მოძღვარი პარამეტრები

[ratom86]

ვცხოვრობდი რაიონში,,იმ რაიონში დავდიოდი ეკლესიაში,და მოძღვარს მხოლოდ ერთხელ ჩავაბარე აღსარება,(ზიარება არ მაქვს მიღებული)შემდეგ გადმოვედი თბილისში საცხოვრებლად და ახლა მინდა მოძღვრის არჩევა,მაგრამ კურთხევა არ მაქვს იმ მოძღვრისგან მიღებული,შეიძლება თუ არა კურთხევის გარეშე შევიცვალო მოძღვარი,დიდი მადლობა წინასწარ

[დეკ. ანდრია]

სულიერი მოძღვარი ის ადამიანია, რომელიც დაწვრილებით იცნობს სულიერი შვილის სულის მდგომარეობას, მის მიდრეკილებებს, სისუტეებს და საკუთარი სულიერი გამოცდილების და ღმრთის მადლის შეწევნაზე დაყრდნობით ხელმძღვანელობს ადამიანის სულიერ ცხოვრებას. სულიერ მოძღვარ–შვილობა ისეთი ურთიერთობაა, რომლის ჩამოყალიბებას დიდი დრო, სულიერი შრომა, ნდობა და ღმრთის მადლის განსაკუთრებული შეწევნა სჭირდება. დღეს იშვიათად ვხვდებით ასეთ ურთიერთდამოკიდებულებას. ამას მრავალი მიზეზი აქვს, რომელთა შესახებ აქ, ვგონებ არაა საჭირო საუბარი. ერთი აღსარება ნამდვილად არ კმარა იმისათვის, რომ მსგავსი ურთიერთობა ჩამოყალიბდეს. ამიტომ სულიერ შვილობაზე ჯერ ვერ იქნება საუბარი. ამასთან ერთად ჩვენ ვართ ერთი წმიდა ეკლესიის შვილები, ერთი ღმრთის თაყვანისმცემელნი, რომლისაგან არის სამღვდელო მსახურება და მოძღვრობის მადლმოსილება. თუ შეუძლებელია ურთიერთობა ერთ მოძღვართან, მივდივართ მეორესთან. თქვენს შემთხვევაში არანაირი პრობლემა არ არის იმაში, რომ პირველი მოძვრის დაუკითხავად ვირჩევთ სხვას. არ არის მიღებული ლოცვა–კურთხევის გარეშე სხვა მოძღვართან გადასვლა, რადგან ეს ძალიან აზიანებს სულიერ ცხოვრებას. მაგრამ ეს არ ეხება ისეთ შემთხვევებს , როცა მოძღვართან ურთიერთობა ფიზიკურად შეუძლებელი ან მეტად პრობლემურია. ასე, რომ გირჩევთ და გთხოვთ არ დაკარგოთ დრო და აირჩიოთ ახალი მოძღვარი, მერე კი დაემორჩილოთ მას და ანდოთ თქვენი სულიერი ხელმძღვანელობა