ეშმაკის სახე პარამეტრები

[marine]

"შენი მიუდგომელი ციხე-სიმაგრე შენი რწმენა უნდა იყოს; არ ძინავს მზაკვარ მტერს, შენს ყოველ ნაბიჯს დარაჯობს"

/ოპტინელი ბერ-მოძღვრები/

[marine]

"დემონი სიკვდილის სულია და შიშით შეპყრობილი სიამოვნებას სიკვდილის მსგავს მდომარეობაში ეძებს"

[marine]

"ახლა ჩვენ ვებრძვით ეშმაკს, ამიტომაც შევეცადოთ, კიდევ უფრო მეტად დავუახლოვდეთ ერმანეთს, უფრო კარგი ძმები ვიყოთ ერთმანესთისთვის. ასე ერთად ვივლით ჩვენ მიერ არჩეულ გზაზე, ერთად ავალთ ტკბილი გოლგოთის ციცაბო აღმართზე"

/ღირსი პაისი ათონელი/

[marine]

"ბოროტი სულების დამარცხება და განდევნა შეიძლება მხოლოდ მათთან შებრძოლებით, წინააღმდეგობის გაწევით, იმით, რომ ამ მივიღოთ მათგან ნაკარნახევი აზრები, არ შევასრულოთ მათი ნება; მაგრამ ამას რომ მივაღწიოთ, საჭიროა გვქონდეს თავშეკავება.

ამ ყველაფერს ადამიანი ვერ აღწევს მხოლოდ თავისი ძალებით, ღმერთის შეწევნის გარეშე. ამიტომ საჭიროა ლოცვაც, რომ უფალს ვევედროთ, შეგვეწიოს ბოროტ სულებთან ბრძოლაში და ასევე საჭიროა, ვიმარხულოთ, იმიტომ რომ მარხვა არის საუკეთესო საშუალება ვნებების დამარცხებასა და ბოროტ სულებთან ბრძოლაში.

აი, ამიტომ ამბობს უფალი: "ეს მოდგმა განიდევნება მხოლოდ მარხვითა და ლოცვით"

/მეუფე შიო მუჯირი/

[marine]

"პერგამონი იყო ძველი სამყაროს სატანისტური დედაქალაქი, ამიტომაც ნათქვამია, რომ იქ არის სატანის ტახტი"

[marine]

"დემონები ადამიანს უფრო მეტად ანგელოზების სახით ევლინებიან, ცდილობენ მლიქვნელურად შეაქონ იგი, მის ცნობიერებასა და პატივმოყვარეობას მასხრად იგდებენ, შემდეგ კი ადვილად აგდებენ ხიბლში და უძლიერეს, მეტ-ნაკლებად ხილულ სულიერ ზიანს აყენებენ"

/წმ. ეგნატე ბრიანჩანინოვი/

[marine]

"ხუთქიმიანი ვარსკვლავი ეშმაკის ძალაუფლების სიმბოლოა"

/პროტოპრესვიტერი ოლეგ სტენიაევი/

[marine]

"დე, ჩვენი სული მუდამ იყოს სიხარულში, რომელსაც ღვთისადმი სასოება ქმნის. მაშინ დემონების სამარცხვინო გამოვლინებები კვამლად მოგვეჩვენება. დავინახავთ, რომ ისინი უფრო გარბიან ჩვენგან, ვიდრე მოგვდევენ, რადგან, როგორც ზემოთ მოგახსენეთ, ისინი ძალზე მშიშრები არიან, გამუდმებით ძრწიან მათთვის გამზადებული გეენის ცეცხლის მოლოდინში"

/წმ. ეგნატე ბრიანჩანინოვი/

[marine]

"იცოდეთ, რომ ყოველთვის, როდესაც რამე გწყინთ, ღიზინადებით, ბრაზობთ, ილანძღებით, მტრობთ მოძმეს, როცა თქვენს გულში ბოროტება და სიძულვილი დუღს, ეს ნიშნავს ,რომ ეშმაკი მოქმედებს თქვენს გულში.

გონს მოდით, პირჯვარი გამოისახეთ, თქვით თქვენთვის: "უფალო, შემიწყალე!" და დაიწყეთ ბრძოლა ეშმაკთან"

[marine]

"ეშმაკი კი მხოლოდ ბოროტ და ცოდვილ ზრახვებსა და სურვილებს ჩაგვაგონებს, ცდილობს ცოდვაში ჩაგვაგდოს, რათა ღმერთს, მის შემწეობასა და მფარველობას განგვაშოროს. როგორც კი ამას მიაღწევს, მაშინვე გაბატონდება ჩვენზე და თავის ნებას დაგვამორჩილებს"

[marine]

"მავან ბერს სინათლის ანგელოზის სახით სატანა გამოეცხადა და უთხრა: "მე გაბრიელი ვარ, ღვთისგან შენთან მოვლენილი". ბერმა მიუგო: "მისმინე, სხვასთან ხომ არა ხარ მიგზავნილი? რადგან მე ცოდვებში ვცხოვრობ და არა ვარ ღირსი ანგელოზის ხილვის". ამ პასუხით შერცხვენილი დემონი უმალ გაქრა. ამიტომაც ამბობენ წმინდანები - თუ ვინმეს მართლაც გამოეცხადება ანგელოზი, ნუ მიიღებს მას, თავი დაიმდაბლოს და თქვას: "მე, ცოდვაში მცხოვრები, ღირსი არა ვარ ანგელოზის ხილვის"

[marine]

"დაცემულ სულებს ისე სძულთ ადამიანები, რომ ღვთის ხელი რომ არ იჭერდეს მათ, ერთ წუთში გაგვანადგურებდნენ"

/ღირსი მაკარი დიდი/

[marine]

"რასაც ჩვენ ღვთის სადიდებლად არ მივმართავთ, მას სხვა იყენებს - მაცდური. ამიტომაც მოგვცა ღმერთმა მცნება - შევიყვაროთ იგი მთელი სულითა და გულით, რათა ბოროტმა ჩვენში ვერც ადგილი ჰპოვოს და ვერც განსვენება"

/ბერი იოსებ ისიხასტი/

[marine]

"როგორც ბავშვები ნიბავენ ორმოს მიწით, ისევე ნიღბავს ეშმაკი ცოდვას ყოფითი სიამეებით"

/წმინდა მღვდელმთავარი ეგნატე ბრიანჩანინოვი/

[marine]

"ვინც ნიადაგ ღალატობს თავის მეგობრებს, იმას მეგობრები მტრებად უხდებიან და შორდებიან, როგორც მოღალატეს, მათი დაღუპვის მოსურნეს. ასევე, ვინც აღიარებს თავის ცოდვებს, იმას ტოვებენ ეშმაკები, რამეთუ დაცემული ბუნების სიამაყეს ეფუძნებიან და ვერ უძლებენ მხილებას, შერცხვენას"

/წმინდა მღვდელმთავარი ეგნატე ბრიანჩანინოვი/

[marine]

"პირი და ხორხი აგზავნის საკვებს კუჭში, ხოლო ენით ჩადენილი ცოდვები მას აგდებენ ეშმაკის მუცელში და ასე აქცევენ სატანის კერძად"

[marine]

"ეშმაკებს უკან დაუბრუნებლად ღუპავთ არა ის, რომ მათთვის შენდობა არ არსებობს, არამედ თავინათივე მოუნანიებელი ცოდვები და ისიც, კვლავ სიამაყესა და ღვთისთვის საძულველ ცოდვებში რომ რჩებიან"

/ღირსი ნილოს ათონელი, მირონმდინარე/

[marine]

"როგორც დემონები მიიჩნევენ ძალიან მნიშვნელოვნად ადამიანისგან თავის დამალვას, ისე ადამიანისთვის ძალიან მნიშვნელოვანია გაიგოს, რომ ცოდვის თავდაპირველი მქმნელები, ჩვენი ცდუნებების საწყისი ისინი არიან და არა ჩვენი მოყვასი, და არა ჩვენ, - როცა ღვთის მსახურებით ვცხოვრობთ, - არა რაიმე შემთხვევა"

/წმ. ეგნატე ბრიანჩანინოვი/

[marine]

"ერთხელ ერთმა ერისკაცმა ჰკითხა მას [ღირსი სერაფიმე საროველი]: "მამაო, გიხილავთ თქვენ ავი სულები?" ბერმა ღიმილით მიუგო: "ისინი საზარელნი არიან, ვითარცა ანგელოზის ნათელს ვერ იხილავს ცოდვილი, ასევე ეშმაკთა ნახვაა საშინელება".

დედა აკულინა იხსენებდა მამა სერაფიმეს ნაამბობს, თუ როგორ დაესხნენ თავს მას ბოროტი ძალები რამდენჯერმე და როგორ ერკინებოდა მათ; განსაკუთრებით კი ღამის ლოცვის დროს. ერთხელ ხილულად დაუნახავს, რომ მისი სენაკი ოთხკუთხივ ირღვეოდა და ყველა კუთხიდან ველური და გაცოფებული საშინელი მხეცები ღრიალით იჭრებოდნენ შიგ, ხანდახან თავღია კუბო ეცხადებოდა, საიდანაც მიცვალებული დგებოდა.

იმის გამო, რომ ბერის გულს შიში არ ეკარებოდა, სატანამ მასზე უსასტიკესი თავდასხმა მოაწყო - უფლის დაშვებით ჰაერში აიტაცა იგი და მთელი ძალით იატაკზე დაანარცხა. მაგრამ ვერც ამით სძლია მას. მფარველი ანგელოზი რომ არა, ასეთი დავარდნისას ქვაც კი დაიმსხვრეოდა.

მტრის ყოველ ხილვას, ცდუნებასა და თავდასხმას მამა სერაფიმე ჯვრის ძალითა და ლოცვებით იგერიებდა.

"ეშმაკის თავდასხმა - ამბობდა იგი, - ობობას ქსელს ჰგავს, რომელიც სულის შებერვაზე ირღვევა. როგორც კი ჯვრის ძალით დაიცავ თავს, მისი ყოველი მზაკვრობა უმალ განქარდება". უფლის შეწევნით მან დიდხანს დაჰყო მშვიდად თავის უდაბნოში. როდესაც ამა თუ იმ მონასტრის წინამძღვრობას სთავაზობდნენ, გადაჭრით უარს ამბობდა - დიდების ცდუნებას იოლად სძლევდა"

[marine]

"როდესაც ავი სული წმიდა მებრძოლს [ღირს სერაფიმე საროველს] შინაგანი ცდუნებითა და შიშით ვერ სძლევს, მაშინ უკვე გარეგანად ესხმის თავს"