბევრი შემთხვევა, რომლებიც გვიჩვენებს, რომ უფალი და ანგელოზები გადაგვარჩენენ ხოლმე ჩვენ.

მე შვილთან ერთად ვიყავი ტაძარში მსახურებაზე, რის შემდგომაც მე საქმეზე წავედი, შვილი კი პარკის გავლით სახლში გაემართა.

ჩვენი დაშორებიდან რამდენიმე წუთში ჩემი გული შფოთმა შეიპყრო შვილის გამო. მე გამახსენდა, რომ ეს პარკი სავსე იყო მოხეტიალე, გაბოროტებული ძაღლებით, რომლებიც რამდენჯერმე თავს დაესხნენ ადამიანებს. ამიტომ გულში შვილისთვის მხურვალე ლოცვა დავიწყე.

როცა სახლში დავბრუნდი, ჩემი შფოთიდან და ლოცვიდან გამომდინარე, გამოვკითხე შვილი - პარკში რაიმე ხომ არ შეეთხვა, მან კი მიპასუხა, რომ მას თავს დაესხნენ ძაღლები, რომლებმაც მხოლოდ ფეხსაცმლის ლანჩზე კბენა მოასწრეს, რის მერეც გამოჩნდა კაცი, რომელმაც ისინი ჯოხით გაყარა.

და კიდევ ერთი შემთხვევა: დედაჩემი ელოდებოდა ჩემს შვილს სკოლიდან. უცებ ის ძლიერმა შოფთმა შეიპყრო ანდრეის სიცოცხლის გამო.

დედამაც დაიწყო ლოცვა. ცოტა ხნის შემდეგ დაბრუნდა ანდრეი და უამბო, რომ მან თოვლში ვერ შენიშნა ჭა, რომელსაც სახურავი მოხდილი ჰქონდა და ბავშვი ში აღმოჩნდა, მაგრამ ჩავარდნისას მან შეძლო იდაყვით ჭის ნაპირზე ჩამოყრდნობა, ფეხით კი რაღაც სიმყარე იგრძნო. ის ამოძვრა ჭიდან და დაუწო ამ სიმყარეს დათვალიერება, მაგრამ არავითარი სიმყარე, რომელმაც ის ვარდნისას შეაჩერა, ჭაში არ იყო.

იყო ასეთი შემთხვევაც: გზაზე უნდა გადავსულიყავი, გზის გასწვრივ კი დაბურული ბუჩქები იყო, ისე რომ გზა საერთოდ არ ჩანდა. და აი, იმ მომენტში, როცა მე გზაზე ფეხი უნდა შემედგა, გავიგე ეკლესიის ზარების რეკვა და გამიჩნდა აზრი, გავჩერებულიყავი და პირჯვარი გამომესახა. ასეც მოვიქეცი და მოულოდნელად გზაზე მანაქანამ გამიქროლა"

/მხევალი ღვთისა ანა/

[marine]

"სალოცავად რომ დავდგებით, არაწმინდა და გამოუთქმელი სიტყვები წინ აღგვიდგებიან; მაგრამ, როდესაც ვილოცებთ - გაგვეცლებიან, რადგან ისინი, როგორც წესი, არ ებრძვიან მათ, ვინც მათ წინააღმდეგ არ იბრძვიან"

[marine]

"ჩანს, მართალი მითხრა ერთმა მასწავლებელმა: ადამიანში არსებობს საიდუმლო ლოცვა, და თვითონაც კი არ იცის, თუ როგორ წარმოიქმნება იგი სულში თავისთავად, იდუმალ, და როგორ აღძრავს იგი ადამიანს ისეთი ლოცვისთვის, როგორიც მან იცის და შეუძლია"

[marine]

"ქრისტიანს მრავალი კეთილი საქმე მოეთხოვება, მაგრამ ლოცვა ყველა სხვა საქმეზე წინ უნდა იდგეს, რამდენდაც უმისოდ ვერანაირი კეთილი საქმე ვერ შესრულდება"

[marine]

"მოიპოვე დედა და გიშობს შვილებს", - ამბობს წმინდა ისააკ ასური. უპირველეს ყოვლისა, ლოცვის მოპოვება ისწავლე და შემდეგ აღასრულებ ყველა სათნოებას"

[marine]

"ლოცვა ღვთისმოსავი ცხოვრების პირველი საფეხურიც არის და გვირგვინიც"

[marine]

"რაც შეიძლება, ხშირად ვილოცოთ, რადგან ლოცვა არის ჩვენი განახლებისა და წარმატების უმთავრესი გზა და უძლიერესი საშუალება. ისე ვილოცოთ, როგორც ამას წმინდა ეკლესია გვასწავლის: "უფალო, აწ ღირს-მყავ, რაითა მიყუარდე, რამეთუ ჟამითი-ჟამად მიყუარს ცოდვაი იგი!"

[marine]

"უნაყოფოდ არ დარჩება ხშირი ლოცვა, რაზეც უნდა იყოს იგი (მარკოზ განშორებული), რადგან თავად მასშია მადლმოსილი ძალა"

[marine]

"ერთმანეთისთვის ლოცვა ღვთისგან ნამცნები ქრისტიანული სიყვარულის კავშირს განამტკიცებს, ადასტურებს მლოცველის სიმდაბლესა და სულისკვეთებას და ამით ორმხრივი ლოცვა აღენთება"

[marine]

"როცა მას (მოყვასს) გავიხსენებთ ან როცა ამისთვის განსაზღვრული დრო დადგება, გონების თვალი ღმერთს უნდა მივაპყროთ და ლოცვა შემდეგნაირად წარმოვთქვათ: "მოწყალეო უფალო! იყოს ნება შენი! ვისაც ყოველთა ცხონება და ჭეშმარიტებაზე მოქცევა გნებავს, იხსენი და შეიწყალე მონა შენი (სახელი). მიითვალე ჩემი ეს სურვილი როგორც ღაღადისი შენგან ნამცნები სიყვარულისა". ჩვეულებისამებრ, ამ სიტყვებს დროდადრო იმეორებენ სულიერი მოთხოვნილებიდან გამომდინარე, ან სკვნილზე ამბობენ ამ ლოცვას. გამოცდილებით ვიცი, რამდენად კეთილისმყოფელად მოქმედებს ასეთი ლოცვა იმაზე, ვისთვისაც ლოცულობენ".

[marine]

"ლოცვაში ხშირი ვარჯიში ყურადღებას გვასწავლის, რაოდენობა აუცილებლად მიგვიყვანს ხარისხამდე.

რამის კარგად კეთება რომ ისწავლო, რაც შეიძლება, ხშირად უნდა აკეთო იგი, - თქვა ერთმა გამოცდილმა სასულიერო მწერალმა".

[marine]

"თუ მღვიძარების ჟამს ლოცვა იქნება შენი თანმხლები, მაშინ, ბუნებრივია, არათუ ცოდვლიანი საქმეებისათვის, არამედ მათ მოსაფიქრებლადაც კი არ დაგრჩება დრო"