ჰქონდა თუ არა იუდას შანსი თავი დაეხსნა პარამეტრები

[marine]

"წმ. მამების აზრით, იუდას მადლობა რომ ეთქვა ზიარებიათვის, მაშინ სატანა ვერ აჯობებდა, მაგრამ იუდა ლუკმის მიღებისთანავე წავიდა ქრისტეს გასაცემად"

[marine]

"წმინდა მამები ამბობენ, იუდამ მარტო 30 ვერცხლის გულისათვის არ გასცა ქრისტე, არამედ იმიტომაც, რომ აღარ სჯეროდა, რომ ის ქრისტე ღმერთი იყო. იგი ამაში მხოლოდ მაშინ დარწმუნდა, როცა ქრისტეს ჯვარცმის დროს მიწა იძრა და ჩამობნელდა. მაშინ მიხვდა, მართალი ადამიანის, ღმერთ-კაცის სისხლი რომ დაიდო კისერზე და ჩავარდა საშინელ სასოწარკვეთილებაში: ფული უკან მიუყარა მღვდელმთავრებს და თვითონ კი თავი ჩამოიხრჩო.

იუდა ერთადერთი ნაკითხი მოწაფე იყო ქრისტეს 12 მოწაფეთაგან და ამან ამპარტავნებაში ჩააგდო. ამავე დროს იყო ვერცხლისმოყვარე, მპარავი: "ქურდი იყო, ყულება მას ჰქონდა - რასაც ჩადებდნენ, ის იღებდა" (ინ. 12,6). მისი მცირედმორწმუნეობის გამო ადვილად დასძლია იგი სატანამ და იქცა გამცემად. იუდა სინანულში ჩავარდა, მაგრამ უფლის წინაშე კი არ აღიარა თავისი დანაშაული, არამედ სასოწარკვეთამ შეიპყრო, რომელიც ერთ-ერთი უდიდესი მომაკვდინებელი ცოდვაა და იუდამაც თავი ჩამოიხრჩო"

[marine]

"განსაკუთრებით საყურადღებოა მაფერკანტის ცნობები. იგი იყო სინდრიონის ერთ-ერთი წევრი, მნე. სწორედ მისი ხელიდან მიიღო იუდა ისკარიოტელმა ქრისტეს გაცემისათვის ოცდაათი ვერცხლი"

[marine]

"განდგომილის ყველაზე ნათელი მაგალითია ადამიანი, რომელსაც შეეძლო მკვდარი აღედგინა, ბრმა განეკურნა, კეთროვანი განეწმინდა და რომელსაც იუდა ისკარიოტელი ერქვა. მიუხედავად ამ კოლოსალური ნიჭებისა, იგი ფულს დაეხარბა და გამცემი გახდა. იუდას მსოფლიო უდნა განეკითხა, მაგრამ ახლა სატანის მკერდზეა მიყრდნობილი... აი, სანამდე მიჰყავს ადამიანი ვერცხლისმოყვარეობას"

/მღვდელი დანიელ სისოევი/

[marine]

"წმინდა ამბროსი განმარტავს: "არა იმიტომ დაეცა ადამი, რომ უფალმა მას მცნებები მისცა და არა იმიტომ დაეცა იუდა, რომ უფალმა იგი მოციქულად აირჩია. უფალს მათთვის მცნებების დარღვევა არ დაუკანონებია, - მათ წმინდად რომ დაეცვათ ღვთის სიტყვა, - სძლევდნენ ცოდვას"

[marine]

"მან [იუდამ] იცოდა, რომ ქრისტე გარდაცვლილებს ჯოჯოხეთიდან დაიხნიდა. "მე ჯოჯოხეთში ქრისტეზე ადრე ჩავალ, რომ სხვებთან ერთად მეც გამათავისუფლოს", - თქვა მან. ხედავ, როგორი ცბიერებაა?! იმის მაგიერ, რომ ქრისტესთვის შენდობა ეთხოვა, მან ყულფში გაყო თავი, და შეხეთ, უფლის კეთილწიაღობამ მოდრიკა ლეღვის ხე, როელზედაც იგი ჩამოეკიდა, ხოლო იუდამ, რომელმაც ცოცხლად დარჩენა არ ისურვა, ფეხები აიკეცა, რათა ისინი მიწას არ შეხებოდნენ. და ეს ყველაფერი მხოლოდ იმიტომ, რომ არ ეთქვა ერთადერთი სიტყვა - "შემინდე!" რა საშინელებაა!"

/ღირსი პაისი ათონელი/

[marine]

"იუდაც ახდენდა სასწაულებს, მაგრამ ღვთის სასუფევლის ღირსი არ გახდა, რადგან ქრისტესმიერი წმინდა ცხოვრების გარეშე, ღვთისმოსაწონ საქმეთა გარეშე, სათნოებათა გარეშე, მცნებათამიერი საქმეების გარეშე, განსაკუთრებით კი, სიყვარულის უმთავრეს მცნებათა აღსრულების გარეშე, ადამიანი - არარაობაა, და, ამასთანავე, უსიყვარულოდ ყოველივე - რწმენაც, ცოდნაც, თავდადებაც, ქველმოქმედებაც - ფუჭი და ამაოა ღვთის წინაშე (I კორ. 13)"

/აკაკი მინდიაშვილი/

[marine]

"საერთოდ, ქრისტიანულ ხელოვნებაში, ფერწერა იქნება, ხატწერა თუ ფრესკული ხელოვნება, წმინდანები არ გამოისახებიან პროფილში, პროფილში გამოისახება ხშირად იუდა (საიდუმლო სერობის სცენა), ანუ, ძირითადად, უარყოფითი პერსონაჟი"

[marine]

"ვერცხლისმოყვარეობის ვნებას დამონებულმა იუდამ უმცირეს ფასად გაყიდა ფასდაუდებელი ქრისტე, თავისი კეთილისმყოფელი და მოძღვარი, და ასე და ამგვარად მარადიული სატანჯველი შეიძინა"

/აკაკი მინდიაშვილი/

[marine]

"იუდა ჯერ სულიერად მოკვდა, შემდგომ ამისა, მოკვდა ფიზიკურადაც, - თვითმკვლელობით დაასრულა თავისი სიცოცხლე!"

/აკაკი მინდიაშვილი/

[marine]

"იუდამ, მოგეხსენებათ, ჯერ ასე ვთქვათ, თავის გულსა და გონებაში უღალატა ქრისტეს, შემდეგ კი რეალურად, პრაქტიკულადაც გასცა იგი და თან როგორ გასცა, - ამბორით, ე.ი. სულიერი კოცნით, სიყვარულის გარეგანი გამოხატვის ამ ფორმით, - ამბორით, დიახ, ამბორით, რომელიც ქრისტეს მოწაფეთა კრებულში მიჩნეული იყო სიყვარულის, მეგობრობისა და სიახლოვის ნიშნად და გამოხატულებად"

/აკაკი მინდიაშვილი/

[marine]

"დემონური ძალის ადამიანთან ბრძოლის თანმიმდევრული ხასიათი მაცხოვრის ერთ-ერთ მოციქულთაგან იუდას დაცემის მაგალითზეც კარგად ჩანს. მას, იყო რა ხაზინადარი, ყულაბა ებარა, რომელშიც ხალხისგან მიღებული შესაწირავი გახლდათ მოციქულთა საჭიროებისათვის და აგრეთვე ღარიბ-ღატაკთათვის დასარიგებლად. როცა საქმე ფულთან გაქვს - ეს ხშირად საკმარისი მიზეზია ცდუნების და იუდაც დანებდა მას. ჯერ საჭიროებისთვის დაიწყო ცოტაოდენი თანხის აღება, ხოლო შემდეგ კი წავიდა უფრო შორს. ებრალებოდა რა ის მაცხოვარი ცდილობდა გონზე მოეყვანა იგი, მაგრამ ამისგან არც არაფერი გამოვიდა. თანდათანობით იგი ქურდად, მომხვეჭელად ჩამოყალიბდა, ბოლოს და ბოლოს კი ოცდაათ ვერცხლად გაყიდა ის, ვისგანაც ესოდენ დავალებული გახლდათ. ასე ნელ-ნელა დაიმორჩილა ბოროტმა მაცხოვრის ერთ-ერთი უახლოესი მოწაფე, მიიყვანა იგი საშინელ დაცემამდე, ხოლო შემდეგ კი თავის მოსაკლავადაც უბიძგა"

/დეკ. დავით ციცქიშვილი/

[marine]

"ერთმა ადამიანმა ღვთისმსახურს უთხრა: "გთხოვ, მამაო, იუდას სულის მოსახსენებელი პანაშვიდი გადაიხადე". ეს იგივეა, რომ თქვა: "შენ, ქრისტე, უსამართლო ხარ, იუდამ რომ გაგცა, ეს შენი ნება იყო. ამიტომ ახლა დაეხმარე მას"

/ღირსი პაისი ათონელი/

[marine]

"იუდამ გასცა რა ქრისტე, მას შემდეგ წავიდა ფარისევლებთან, რათა ეთქვა - შევცოდეო. მაგრამ ფარისევლებმა უპასუხეს: - ჩვენ რატომ გვეუნები, რომ შესცოდე? ამ სიტყვებმა შებღალა იუდას ეგოიზმი, ის გაბრაზდა, მიუყარა მათ ვერცხლი და ეგოიზმის გამო თავი ჩამოიხრჩო. იუდას რომ ჰქონოდა ნამდვილი სინანული, ის მივიდოდა ქრისტესთან და ეტყოდა: - მაპატიე, და ის გადარჩებოდა"

/ღირსი პაისი ათონელი/

[marine]

"იუდა მენელსაცხებელი დედის მიერ ნელსაცხებლის დახარჯვამ აღაშფოთა. მისი აზრით, ნელსაცხებელი უნდა გაეყიდათ და ფული გლახაკებისათვის დაერიგებინათ. იუდას გავლენის ქვეშ სხვა მოციაქულებიც მოექცნენ, რადგან მათ დაინახეს მხოლოდ იუდას ნათქვამის გარეგნული სისწორე, ისინი ვერ ხედავდნენ მის ვერცხლისმოყვარე გულს. იესომ იუდას სალაროც კი მიაბარა, რათა მისი ვნება დაეცხრო"

/ღირსი პაისი ათონელი/

[marine]

"იუდა წარმოშობით ისკარიოტიდან იყო. მამამისს როველი ერქვა, იუდას ჩასახვის წინ დედამისმა საშინელი სიზმარი ნახა და ყვირილით გამოიღვიძა. მერე კი როცა თავის ქმარს უამბო ამ სიზმარზე და ქმარს ისიც გაუმხილა, როგორ უთხრეს ამ სიზმარში, რომ შეეძინებოდა ვაჟი, რომელიც გახდებოდა მთელი იუდეველთა მოდგმის გამანადგურებელი, ქმარმა არც კი განიკითხა იგი ამ სიზმრებისა და ურწმუნოებისათვის. მის ცოლს კი იმავე ღამით ჩაესახა შვილი (თუმცა დედაც თავისი ქმარივით, ვერ ჩასწვდა ღვთისგან ამ გაფრთხილების არსს)".

[marine]

"როდესაც კითხულობდა იუდას სულში საშინელ განზრახვას, უფალი ყველაფერს აკეთებდა, რათა ის მარადიული დაღუპვისაგან ეხსნა. თუკი ნათქვამია, რომ უნდა ცდუნებულიყო, ისიც ნათქვამია, მსგავსაც მკაცრი გაფრთხილებისა: "ვაი მის კაცისა, რომლისაგან მოვიდეს საცთური"

/წმ. ნიკოლოზ სერბი/

[marine]

"ამერიკელმა კინოვაჭრებმა მოიგონეს უფრო მეტი მოგების მიზნით, რომ იუდა-გამცემი ყველაზე ლამაზი იყო თორმეტ მოციქულს შორის. ეს, რათქმაუნდა, არაფრით არის დამტკიცებული, გარდა იუდას სიკვდილით. თქვენ უეჭველად გსმენიათ, რომ მისი სიკვდილი მრავალი თანამედროვე სილამაზის მეფისა თუ დედოფლის სიკვდილის მსგავსი იყო, ამ "ლამაზმა" იუდამ უფლის ძის გაცემის შემდგომ "დააბნია ვერცხლი იგი ტაძარსა მას შინა და განეშორა და წარვიდა და შიშთვლი-იბა"

/წმ. ნიკოლოზ სერბი/

[marine]

"იუდა განუწყვეტლივ ცდილობდა ღვთის გაცემას. მან დეტალებში განჭვრიტა დანაშაულის წვრილმანები და ყოველივე ხელისშემშლელი ფაქტორი გაითვალისწინა. მან სანთლები და ლამპრები მოიმარაგა, რათა, როგორც წმინდა იოანე ოქროპირი აღნიშნავს, უფალს მიმალვა ვერ მოეხერხებინა. როგორც ჩანს, იუდა იმაზე ზურნავდა, რომ მაცხოვრის ნაცვლად სხვა არ შეეპყროთ. იგი იმასაც გაითვალისწინებდა, რომ მოწაფეები ყოველი ძალისხმევით დაიცავდნენ მოძღვარს. ამიტომ იგი არ დაკმაყოფილდა მცველებით (თუმცა შეიარაღებულნი იყვნენ), არამედ თან მოიყვანა რომაელ ჯარისკაცთა რაზმი, რომელიც, როგორც იოანე ოქროპირი აღნიშნავს, მღვდელმთავრებმა იქირავეს"

[marine]

"იუდას მოციქულებთან დაშორების მიზეზი სწორედ ამპარტავნებაა. თავს ვერ ერევა დაცემული ანგელოზი. ეს არის მთავარი პრობლემა - თავის ვერმორევა"

/დეკ. თეიმურაზ ქორიძე/