ლოცვა - სულიერი ხედვის დასაბამი პარამეტრები

[marine]

"ყველაზე კარგი ლოცვა ისაა, რომელსაც თან ცრემლები სდევსო".

[marine]

"ქმედითი მემყუდროება (მდუმარება) და გონიერი ლოცვა სწორედ ეს, ღმერთის პირისპირ მარტო დარჩენა და უშუალოდ ცოცხალი ღმერთის წინაშე ლოცვაა".

[marine]

"ლოცვა, როგორც ღვთის მადლი, მხოლოდ მას ეძლევა, ვინც შრომობს მის მოსაპოვებლად. წმინდა წერილში ასეთი სიტყვებია: "მოანიჭოს ლოცვა მთხოველთა" (1. მეფ. 2,9). ლოცვა მხოლოდ მაშინ გეძლევა, როცა ძალისხმევას იჩენ. მაგრამ თუ ამას არ აკეთებ, თუ საკუთარ თავს ლოცვას არ აიძულებ და ელოდები, რომ იგი თავისთავად, სისხლისა და ოფლის დათხევის გარეშე იშვება, ლოცვა არასოდეს მოგეცემა. ეს ის ნიჭი არ არის, ადამიანს რაღაც გარემოების გამო, შემთხვევით და უეცრად რომ ეძლევა".

/დეკანოზი ალექსი უმინსკი/

[marine]

"უნდა გვახსოვდეს: არა მარტო უნდა ვილოცოთ, არამედ ისე უნდა ვილოცოთ, რომ ჩვენი ლოცვა შესმენილ იქნეს".

/წმ. იოანე ოქროპირი/

[marine]

"ჩემო საყვარელო ძმებო და დებო, ნეტავ იცოდეთ, სხვების მიერ აღვლენილი ლოცვებით რამდენი ჩვენი სირთულე დაიძლევა და საქმე სწრაფად და წარმატებით სრულდება!"

/მონაზონი ვერონიკა/

[marine]

"წმინდანების თქმით, ლოცვაზე ძნელი არაფერია. ამბობენ,რომ ორი რამაა ყველაზე ძნელი: მოხუცების მოვლა და ლოცვა. ორივე ეს საქმე სისხლის დათხევას უდრის".

"ლოცვის კანონმა უნდა გამოგვასწოროს"

/დეკანოზი ალექსი უმინსკი/

[marine]

"[მამა იერონიმე ეგინელი] ხშირად მიდიოდა განმარტოებულ საყდრებში, მონასტრებსა და სკიტებში, რათა ელოცა გულის სითბოთი".

[marine]

"ყველას ვინც ლოცვა იცის, ლოცვის სწავლება არ შეუძლია".


/დეკანოზი ალექსი უმინსკი/

[marine]

"[ღირსი იოაკიმე] განთიადიდან დაისამდე ლოცვად მდგარი ღამით სხეულს ჭერიდან დაშვებული თოკებით იმაგრებდა, თავის ამგვარ ღვაწლს საგულდაგულოდ მალავდა და იტყოდა:

- როგორც კი რომელიმე სათნოება სხვათათვის საჩინო იქმნება, ისე იკარგება, როგორც მპარავთაგან წარტაცებული საგანძურიო".

[marine]

"ხანგრძილივი ლოცვის შემდეგ ჩამოისვენა"

"გლოვამ მას სხვაგვარი ლოცვა ასწავლა და მიხვდა, რომ ცხოვრება - ჯვარსახოვანი გზაა"

[marine]

"ჩვენ ლოცვა არ უნდა მივატოვოთ. უნდა ვლოცულობდეთ, როგორც კი ამის საშუალება მოგვეცემა, რომ გონება ამაოებაში არ მიმოიქცეოდეს. ლოცვაში ის მშვიდდება, ისვენებს და ხარობს".

[marine]

"ღმერთი ხშირად ლოცვის დასასრულს უვლენს გულს მადლმოსილ სითბოს რწმენისა და სიყვარულისა. ამიტომ მოთმინება უნდა ვიქონიოთ, სასო არ წარვიკვეთოთ, არ დაგვაეჭვოს ლოცვის ძალამ დასაწყისში და ლოცვის შუაში, მშვიდად გავაგრძელოთ იგი ბოლომდე."

/წმ. იოანე კრონშტადტელი/

[marine]

"ლოცვისას გულზე უნდა მივირქვათ სიტყვა: "მე მისმენს თვითონ სახიერება".

/წმ. იოანე კრონშტადტელი/

[marine]

"ღმერთი ლოცვისას დაუშვებს ხოლმე, რომ მტერმა დიდხანს გამოგვცადოს და შეგვავიწროოს, რათა ამით ჩვენი ლოცვა გულწრფელი და მტკიცე გახდეს, ბოლოს კი გვაძლევს მადლს, ვილოცოთ მშვიდად და გონებაგანუფანტველად."

/წმ. იოანე კრონშტადტელი/

"როცა ნაპოლეონს ეუბნებოდნენ, ომის დროს ღმერთს უნდა ევედროო, ამაყად და თავდაჯერებით ამბობდა: - ღმერთი ყოველთვის მძიმე არტილერიის მხარეზეაო. მაგრამ ერთხელ იწვნია სიმცდარე ამ აზრისა: ვატერლოოს ახლოს, სადაც მისი ჯარი საბოლოოდ გაანადგურეს, 160-მა პატარა ინგლისურმა ქვემეხმა დაადუმა და მწყობრიდან გამოიყვანა ნაპოლეონის არმიის 250 ცალი მძიმე ქვემეხი."

[marine]

"როცა სხვისი სიტყვებით ვლოცულობთ, უფალი გვიყურებს, ეთანადება თუ არა ჩვენი სურვილი იმას, რასაც ვთხოულობთ, არის თუ არა მასში წილი ჩვენი მადლიერებისა, ჩვენი დიდებისმეტყველებისა."

/წმ. იოანე კრონშტადტელი/

[marine]

"ლოცვისას უნდა ვმადლობდეთ უფალს იმისთვის, რომ მან ღირსგვყო ჩვენ, ცოდვილნი და ბოროტზნისანი, მასთან სასაუბროდ განვაღოთ ჩვენი ბილწი და არაწმინდა ბაგენი, ის კი შეისმენს ჩვენს ლოცვებს. რამეთუ ეს არის უდიდესი სახიერება - შემოქმედი ყოველთა მოწყალედ იღებს ვედრებას, მადლიერებასა და ხოტბას თავის დამნაშავე და უმადურ ქმნილებათაგან."

/წმ. იოანე კრონშტადტელი/

[marine]

"განმზადებასა გულისა მათისასა ერჩდა ყური შენი" (ფს. 9,39). გესმის, ყურს ვის უგდებს უფალი? ვისაც ლოცვისას გული გამზადებული აქვს, ანუ ვინც სათანადოდ მოამზადა გული უდიდესი საქმისთვის - ღმერთთან სასაუბროდ. "განმზადებულ არს გული ჩემი შენდამი, ღმერთო, განმზადებულ არს გული ჩემი" (ფს. 56,7). აბა, ჩვენთან რა ხდება ხოლმე როცა ვლოცულობთ? - განუმზადებელია გული: ენა ლოცულობს, გული ღვთისგან შორსაა, ხშირად ამაო საგნებით არის დაკავებული ან ღრმად სძინავს ლოცვისას."

/წმ. იოანე კრონშტადტელი/

[marine]

"როცა ლოცვით გადიხარ შინიდან, ყველანაირად დაცული ხარ. ბოროტებას ისხლეტ და დაბრკოლებებიც გარიდებს თავს."


"ქრისტიანის იარაღი ლოცვაა, რისი საშუალებითაც ძლიერდება და თავს იცავს ყოველგვარი ამქვეყნიური სიამეებისგან."

/მამა პავლე კუპრაშვილი/

[marine]

"ვინც ახლობლებს ლოცვისას სიყვარულით არ მოიხსენიებს, თვითონაც არ გახდება ღირსი მოხსენიებისა."

"ცეცხლებრ ლოცულობდე"

/წმ. იოანე კრონშტადტელი/

[marine]

"ერთგულება ღვთისა ის უდიდესი ნიჭია, რომელიც შემოქმედის მარადიულ ხსოვნას შობს, მოკვდავს - უკვდავად და ხორციელს ანგელოზად აქცევს მიწაზევე.
უფლის შვილობა, რწმენის სიმტკიცე - ლოცვაში შობილი კეთილი საქმეებითაა შესაძლებელი. რამდენადაც ვლოცულობთ და ამავე დროს გვჯერა ჩვენი ლოცვისა, იმდენად ვაჯერებთ უფალს და ვუხმობთ ჩვენთან ერთობისა და მეგობრობისთვის. შემოქმედი მუდამჟამ მზადაა, თავისი ნათელით, ზეციური სამოსით შეგვმოსოს, მაგრამ ჩვენ ხშირად მიწიერ, ცოდვით დაბინძურებულ სამოსელს ვამჯობინებთ მის სიწმინდეს. ნათელს გავურბივართ და, ღამის ბინადრების მსგავსად, ბნელ სოროებში ვაგრძელებთ ცხოვრებას. მხოლოდ ადამიანს თუ შეუძლია, დაივიწყოს და მიატოვოს უფალი, უფალს კი - არასოდეს! მხოლოდ ჩვენ შეგვიძლია, შორს ვიყოთ ღვთის სულისაგან, სულიწმინდას კი - არასოდეს!"

/დავით სურგულაძე/