ეშმაკის სახე პარამეტრები

[marine]

"განდევნილ ანგელოზს უკვე აღარასოდეს უჩნდება რაიმე კარგი აზრი, აღარასოდეს უჩნდება კეთილი გრძნობა. იგი მთლიანად, სავსებით, ბოროტებაშია ჩაძირული, ბოროტება სურს, ბოროტებას იგონებს. იწვის რა ბოროტების დაუოკებელი სურვილით, იგი ცდილობს ბოროტებით დაკმაყოფილდეს და ვერ კმაყოფილდება. მთელი ის ბოროტება, რომელიც მან ჩაიდინა და კვლავ აგრძელებს, არასაკმარისად ეჩვენება იმ ბოროტებასთან შედარებით, რომელსაც წარმოიდგენს, რომელსაც მისი ბოროტების აუტანელი წყურვილი ეძებს"

/წმინდა მღვდელმთავარი ეგნატე ბრიანჩანინოვი/

[marine]

"ეშმაკს არაფერი შეუძლია ღვთის მიშვების გარეშე, იგი მუდმივად ღვთის ყოვლადძლიერ მარჯვენას უპყრია და ერთადერთი დანიშნულება აქვს - შოლტისა, რომელიც თავისთავად მოკლებულია დამოუკიდებელი მოქმედების უნარს"

/წმ. ეპისკოპოსი ეგნატე/

[marine]

"იესოს სახელით შეებრძოლე მტერს. ამაზე ძლიერ იარაღს ვერც ზეცაში იპოვი და ვერც მიწაზე... იესო ქრისტეს ხსენებაზე ეშმაკები ახლაც ძრწიან. ძალა მისი სახელისა ჩვენთა ცოდვათა გამო არ დამცრობილა", - გვმოძღვრავს წმინდა გრიგოლ ღვთისმეტყველი. ამბა ილია კი ასეთ ამბავს მოგვითხრობს: ერთ ბერთან, რომელიც საკერპეში ცხოვრობდა, ეშმაკები მივიდნენ და საცხოვრისის დატოვება მოსთხოვეს - ეს ჩვენი ადგილიაო. ბერმა იქიდან წასვლა არ მოისურვა. მაშინ ერთ-ერთმა ეშმაკმა ხელი წაავლო და ძალით გაგდება დაუპირა. გასასვლელს რომ მიუახლოვდნენ, ბერი კარს ჩაებღაუჭა და შეძახა: "იესო, შემეწიე!" ეშმაკები მყისვე გაქრნენ"

[marine]

"ანდრია (ღვთის გულისთვის სულელი) საუფლო გზას რომ დაადგა, ეშმაკნი ისეთი ძალით დაესხნენ თავს, რომ წმინდანს ეგონა, ჩემი აღსასრულის ჟამმა დაჰკრაო და სასოწარკვეთილმა შესძახა: „წმინდაო მოციქულო იოანე შემეწიე მე!“

ამის თქმა იყო და გამოჩნდა მრისხანე სახის მოხუცებული, რომელსაც მზისდარი ნათელი ადგა თავს. მოხუცს თეთრად შემოსილ ადამიანთა დასი ახლდა. „ჩარაზეთ კარი, რომ ვერც ერთმა დემონმა ვერ გააღწიოს აქედან“, - უბრძანა მოხუცმა მხლებლებს. ბრძანება მაშინვე შეასრულეს. „ვაი ჩვენ, რომ ასე მწარედ მოვტყუვდით! - მოისმა ეშმაკის ხმა, - განრისხდა იოანე და მწარე სატანჯველი გველის“. „შეგვიწყალე, შეგვიწყალე!“ - შესძახეს სხვა დემონებმაც.

უეცრად თეთრსამოსიანები გაქრნენ. გაუჩინარდნენ ეშმაკებიც. „ხედავ, რა სწრაფად მოვედი შენს საშველად?! - მიმართა მოხუცმა ანდრიას, - იცოდე, ვზრუნავ შენზე. თვით უფალმა მიბრძანა ცხონების გზაზე გატარო. მტკიცედ იდექი და უდრტვინველად დაითმინე ყველაფერი. შორს აღარ არის ის დრო, როცა სრულ თავისუფლებას მოიპოვებ და სადაც მოისურვებ, იქ წახვალ“.

„უფალო, მითხარი, ვინ ხარ?“ - შეჰღაღადა ანდრიამ. „მე ის ვარ, ვინც მაცხოვრის პატიოსან მკერდს მიეყრდნო“, - უპასუხა მოხუცმა და თვალს მიეფარა."

[marine]

"როცა ეშმაკის არსებობას უარყოფ, ამით უარყოფ მრავალ სახარებისეულ ჭეშმარიტებას"

/წმ. ნიკოლოზ სერბი/

[marine]

"ღმერთი ყოვლისშემძლეა და რამდენადაც მზაკვარი არ უნდა იყოს ეშმაკი, რამდენი არგუმენტიც არ უნდა ჰქონდეს ჩვენს წინააღმდეგ, საღმრთო ძალას ვერ დაამარცხებს, რადგან ადამიანი ქრისტეს მოუხმობს"

/მიტროპოლიტი ათანასე ლიმასოლელი/

[marine]

"ბუნებრივია, რაც უფრო მეტად შორდება ადამიანი ქრისტეს, მით მეტად უახლოვდება ეშმაკს და ყველაფრისგან დაუცველი რჩება"

/მიტროპოლიტი ათანასე ლიმასოლელი/

[marine]

"ახლა ჩვენ ვიბრძვით ან ქრისტეს, ან ეშმაკის მხარეს, ვინ ვისკენაა - ძალათა განლაგება აშკარაა! ოკუპაციის დროს გმირად იქცეოდი, თუკი არ მიესალმებოდი გერმანელს, ახლა კი გმირად იქცევი, თუ ეშმაკს არ მიესალმე"

/ღირსი პაისი ათონელი/

[marine]

"ოკუპაციის დროს ადამიანი ხდებოდა გმირი, თუკი არ ემორჩილებოდა ფაშისტებს. ამჟამად გმირი ხდები, თუკი არ ემორჩილები ეშმას.

ასეა თუ ისე, ჩვენ გველის საშინელი მოვლენების ნახვა. მოხდება სულიერი ბრძოლები. წმინდანები უფრო მეტად გაბრწყინდებიან, უწმინდურები კი უფრო მეტად შეიბღალებიან. მე ვგრძნობ ნუგეშს. ჩვენ გველის ჭექა-ქუხილი და ჩვენს ბრძოლას აქვს ფასი, რადგან ამჟამად ჩვენი მტერი - ალი-ფაშა, ჰიტლერი და მუსოლინი კი არაა, არამედ ეშმა. ამიტომ ჩვენი ჯილდოც იქნება ზეციური"

/ღირსი პაისი ათონელი/

[marine]

"თუკი ადამიანი ლოცვითა და სინანულით არ გაარღვევს ბოროტის ხლართებს, გარკვეული პერიოდის შემდეგ ის ბოროტების იარაღად იქცევა"

[marine]

"ბოროტი სული - ცრუ, სულიერი მძარცველი - უპირველეს ყოვლისა, ცდილობს წონასწორობიდან გამოიყვანოს ადამიანი, "აღაშფოთოს" იგი, "დააზიანოს", კალაპოტიდან ამოაგდოს"

/სან-ფრანცისკოს მთავარეპისკოპოსი იოანე (შახოვსკოი)/

[marine]

"ეშმაკიც სულს იმდენად არ აავებს, რამდენადაც სურს, არამედ იმ ზომამდე, რა ზომამდეც ღვთისაგან არის დაშვებული"

/ღირსი მაკარი დიდი/

[marine]

"თავი შეიკავე ყოველგვარი ზედმეტობისაგან, როცა სხეულის მოთხოვნილებებს იკმაყოფილებ და მაშინ შეძლებ ეშმაკის ხრიკების დანახვას"

/ღირსი მარკოზ მოსაგრე/

[marine]

"უხილავი მტრები და მპარავები არ თვლემენ!"

/წმინდა მღვდელმთავარი ეგნატე ბრიანჩანინოვი/

[marine]

"ბოროტად მზაკვარი მტერი სასტიკად მესხმის თავს; მოვედ ჩემს შეწევნად, უფალო მძლეველთაო! მიმძლავრებული ვარ მტრისაგან, მერევა იგი - შემეწიე მე, ძლეულს! რისთვის ეფლობი, სულო ჩემო, სატანის ნადავლო, საძაგელ საქმეთა სიმრავლეში?! გოდებით შეჰღაღადე უფალს, რათა შესმენილ იქნას შენი ლოცვა-ვედრება!"

/წმ. ეფრემ ასური/

[marine]

"როგორც ერთი მცნების დარღვევა არის ამასთანავე ღვთის მთელი რჯულის, ანუ ღვთის ნების დარღვევა, ისე ეშაკის ერთი რჩევის შესრულება არის ამასთანავე, საერთოდ, ეშმაკის ნების შესრულება. მოსაგრე, რომელიც ეშმაკის ნებას ასრულებს, თავისუფლებას კარგავს და ექვემდებარება დაცემული სულის ძალმომრეობით გავლენას იმ ზომით, რა ზომითაც შეასრულა ეშმაკის ნება. მომაკვდინებელი ცოდვა გადაჭრით უმონებს ადამიანს ეშმაკს და გადაჭრით არღვევს ადამიანის ღმერთთან ურთიერთობას, სანამ ადამიანი თავს სინანულით არ განიკურნავს"

/წმინდა მღვდელმთავარი ეგნატე ბრიანჩანინოვი/

[marine]

"სულის მწუხარებით ვიღვაწოთ, ღვთისაკენ სწრაფვა მოვიხვეჭოთ და იგი დემონების ხელებიდან წარგვიტაცებს, როცა დემონები, რომლებიც უნდა შეგვხვდნენ, ჩვენს გატაცებას დააპირებენ"

/აბბა ესაია/

[marine]

"ეშმაკს ხომ მხოლოდ ერთი რამ ადარდებს: რომ როგორმე ბოროტება გაგვიკეთოს. ადამიანმა სასო არასოდეს არ უნდ წარიკვეთოს, მთავარია მას სინანული ჰქონდეს. რადგან მისი ცოდვები ეშმაკის ცოდვებზე გაცილებით მცირეა, გარდა ამისა, მას შემამსუბუქებელი გარემოებაც გააჩნია. ის ხომ მიწისგანაა შექმნილი, უყურადღებობის გამო ფეხი აუცდა და ტალახით დაისვარა, იმისთვის, რომ სულიერი ბრძოლა სწორად წარიმართოს, ჩვენი სულიერი მანქანის ბორბალი ეშმაკის საწინააღმდეგო მიმართულებით უნდა მოვაბრუნოთ. ჩაგვაგონებს, რომ რაღაცას წარმოვადგენთ? - საკუთარი თავის ყვედრება უნდა დავიწყოთ. ჩაგვაგონებს, რომ არაფერს წარმოვადგენთ? - უნდა ვუთხრათ, რომ უფალი შეგვიწყალებს. თუ ადამიანი ასე იქცევა - უბრალოებით, ღმერთისადმი რწმენით და სასოებით, მაშინ მის ცხოვრებაში შემოდის სინანული, სიმდაბლე, რასაც ის სულიერ სიმაღლეზე აჰყავს"

/ღირსი პაისი ათონელი/

[marine]

"შენ ვერ ხედავ, შენ მიერ აღვლენილი ყოველი ლოცვისას რამდენი ეშმაკი ეცემა, რამდენი გაქცევს ზურგს.

მხოლოდ იმას ხედავ, რამდენად ზიანდები მათგან.

მაგრამ ისინიც იგვემებიან. და ისინიც იტანჯებიან. როდესაც ჩვენ დავითმენთ, ისინი ხტომა-ხტომით გარბიან და ყოველი ლოცვისას მძიმედ მოიწყვლებიან.

და ნუ ელი ომის დროს, როცა შენ ისრებსა და ტყვიებს უშენ მტერს, რომ ისინი მარმელადსა და შოკოლადს გესვრიან"

/ბერი იოსებ ისიქასტი/

[marine]

"ღვთის ნების გარეშე, ნამცეცის გადაგდებაც არ შეუძლია დემონს"

/ღირსი გაბრიელი, აღმსარებელი და სალოსი/